أنا يابوي من ونيت مالوم
نزل مني دمع يعمي النواظر
خدودي تعودت تتندى كل يوم
وتحب الماي خشبات الگناطر
لمت الروح بس شفادني اللوم؟
شلحگ؟ وبسفينة الموت عابر

حسيت بفراغك كابرت نِفسين
ثالث نفس طب بصدري ما يندل
طين الله يبس وتبدى وجهي تراب
انا ادري اليفارگ وجهه بس يذبل
شني بظهرك گبر لو نفسي ضلت بيك؟
وي ما درت وجهك جسمي ضل ينحل
شما تبعد خطوتك دربي يلبس ليل
انا الفارگتك شيمهه الشمس تزعل
من خصرك سوالف حضني ليش تطيح
مو انت الگلت حضنك ولا ينمل؟
مشيت بدرب بس العاجر تطب بي
يالتمنيتك امنية الما تحبل

شما رحت مني انتَ بيه
روحك وروحي وراها
الغصن شايل وردته
وهيه ناطيته گفاها
روحي قنينة عُطر
متروسة منك محتواها .

لا تسأل على الحال خليها سكته
تسأل على المكتول والكاتل انتَ ؟

الما يشبهونچ شاگلهم؟ هي حيره
كل بعيد بعيني يصغر
وأنتي بعيوني چبيره

گتلك عوف ناسك
انا اغار عليك
وبديت تعوف
بس منين؟
من عندي !

وچانَت الچذبة الوحيدة
من ينشدوّني
اگللهم ما يهِمني
چنت گوة مغَطي حِزني..

انه الچَان يدري عيُونچ تضَيْعَه وعِشَگها

صوتك جاي يمنعني احاول بس اريد اغفى مارحت رغم متت واحسك يمي بالغرفة طفيت انته وطفيت اني وصوتك بأذني مايطفه حيل تغيرت بعدك اباوع وجهي ماعرفة وگبل لا رحت گلتلي تصفه
وانه ادري ماتصفه وعينك عيني ماتغفى

هدوء وليل يشبه الگبور والف راسي واحس بفراشي منحور عقلي يگلي يمتى تشوف وتگوم وگلبي يگله خلي ينام مكسور حَرب نفسية عايش وانفصامات حزن من الله احس بأعظامي محفور بس أمي البقتلي وراحت الناس اذا ما اختلط بالناس معذور ما كاتل ولاكن هيچي ضليت محد سئل عني ودمي مهدور اني تحملت اشكال الوان حزن من الله باعظامي احسه محفور ..

أنت لو تدري بوجع روحي شثگيل چا گلتلي الله يعينك ماتلوم تدري يومية ؟ من الف راسي وانام لمن اكعد ساعة 2:02 يلا اگدر اگوم
انت حقك ماضگت ضيم شباب تبقى للخمسة العصر گاضيها نوم أنت امك تضحك لنجم البعيد وأمي من التعب ما ضامنها يوم .

أنت من القهر مابيك حتى تنام وهلك عبالهم مرتاح چي تسهر لا تگدر تكمل عيشتك تعبان وتگول انتحر
بس صعبه ماتگدر موزين وعشت ؟ كلش زين
حايط بيتكم مو مثلك مفطر يلتمن على عيونك رعب بالليل كل دنيا تلتم وأنت تتطشر وبگد ما اكو براسك ونين وصوت تحس البيت كله براسك تفجر السواد الجوة عينك هذا اجاك منين ؟ لا تسألني بس جان ابيض الدفتر ..

بالله الينكسر من غربه لأهلة يروح
زين الينكسر من اهلة هذا شلون....؟!
وليليه مـن انـام براسي صوت يصيـر
مثل صـوت الفواتح وادم يصرخون
حتى أحلامـي ماتشبه احـلام الناس
رعـب؛خـوف؛وكتـل؛والنـاس ينتـحرون لهاي الـمرحلة وصـلوني شأكثـر عـود؟! اذا انـي اهلي هيج الغـربه شيـسون؟!ولأن ماعنـدي واحـد اشكي واحجي ويا!
اجيب اقلامـي وارسم نـاس عدها عيـون تخيل واصل ارسم نـاس ع الحيـطان حتى احجيلهم كـل عقـلي يفتهمون ومو قصه خصوصيه من أسد البـاب حتى مـن احترك بلغرفة مايدرون ورغـم ماهان كلشـي وحـزني جـاي يزيد بـس ماعندي غير الله كـريـم تهـون .