يمته انعاف ..؟
ويعثرون
ولگه بروحي فد حوبه.. ؟
يمته
براحه انام الليل
وأگولن للسهر توبه..
شجاني بكل صور الوداع
احط الروح چرچوبه
شجاني شما جفوني اشتاگ
وحن للما يحن نوبـه

مِيز جرَح عَن جَرح بيهِن يطيَب بدِوه
وبيهِن يطيَب بجَرح وبيهِن يطيَب بزعِل
وبيهِن يطيَب بصِلح
وجرحِي عرَفت علتِه جرحِي دوَاه المِلح
جرحِي الگبل يسَتحي شو هسِه صايَر وكِح
بي حَالة مِن الغِجر
الليَل يگضي سَهر وينِام وكِت الصبَح.

اسولف باسم غيرك واسمك المقصود
اليعوفك تستحي من تجيب طاريه
مو بس عاشكك متعود امشي وياك
ويكتل هجر اليحاجيك يوميه
من كطعت اخبارك واني والدخان 
انقلاب على الهوى سوينه بالريه
لعبت بخلقة الله من كطعت وياي
حلو وجهي وعفت شحه بمعانيه
الباكك مو سبع انتَ الردت تنباك
والواسوني احس اتشمتو بيا
كطعو نومتي الحلوه بخبر مو زين
اهلي نباكو وربعي الحراميه
لا وكفت الدنيا ومامشت شبرين
وماحب كبل كلمن كال مكضيه
ولله ونكتة ايدك من چنت تحتاض
بده يعبرني حتى البيده عوچيه

المايندل خيالي بروحي ماخلي
ومايرهم عليّ لو نفس جيتة
التعداني بحلم يلگاني عابر ليل
الفجر گبل الشمس بعيوني وشلتة
المايشتاگلي ينترس حضنة فراگ
على الملگة من اسولف ماذكرتة
بيها وداع روحي يكفي كل الناس
وخسرها الچان ظنة الروح خاسرتة

بكل ضياع الروح أريدك
آنا كل دروبي أحسها خطوط إيدك .

رحت مني وفراغك ماگدرت أملي
صوره بلا مَلامح وجهِي خليته ..

التمن براسي أنعم الله اعَله الصهيل
شوگ مَلگه فراگ دمعَات وسهر
حافي يمشي السيف بچروحِي وبُقيت
لا رحت مني ولا راح الأثر

يكلك شيفيد الكعك من يبرد الجاي

مَره گتلك ياحَبيبي شگد تَحبني؟
وگتلي بَاوع للسَمه
وباوعَت ضَلمه!
وگلت يَلا يجوز يَقصد عَالمَسافه،
ومادريتَك تَقصد بگد النَجوم!!
بليَله چانت كَلها غَيمه وماكو نَجمه.

مر بداخلي وحرك الشعور المات
ومن ضيم العراق وناسه طلعيني
الي واهس اسافر لأي شبر بي طيب
عيون امي وحنانچ واكف بعيني

بس اسمك نهر والماي مگطوع
واني على الجرف الهث بالعيون
اون بسكوت موش بصوت مسموع
وانا جروحي علج والوادم سنون
من عرگه الفرح من روحي مشلوع
شتل حزنه الزمان بنص العيون

خلصنه عمرنه بالمحطات
سفر وبيوتنه سطوح الفراگين
وين اهلي عليَّ ما دگوا الباب
تره صحتي عليلة وگلبي مو زين
تمنينه نموت بغير تعذيب
وعلى المذبح يطغنه صارله سنين
فض الازدحام وقلت الناس
وما گدامنه بس واحد، اثنين
يوصلنه السرة ويتأجل الموت
ويم ارگابنه وتعمى السجاجين