انا الذي كُنت مِن الحُب ساخراً
فمالي أراني في غرامكِ واقعاً.

مشتاقتلكم

اني مِن گلبي بعدتك
مو لان ناسيك لو قل العشگ
گلبي بيتك وانت عايش دوم بي
من بعدتك مو لان حتى افترگ
احترگ گلبي ، زين ما چنت انت بي
لان لو بي چنت لازم تحترگ

خلهن مو وكتهن خاطر احچيهن
يجيني الليل واگعد وانفرد بيهن
وافكن بابهن فكت اجناح الطير
واراويك الجروح الما مراويهن

فقدت السَيطرة
و گوه جَاي اصبُر
آول مَره احس بنفسي ضگت المُر
صفِنت لنفسي
هَذا التعب يخلص وين؟
شوكت اتعب و احَس هَذا التعب مُثمر؟

لو كايلي بويه شبيك مامرتاح

چا ماسولفت مالاتي ع الغربه

هَذا اخـر زعل واخـر خطيه
وماتسمع بعد حقك عليه
تغلط تعتذر متريد ضل هيـچ
كافي تعيش دور كاتل والضحية
اني سنيني ضاعن مادرت بال
جاي تلومني مضيع هديـه؟

هواي بيه عتب عن كلشي سويته
داريت و تحملت و حبيت حد ما متت
بس بالنهاية شفت داريت واحد صدك
للأسف داريته .

اضم بعيوني خاف تبين دموع
‏چبير وزحمه إذا شافوني مخذول
‏هنا تحير تبقى تدور اعذار
‏إذا سألوك تسكت مدري شتگول
ما مهتم‏تبين كلشي مابيك
‏وانتَ بداخلك انسان مكتول⁩

لا راضيتني ولا يرضه گلبي يخون
وأنه مثل الزرع ضليت نص طالع ونص مدفون
عليك يسهرن ويبجن ومنتضرات ماطلعن هذن عيون

هسه تريد تنسانه ؟
اكثر من هوه الله جنت تهوانه
طفل بأحضان والدتة ، احلى ايامك ويانه
جنت افگد الرمش الطاح من عينك
شلون اليفگد اخوانه

يمته انعاف ..؟
ويعثرون
ولگه بروحي فد حوبه.. ؟
يمته
براحه انام الليل
وأگولن للسهر توبه..
شجاني بكل صور الوداع
احط الروح چرچوبه
شجاني شما جفوني اشتاگ
وحن للما يحن نوبـه

مِيز جرَح عَن جَرح بيهِن يطيَب بدِوه
وبيهِن يطيَب بجَرح وبيهِن يطيَب بزعِل
وبيهِن يطيَب بصِلح
وجرحِي عرَفت علتِه جرحِي دوَاه المِلح
جرحِي الگبل يسَتحي شو هسِه صايَر وكِح
بي حَالة مِن الغِجر
الليَل يگضي سَهر وينِام وكِت الصبَح.