شفتك ماتحّن سديت باب الشوگ ..

حرگة گلبك بس كافيه شيفيد الحچي بعد

بيه واهس كافر بس ربك هداني

هواي اثار ظلن بس ألم لا
المخطط يسموني الكثرهن
عندي جروح من التفت تلتاف
لأن واحد بواحد گمت أشدهن

من شفت الحلم
ينوخذ مو عاللون
بعد بطلت اضم احلام وردية

مو گتلك يتعبوك يا گلبي
تجي ساعة يخلوك يا گلبي تتوسل بأيديهم .. تتوسل ضلينا نعاني وهُمَ بحضن ثاني وانتَ تگلي تاني .. أي شَتاني الراحوا مايرجعون يا گلبي!

حضنَك مو حَنيّن
بوَجهي خله أثارّ
السَفينة تخلي اثر مِن تحضن الساحل
ارجعت منَك
منكسر ، منطوي ، وتعبان
مِثل صورة حَبيبه بمحفوظة عامل .

فارّگني بَس بأدب
لا تحچي يَمهم عَليّ وتحَرف الواقع ! مِن التقينا ترة
مِن حُضن أمي إلَك ماجيت مِن شارع .

ماحبك واذا سألوك
بعده يموت بيك فلان هز راسك و گلهم چان

المكان البي تشاوفنه وضحكنه هواي أمس مريتله لوحدي
وردت للبيت اجيبه وياي متريد جدمي بعد يوصل لبيبانك ؟ والله ماريد اجي وكون افقد الذاكرة
حتى انسى عنوانك گد ما عليك اسألت يوميه اعرف كمت اخبار صحبانك ويضحكلي جان الهوى من جنه نتحاجه
هسه اكعد انه وهلي ونطلع بصورتك ونگوم نتباچه

اذا روحك بدوني تعيش باستقرار ؟
اقبل عالبدوني بشرط ينفعها ..

على هاي الملامح والوجه والضيم
بعد دود المگابر ما يگلبني !

بعيوني أريدك تجي لو بس حلم عابر
انطيني نسمه هوى وبراحتك سافر
من دونك أني ترا متلعثم وحاير
لو گلبي لو خاطري ماأعرف شكاسر..

ياهي تريد؟ من يا سالفة أبديلك؟
ذِكرتَك والاغاني تريدني ابچيلك

تدرون التعب منتچي على ضلوعي
تدرون انا مامفتهم موضوعي
تدرون انا بيش مخلص اسبوعي
عسى وياريت لاتدرون ساعات امسح
صوركم وساعات امسح دموعي

ثلثين العمر ضيعته وياك
وشلي باخر ثلث من راح اضيعك
عجب نزلت روحي الجانت شراع
وانه الما نزلت فد يوم دمعك
وما ودعتك انه بيوم المشيت
رفعت ايدي بتعب كل قصدي ارجعك اريد امي تعال ورجفة الايد
من كد ما قوت ضنوني اودعك