تجي تاخِذ صُورَك لو أعلگهن
انا مَا عِندي چَف بي خير ويشگهن .

تزاعلنة
وجان أول زعل بُعمري
حـِرت وين إنطي وجهـي
ٱغمضِ عُـيوني اتخيلة افتحهن يكَابلني !

اسولف لك عن برد الشتا
ولا اسولف للشتا عن برودك ؟

الجگاره التنشرب كدام وجهج
تدخل التاريخ محترگه بفخر !

يا ميت يريد يعيش
خل يكعد واموت انه

شكثر أسهام كلهن فد وكت هدن
سهم وداع سهم اوجاع
وسهم ذاك العزيز الصار جوه الگاع
وسهم عمري وشبابي الضاع

صدك بطران من يتمرگص الفنجان
مايدري الجمر شمسوي بالدله

المتعود اعله التعب يستغرب الراحه

حبيبي بكثر ما لاعب بشعرك
من گذلتك ضل باصابيعي سواد

الخراب البينك وبيني طبيعي يصير
چا هو النقلّك لابس عمامة ؟

ماريد حتى الهوى يشاركني بزلوفج
و اوگف بعين الضوه لو فكر يشوفج

مشكلتي عفتني بنص لچمتين
لا اريدك ولا متعود انساك !

مو مالت وداع ستونة متلاگين
بعدها عيونا من المستحة مدنكة
بعدها تشوفنا عيون الشمس ظلّين
مالحگنا نكسر عينها بشبگة

مدفون وانتَ عدل يا موت منه تخاف ؟

شحچيلك على البيه
چن جوه الجثث
خاتل ويمي اعداي
والجثث حرگوهن عليه
گوه تشاهدت ووصلت لرجلي النار
من دم الجثث طفيت رجليّه !

حبيبي انه ادري بيك بغيري مهموم
وادري بگلبك اصبح مو اليه
لكن مو بديه الروح تهواك
وتفرح من تجي وتصير يمي
وازيل هموم عمري بشوفتك يوم
وانه المحد صفالي وزال همّي

عافتني حقها مالگت حل عندي
ماجنت اليناسب حلمها الوردي
جانت تحبني وحاولت تبقى وياي
بس الظرف اجبرها توكف ضدي
مو مشكلتها ايامي كلهن صعبات
يوميه تسمع هَمي وبحيره تبات
عالحلوه والمُره اتفقنا نضل دوم
بس الصدك ؟ ياحلوه كلهن مُرات