بعد لتودي طيفك ليلي مابي شِوك
اجاني وباب چفني بوجهه سديته
اني من الورد ضليت اضم الشوف
لأن كلش يشبهك ما شتميتة
بخيم صدري الزعل عطش هواي حروف
حچيت وماي وجهك ماندليتة !
الك جنت التفت وادري انتَ ماموجود
اذا ابالك حرف من أسمي عديته
بعد ما التفت لو سمه بظهري طيح
حسبالك گبل ؟ لا گلبي چويتة ..

لَو كُنتُ أَعلَمُ أَنَّ الحُبَّ يَقتُلُني
أَعدَدتُ لي قَبلَ أَن أَلقاكِ أَكفانا

ورأيت حُلما ياعُمري أني التقيك
أيا ليت احلام المنامِ يقيــنُ
ولو كنتُ اعلمُ ان الحُلم يجمعُنا
لأغمضت طولَ الدَهر أجفاني

ولك بطل تجيس الـروح
يرخَص سعره كل مَجيوس.

وعَلى غيّرك چِذب ماترهُم الروُح
ومنو غَيرك يسَد حاجة نضَرنا
يـَ أبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا

من گتلي احبك تعرف شسويت ؟
لو اشرح الحالة سنين اضل اشرح
تحبني شعلمك ؟ ما خفت مرتديت ؟
مافكرت مرة تشوف حل اصلح
تاه من شوكت جفنك بدرب الليل
ومن يمتى عليك الصبح ما صبح
دمعتين مسحت وتسبني طول اليوم
ومن عيني عليك دمايه كمت امسح ..

منك للأسف من بعد هذا الصار
سِمعت كلمات ما متوقع اسمعها!
انه المالي داعي شلون صارت هاي؟
احچيها على روحك شوف تقنعها؟
انه الما اهمك هيچ صرت اليوم
وانه بكل امورك چنت مرجعها

نَسمة بعاصفة لو رحت هم الگاك
ضل باليل ماكو و ميّزت ضِلك
و اندلك واجيك واگدر اوصلك
ادورك ما املّ و الگاك واندلك
ولو حبة رمل عنوانك بصحراء
اشمن ريحتك بالگاع واوصلك

يمر اسمك وأحس حرورتك بالراس
وأذب روحي بنهر يومين ما أبرد

الما يندل خيالي بروحي ما أخلي
وما يرهم علية لو نفس جيته
التعداني بحلم يلگاني عابر ليل
الفجر گبل الشمس بعيوني وشلته
الما يشتاگلي ينترس حضنه فراگ
على الملگه من اسولف ما اذكرته
بيها وداع روحي يكفي كل الناس
وخسرها الچان ظنـه الروح خاسرته

يعجبني ذوقك مثل ذوق البلم
متعافي ياخذ راحته بأي نهر ..

العَلي سألُوك
هَم سألونِي و احتَاريت
سَويتَك نبِي و گلت انجبُر حَكه
وانَاشُغ و البَچي يوصَل لسابع ليَل
وفَشلتِي بدمعَه تبدِي و تنتهِي بصفگه .

يرادلكُم گلب مامر عليه ضيم .