هَاي الليلة مُو تعبَان متشَضي
هَاي الليلة إذَا مَاتگضِي أنَا أكضِي .

صار عندي خوفة وعدم شعوري بالأمان حتى لو چنت بوسط اهلي لوچنت بغرفتي أحس اكو شي سيء منتظرني بس ماعرفت هذا شنو سَبب هلخوفة هي مو ضعف اكيد ما احس بألامان وين مارحت .

ماكو شي يبقى على طبيعته
الفاعل راح يندم على افعاله
والجرح راح يتراجع عن تصرفاته
والاجتماعي راح ينطوي على ذاته
والمتكلم راح يصير هادئ
وصديق راح يتغير

والحبيب يجي يوم ويصير غريب
وكل انسان عنده تغيراته
تكون غريبة عليه مايدري منين
اجت وشلون صارت

ما مفتهم روحي وما اعرف وين
عشت بسمار بفطور الحياطين
لا أحد فگدني ولا شفت ناس
عيشوني بظلام بصور ميتين
عموها عيوني وفدوه ما گلت ليش
مثل ما تعمى ذنيج السجاجين
النهار يمر عليهم واني فانوس
الساعه تمر عليه تعادل سنين
تعبت وروحي چزعت من العتاب
كل ما اريد اسولف تغرك العين
أنا بيه سوالف تشتهي الموت
ويگلي الموت لا مو هسه بعدين
يسألوني واكلهم عايش بخير
أنا چذاب عشت العمر مو زين
هاي الناس تضحك واني مهموم
عشت حر بس شلت ضيم الماسجين
بعدني بعز شبابي وبين الشيب
بعدني صغير مو مالت حزن دوم
ما شابع لعب ويا الجوارين
يا روحي اصبري سنين وتهون
واذا ما هانت اگطعها الشرايين

رجَعت من الصفر خالي
وحرت من يا وجع أبدي
ميّت من رجعت
وماكو أثر اوادم يشيعوني
" متت وَحدي "
مو تدري أنتَ آخر طلقَة
يكتل روحَه اذا يتحاصر الجندي
وَكت خلّه الدموع يُمرّن بخَدي
بَعدهي جروحي ماطابت
وانتَ بملحك تبدّي
انا مو صورة ، ألبوم عندي ويهّ الناس
بس وياك ماعندي
ذكروك وگلت ميهمني راح وراح
وكُلها انصدمَت بردي
وانا كَم خطوَة من أمشيت
نَهر وبعيني متبدّي
يذكروك و أگول لروحي بس أهدي
عفتهم ورجَعت گالولي شو كبران
" والگالوها بگدي ".

شمَا امشي بطريِق الگا مسدود
ومَثل كل يومَ ارد للبيت مخذول .

يا سهر ذيج الليالي شكد حزينه
ابيش اذكرك و احنه اصلاً ما بدينه يا دمع ذيج الرسايل و الحجي المكتوب بيه

هذا السواد الجَوه عيني الشايله
مو من سهر من الحجي الماگايله.

مبيه حيل أخذ نِفس ماعَندي واهس للحجي من بره تلگون أبتسم ومِن جوه أطك من ألبچي
مابيهَ أكمل هالدرُب
تعبَان خلوني أنَتچي

ماريد شي غير انام طبيعي مثل اي بشر وتوكف اصوات عقلي ومافكر ابد واتمنى بس اكدر اوكف تفكير تعبت من التفكير هيج اجزاء يهلك ياكل من الداخل اريد اوكف تفكير وانام اكثر من يوم صرت اهلوس

احس متغير اني ومالي خلك الناس واحس تعبان كلبي من الوقت مقهور مثل غيمة حزن تمطر على كبريت وانا بنار عايش والدموع تفو