بعدين فهمت السكتة موضوع
وسكوتك ع الرسايل هم رسالة

ما ينكتب هذا الشِعور اليذبح
من تكتشف هذا الطريق المو صح
والرجعة صَعبة وما تكمل تگدر
واليوگف بنص الدَرب يتدمر
ومن ترجع ومَكسور لمن تِرجع
ومن تذكر السَويته روحك تطلع
والغلط مِنك والمسامح منك
وكلماتك التكتبهن يهدنك
وما تبچي يم احد ومحد عندك
بكل المواقف أنتَ باچي لوَحدك

فُقدت السيطرَة وبالگوة جاي أصبُر
وأول مَرة أحِس بنفسِي ضگت المُر
صُفنت لنَفسي
هذا التَعب يخلص ويّن ؟
شوكِت أتعَب وأحس هذا التَعب مثمُر!
" الوجَع هدنِي "
الجسِم من كُل مَكان يصيّح
خلصت طاقتي وتَعبان ماأنكُر
يوميّه بحَياتي أنصدِم بالأحداث
انهدَم حيلي وبَعد مابيّه حيل أحزِر
مَاچنت أدري .. الظرُوف تغيّر الإنسان
مَصدوم شگثر يا آني مِتغيّر

تغيـرت
لو أمنت ماتنسي عندي
تذكرني من تَختنك لو شدة وتعدي
مو گد فرگتك چنت
اتذكرك والدِمع يلزم سره بخدي
والليل أحسه وجع من عندك ويبدي
بكُلشي اتفقنا سوه ليش احترك وحدي ؟

لحَد آخر نفس مستمَر ما اگطع
إذا انضرب طلقهَ براسي وانزف حيل
يطلعَ دمي بس الشعر ما يطلعَ .

راح أصبر بدونك وأرهم بلياك وأذبح رمش عيني الجان يبجيلك وأتحمل عذابك والبعد والشّوك وما حط صورتك كدّامي وأشكيلك ما أكلّك نسيتك بس جرح بالرّوح يكسر واهسي وما يقبل أمشيلك عيني الشّالتك كلتلها أشيلج راح كالت شيلني وما قبلت تشيلك وجرحي ألفاك صدره وما يريد خيّاط واكف جنُّه واحد جاي يدعيلك بس مجبور أدفنك يا عشك يا شوك بعيوني الحزن يقرونه اليواسون والفوك الحزن لو تدري شاحجيلك شمّات الأجو وأسوني ثالث يوم حيل ويّاك كالو مدري شدّ حيلك

ولك بس انته ردت يومه گبل يومي .

بَعد ما گال اني السبب بجروحة
شفت روحي حَمامة بعشهـا مذبوحة
و إذا ع النَدم تحچي شلون بين هيچ
طلع و بگاع صَبخة شلون الـ ملوحة
انا بنُص الحَرب چيّ مِنطي كَلمة وياك
نمت ويَ الجثث بعيون مَفتوحة !
نمت ويَ الجثث ما خفت و إهتزيت
خفت منّ گتلي كلمن يلتهي بروحة
انهَ الـ يسألني شلونك ، أگُلـة بخير
و آنه دموع عيني هستوها ممسوحة
انه چيّ ما عشت دور الطفولة و حَاب
عشت من بيتنا لحد بيته مَرجوحة .

هاملنِي گوة تِرد وَأكتِبلك بهِمة
ومرسالك الـ بالشهر يوصلني نجي آنة ودمعتي سوة ، نقراه ونشمه
خَاب آنة المخلص العمر
يهواك وتذمه
لو مهتم إعلى الشعر
گد إهتمامي إلك
چا هسة عَ القمة

والي تعرفه كبل
لاهسه كلشي اختلف تلگى شخص ثاني
شفتك اكبالي اكعدت ولساني اجه يعتذر
درت الجكاره عكس واني ادري بيها عكس
ردت اجوي بلساني.

حاچيني
يمكن ماكو باجر
يمكن اموت واعوف لك
بس الصور والرسايل .

ألِم بروحِي
أحاوِل ما اضَل مكسور
و اعرُف صَعبة لَم الجام المكَسر
أمشي و ألتفِت .
مَطلوب دَم و دِين
انا اتمنى استقِر بَس كون غِير أگدَر

بعَتب عِراقي يگول:
"أنتَ كاسر خَاطري لخَاطر منو؟"