وين الصبح ما بينت
من علمك هذا الصد ؟

انا البارحة اتذكر نمت جِثة ..
هلگد ما عشت كِلشيء
قليل اشياء اجربها !
وحَتىٰ اتهرب وما اباوع لوجهي
غُرفتي الضوة تمُر أيام ميطبها
و أنا تعبان
مِن اگعد بلمة ناس مرتاحين
أخربها ..

عود اذكريني اذا مر الوكت
و عادي ما انسى ، إذا تنسيني
يلا روحي و خل ارد باقيلي حيل
ع الوداع هواي لتوگفيني
" هيچ تالي وداعنا يصير ببرود
ما احضنچ و انتِ متحضنيني؟ "

الفرصه الثانية بسلاحك يكتلوك
ومن نفس الصحن مرتين تسمم
ها گلبي شكلت؟
رد علي شب النار
ولم صورهم وماضيهم وجيم
وكف يضحك صدگ مو ضحكج الخسران
بحيث شما توج النار يتبسم