وبجتف مخلوع وانت طارحتني
امس وايدك بسدية طارحتني
ياريت امي بشهرها طارحتني
ولا اعيش واشوفك خنت بيه

مِن شفتك تجي بلا واهس
اضطريت أضم كل السوالف
وأقفل شفافي

ألم صبري
وأشوفنك حلم غركان بطيوفه

صبري وعازتي وجروحي والشوغات
وضميري وعزتي وهمومي خَلني
أتحدى البرد بالچله افوج الماي
إذا احس الجسر من اعبر يذلني

‏بعد گلبي اشتعل بلكت يشوفوك
‏ينشاف الهوى من يصير دخان
‏صرت للماله اي موضوع عنوان
‏الجان يحبني لا يمكن ولا جان

حاله حال دموعي چان بعيني
وحالي حال الناس يحسبني ورضيت
عالأقل يحسبني ما ناسيني
عود ردت ضهورنا بنفس الصليب
ليش عيسى بدينه و اني بديني
هسه بلا الگلبه ما ينطيه رچيچ
انا گلبي وعقلي ما ينطيني

ليش ماكلت من الاول اتبعد ونساني

ليش ماكلت من الاول لا تدك بيباني

وليش من بعد الحنين
وقصة كتبتها السنين

جاية وتكوليلي انسة بحياتي شخص
ثاني أي ليش ماكلتي من الاول

وين الصبح ما بينت
من علمك هذا الصد ؟

انا البارحة اتذكر نمت جِثة ..
هلگد ما عشت كِلشيء
قليل اشياء اجربها !
وحَتىٰ اتهرب وما اباوع لوجهي
غُرفتي الضوة تمُر أيام ميطبها
و أنا تعبان
مِن اگعد بلمة ناس مرتاحين
أخربها ..

عود اذكريني اذا مر الوكت
و عادي ما انسى ، إذا تنسيني
يلا روحي و خل ارد باقيلي حيل
ع الوداع هواي لتوگفيني
" هيچ تالي وداعنا يصير ببرود
ما احضنچ و انتِ متحضنيني؟ "