ما تگدر تجازف تنطي مرسال
ثاري جفوفي طلعت مو قويه
بس خلينه هيچي نشوف ونعوف
احبك من بعيد وهايهيه

ما مَجروح بَس ندمان
عُمر خَلصته ويّه عميان .

تريـد تعَوفني وتِودع بساع
چا غَير اشيل الگاع وارگعها بالـ گاع .

لا تحلَف وتعتِذر حِلفانَك يشلَك
وينَك وين الصَدك تندَلة يندَلك .

الفشلة من تطفى الجكارة
وبعدة كلبك محترك
من تشوف الهوى يدفعك
وانت بعدك مختنك

وحقي من انعزل
وأبتعد عن الناس
انه قاومت وحدي بكل ضرف عشته
لو يرجع العافك معتذر شيفيد.؟
ألشعور يموت لمن ما يجي بوكته

لو غركان وانته اخر
نفس صدكني ماشمك

تعبت وروحِي جزعت من العِتاب
كل مَاريد أسولف تغرگ العيَن
أنه بيَة سوالف تشتهِي
الموت ويگلي الموت
لا مَو هسه بَعدين ،

لو اريد غيرك تره الوادم هواي
بس گلبي ما يفز بس الك

شيلي الجكارة من حلكي ياريش العين
وحطي الي بدالها شفتج ولا تشيلين هم
صحيح كله ذنب ، بس فرق الاثنين
جكارتي تذبح ، و شفايفج تداوي

اول مره تلچمني واضل كاعد واول مره احس بروحـي احبك من طرف واحد

مشكلة من دنية توگف والعمر يركض ركض

مشكلة من تريد تنسى وذكرياتك تنتفض
مشكلة من يصير يومك ماله داعي والحزن حاير بهَمك
مشكلة من تريد تضحك والدمع مرتاحَ يمك
مشكلة من تريد تشكي لبشر مايكدر يكتبلك
مشكلة من تسد فراغك بنقص وتعيش خالي
مشكلة من تسولف المنطق لجرحك بس يشوفوك مثالي
مشكلة مني يرخصك لشوگ وانت غالي
مشكلة من تحس وجودك ماله داعي
مشكلة تحس انته ميت وانت ما شايف جنازه .