لَو كُنتُ أَعلَمُ أَنَّ الحُبَّ يَقتُلُني
أَعدَدتُ لي قَبلَ أَن أَلقاكِ أَكفانا

بعد ماعاتبك تندل عناويني
من امس واصلني كونك موش ناسيني
ظروفك والمسافة أعذار محترگات
شمس شتكلفك الجيه لروازيني ؟
لچن بينت ! لچن بينت من مرسالك بلا شوگ
صلاه متأخره بس تريد تگضيني !

وخاف اموتن نامي يمي وبوسي گبري
و ودعيني ولا يضل بالچ عليه
حتى لو ميت أحبج وابد ما يبرد حنيني
وادري بيچ شگد حنينه وخاف اتعبچ لا تجيني
هاي دنيا وكلها تمشي ابريني ذمه وسامحيني
يجوز اروحن من ايدينج وانتِ بعدچ بين ايديني !

تكلي احميك وانت مثلم من الخوف ؟
وتسولف على الندى وتحرك بساتيني !
وتكتل ناس چي ماكدروا يحبوك
ودرس عن الحسين تريد تنطيني
تدليني بدرب ماتدري دربة منين
لك دندل الدرب بعدين دليني

مثل المراية الاجة كبالك خذاك
ومثل ملگة الوكف ما تنجفل
ياحجاب العد غجر بقصور ليل
انت مو فوك الشعر فوك الرجل
ياعنب وانلاح بجفوف الصغار
مو نفس سعرك هذاك البي قبل
لخاطرك جنت انه ارخص جم عزيز
وياما جوة فراشي يوكع جم فصل
جايني وكلبي تدك نبضاتة شيب
ضم لعبتك مو هذاك انه الطفل
يلـ صرت مثل السواد الـ بالرغيف
تطلع بظهرة لچن ما تنوكل

عيونك دنيا من تضحكلي چذابة

صرت حته من انام احلامي مو حلوات
لو مكتول افز لو كاتل وشارد

ولو خبر منك يجيني
الناس تعدل من جديد
الضوة يبين من بعيد
مطر ينزل
شمس تضحكلي
مشانق تنصب مرجوحة
لـ أطفال الشَهيد
الورد يطلع بـ الجماجم
لو تجيني

عمري ما بادي بوداع
الراد يدور مگفى بيه
يروح يسأل اي سفينه
بيا وجه مگفى الشراع

رحتي وخيالچ لا غفهَ ولا مشهَ
لا عاف روحي ولا عليها أستقر
أربع مواسم ظل خريفج يجي
طاحت ملامح وجهي مثل الشجر.

عَزَت عَلَيّ نَفسي وأنا أطلب وصالكْ
أسكتْ ولو ماني عَلى الوضع راضي
لا صرت تنساني بوَقت أنشغالك
مابيك تذكرنّي أذا صرت فاضي ..

طفه وجهي بخيالك
لو بعد موجود؟
من نجمه اعله نجمه اليل ورثته
ﺍﺟﻲ ﻣﻐﻴﻢ ﺳﻬﺮ ﻳﻤﻚ ﻭﺍﻧﮕﻂ ﻟﻴﻞ
وطرت مو بالسما
لا بالحجي الكلتة
بس المحترك يفهم
حجي الدخان
او يعرف ويفهم سبب علتة

تِغَيرنا
وتُعرف الي غَيرنا ما جان اعتِرافي
بلعَكس اعتِرافي قوانا وقوة علاقتنة
وبُقينا فَترة ما نعرف شنو احنة وشنو علاقَتنة
بس جنة مستِمرين رغم كُل شي
لحد ما اجة يوم حجيت حجايه بعَصبية
خليتني انسِحب كليًا
وخلت علاقَتنا تنهِدم بلحظة
وكلعادة مَرت فَترة طويلة بدونك وحَنيت
واني الي تحاول ترجع العلاقة
واني الي رجعَت تبادر بحجت "صداقة"

چانَت صَعبة بَس هاي النِهايات
جَرحَك بيها گد حُب البِدايات
و أَكثر شَغلة تِكسر گلب الإِنسان
مِن يتقَبل بِضحكة الخَسارات

تايه ودولابي يفتر امشي بالحسبة واضيع
وأصبر بلا صبر واذبل شجر مامر بي ربيع
وهم الف ياريت امل ومثل مابعتوني ابيع
هونك هونك تهده ويا گلبي وبسك تمرجح ترة خويطه رفيع
حمليته هواي فوگ محبته وحمل الونين
وانت وفراگك مناجل تشلع عروگ السنين طلع رملية ودادك يالحسبتك خوش طين

ضيم وقهر وفرِاك گلبي
شيضل بي ؟
گلبي ليَون عليك مافكَرت بي
روحِي شِگثر تهواك وشگد تهم بيك
سعفت بلهب بريحِ لو يمُر طاريك
خايب شِتضن علية تهون ساعات الفراك
خايب عيونّي تبجي عيون لو گلبي
يشِتاك

گتلك نطويها الايام الجزتنة
ونبدي بالصفحة الجديدة
هيه منها وانتهينا
خضر بخدنة ورد گد مابچينة
يا ضوة عيون الشوارع
بيتنة اضلم ماتجينة !
مرة گتلك عوف كل الناس
وابقى بين ادينة
وانت ماصدگت ، يمكن شو عفتنة ولحچي تطبق علينة
شلون گلبك طاوعك وتگلي شوف انسان ثاني
روحو وصلولة الرسالة "هوه راد يشوف ثاني
وچان حبك عامي عينة "