على هاي الملامح والوجه والضيم
بعد دود المگابر ما يگلبني
طحت بنص البحر تعرفني مو سباح
ضَل ياخذ بجسمي الروُج ويذبني
وفجأة الحوت إجه من لمَح وجهي إندار
طلع ماله نَفس ماگدر يبلعني
من گد ما أخوف والوجه مَتعوب
حته البلع يونس ماتَقبلني

اليجي سيف إعلة نحري استحي
وما ارجعة
افرزن ريحتك من يا درب مَريت
اليجي مشتاگ يثگل والهوى يدفعة
اختصر كلشي
واطول من أريد أنساك
واحس كل صبُح بارد وجهك يتبعة..

تبيعني الدنيا واجي
بتعبي اشتريك
والله لو تدري
بحلم ما منطي بيك

دفعة بلة احسبها وسولف وياي
كلت وجهي المذلة كافي طغيان
وظرف جابولي بيه مكتوب ع الخير
جايبته الشماتة بعيد رمضان
گبل لا اعايد امي بجفي خلوه
روح فلان راح يعايد فلان
تلگيت الخبر و الراس مرفوع
متهم روحي حرة ربات ديوان
لزم شباج حيدر گلي ماخون
التهينه نطوف، تيهته، اندرت، خان
ذيج الساعة طاحت دمعة الگاع
وجوه سابع سمه من الحرگة دخان
حليبك طاهر؟ يبين بالفراگ
يثبت عيد اذا ضل يگلب الوان

فرشولي ريش ومانمت
بس يمك اغفه اعله الجمر

يوادم مانسيت وجاي اعاني
وبعدهه الضحكه مالتها بذاني
وعلي لو شفت عصفوره وي عصفور
اكولن هاي هيه وهذا اني ؟

اجيتك حِزني بيدي
وشوگي جاباني
ورجعت بفشلتي وحِزني
وحِزن ثاني

ويريدني انسى المضى
والصار وجروحة
الخلص حياته بسجن
تنطيه لوحة رسم
يرسم حبل مشنقة يعدملك اللوحة

ماكو شي يموت الانسان غير الحسرة
اما القهر بجكارة ينحل بدون دراما .

ما تگدر تجازف تنطي مرسال
ثاري جفوفي طلعت مو قويه
بس خلينه هيچي نشوف ونعوف
أحبك من بعيد وهايهيه..

كد كلمة اعوفك حتى نرتاح ؟
واسوء يوم ذاك الـ بي عرفتك
عندك فرصة وحدة وبس خيارين
لو تكسرنه لو تكسر كلمتك .

قشمرتني بـ ها حَبيبي
وبَعد ابوي
ومدري بأَسماء شكثر سَميتني
راح أصدّگ بالحسب نجمات ليل
وما أصدّگ
من گلت حَبيتني .

امس حطيتهن
مرسَال يم مرسَال وعَاينت
لردودك ما استاهلهن !

انا بلاوعي من انطيتك الروح
عقل ما جان عندي
وهسه فزيت ..

غالي عليك
ما ترهم تضل وياي
دورلك رخيص بگدك يماشيك

ليِش اعاتب
انت دليت الحزن
عنوان وجهي
وانت دليت البواچي
دروب خدي
وانه غير السكتة
صاحب للسوالف ياهو عندي

أعلمك ع رمي وانطيك مني سلاح
وأول ماتجرب بيه ترميني؟
اجيتك شارد من الوجع مرني هواي
مارايد تهد بس ردت تحميني
تسلمني بأيديك لغرفة التعذيب ؟
وتوصيهم عليي وين اليأذيني .

مِشتهي بُحضن المگابُر
كُون أنام..
هناك يم حيّدر أون واشكيّله
وريت عِزرائيل يهمِس بذنيّ صَوت!
يگُلي باچر موعِدك تانيلِه.
حتىٰ أبوس ﮼اميّ ، و أگُلها بمِشتهاي..
" الليلة أموت الليلة أخُر ليلة "