تره الكتمان يوصل حده مرات
بس مشكلة شتحجي ؟
المايكدر يسولف يبجي يرتاح

انه حتى بجي ماكدر ابجي

تگلهم غلط جانت عشرتي ويا ؟
وتحطني بقائمة سوء اختيارك ؟
لذلك انسحب من النقاشات
شفت دموعي متغير قرارك
واعوفك للزمن تلويك الايام
بظلّك باجر يبين انكسارك
تظن الذكريات تعوفك بخير ؟
محطة تمرها يوميه بقطارك
وتذكرني بشكو شلونك بالوجوه
ويصفه الندم عنوان بشعارك
وتتمنى ولو واحد يحس بيك
وتحن لعنادي من جنه نتعارك
ويشب گلبك لحد ما يصبح رماد
وتجي معتذر واقبل باعتذارك ..

هنا يل ذكرياتك موس عالرگبه
مثل مطلوب دم ضليت اخلص الليل
يحس كتّاله من تتحرك الگصبه
انه لو خربت لعبة طفل مانام
شلون تنام يل مستقبلي مخربه ؟

طحت بنص بحر وتعرفني مو سباح
ضل ياخذ بجسمي الروج ويذبني
وفجأة الحوت اجه ومن لمح وجهي اندار
طلع ماله نفس ماگدر يبلعني
من گد ما اخوّف والوجه متعوب
حتى البلع يونس ما تقبلني !

جنه نحلم
جنه وأحنه صغار
كل عصرية نلتم
نلبس جناح الكواغد
نركض ويه الغيم حافين
وعلينه الليل يلتم
جنه شبعانين ماندري الخبز ياهو اليجيبه وبطرك لعب الشوارع لا سياسة ولا جكارة ولا حبيبة .

وكت ضليت وحداني
الناس گلوبهم سوده وحنين اني
رماد بخور اوكع فوگ صحباني

الماشايف الشفته
لا يضل يلوم
اليجي للفاتحه
مو مثل صاحبها

شحجيلك على الخنكه ؟
بيه منصبح تبدي لمغربيه
من يجيك الليل بوحدك حتى جرحك يستغلك
من تكلب بصور عيني تفشلك تبدي تخيل حبيبك من يذلك

العمر مابي ضمان الانسان شون؟

ياهو لگالك بيك اني مجنون
وياهو لگالك ميصح مثالك
گبل لتروح خل نتراهن وياك
من باچر احب عشرة بدالك .

كتله بداعت امك لا تروح ابقى
الله يوفقه واتمناله كل الخير
بس ماصدك يوفقه
كبل هم راح بس هلمره بجاني
لان ماعندي بس هو ورحتله وماتلكاني
عشره بيوم واحد راد ينهيها
ماهانت عليه وجلبت بيها
وتخبل عليه ودار وجهه وراح
ولو حتى المخبل مامسويها
ماناسيها واعرف نفسي ما انسى

السَهر يَمشي بمَساماتي
ويَـتراكض ضَـوة عيوني

ليِش اعاتَب ؟
انتَ دَليت الحُزن
عَنوان وَجهي ..
وانتَ دَليت البَواچي
دروَب خَدي …
وانَه غير السكَتة
صَاحب للسَوَالف ياهو عَندي ؟
الله شاهد تَعبتني
الله شاهد مَانمت لَيلة بُطر
لَو مَا لچمتك فَززتني .

چنت خايف مِن وداعك
خَايف تسافر بِـ عُمري وتأخذ سنيني مَتاعك
وانه اضل بلايه روح متاني جَيتي
هَلبت بـ طاري الحِلم يضحك شراعَك
هَلبت اَلگاني مِن اشوفك
وابچي يمي!
وارجَع انه الما اعرفك
وترجع انتَ المَا تحبني ..