غير خجلان وأحس دمي خلص
من شَفت وياك متفيد الفرص
راساً أنداريت لميت السنين
عندي " أموت " ولا تحسسني بنَقص

واكول اليوم أزاعلكم وافاركم ..
واشك الخارطة واحرك شكو بروحي
واحرك كل رسايلكم
انا اكرهكم واحب تراب رجليكم
وابوس الناس كل الناس احس الناس تشبهكم ..
منو الجاباكم لعمري ومنو الوداكم بگلبي
دخيل اللّٰـه ولا ينشبع من عدكم ..
كون اغفى بجدايلكم
واكللكم يجذابين منو مثلي صدك حبكم ؟؟
ومنو مثلي عبر جيله بعتب وبشوك
و فدوة اندار للعدكم
واشاقيكم واكللكم غربتي تشور وابچيكم ..

شوك واحساس مابقالي للناس
كلشي اني اليه انطيت
تالي گلبي ينداس ؟
لا ماريد اسمعه صوتك رايد انساه
انت ما وفيت تحلم ابقى وياك
بس حرام حرام وياك مضيع ايام
اني ماريدك اشوفك حتى لو بالاحلام
عادي روح وجروح هواي كلبي الك ضال ماتنلام …

چنت ادور كِلمة منَك ما ردت منك سَطر.

هواجيس

انا وضميري في مسابقه رقص ..

تره الكتمان يوصل حده مرات
بس مشكلة شتحجي ؟
المايكدر يسولف يبجي يرتاح

انه حتى بجي ماكدر ابجي

تگلهم غلط جانت عشرتي ويا ؟
وتحطني بقائمة سوء اختيارك ؟
لذلك انسحب من النقاشات
شفت دموعي متغير قرارك
واعوفك للزمن تلويك الايام
بظلّك باجر يبين انكسارك
تظن الذكريات تعوفك بخير ؟
محطة تمرها يوميه بقطارك
وتذكرني بشكو شلونك بالوجوه
ويصفه الندم عنوان بشعارك
وتتمنى ولو واحد يحس بيك
وتحن لعنادي من جنه نتعارك
ويشب گلبك لحد ما يصبح رماد
وتجي معتذر واقبل باعتذارك ..

هنا يل ذكرياتك موس عالرگبه
مثل مطلوب دم ضليت اخلص الليل
يحس كتّاله من تتحرك الگصبه
انه لو خربت لعبة طفل مانام
شلون تنام يل مستقبلي مخربه ؟