وبيننا وبينك فرق كِلّش چبير
ومانگول اسباب كِل هذا الفرق
مانكمل السالفه لحد الأخير
مِن الأساس وياك مسدوده الطُرق
ويانا ماترهم ، ومانرهم مُحال
وياك مانگدر ندوم ونستمر
وياهو گلك بالسهل درب الوصال
وانتَ تدري دروبنا مورثه جمّر

مو نَفس أهتِمَامَك ذاكَ بيه
كُلش مختلف طَبعَك عَلية ؟
كَبل تحركني چانت لَهفتَك ذيچ !
بحَيث تنافس أُمي بهَل قَضية .

باچر عكب باچر جايك للبيت
وكت فرغلي روحك حتى احاجيها
لتكلي الگبر والچفن والتابوت
فكرة موتك مامقتنع بيها
عدل وتضل عدل لو تندفن مرتين
يامحبوب عيني ومي سواجيها

لا رابح ولا خسران
سد بسد
طفيت الشمع واستفردت بالليل
ولا واحد اجاني ولا رحت لاحد

حساباتي -
انستا / خاص mayberex4
العام / raixlife
تيك توك / Callmeraix
متجري - vega.store.1

لان الخمط ديصير هوايه والاغلبيه مديعرف حساباتي ف ثبتتهم🌟💞.

كسرتني أنتَ وكمت وعبرتك بسرعة.
لتكلي الكسر مَ يون ؏ المجبر
كصيت العثك الچنت تاكل بي
وخليت التمر بالكاع يتطشر.
ماتخطر ببالي حَتى بالصفنات
والأصفر كرهته لأن أنتَ أصفر !

أعرفَك ما تَرد بَس ما طَبگت الباب
مَثل مَيت عَزيزه يَعود يَنتضره
سَهل مِن تَبتَعد بَس صَعب تَلگه انسان
شَايَل طَيبتَي و يَهواك عَـ الفَطرة
باچَر مِن تَرد ما تَلگه شَي مَوجوّد
تَلگه الورَد ذابَل الأرَض صَحرة
تَلگاني مَدينة مسَددة البيبان
بيُها الگُمر مَيت والشَمَس حَمرة .

غير خجلان وأحس دمي خلص
من شَفت وياك متفيد الفرص
راساً أنداريت لميت السنين
عندي " أموت " ولا تحسسني بنَقص

واكول اليوم أزاعلكم وافاركم ..
واشك الخارطة واحرك شكو بروحي
واحرك كل رسايلكم
انا اكرهكم واحب تراب رجليكم
وابوس الناس كل الناس احس الناس تشبهكم ..
منو الجاباكم لعمري ومنو الوداكم بگلبي
دخيل اللّٰـه ولا ينشبع من عدكم ..
كون اغفى بجدايلكم
واكللكم يجذابين منو مثلي صدك حبكم ؟؟
ومنو مثلي عبر جيله بعتب وبشوك
و فدوة اندار للعدكم
واشاقيكم واكللكم غربتي تشور وابچيكم ..

شوك واحساس مابقالي للناس
كلشي اني اليه انطيت
تالي گلبي ينداس ؟
لا ماريد اسمعه صوتك رايد انساه
انت ما وفيت تحلم ابقى وياك
بس حرام حرام وياك مضيع ايام
اني ماريدك اشوفك حتى لو بالاحلام
عادي روح وجروح هواي كلبي الك ضال ماتنلام …