ماهي مصيبه لو خطيت وتعلمـت
‏تخطي وترجع للخطا ذي مصيبه...

‏ستر المواجع داخل القلب راحه
‏لو يمتلي صدري بها ما تكلمت
‏
‏ما هو جديد القلب يخفي جراحه
‏ولا هو غريب الضحك مهما تألمت

لا تحسب ان الليالي كل ابوها ربيع
لازم تلوفك هبوب القيض وسمومها

لييت قلبي ماوصُل قلبك ولا حبه

‏مات اللقى واللي بقىَ ذكرى حزينه .

“ أغنيت نفسيّ ودرب العز مغنيني “.

بين المستحيل و الممكن أمر الله .

" ودّي أهرب و أترك أحزاني ورايّ وألتفت عنها وأجمّعني .. وأعيش "

لاتشرهّ ماعلى الدنيا عِتابّ .. شرع الأبواب وأتركها ممّر.

عسى الأيام تضحك لي ، ومَا تبخل .

قدرك على ڪل الخلايق تعلّى .

. . ˼‏الننَفس عودها عللّى الععَز تععتاد . ‏وارفعع مواطننَها عن الذل والھهون.

نفسي ماهيب مياله كل ريحٍ تقبلها ‏وبابي ماهو مشرع لكِل من بغا .

تموت الامنيات ويجبر الله خاطر المكسور
‏مثل ما مت في ليلة فراقه والله احياني.

جَعل الليالي المقبّله تحققَ مطلبي .

على بساط الليل نسري بالأحلام ونسامر نجوم السما بالأماني .

تم 💙.

حصل لي موقف قبل كم يوم وحسيت ان عندي ذنوب ومعاصي اشوف اللي حولي اكتشف انه انا ايماني اضعف منهم مابنكر اني اشوف محرمات واسمع اغاني و.....، ومواصله ع ذا الشي،، في يوم من الايام رحت الغرفه عشان انام وكانت ساعه 2 تقريباً نمت وحلمت حلم ي جماعة الخير كأنه توجيه وكذا، حلمت اني بين ناس كثيير وكان واحد يناظر لي من بعيد قرب لي وقال: ميزانك كثر
صحيت ع صوت آذان الفجر جلست افكر واتعوذت بالله وقمت اصلي الفجر بعد الصلاه جلست افكر بيني وبين نفسي وش كان يقصد بـ ميزانك كثر، ميزان حسناتي ولا ميزان سيئاتي وبعدها تذكرت انه في هذي السنه بالذات صرت انسانه مهمله وديني ناقص واسوي معاصي،، المهم بعد ما اكتشفت انه كان يقصد ميزان سيئاتي كثر، رحت وقريت سورة البقره وكانت اول مره اقراها بتمعن واول مره اخشع بعد ما خلصت رحت للدوام، سبحان الله اول حصه كانت حصة القران الشرح كله عن اهوال يوم القيامه والعذاب وكذا، كنت مندمجه مع الاستاذه مره اصلاً شرحها ماينمل،، خلصت الدوام ورجعت للبيت وفكرت بالي صار اليوم الحلم الغريب، وشرح الاستاذه اللي اثر فيني، حسيت ان هذا اليوم بيكون بدايه جديده جلست اسأل نفسي انه ليش ما اغير روتيني اليومي؟ لين متى ببقى ع ذا الحال؟ يمكن بكره بعد بكره بموت وبتحاسب من يدري الاعمار بيد الله وانا خلقت ع الدنيا ذي عشان غرض واحد وهو عبادة الله سبحانه وان الدنيا فانيه كلها ايام والجنه هي المكان اللي نسعى له بالإعمال الصالحه عشان نلقى اجرها لأن الجنة غاليه،
ومن ذاك اليوم قطعت عهد مع نفسي انه خلاص بتوجه للطريق الصح وبجالس جليسين الخير وببعتد عن اي شي يشوه ايماني بالله، قال تعالى : ﴿وَلَو شاءَ اللَّهُ لَجَعَلَكُم أُمَّةً واحِدَةً وَلكِن يُضِلُّ مَن يَشاءُ وَيَهدي مَن يَشاءُ وَلَتُسأَلُنَّ عَمّا كُنتُم تَعمَلونَ﴾
"اللهُم العون لقلب يُريد الثَبات على طريقَك"🤍.