أريد مِن أكبَر يكون بيتي هوّ البيت اللي يتجمعون بي بالطبخ وبمحرم وبالمجالس والأعياد ومن يتعبون ومن يفرحون ومن يضوجون كل تسياراتهم يمي هيچ أخوتي و ولد أخوتي وزوجي وأولادي وأحفادي ونسايبي وأصدقائي وعوائلهم وكل أهلي والأعرفهم هيچ يكون ملجأ لكل شخص محتار أو يريد يفرغ طاقة فرح او حزن وأكو لافتّه علىٰ باب البيت مَكتوب عَليها "البيت الدافي"🖤.

اليوم بكل دفتر مدرسي لطالبة عراقية صار أكو نموذج من هالنساء

تريدهن:

بالوطنية وحُب العراق؟ تلگاهن أول المتصديات
بالصوت الناصي والهادئ ؟ تلگاهن قمة بالنزاكة والأُنوثة
زوجات وبنات وأخوات رفعة راس لأهلهن ؟ تلگاهن بالصدارة
خريجات ومثقفات؟ تلگه الجامعات والمكاتب العراقية تشهدلهن
مقاومات ظالم زمانهن اللي زلم ودول تخاف توگف بوجهه؟ تلگه سجونه تشهد على تعذيبهن وصلاتهن وصومهن وعفتهن

ذني الوطنيات الصدگ والقدوة، وذني اللي باقي العراق واگف بسببهن وذني صاحبات الترند الحقيقي وقدوة النساء الحقيقيات، مو فاشلات قدوتهن وحدة تتعارك بالمحاكم.

وإحنا بناتهن بعد سنين وبناتنا ورانا بعد سنين هيچ راح نبقى نثقف، وانتو ثقفوا بالصوت العالي والتفاهة والتعري.

*ذني نسواننا النفتخر بيهن.

سامراء امست حزينة بفقدِ إمامها | #حزن_سامراء

الارشاد الديني لسرايا السلام