TASS agentliyi bildirib ki, diplomatik mənbədən alınan məlumata görə Rusiya Müdafiə Nazirliyi Bakıda və ya Yerevanda Qarabağdan sülhməramlıların çıxarılmasını müzakirə etmir.

Bu gün Fələstinin Qəzza bölgəsindəki hərbi qruplaşmalarla İsrail ordusu arasında son illərin ən güclü hərbi qarşıdurması yaşanıb. Bu saata qədər baş verənlər:

- Yüzlərlə insanın həlak olduğu, minlərlə yaralının olduğu deyilir. Bunların içində mülki insanlar da var.
- Fələstin hərbçiləri tərəfindən bir İsrail bazasının ələ keçirildiyi bildirilir.
- İsrailin bir çox şəhərlərində küçə döyüşlərinin olduğu xəbərləri var.
- Onlarla İsrail əsgərinin əsir götürülərək Qəzza bölgəsinə aparıldığı deyilir.
- Qəzza zolağından Yerusəlim/Qüds şəhərinə də raketlərin atıldığı bildirilir.
- Qəzza zolağından İsrail ərazisinə ümumilikdə 5000-dən çox raket atıldığı deyilir.
- İsrail Müdafiə Qüvvələri "Dəmir Qılınclar" əməliyyatının başladığını elan etdi.
- İsrail Hərbi Hava Qüvvələrinə aid döyüş təyyarələri Qəzza zolağını bombardman etməyə başlayıb.

Məndə olan məlumata görə Naxçıvan Ali Məclis sədrinin birinci müavini, vəzifəsindən 2 gün öncə istefa verən Azər Zeynalov DTX tərəfindən saxlanılaraq Bakıya gətirilib. İddialara görə saxlanılmanın səbəbi separatçıların ifadələri əsasındadır. 18 il Ali Məclisin sədr müavini, 15 il deputat, 1 il isə sədr əvəzi işləyən birindən söhbət gedir. O, Vasif Talıbovun ən yaxın adamı hesab olunurdu.

Rusiya mətbuatı yazır ki, İsrail Ukraynaya dəstək vermədiyi üçün Qərb tərəfindən bu formada cəzalandırılır. Bu arada Ukrayna İsrailin “özünü və xalqını müdafiə etmək hüququnu” dəstəklədiyini açıqlayıb.

Rusiya Müdafiə Nazirliyi məlumat yayaraq bildirib ki, "Dağlıq Qarabağ"ın özünümüdafiə dəstələri tərkisilah prosesi zamanı 66 milyondan çox sursat təhvil verib. Əsgəran rayonunda sülhməramlılarının daha bir müşahidə məntəqəsi bağlanıb. Rusların bağlanan məntəqə sayı 7 oldu. Qarabağda ümumi 30 məntəqə vardı.

İlham Əliyev Şarl Mişellə telefon danışığında bildirib ki, hazırda Azərbaycanın 8 kəndi Ermənistanın işğalı altındadır və bu kəndlər təcili şəkildə azad edilməlidir. (Söhbət Qazaxın 7 kəndi və Kərki kəndindən gedir)

İsrail baş naziri Benyamin Netanyahu: "Biz bütün ərəb torpaqlarını, HƏMAS-ın mövcud olduğu bütün bölgələri yerlə yeksan edəcəyik. Qəzza zolağındakı əhaliyə səslənirəm, dərhal o bölgəni tərk edin. Hər yeri bombalayacağıq. Misli görünməmiş dərəcədə bombardman edəcəyik."

Rusiya sülhməramlıları Qarabağda daha 2 müşahidə məntəqəsini bağlayıblar. Bununla da bağlanan məntəqə sayı 9 oldu. Qarabağda sülhməramlıların ümumi 21 məntəqəsi qaldı.

Paşinyan deyib ki, əgər Qarabağdakı Rusiya sülhməramlıları regionu tərk etsələr, onlar Ermənistana köçürülmək əvəzinə, Rusiyaya qayıtmalıdırlar. Onu da bildirib ki, Ermənistan artıq “3+3” formatı çərçivəsində görüşlər keçirməyə hazırdır.

Paşinyan: "Bizim də Azərbaycanda anklav ərazilərimiz var. Məsələn, Berkaber (Bibiş), Ayqeovit (Uzuntala), Vazaşen (Lələkənd), Paravakar (Vəlikənd) və digərləri geri qaytarılmalıdır. Azərbaycan 8 kəndi tələb edirsə, biz də bunları tələb edirik".

İsrail dünən gecədən Fələstin (Qəzza) və Suriyadan sonra indi də Livanı bombalayır. Bu gün gecə isə Qəzzaya quru yolla hərbi əməliyyat gözlənilir.

Azərbaycan XİN: "Azərbaycanın hansısa erməni kəndlərini işğal etməsi iddiaları tamamilə yalandır".

İlham Əliyev: "Bizdə olan məlumatlara görə, hələ də ərazimizdə gizlənməyə davam edən müəyyən silahlı qruplar mövcuddur".

Xocavənddə 2 yük maşını minaya düşüb, 1 nəfər ölüb. Füzulidə isə 2 nəfər minaya düşüb, biri ölüb, digəri yaralanıb.

Putin: "Formal olaraq Rusiya sülhməramlıları 2025-ci ilin noyabrına qədər Qarabağda qalmalıdır, bu məsələ danışıqlar zamanı həll olunacaq".

Politico nəşri yazır ki, ABŞ dövlət katibi Entoni Blinken konqresmenlərə bildirib ki, Azərbaycanın Ermənistanı yaxın həftələrdə işğal etmə ehtimalını yaxından izləyirik.

İlham Əliyev bu gün Xankəndi, Kərkicahan, Xocalı, Əsgəran, Xocavənd və Ağdərədə olub. Hər birində Azərbaycan bayrağı dalğalanıb.

ABŞ Dövlət Departamenti: "Blinken Azərbaycanın Ermənistana hücuma hazırlaşdığını deməyib".

Daxili İşlər Nazirliyinin Baş İctimai Təhlükəsizlik İdarəsinin rəisi, bir zamanlar Bakı şəhər Baş Polis İdarəsinin rəis müavini işləmiş, general-mayor Sərdar Səfərov Xankəndi şəhərinə komendant təyin edilib.

Qarabağdan Ermənistana qaçan, silahlı birləşmələrin 16 ildən artıq baş komandanı olmuş, Xocalı soyqırımını törədənlərdən biri kimi adı hallanan Samvel Babayanın ifadələri əsasında Ermənistanda cinayət işi açılıb. Hazırda iş üzrə təqsirləndirilən şəxs yoxdur.

İlqar Məmmədov, Tural Abbaslı, Əli İnsanov, İqbal Ağazadə, Sərdar Cəlaloğlu və digər partiya liderləri İlham Əliyevə müraciət ediblər: "Partiyalarımız dövlətimizin əbədi suverenliyi üçün apardığınız uğurlu daxili və xarici siyasətdə Zati-alinizə dəstəyini bəyan edir".