İlham Əliyev: "Cəbrayıl istiqamətində dünən, srağagün və bu gecə uğurlu əməliyyatlar keçirilib. Azərbaycan Ordusu tərəfindən Cəbrayıl istiqamətində strateji yüksəkliklər işğaldan azad edilib. Bu haqda mən hələ geniş danışmaq istəmirəm, hadisələri qabaqlamaq istəmirəm".
Ağstafada Ermənistan Ordusuna məxsus PUA vurulduğu deyilir. Mənbə: Sakinlər
Güneyli azərbaycanlılar Xüdafərin körpüsündə Arazın o tayından Azərbaycan əsgərini salamlayırlar.
Ermənistan tərəfinin Azərbaycanın bütün şərtlərini qəbul edərək, işğal altında olan əraziləri tərk etməklə və cəbhədə Ermənistan əsgərlərinin təslim olması ilə bağlı məlumatlar gəlir. Ermənistan rəsmiləri təsdiqləmirlər.
💥 Ermənistan rəsmiləri iddia edirlər ki, 18 oktyabr 00:00-dan Bakı və Yeravan arasında yenidən humanitar atəşkəs razılığı qüvvəyə minəcək.
Təsdiqləndi - Azərbaycan Xarici İşlər Nazirliyi: Azərbaycan və Ermənistan müvəqqəti humanitar atəşkəsin əldə olunması ilə bağlı razılıq əldə ediblər.
XİN sözçüsü Leyla Abdullayeva CNN Türk efirində: "Bu atəşkəs döyüşlərin bitdiyi anlamına gəlmir. Azərbaycan Ordusu öz torpaqlarını işğaldan azad etməyə davam edəcək. Humanitar atəşkəs sadəcə ölənlər və əsirlər üçün nəzərdə tutulmuş müvəqqəti prosesdir."
Hazırda cəbhənin şimal istiqamətində, Xankəndi uğrunda gərgin döyüşlər gedir. Mənbə: Sputnik
Cəbhədə qızğın döyüşlər davam edir. Ermənistan MN mətbuat katibi Şuşan Stepanyan deyir ki, Xudafərin su anbarı ətrafında ağır döyüşlər baş verib, hər iki tərəfdə itkilər var. Etirafları dolayı yolla edirlər. Deyir AO 4 tankı vurulub. Tanklar ora qədər gedib çıxıbsa, heç zad. Deyəsən yenə taktiki olaraq geri çəkiliblər. Bu gedişlə bir azdan Yeravanda olacaqlar. 🤦♂️
✈️ Erməni rəsmiləri SU-25 qırıcı təyyarələrinin vurulduğunu etiraf etdilər. Deyirlər türklər F-16 ilə vurub.
Suriyalılar döyüşür, türklər uçurur, uyğurlar vuruşur, çeçenlər dağıdır... azərbaycanlılar isə kabab yeyirlər.
🇦🇿 Azərbaycan Ordusu Xudafərini işğaldan azad edib və Azərbaycan bayrağını sancıb