🚀 Ermənistan Ordusunun Tərtəri atəşə tutması nəticəsində qəbiristanlıqda dəfn mərasiminə bomba atılıb, 3 nəfər mülki şəxs ölüb, 3 nəfər ağır yaralanıb.

Bir neçə qeydim var, xahiş edirəm oxuyun və paylaşın:

1. Müdafiə Nazirliyi və rəsmi qurumlar, cəbhədə savaşan hərbçilərdən mobil telefon və smartfonları yığışdırmalıdır. Sosial şəbəkə istifadəçiləri, səhifələr, kanal sahibləri əsgərlərin çəkdiyi görüntüləri tirajlamamalıdır. Ancaq MN yaydığı videolar paylaşılmalıdır. Bu hərbçiləri ciddi şəkildə təhlükəyə atır və cəmiyyətdə manipulyasiyalara yol açır. Lazımsız videolar əleyhimizə istifadə olunacaq. Çox vacibdir, bunu dayandırın.

2. Fikir verirəm, "N" qədər adam Ermənistan tərəfin yaydıqları yalanlara, propaqanda və dezolara inanır. Azərbaycan Ordusu ciddi irəliləmələr əldə edib, bunun müqabilində qarşı tərəf psixoloji basqını artırmaq və Azərbaycan ictimaiyyətinə təsir etmək üçün köhnə, 2 həftə öncənin söhbətlərini yeni çəkilişlərlə tirajlayır, bizimkilər də mandraja düşür.

3. Sosial şəbəkə istifadəçiləri, yalanlar yaymayın, dezinformasiya paylaşmayın. Şübhələndiyiniz məlumatları dəqiqləşdirin. Filan general öldürüldü, filan milli qəhrəman gəbərdildi xəbərləri xeyirli deyil, əksinə qarşı tərəfə əsas verir ki, haqlı olan tərəfi yalançılıqda, haqsızlıqda ittiham etsinlər. Bu qədər doğru və dürüst xəbərlər, məlumatlar varkən, yalanlara heç bir ehtiyac yoxdur.

3. Koronavirusu ciddiyə almırsız, ona görə də ciddi şəkildə artış başlayıb. Sosial məsafəni qorumaq və maskadan istifadə etmək zəruridir. Əsasən ictimai yerlərdə, dəfn mərasimlərində, toplantılarda məcbur istifadə etməlisiz. İnansanız da, inanmasanız da, buna riayət edin. Həm özünüzü, həm yaxınlarınızı təhlükəyə atmayın. Hərbi vəziyyətdə əsgərləri də təhlükəyə atmış olursunuz.

Azərbaycan Ordusu Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndlərini işğaldan azad edib.

Azərbaycan Ordusunun işğaldan azad etdiyi yeni 6 kəndin xəritədəki görüntüsül. @hebmun

İlham Əliyevin RİA Agentliyinə müsahibəsindən vacib başlıqlar:

- Türkiyənin hərbi bazalarının Azərbaycanda yerləşdirilməsini istisna etmirəm.
- Müharibənin "qaynar fazası" bitəndən sonra bütün şəhidlərimizin adı açıqlanacaq.
- Qarabağın gələcək ərazisində azərbaycanlı və erməni icması sülh şəraitində yaşamalıdır.
- Suriya və Liviyadan muzdlular Azərbaycan tərəfindən vuruşmurlar.
- Moskva və Bakını qardaşlıq bağları birləşdirir, Rusiya Qarabağın gələcək taleyinin həllində vacib rola malik olacaq.

"Dojd" telekanalının əməkdaşı Vasiliy Polonskinin cəbhədən (Ağcabədi) verdiyi məlumat çox vacibdir: "Bu gün çox maraqlı səyahətim oldu, cənub cəbhəsinə getdim. Orada diqqətimi ilk çəkən məqam Qrat, Smerç və ya PVO səslərinin eşidilməməsi idi. Belə bir təəssürat yaranır ki, burada Azərbaycan Ordusu Qarabağ istiqamətində dərinliklərə doğru irəliləyib. Məsələn, Tərtər istiqamətində belə bir hissiyat yox idi. Hələlik jurnalistlərə arxa cəbhəni, hərbiçiləri, eləcə də ağ ciplərdə olanları çəkməyə icazə vermirlər. Fikrimcə, ağ ciplərdə hərəkət edən "suriyalı terrorçu"lar son 2 həftənin əsas mövzusu olub. Bəxtim gətirdi, bu gün 3 ədəd belə cip gördüm. Onlardan 2-si cəbhəyə getməyə hazırlaşırdı. Onlardan birində Rusiya istehsalı olan Pulemyot vardı, diqqətlə baxdım. Digəri isə adi pikap idi. Bu maşınlarda 8-9 cavan əyləşmişdi. Zənnimcə, onlar azərbaycanlılar idi, qətiyyən suriyalılara oxşamırdılar, Azərbaycan dilində danışırdılar və Azərbaycan ordusunun geyimində idilər. Onları yaxından izləyə bildim. Əlbəttə, gördüklərim burada muzdlu döyüşçülərinin olmadığını isbatlamır. Ancaq bu, ağ ciplərdə olanların döyüşmək üçün Azərbaycana gələn suriyalılar olmaması baxımından yaxşı bir nümunədir".

Ermənistan rəsmiləri o qədər talış, talış dedilər ki, talış balaları Hadrutun mərkəzi küçələrini "Astara, Qarabağ, Azərbaycan" şüarları ilə bəzəyiblər. Əvvəl Hadrut nəzarətdə idisə, hazırda qəsəbə, küçələri tamamiylə Azərbaycan Ordusunun əlindədir. Yüksəkliklər də azad edilib.

🔥 Ermənistan Ordusu Ordubada raket zərbəsi endirib. Gördülər Rusiyanı çəkə bilmirlər, deyəsən indi söhbətə Türkiyəni bir-başa daxil etmək istəyirlər.

Tərtərdə evləri raket atəşinə tutulmuş azərbaycanlı ailənin üzvləri

Foto: AP

Azad olunandan sonra Cəbrayılda ilk azan verilir. Video: Jurnalist Müzadil Həsənov

İlham Əliyev son müsahibəsindən vacib başlıqlar:

- Atəşkəsdən sonra Hadruta 3 dəfə hücum ediblər, üçündə də məğlub olublar.
- İrandan Ermənistana silah göndərilməsi ilə bağlı bizdə məlumat və sübut yoxdur.
- Erməni tərəfdə vuruşub ölən muzdlu əsgərlər var.
- Ermənistanda hərbi hədəfimiz yoxdu. Başqa torpaqda gözümüz yoxdu. Amma Ermənistandan şəhərlərimizi vursalar, cavabları veriləcək.
- Şuşanı işğaldan azad etməsək, işimiz yarımçıq qalar.
- Füzuli şəhərini görürük, inşallah xoş xəbərlər gələcək.
- Sülhməramlıların göndərilməsi hər 2 tərəfin razılığı ilə mümkündür. Bu münaqişənin həllinin ən son mərhələsində mümkündür.

Tərtər, Şıxarx 15.10.2020

Azərbaycan Ordusu Xocavənd rayonunun Xırmancıq, Ağbulaq, Axullu kəndlərini işğaldan azad edib.

Xocavəndin yeni alınan kəndləri xəritədə @hebmun

🚀 Gəncədə 4 dəfə partlayış səsləri eşidildiyi deyilir

💥 Gəncədə dağıntı olub, ağır yaralılar var

💥 Gəncə - Bir körpənin həlak olduğu deyilir @hebmun

💥 Gəncədə ən az 20 yaxın evin dağıldığı deyilir. Bir neçə dinc sakin həlak olub.

💥 Gəncədə ilkin məlumata görə ikisi uşaq olmaqla 5 nəfər ölüb, 35 nəfər isə yaralanıb.

Gəncədə yaşayış binalarının vurulma anı

💥 Gəncədə ölən mülkilərin sayı 6 nəfər oldu. (Yevlaxa bomba atılması təsdiqlənmir)