This media is not supported in your browser
VIEW IN TELEGRAM
Facebookda "uşaqpulu" ilə əlaqədar belə bir video çəkib paylaşan Mahir Babayev 30 sutka həbs edilib.
Azərbaycandakı sərnişindaşıma şirkətləri tariflərin artırılması ilə bağlı Tarif Şurasına müraciət edib. İctimai nəqliyyatın gediş-gəliş qiymətləri artırıla bilər.
AXCP 30 sentyabr tarixində "Siyasi Partiyalar Haqqında Qanun"a ediləcək dəyişiklərə etiraz olaraq Milli Məclisin qarşısında saat 16.00 üçün aksiya təyin edib. Bakı Şəhər İcra Hakimiyyəti Milli Məclisin qarşısında aksiya keçirilməsini məqsədəuyğun hesab etməyərək, "icazə" verməyib.
İlham Əliyevin köməkçisi Hikmət Hacıyevin həyat yoldaşı Aygün Hacıyevanın (Hüseynova) SOCAR-ın prezidentinin müşaviri təyin olunduğu deyilir. Rövnəq Abdullayevdən sonra yeni gələnlərin qohumları SOCAR-da vəzifə bölüşdürürlər, nepotizm "islahat"ı davam edir...
2022-ci ilin fevralından Müdafiə Nazirliyi sistemindəki yeyintilərlə bağlı DTX-da aparılan istintaq nəticəsində Azərbaycan Ordusunun Təlim və Tədris Mərkəzinin Maliyyə xidmətinin rəisi Rəşad Məlikzadə 9 milyon manata yaxın mənimsəmədə təqsirləndirilərək həbs olunub. İndiyədək nazirliyin 10-a yaxın yüksək rütbəli hərbçisi həbs edilib. Bu cinayət işi üzrə 100 milyonlarla manatlıq yeyintidən söhbət gedir.
Rəsmi məlumata görə, ötən il Azərbaycanda 15-17 yaşında 1 oğlan və 137 qız nikaha daxil olub. Onlardan 5 nəfər qız boşanıb. Qeyd edim ki, Azərbaycanda qanunvericiliyə görə cinsindən aslı olmayaraq nikah yaşı 18-dir. Yaşı 16-a qədər olan qızın 84 nəfəri ana olub, 18 yaşı tamam olmadan ana olanların sayı isə 1650 nəfərdir. Ötən il 46 877 abort qeydə alınıb. Onun yarıdan çoxu, 24 420-si 15-29 yaşda olan gənclər olub.
Ağ Evdən bildirilib ki, ABŞ səfərbərlikdən qaçan ruslara sığınacaq verə bilər.
ABŞ və Polşanın Moskvadakı səfirliyi öz vətəndaşlarını dərhal Rusiyanı tərk etməyə çağırdı.
Almaniyadan Azərbaycana deportasiya olunandan az sonra şərlənərək həbs olunan 6 nəfərdən daha biri – ictimai-siyasi fəal Malik Rzayev Sumqayıt Ağır Cinayətlər Məhkəməsinin hökmüylə, narkotikdə ittiham edilərək 7 il azadlıqdan məhrum edilib. Bundan əvvəl isə Pünhan Kərimli şərlənərək 6 il həbs edilmişdi.
Əmək və Əhalinin Sosial Müdafiəsi Nazirliyi şəhid Səbuhi Əhmədovun qardaşı Sənan Əhmədova birotaqlı ev verib. Lakin o mənzildən imtina edib. Sənan Əhmədov bildirib ki, ailə üzvlərinin sayına görə bu təklifə rədd cavabı verib. Deyir qardaşım evə görə döyüşməyib, yaşasaydı, dekabr ayında mənzil alacaqdı. Nazirlikdən bildiriblər ki, evi qardaşına görə yox, internat məzunu olduğu üçün veriblər. Çünki qanunla qardaş şəhid ailəsindən hesab olunmur. Amma mən düşünürəm ki, istisna hallarda, məsələn əgər şəhid internat məzunudursa, valideynlərini erkən yaşda itiribsə onun qardaşı və bacısı şəhid ailəsindən hesab edilməlidir. Milyonların oğurlanıb, yüzlərlə qanunsuz villaların tikildiyi Azərbaycanda bu cür güzəştlərin edilməsi problem yaratmamalıdır.
⚡️Azərbaycan Müdafiə Nazirliyinin məlumatına görə Azərbaycan Ordusunun Kəlbəcər rayonunun Alagöllər istiqamətində yerləşən bölmələri müxtəlif çaplı atıcı silahlardan atəşə tutulub. Nəticədə hərbçi İsgəndərov Nicat Hidayət oğlu yaralanıb. Azərbaycan Ordusunun qeyd olunan istiqamətdə dislokasiya olunan bölmələri tərəfindən adekvat cavab tədbirləri görüldüyü deyilir. Ermənistan Müdafiə Nazirliyi də atəşkəsin pozulduğu barədə məlumat yayıb.
Ermənistan Müdafiə Nazirliyi bugünkü sərhəddəki atışma zamanı 3 erməni hərbçinin öldüyünü bildirdi.
Bakıda narkotik satmaqda ittiham edilən 20 yaşlı qızın məhkəməsi bitib. O, Binəqədidəki 179 saylı məktəbin önündə 7 və 8-ci sinif şagirdlərinə narkotik maddəni əvvəlcə konfet adıyla pulsuz verdiyini, onlarda asılılıq yarandıqda isə hər birini 15-20 manata satdığını etiraf edib. Ona 6 il həbs cəzası verilib.
Qarabağ qazilərindən rüşvət almaqda ittiham olunan Azərbaycan Silahlı Qüvvələrinin Baş Klinik Hospitalının (Papanindəki) bölmə rəisi Vüsal Eyvazov 2 il, hospitalın digər əməkdaşı Hüseyn Ağayev isə 1 il 6 ay müddətinə azadlıqdan məhrum edilib. Onlar özlərini qismən təqsirli biliblər.
Putin səfərbərlik elan edəndən sonra Rusiyada 50-dən çox Səfərbərlik və Hərbi Xidmətə Çağırış üzrə Dövlət Xidmətinin (Voenkomat) binaları yandırılıb, atəşə verilib. Bir "voenkom" isə güllələnərək, ağır vəziyyətdə xəstəxanaya yerləşdirilib. Ölkəni isə yüzminlərlə insan səfərbərlikdən yayınmaq adı ilə tərk edib, mindən çox insan saxlanılaraq hərbi xidmətə göndərilib. Bəzi qaça bilməyən gənclər bir-birilərinin əl-qollarını sındırırlar ki, hərbi xidmətə yollanmasınlar. Sadalanan bütün faktların video görüntüləri sosial mediada yayılıb.
Məktəb önündə narkotik satdığı iddia olunan 20 yaşlı məhkum: “Mən narkoman olmuşam, məktəblilərə dərman satmağım barədə deyilənlər yalandır. Məni o qədər döydülər ki, dözə bilmədim, nə sənəd verdilərsə imzaladım. Üzərimdən tapıldığı iddia olunan narkotik və dərmanı əslində, Binəqədi Rayon Polis İdarəsinin 43-cü polis bölməsinin əməkdaşları qarşıma qoyublar".
Azərbaycandakı İran səfirliyi önündə bir qrup millətçi vətəndaşlar etiraz aksiyası keçirib. Etirazçılar "Cənubi Azərbaycana azadlıq", "Molla rejimi rədd olsun", "Fars rejimi rədd olsun", "Ölüm olsun İrana", "Diktator rədd olsun", "Molla rejimi qətliamı dayandır" , "Azadlıq, ədalət , "Milli Hökümət", "Azərbaycan bir olsun, paytaxtı Təbriz olsun" kimi şüarlar səsləndiriblər. Polislər aksiya iştirakçılarını dinc şəkildə səfirlik önündən uzaqlaşdırıb. Aksiyada saxlananlar olmayıb.
Paşinyan bugünkü çıxışında beynəlxalq sülhməramlı qüvvələrin (ATƏT, BMT) Ermənistan-Azərbaycan sərhədi boyunca yerləşdirilməsini tələb edib. Rusiya XİN isə açıq şəkildə bəyan edib ki, rəsmi Moskva Ermənistan və Azərbaycan sərhədində "beynəlxalq müşahidəçilər"in yerləşdirilməsinə qarşıdır.
Keçmiş MTN əməkdaşları tərəfindən İsmayıllıda saxlanılıb şərlənərək 11 il müddətinə azadlıqdan məhrum edilən ruhani Hacı Abgül Süleymanov bu gün həbs müddəti bitdiyi üçün azadlığa çıxıb. O, təhsil müəssisələrində hicab qadağasına qarşı çıxan inanclı fəallardan biri idi.