İmişlinin həbsdə olan sabiq icra başçısı Vilyam Hacıyevin həyat yoldaşı Cülyetta Hacıyeva 5 milyon 218 min manatlıq mənzil və luks avtomobillərinin, oğlu Məhəmməd Hacıyev isə 126 000 manatlıq "Land Rover" markalı avtomobilin müsadirədən azad olunması üçün məhkəməyə müraciət edib.

Putin bu gün qismən səfərbərlik elan etdi və Qərb tərəfdən Rusiyanın ərazi bütövlüyünə təhlükə yaranarsa bütün vasitələrdən istifadə edəcəyi ilə hədələdi.

İranda əhali 22 yaşlı Məhsa Əmininin ölümünə etiraz olaraq küçələrə axışıb. İddiaya görə Məhsa, hicab qaydalarını pozduğuna görə polis nəzarətinə götürüldükdən sonra ölüb. Etirazçılar ölkənin bir çox iri şəhərlərində “Diktatora ölüm” şüarları səsləndirərək polislə qarşıdurmaya gedib. Nəticədə 5 nəfərin öldüyü deyilir. İran isə rəsmi olaraq bildirib ki, insan hüquqlarının qorunması İran üçün əsas dəyərdir.

İlham Əliyev tərəfindən "Vətən uğrunda" medalı və “Vətənə xidmətə görə” ordeni ilə təltif edilən, 20 milyon manatdan çox dövlət vəsaitini mənimsəməkdə ittiham olunan Milli Təhlükəsizlik Nazirliyinin İstintaq Baş İdarəsinin rəisi olmuş, general-mayor Mövlam Şıxəliyevə 12 il, onun dəstə üzvlərinin hər birinə 8-12 il olmaqla həbs cəzası verildi.

Putinin Rusiyada qismən səfərbərlik elan etməsindən sonra ölkə vətəndaşları son saatlarda “Google” axtarış sistemində ən çox “Səfərbərlikdən necə yayına bilərəm” (“Kак избежать мобилизации), “Qolumu necə sındıra bilərəm” ("Как сломать руку") kimi ifadələri axtarışa veriblər. Mənbə: YeniAvaz

Rusiyada qismən səfərbərlik elan edildikdən sonra Moskvadan İstanbula, Yeravana, Bakıya və vizasız digər qonşu ölkələrə uçuşlar üçün aviabiletlər tükənib.

Sosial şəbəkələrdə “şəhid bacısı” adı altında feyk profillər vasitəsilə vətəndaşlardan onlayn pul toplayan şəxs tutulub. Törətdiyi əməli etiraf etdiyi deyilən 2000-ci il təvəllüdlü E. Quliyev saxlanılaraq məsuliyyətə cəlb edilib.

Jurnalist Əvəz Zeynallının ev dustaqlığına buraxılmağı dezinformasiyadır. Bu gün keçirilən məhkəmə prosesində jurnalistin həbs-qətimkan tədbirinin ev dustaqlığı ilə əvəz olunması təmin olunmayıb.

Azərbaycanda bəzi mobil operatorların şəbəkə sistemində problemlər yaranıb, "set" itib. Səbəb isə məlum deyil.

İlham Əliyev: “Son hadisələrdə biz sərhədlərə çıxdıq. Əgər Ermənistan bizi ittiham etmək istəyirsə ki, onların ərazisinə girmişik, bunun heç bir əsası yoxdur. Birincisi, əgər sərhəd onların dediyi yerdə idisə sərhədi quraydılar, sərhəd xətlərini inşa edəydilər, kommunikasiyaları, mühəndis işlərini quraydılar. Onlar hesab edirdilər ki, bütün Qarabağ və Zəngəzur onlara qalacaq. Yəni, bizim sərhədimizin delimitasiyası keçirilmədən heç kim deyə bilməz sərhəd haradan keçir. Ona görə delimitasiya aparılmadan bizi heç kim Ermənistan ərazilərinə girməkdə ittiham edə bilməz”.

Navalnının tərəfdarları Putinin sözçüsü Peskovun oğluna zəng vurub deyiblər ki, hərbi komissarlıqdandır, hazırlaş müharibəyə gedirsən. Balaca Peskov da deyib ki, mənim Cənab Peskov olduğumu bilirsinizsə, deməli, orada olmağım düzgün deyil. Bir sözlə, mən bunu başqa müstəvidə həll edəcəyəm.

Azərbaycan mənbələri sərhəddə atəşkəsin pozulduğunu bildirirlər. Rəsmi məlumat isə hələlik yoxdur.

Azərbaycan Müdafiə Nazirliyi hər hansı atəşkəsin pozulması məlumatını təkzib edərək yalanladı.

Ermənistan Müdafiə Nazirliyi sərhəddə 1 erməni hərbçisinin güllə yarası aldığını bildirib.

Yeni qəbul ediləcək qanunla Azərbaycandan xaricə və ya xarici ölkələrdən Azərbaycana 50 min manatdan yuxarı məbləğdə pul vəsaiti köçürən şəxs cinayət məsuliyyətinə cəlb ediləcək. Ölkənin, xalqın sərvətini ofşorlara, banklara daşıdılar, indi qanunu sərtləşdirirlər.

Azərbaycan Müdafiə Nazirliyi dünən gecə Kəlbəcər istiqamətindən erməni diversiya qrupunun hücum etdiyini, nəticədə geri çəkilməyə məcbur edildiyini iddia edir. Erməni tərəfi hələ ki, bu barədə hər hansı məlumat yaymayıb.

Rusiyanın müxtəlif şəhərlərində səfərbərlik əleyhinə keçirilən aksiyalar zamanı saxlanan etirazçılara hərbi komissarlıqlar tərəfindən çağırış vərəqələri verilib.

Rusiya Təhlükəsizlik Şurasının sədr müavini Dmitri Medvedev: “Rusiya öz müdafiəsi üçün nüvə silahı daxil, istənilən silahdan istifadə edə bilər”.

Rusiyada səfərbərlikdən sonra ruslar @hebmun

Almaniya hökuməti Rusiyada səfərbərlik qərarına məhəl qoymayan rusları qəbul etməyə hazır olduğunu bildirib.

Paşinyan: “Azərbaycan prezidentinə rəsmi və açıq sual verirəm: mənə Ermənistanın elə bir xəritəsini göstərə bilərsinizmi ki, onu qəbul edirsiz, yaxud Ermənistan Respublikası kimi qəbul etməyə hazırsınız? Bunu ona görə soruşuram ki, Azərbaycanın rəsmi mövqeyinə görə, yalnız Ermənistanın yarısı, yaxud ondan da az hissəsi Ermənistan Respublikasıdır”.