Salyanın Qaraçala kəndi, 19 yaşlı əsgər Hüseynov Elmir Abdul oğlu 12-13 sentyabrdakı hərbi toqquşmalar zamanı şəhid olub. MN təsdiqləyib. Dəfn üçün cənazə kəndə gətirilir.

Ermənistanın "Hayaliq" nəşri açıq mənbələrin monitorinqinə istinadən iddia edir ki, Azərbaycan Ordusu aşağıda qeyd olunan istiqamətlər üzrə Ermənistanın suveren ərazilərini ələ keçirib:

1. Geğarkunik (Göyçə mahalı) bölgəsində 25 kv. km ərazini ələ keçirib,
2. Axpradzor (Yuxarı Zağalı) istiqamətində 4,5 km irəliləyərək Xorapor dağına (2906m) çatıb,
3. Verin Şorja (Yuxarı Şorca) istiqamətində 8 km irəliləyərək, Çermakakar (2747m), Uxtasar (2851m) və 2484m adsız yüksəklikləri ələ keçirib,
4. Norabak (Əzizli) istiqamətində 7 km irəliləyərək 2338,6 m adsız yüksəkliyi ələ keçirib.

Nəşr iddia edir ki, son 2 ildə Azərbaycan Ordusu Ermənistan ərazisinin ümumilikdə 150 km²-ə yaxınını, yəni 15 min hektarlıq ərazini ələ keçirib.

Bərdənin Mehdili kənd sakini, 1996-cı il təvəllüd Namiq Ağaməmməd oğlu Məmmədli şəhid olub. MN siyahısında var.

Zəngilanın Zərnəli kənd sakini, 2004-cü il təvəllüd Amin Rasim oğlu Qəfərli şəhid olub. Azərbaycan MN məlumatı təsdiqləyib.

Şəkinin Dağdibi sakini, 2001-ci il təvəllüdlü hərbçi Fərid Qiyas oğlu Lətifov da şəhid olub. MN təsdiqləyib. Ehtimalım şəhidlərin sayı daha da artacaq. Çünki yaxşı xəbərlər gəlmir. Hərçənd artıq sərhəddə sakitlikdir. Bu hərbçilərin çoxu dünən və gecə toqquşmaları zamanı şəhid olanlardır.

Goranboyun Qaradağlı kənd sakini, 2003-cü il təvəllüd Ümid Vüqar oğlu İmamquliyev şəhid olub. MN təsdiqləyib. Bu arada məndəki siyahıya görə şəhid olanların adbaad sayı 72 nəfərdir.

Cəlilabadın Bəcirəvan kənd sakini, 1999-cu il təvəllüd hərbçi Hüseynalı Hikmət oğlu Nəbiyev şəhid olub. Müdafiə Nazirliyi məlumatı təsdiqləyib.

Qaradağ rayonu, Lökbatan qəsəbə sakini, 2003-cü il təvəllüd Fərid Vahid oğlu Quliyev şəhid olub. Müdafiə Nazirliyi məlumatı təsdiqləyib.

MİDA-nın bugünkü növbəti 815 mənzilin güzəştlə satışı prosesi başlamamışdan öncə kiber müdaxilələr olduğu rəsmi olaraq təsdiqləndi.

Azərbaycan Ordusunun Ermənistan sərhədində 8 strateji əhəmiyyətə malik yüksəkliyi nəzarətə götürdüyü deyilir.

Hindistan BMT Təhlükəsizlik Şurasının iclasında Azərbaycanı təcavüzkar adlandırıb.

Ağdaş rayonundan gələn Samit Samir oğlu Quliyev qazi statusu alsa da, əlillik dərəcəsini Sosial Müdafiə nazirliyi vermir. O da gecənin bu saatında, yaraları ilə yanında bacısı, Yasamal rayonu Əsəd Əhmədov küçəsində olan "Bravo" marketin qabağında medallarını da qarşısına qoyub, çarəsiz şəkildə dilənir. Utandığından üzünü də göstərmir.

İlham Əliyev və onun rəsmi qurumları, bu uşaqların qanı və canı ilə, həyatı bahasına taxtınızı möhkəmləndirirsiz, amma qayğıya, dəstəyə gələndə onlarıın qüruru və dəyərlərini belə alçaldırsız. Onlar hər şeylərini fəda edəcək, siz onların qanı, canı üzərindən yumruq silkələyəcək, onları da belə sındıracaqsız? Nə qədər olar axı? Niyə bu cür mənzərələr yaşanmalıdır?

Sistemin daha bir növbəti rüsvayçılığı. Elə bil ki, adam ayıb iş görüb, şəhiddən rüşvət alınma məsələsini ifşa edib. Polis bölmələrində cinayətkar dindirməsi kimi çəkib, məşhur üzr videoları kimi çəkib, adamı rəzil edib, paylaşıblar. Bir o qalmışdı ki, şəhidin qardaşına üzr istətsinlər. Sizin "rəsmi araşdırılır" dediyiniz hoqqa budur? Bu əxlaqsızlıqdır, növbəti sistem çürüklüyünün bariz göstəricisidir, korrupsiya halı ilə məzələnməkdir. Ayıb olsun.

Cəlilabadın Göytəpə şəhər sakini İsa Rəhim oğlu Kəlbiyevin şəhid olduğu bildirilir. Məlumatı yaxınlarına rəsmi qurumlar təsdiqləyiblər. Bu şəhid MN siyahısında yoxdur. Mənim siyahımda ümumi 73 nəfər şəhid adı var.

Paşinyan: "Ermənistanın 135 hərbçisi ölüb, təəssüf ki, bu son rəqəm deyil".

Biləsuvar hərbi komissarlığından hərbi xidmətə çağırılan, Yardımlının Zəngələ kənd sakini Nicat Əlifağa oğlu Qarayevin (sənəddə rəsmi adı Malik gedir) şəhid olduğu bildirilir. Səfərbərlik və Hərbi Xidmətə Çağırış üzrə Dövlət Xidmətinin Biləsuvar rayon şöbəsi məlumatı təsdiqləyib. MN siyahısında yoxdur.

MN: "Azərbaycan Silahlı Qüvvələrinin daha 6 hərbçisi şəhid olub".

Son açıqlanan 6 şəhidin adları:

Baş çavuş Hüseynli Rəşad Ramiz 21.05.2000
Əsgər Kəlbiyev İsa Rəhim - 21.09.2002
Əsgər Balaşzadə Röyal Atduxan 23.11.2003
Əsgər Qənbərli Rəşad Əlizamin 25.06.1996
Əsgər Süleymanov Turxan İdris 20.09.2002
Əsgər Qarazadə Nicat Malik 24.10.2002

Ermənistanın Baş Qərargahı: "Azərbaycan Ordusu Cermuk (İstisu) istiqamətində 7,5 km irəliləyiblər".

1 azərbaycanlı hərbçi əsirlə 1 erməni hərbçi əsir dəyişdirilib.

Çox adam açıqlama gözləyir, verim:

1. Əvvəla videonu çəkəni, bu çəkilişə şərait yaradanı tapmaq lazımdır.
2. Eynulla Fətullayev iddia edir ki, fotoda gördüyünüz məkan Müdafiə Nazirliyinin binasıdır.
3. Əgər iddia doğrudursa, deməli video fotodakı məkanda çəkilib. Xahiş edirəm fotolara nəzər salın, məkan, masa, stullar və divar eyni yerdədir.
4. Əgər iddia doğrudursa, deməli MN yalan bəyanat yayıb.
5. Bundan əlavə əsas məsələ həm də problemin qaynaqlandığı, yəni 6 min manat rüşvəti alanların tapılıb cəzalanmasıdır. Əlbəttə şəhid qardaşının "üzr videosu"nu çəkənlər də cəzalanmalıdır. Baş Prokurorluq baş qatmamalıdır, ilk dəfə açıqladıqları bəyanatlarına əməl etməlidirlər. Ədalətli araşdırma şəhid qardaşından üzr istədmək deyil.
6. Video Telegram kanallarında yayılmışdı və mən də ordan götürmüşəm, qınamışam. Telegramdakı kanalın adı "Kyrill_Tnews". Söz-söhbət yayılan kimi, kanalı privat etdilər.