Sumqayıt sakini, əslən Zəngilanın Quyudərə Xəştab kəndindən olan hərbçi Musa Tofiq oğlu Alışov 12-13 sentyabrdakı hərbi toqquşmalar zamanı şəhid olub. Dünən şəhid hərbçi Sumqayıtda dəfn edildi. Evin tək övladı olub. Atası anasından ayrılıb, anası tək böyüdüb.

Zaqatalanın Qımır kənd sakini, 2001-ci il təvəllüdlü Turan Tərlan oğlu Məhərrəmovun şəhid olduğu bildirilir. Məlumat rəsmi qurum tərəfindən şəhidin yaxınlarına təsdiqlənib. Yaşasaydı Turanın gələn ay toyu olacaq, nişanlanmışdı.

KTMT-nın Birləşmiş Qərargahının rəhbəri Anatoli Sidorov bildirib ki, Ermənistanla Azərbaycan sərhədində güc tətbiqindən söhbət getmir: "Təşkilat münaqişənin sülh yolu ilə həllinə ümid edir".

Ağdaşın Abad kənd sakini Xəqan Daşqın oğlu Qurbanovun Kəlbəcər istiqamətində gedən döyüşlərdə şəhid olduğu bildirilir. Məlumat rəsmi qurum tərəfindən şəhidin yaxınlarına təsdiqlənib.

Azərbaycan Müdadiə Nazirliyi: "Ermənistanın təxribatı nəticəsində Azərbaycan Silahlı Qüvvələrinin daha 21 hərbçisi şəhid olub".

Şəkinin Cavad Xan qəsəbə sakini, 2003-cü il təvəllüd Nihad Nicat oğlu Verdiyev də şəhid olub. Dünəndən fotosunu tapa bilmirdim. Nazirliyin yaydığı siyahıda var. Siyahıda bir neçə nəfərin adı yoxdur, halbuki onlar dünən şəhid kimi dəfn ediliblər.

Bakı sakini, əslən Yardımlının Urağaran kəndindən olan, 2002-ci il təvəllüd Polad Sehran oğlu Şirinov şəhid olub. Məlumat MN yaydığı siyahıda var.

Goranboyun Qızılhacılı qəsəbə sakini, 2002-ci il təvəllüd hərbçi Səfiyar Elşən Məmmədov şəhid olub. Yaşadığı ev çox bərbad vəziyyətdədir. 2 aydır hərbiçi MAXE vəzifəsində çalışırdı ki, qışda evlərinə su tökülməsin.

Azərbaycan MN yaydığı 21 şəhidin bugünkü adbaad siyahısı:

1. Hüseynov Elmir Abdul 21.07.2003
2. Qasımov Rəşad Ənvər 29.03.2003
3. Qəfərli Amin Rasim oğlu 22.01.2004
4. Quliyev Fərid Vahid oğlu 07.11.2003
5. Qurbanov Xəqan Daşqın 17.06.2002
6. Qurbanzadə Cəmil Anar 27.04.2003
7. Lətifov Fərid Qiyas oğlu 10.10.2001
8. Mahmudzadə Ülvi Məzahir 31.05.1991
9. Məhərrəmov Elnur Nərbala oğlu 18.05.2001
10. Məhərrəmov Turan Tərlan oğlu 27.05.2001
11. Məmmədli Namiq Ağəmməd oğlu 02.05.1996
12. Məmmədov Səfiyar Elşən 01.01.2002
13. əsgər Kərimov Zöhrab Azad oğlu 14.08.2003
14. əsgər Nəbiyev Hüseynalı Hikmət oğlu 17.07.1999
15. əsgər Nəsibov Kənan Cəbrayıl 20.04.1999
16. əsgər İmamquliyev Ümid Vüqar 28.08.2003
17. əsgər Səmədov Elmin Mirzəli 01.02.1996
18. əsgər Süleymanov Xəyal Elxan 27.11.1996
19. əsgər Şirinov Polad Seyran 05.10.2002
20. əsgər Verdiyev Nihad Nicat 19.03.2003
21. əsgər Zülfüzadə Coşqun Ədail 27.12.1998

Biləsuvar rayon sakini, 2003-cü il təvəllüd Zöhrab Azad oğlu Kərimovun şəhid olub, MN təsdiqləyib.

Salyanın Qaraçala kəndi, 19 yaşlı əsgər Hüseynov Elmir Abdul oğlu 12-13 sentyabrdakı hərbi toqquşmalar zamanı şəhid olub. MN təsdiqləyib. Dəfn üçün cənazə kəndə gətirilir.

Ermənistanın "Hayaliq" nəşri açıq mənbələrin monitorinqinə istinadən iddia edir ki, Azərbaycan Ordusu aşağıda qeyd olunan istiqamətlər üzrə Ermənistanın suveren ərazilərini ələ keçirib:

1. Geğarkunik (Göyçə mahalı) bölgəsində 25 kv. km ərazini ələ keçirib,
2. Axpradzor (Yuxarı Zağalı) istiqamətində 4,5 km irəliləyərək Xorapor dağına (2906m) çatıb,
3. Verin Şorja (Yuxarı Şorca) istiqamətində 8 km irəliləyərək, Çermakakar (2747m), Uxtasar (2851m) və 2484m adsız yüksəklikləri ələ keçirib,
4. Norabak (Əzizli) istiqamətində 7 km irəliləyərək 2338,6 m adsız yüksəkliyi ələ keçirib.

Nəşr iddia edir ki, son 2 ildə Azərbaycan Ordusu Ermənistan ərazisinin ümumilikdə 150 km²-ə yaxınını, yəni 15 min hektarlıq ərazini ələ keçirib.

Bərdənin Mehdili kənd sakini, 1996-cı il təvəllüd Namiq Ağaməmməd oğlu Məmmədli şəhid olub. MN siyahısında var.

Zəngilanın Zərnəli kənd sakini, 2004-cü il təvəllüd Amin Rasim oğlu Qəfərli şəhid olub. Azərbaycan MN məlumatı təsdiqləyib.

Şəkinin Dağdibi sakini, 2001-ci il təvəllüdlü hərbçi Fərid Qiyas oğlu Lətifov da şəhid olub. MN təsdiqləyib. Ehtimalım şəhidlərin sayı daha da artacaq. Çünki yaxşı xəbərlər gəlmir. Hərçənd artıq sərhəddə sakitlikdir. Bu hərbçilərin çoxu dünən və gecə toqquşmaları zamanı şəhid olanlardır.

Goranboyun Qaradağlı kənd sakini, 2003-cü il təvəllüd Ümid Vüqar oğlu İmamquliyev şəhid olub. MN təsdiqləyib. Bu arada məndəki siyahıya görə şəhid olanların adbaad sayı 72 nəfərdir.

Cəlilabadın Bəcirəvan kənd sakini, 1999-cu il təvəllüd hərbçi Hüseynalı Hikmət oğlu Nəbiyev şəhid olub. Müdafiə Nazirliyi məlumatı təsdiqləyib.

Qaradağ rayonu, Lökbatan qəsəbə sakini, 2003-cü il təvəllüd Fərid Vahid oğlu Quliyev şəhid olub. Müdafiə Nazirliyi məlumatı təsdiqləyib.

MİDA-nın bugünkü növbəti 815 mənzilin güzəştlə satışı prosesi başlamamışdan öncə kiber müdaxilələr olduğu rəsmi olaraq təsdiqləndi.

Azərbaycan Ordusunun Ermənistan sərhədində 8 strateji əhəmiyyətə malik yüksəkliyi nəzarətə götürdüyü deyilir.

Hindistan BMT Təhlükəsizlik Şurasının iclasında Azərbaycanı təcavüzkar adlandırıb.