وجهات نظر ميئوسه !

عندنا مشكلة في علاقتنا مع الناس حقيقة بالجد انك بتكون شايف الزول او الزولة دي كدا وبتعجبك وممكن تحبها وترتبط او تحبيهو ترتبطي بيهو بعد الارتباط بشوية بتبقي الحاجة دي ما عجباك

فجاءة بتبقي دي مشكلة وحاجز كمان عند بعض الناس وندخل يا انا يا الحاجة دي انت ما سويت انت ما فعلت انت ما قلت ودوامة ما ليها نهاية

#السبب_الرئيسي بكون طريقة طلبك للحاجة يعني اذا في حاجة كنت متقبلها قبل الحب يخش جواك

وبقيت ببتضايق منها ساعدوا ياخ يتخلص منها اديهو وقت طويل قدر الريد الماليك اتجاهو اديهو حبك دا خليهو يقوي بيهو لمن يتغير وحيتغير عشانك

ولو #ما_قدر ما مشكلة ياخ انت حاول تتقبلو شوف بروحك جواتو مليان حاجات تانية لييك انت شوفو قدر كييف حاول وما قدر واكتفي بالحاجة دي

ماضروري نغير زول عشان نرضي روحنا ممكن نرضي روحنا باننا نكتفي ونحن بنعاين للبحبو بتغير عشانا 🥺♥

انور ادم
🌟

💕 فُضفُضۃ فُي ِِهـدًوء💕 @hdoo5

3na Ba🐼:
انور ؟!

ممكن احكي مشكلتي عادي

انا كنت في علاقه والصراحة هو اول حب لي وعلاقتنا ما استمرت كتيير زي 3شهور وفصلنا مع انو مدة العلاقه بسيطة بس كان اعمق واحلى حب لي في حياتي اتشاركنا كل شي وتاني اختلفنا وما حصل بينا نصييب المشكلة ما هنا لاني اقتنعت انو ماف بيناتنا نصيب من بعد انفصالنا انا كان عندي واحد شبه صحبي المهم في الفترة ديك كنت بتعرف على اولاد كتار عشان املأ وقتي وما احس بي فراق في حياتي

اتكلمت مع الولد البقى لي صاحب ده كتتير وبقى جزء لا يتجزاء من يومي وبقيت احكي ليو وهو كان بحسسني بانه بحبني وفي يوم اعترف لي وانا ما اترددت ودخلت معاه في علاقه على طول المهم هو بعد شهر بس بداء اتغير علي وبقيت بحس بي انه غريب

وبعد فترة لا تتعدى ال6شهور انفصلنا وهو اسي رجع لي حياتي ورجعت علاقتنا من تاني وبقى شبه مهتم والمشكلة الاكبر انو الشاب الاول رجع برضو وبقو الاتنين في حياتي وبقيت ما عارفه اواصل مع منو

3na Ba🐼:
صح احنا اسي في عيد تخيل يوم امس ما اتصل علي ولا حتى عايدني بي رساله وبكون اون لاين وما برد علي

♡αňŵậř āɖαʍ♡:
لانو لما رجع ليك رجع عن فراغ ما اكترر

3na Ba🐼:
هو مرات بحسسني انو ماف زول في الدنيا دي غيري وانو انا حاجه خاصة بيو

♡αňŵậř āɖαʍ♡:
ااي نعم بس وقت يكون ما عندو موضوع تجي في بالو ويهتم بيك فتره وتاني يغيب

كويس انو فتره العلاقه بسيطه

بس انتي ظلمتي نفسك بانك بقيتي تتعرفي علي اولاد كتير عشان تملي فراغك
3na Ba🐼:
ظلمت نفسي وظلمت بعض منهم
3na Ba🐼:
طيب انا لسه بحبو

♡αňŵậř āɖαʍ♡:
طالما بتحبيو
اقعدي معاو فهميو انك بتحبيو شديد
واتكلمي معاو في موضوع عدم الاهتمام يعني عاتبيهو وشوفي رده الفعل شنو

3na Ba🐼:
اتكلمت معاو وتاني ما ح اعيدها لان كده بزل في نفسي لم اترجاو افضل معاي

♡αňŵậř āɖαʍ♡:
كون هو بقعد كم يوم وما يفقدك معناها انتي ما في بالو اصلا وانتي كونك تكوني عاديه بدون ما تتآلم شديد وتبكي
يعني تقعدي عادي كم يوم بدون تواصل معاو معناه برضو ما حب

نفس القصه ذي ما انتي كنتي بتملي فراغك هو كمان بجيك وقت فراغ ومجرد ما يلقي موضوع تاني يختفي وينشغل عنك

3na Ba🐼:
طيب كمان مرات بحس بي اني بحبو

♡αňŵậř āɖαʍ♡:
يمكن ما حب !
يمكن مجرد شغف بالشخص
يمكن التعود الشديد علي الشخص دا بيوهم ليك انك بتحبيو

3na Ba🐼:
ومرات بحس بي نفسي بحبهم الاتنين

♡αňŵậř āɖαʍ♡:
القلب بشيل شخص واحد بس ومستحيل يحب شخصين في نفس الوقت
راجعي احساساك دا تمام
ح تلقي انك ما بتحبيهم الاتنين من الاساس بس التعود الشديد والايام والتفاصيل البينكم بتوحي وبتوهم ليك دا حب

3na Ba🐼:
طيب ممكن حبي الاول اختفي

♡αňŵậř āɖαʍ♡:
انا ما بقول ليك دا حب او لا لانو الفتره بسيطه جدا وما كتيره

3na Ba🐼:
طيب انا اعمل شنو اسي

♡αňŵậř āɖαʍ♡:
ابعدي خلي في مساااحه بينكم عشان الصوره توضح ليك زي الناس
انا حاسس انهم الاتنين ما جادين في العلاقه معاك ودا بيتضحح لما تبعدي منهك لفتره ح تكتشفي صدق مشاعرهم اتجاهك او لا

3na Ba🐼:
بس انا ما قادرة ابعد

♡αňŵậř āɖαʍ♡:
معناها ح تكوني في نفس الدوامه دي وما ح تلقي حل

3na Ba🐼:
انهي العلاقه يعني

♡αňŵậř āɖαʍ♡:
قلت ليك ابعدي شويه وعايني للعلاقه من بعيد وقيميها بعدها ح تلاقي الاجابه

3na Ba🐼:
💜طيب

💙مشكور شديييد 💜وبتمنى انك تكون سعيد في حياتك

{مشاكل و حلول}...🍂♡

اعتبرتهم اقرب الناس لي
#اعتبرتهم_الاصحاب البكونو معاي في المرة و الحلوة

وثقت فيهم وختيت ليهم مكانه عاليه بس للأسف ثقتي فيهم كانت أكتر من اللازم

من آول موقف احتجت ليهم فيو خذلوني وفجاءة لقيت روحي براي #بواجهه_الصعاب

في حين انو كنت بعتبرهم السند بس للآسف ما وقفو معااي طلعو اصحاب مصلحه ،، كانو معاي بس وقت مصلحتم ومجرد ما انتهت بقيت بالنسبه ليهم غير قابل للآستعمال مره تانيه

للآسف الشديد في كتير زيهم حولي بس متخفيين ورا #ستاارات_االصحبه لكن متأكد ح يجي يوم ويظهرو من خلف الستار

اي نعم انو الناس القراب ما وقفو معاي لكن غريبين عني وعمري ما فكرت انو يجي يوم ويساعدوني حتي من غير ما اتكلم

{وقفو معاي بالجد وساعدوني}

الخلاصه :-

انو ابعد الناس يمكن اقربهم لينا بس نحن بنكون ما عارفين بس شكراا لي كل #زوول_غرييب بقي لي سند اكتر من كل القريبيييين 🥺❤️

انور ادم

🌟

💕 فُضفُضۃ فُي ِِهـدًوء💕 @hdoo5

شخصيات في حياتنا
مهما كنا عايزنهم بنلقي انهم ما بنفعو معانا

يعني عندهم #تصرفات_معينه
ما بخلوها حتي لو اديناهم الف فرصه

في بدايه #كل_فرررصه بكونو كويسين بس تاني برجعو لي نفس التصرفات و الحركات

يعني مهما اتماشينا واتنازلنا بنلقاهم زي ما هم ما عشان كعبين لالا بس عشان دي صفه فيهم او احتمال عشان عايزين يخسرونا واحتمال تاني كمان عشان اتعودو انو نحن بنديهم فرصه في كل مرة

بنلقى انو ما بنفع حتي لو صبرنا و صبرنا
بنلقي انو ما بنفع حتي لو اتنازلنا واتجاهلنا لانو بنزعل في روحنا ساااي

بس بالبرغم من انو بنحبهم وبرغم حركاتهم حبهم جوانا لا نقص لا اتغير بس بنلقي ردات فعلنا اتجاهم بقت باردة

يعني حتي لو انفعلنا
بننفعل #انفعال_مؤقت وتاني بننسي

بقينا بنستهون بي افعالهم
بس دا ما بعني انو بقينا ما بنحبهم بس اتعودنا علي #حركاتهم_الباايخه

كفايه لحد هنا
كفايه يكون لسه في احترام بينا وبينهم
وكونو وقفنا تعاملنا معاهم دا ما معناه انو نحن كعبين لا ،، معناها عايزين نحافظ علي ال بقي بينا وبينهم وما نخربو زياده

{يعني ما نخرب اي شي للنهاية}...🥺


انور ادم

🌟

💕 فُضفُضۃ فُي ِِهـدًوء💕 @hdoo5

لمن تكون بتحب زول شديد ومتعلق بيهو ويمكن كان بالنسبه ليك حياتك كلها بس عشان هو عارفك بتحبو يمكن #مستضعفك_جدااا

ومستقل الحاجه دي اسوء استغلال بمشي بكيفو ويجي بي كيفو ويتصل ويرد عليك بي مزاجو بالدارجي كدا حاقر بيك رسمي شعبي نظمي تحس انو العلاقه دي #ااخدت_منك اكتر مما بتديك

علي قدر ما كنت بتحبو وبتريدو تدريجا وبالمواقف بتلقاهو طلع من نفسك ودا #ااكعب_ااحساس

انو زول غالي عليك يمسخ ليك ويبقي ليك شبه عادي ودي دايما بتكون نتيجة #االريده_االشديده بتخلي صاحبا يفقد الشهيه في الحب خالص لانو خلصت طاقتو في انو يتقبل اي شي منو تاني

ما بقول تقدر تكرهو وتنساهو لكن بكون بقا بالنسبه ليك شخص عادي مافي لهفه زي الزمان ويمكن اقل موقف منو ممكن يخليك تختار الفراق وانك تبعد منو هو حا يتفاجاهء بي القرار دا منك انت لانو واثق فيك ويفكر انك لقيت غيرو وانك بقيت ما بتحبو لكن للاسف انت عارف انو هو خلاص مرق #من_نفسك

عشان كدا #ااعمل_حساابك لي الناس البتريدك بالجد وحافظ عليهم لانو ما بتلقاهم بي سهوله ولو بجي علي نفسهم عشانك #ماا_تضغط عليهم اكتر لانو والله يوم يمشو دا تاني عمرهم ما برجعو حتي لو كان #بموتو_فيك 🙂👈👉


انور ادم
🌟

💕 فُضفُضۃ فُي ِِهـدًوء💕 @hdoo5

ﺍﻟﺰﻭﻝ ﻟﻤﺎ ﻳﻜﻮﻥ ﺑﺘﻠﻜﻚ ﻋﺸﺎﻥ ﻳﺴﻴﺒﻚ ﺑﻜﻮﻥ ﻇﺎﻫﺮ ﻭﺍﻧﺖ #ﺑﺘﻜﻮووﻥ_ﻓﺎااﻫﻢ ﻭﻋﺎﺭﻑ ﺍﻱ ﺣﺎﺟﻪ ﺑﺲ ﺑﺘﺘﻐﺎﺑﻰ ﻋﺸﺎﻥ ﺍﻧﺖ ﻣﺤﺘﺎﺝ ﻛﺪﻩ

وﻟﻤﺎ ﻓﺠﺄﻩ ﻳﺒﺪﺃ #ﻳﻘﻠﻞ_ﻣﻜﺎﻟﻤﺎﺗﻮوو ﻣﻌﺎﻙ ﻭﻟﻤﺎ ﻳﻌﺪﻱ ﻳﻮﻡ ﻳﻮﻣﻴﻦ ﻭﻣﺎ #ﻳﺴﺄﻝ_عليييك ﻭﻟﻤﺎ ﺗﺠﻲ ﺗﺴﺄﻝ ﺍﻧﺖ ﻳﺤﺴﺴﻚ ﺍﻧﻮ ﻣﺸﻐﻮﻝ ﻟﺪﺭﺟﺔ ﺍﻧﻮ ﻣﺎ ﻻﻗﻲ ﻃﺮﻳﻘﻪ ﻳﺸﻴﻞ ﻧﻔﺴﻮ ﻭﺍﻧﺖ ﻋﺎﺭﻑ ﻭﻣﺘﺄﻛﺪ ﺍﻧﻮ #ﻋﺎااﻳﺶ_ﺣﻴﺎﺗﻮوو ﺑﺎﻟﻄﻮﻝ ﻭﺍﻟﻌﺮﺽ ﻭﺍﻧﻮ ﻓﻌﻼ ﻗﺪ ﻳﻜﻮﻥ ﻣﺸﻐﻮﻝ ﺑﺲ ﻣﺎ ﻟﻠﺪﺭﺟﺔ ﺍﻟﺒﺘﺨﻠﻴﻬﻮ ﻣﺎ
#يسأأأل_عنك

ﻭﺍﻧﺖ ﺷﺎﻳﻒ ﻣﻨﺘﺸﺮ ﻓﻲ ﺍﻟﻔﻴﺲ ﺑﻮﻙ ﻭﺍﻟﻮﺍﺗﺴﺎﺏ ﺩﺍ ﻏﻴﺮ ﺍﻧﻚ ﻣﻤﻜﻦ ﺗﺘﺼﻞ ﻋﻠﻴﻬﻮ ﻭﺗﻠﻘﺎﻫﻮ ﺍﻧﺘﻈﺎﺭ ﻭﺗﻔﻀﻞ ﻣﺴﺘﻨﻴﻬﻮ ﺑﺎﻟﺴﺎﻋﺎﺕ ﻳﺨﻠﺺ ﻭﻳﻜﻠﻤﻚ ﻭﺑﺮﺿﻮ ﻣﺎ ﻳﻜﻠﻤﻚ ﻭﻣﻤﻜﻦ ﻛﻤﺎﻥ ﺗﺮﺟﻊ ﻟﻴﻬﻮ ﺍﻧﺖ ﻭﻣﺎ
#ﻳﺮرﺩ_عليييك

ﻗﺪ ﺗﺤﺎﻭﻝ ﺗﻠﻘﻰ ﻟﻴﻬﻮ ﺍﻋﺰﺍﺭ ﻭﺗﻮﻫﻢ ﻧﻔﺴﻚ ﺑﻲ ﺣﺎﺟﺎﺕ ﺍﻧﺖ ﻓﻲ ﺍﻷﺳﺎﺱ ﻣﺎ ﻣﻘﺘﻨﻊ ﺑﻴﻬﺎ
ﻭﺗﻘﻮﻝ ﺍﺣﺘﻤﺎﻝ ﺣﺼﻠﺖ ﺍﻱ ﺣﺎﺟﻪ ﻭﺗﺤﺎﻭﻝ ﺗﺴﺘﻨﻰ ﺷﻮﻳﻪ ﻭﺗﻠﻘﻰ ﻧﻐﺴﻚ ﺍﺳﺘﻨﻴﺖ ﻛﺘﻴﺮ ، ﺑﺘﺒﻘﻰ ﺍﻟﻤﺸﻜﻠﻪ ﻟﻤﺎ ﻳﻜﻠﻤﻚ ﻭﻳﻘﻮﻝ ﻟﻴﻚ ﺍﻋﺰﺍﺭ ﻭﺍﻫﻴﻪ ﺣﺘﻰ ﺍﻷﻃﻔﺎﻝ ﻣﻤﻜﻦ ﻣﺎ ﻳﺼﺪﻗﻮﻫﺎ ﻋﺸﺎﻥ ﻫﻮ ﻓﻲ ﺍﻷﺻﻞ ﻣﺎ ﻓﺎﺭﻕ
ﻣﻌﺎﻫﻮ ﺗﺼﺪﻕ ﻭﻻ ﻣﺎ ﺗﺼﺪﻕ ﺑﻜﻮﻥ ﻋﺎﻳﺰ ﻳﻘﻮﻝ ﻟﻴﻚ ﺍﻱ ﻛﻼﻡ ﻭﺍﻟﺴﻼﻡ ﻭﻣﺎ ﺑﻜﻠﻒ ﻧﻔﺴﻮ ﺣﺘﻰ ﺍﻧﻮ ﻳﻘﻮﻝ ﻟﻴﻚ ﻛﻼﻡ ﻣﻘﻨﻊ ﺣﺘﻰ ﻭﻟﻮ #ﻛﺎااﻥ_ﻛﺬذذﺏ ﻋﺸﺎﻥ ﻫﻮ ﻣﺎ ﻋﺎﻳﺰ ﻳﻘﻨﻌﻚ ﻭﻻ ﻋﺎﻳﺰ ﻳﺮﺿﻴﻚ ﻫﻮ بس ﻋﺎﻳﺰ ﻳﺴﺘﻨﻔﺬ #ﻃﺎااﻗﺔ_ﺻﺒﺮررﻙ

ﺯﻭﻝ ﻓﺠﺄﻩ ﺑﻘﻰ ﻣﺎ ﻋﺎﻳﺰﻙ ﻣﻦ ﺩﻭﻥ ﺳﺒﺐ ﻣﻦ ﺩﻭﻥ ﻣﺎ ﺍﻧﺖ ﺗﻜﻮﻥ #ﻋﻤﻠﺖ_ﺣﺎااﺟﻪ ﻏﻴﺮ ﺍﻧﻚ ﺣﺒﻴﺘﻮ ﺍﻛﺘﺮ ﻣﻦ ﺍﻟﻼﺯﻡ

ﻋﺸﺎﻥ ﻟﻮ ﻛﺎﻥ ﻓﻲ ﺍﺳﺒﺎﺏ ﻛﺎﻥ ﺟﺎ ﻭﻭﺍﺟﻬﻚ ﺑﻴﻬﺎ ﺑﺲ ﻫﻮ ﻣﺎ ﻋﻨﺪﻭ ﺳﺒﺐ ﻭﺧﺠﻼﻥ ﻣﻦ ﻧﻔﺴﻮ ﻓﺒﻘﻰ ﺑﻌﻤﻞ ﻛﻞ ﺍﻟﺤﺎﺟﺎﺕ ﺍﻟﺒﺘﻀﺎﻳﻘﻚ ﻭﺑﺘﺰﻋﻠﻚ ﻭﻳﻌﻤﻞ ﻧﻐﺴﻮ ﻣﺎ ﻗﺎﺻﺪ ﻋﺸﺎﻥ ﺍﻧﺖ ﺗﺰﻫﺞ ﻋﺸﺎﻥ ﺍﻧﺖ ح تجوﻁ ﻋﺸﺎﻥ ﺍﻧﺖ تشاكل ﻭﺗﻄﻠﻊ ﺍﻟﻌﻴﺒﻪ ﻣﻨﻚ ﻭﺍﻧﺖ ﺍﻟﺘﻘﻮﻝ ﻟﻴﻬﻮ ﺍﻧﺎ ﻣﺎ ﻋﺎﻳﺰﻙ ﻭﻳﻼ ﻧﺴﻴﺐ ﺑﻌﺾ ﻭﺗﻜﻮﻥ #ﺟﺎااﺕ_ﻣﻨﻚ

ﻭﻳﻠﻌﺐ ﻫﻮ #ﺩﻭوﺭ_اﺍﻟﻀﺤﻴﻪ ﻭﺗﻨﺘﻬﻲ ﺍﻟﻘﺼﻪ ﻋﻠﻰ ﻛﺪﻩ ﻭﺗﺒﻘﻰ ﺍﻧﺖ ﺍﻟﻈﺎﻟﻢ ﺍﻟﻤﻈﻠﻮﻡ 🥺🚶‍♂

انور ادم
🌟

💕فُضفُضۃ فُي ِِهـدًوء💕 @hdoo5

نحنا محتاجين نحس إنو في زول محتاج لينا
زول نبقي عارفين إنو بحبنا بدون اي اسباب واضحه

يقسم معانا كل حاجه بنعملا:-
الاكل ، الكسل ، البرد ، الحر ، الافلام البنحبها ، الاغاني البنسمعها

يشاركنا الشوارع والموصلات
يملي اي كرسي فاضي في حياتنا
يدينا من وقتو ومن تفكيرو ومن اهتمامو

ممكن يبقي أخ ،، ممكن صاحب ،، حبيب ،، توأم روح ،، يعني يستاهل اننا نقول ليو فعلا وجودك شي مكملنا لاننا برانا ما بنقدر

زول يستوعب ضعفنا ويأسنا واكتئابنا ويحتويو وما نتكسف نبكي قدامو وما يزهج مننا لو شكينا ويسمع مننا وقت ما عايزين نفضفض ونحكي ليو مشاكلنا حتي لو ما عندو لينا حل

نحن اغلبيتنا #مرررضي_نفسيين وبنعالج بعض بالتفاصيل دي من غير ما ناااخد بااالنا

ف ياريت ما نبخل علي بعض بالمشاعر ولا بالكلام الحلو عشان نقدر نكمل حيانتا علي #الاقل_مبتسميين 🥺❤️


انور ادم

🌟

💕 فُضفُضۃ فُي ِِهـدًوء💕 @hdoo5

انتهت الرسايل
انتهت المكالمات
بس لسه ما انتهى الشعور
بس حقيقا الشعور مهما كان مؤذى بس في النهايه هو رحمة 🥺✌️

انور ادم

في ناس كتيره #مجروحين_ومتألمين وحياتهم ما ليها طعم ،، بضحكو غصبا عنهم و بياكلو الحاجه البتخليهم عايشين وبس

ناس شدة ما #قلوبهم_اتكسرت بقوا ما قادرين يفرقو بين فلان داك #صااادق وفلان داك #كذاااب ومخادع

كل الناس بقوا في عيونهم شايلين نفس الملامح والشبهه الكان شايلها فلان الحطمهم ومشي

لما تجي تشوفهم وتعاين ليهم في وشهم
بتعرف #حجم_المعااانه ال هم مارين بيها

ناس لا اذنبو في حاجه ولا غلطو في حاجه غير انهم انهم وقعو في الحب
غلطتهم الوحيده انهم وقت حبو فلان قفلو باب العقل ومشو روا قلوبهم

عيبهم انهم ما ادو نفسهم فرصه في التفكير وفي #نوع_العلاقه وهل هي ماشه في الاتجاةة الصح ولا لا

يمكن اغلب الناس المجروحين حاليا شاغلين نفسهم بالتفكير في الحصل وانو ليه علاقتهم #انحرفت_للاسواء بعد ما كانت ماشه في السليم

ااي نعم كانت #مهمه_شديد بالاول بس حسي لا لانها بقت ماضي وماضي مزعج هم ما قادرين يتخلصوا منو

انتو عارفين لو اي زول بقي يحمل نفسو #فوق_طاقتها عشان زول كان في حياتو وطلع
صدقوني ما ح تكون في حياة من الاساس
حنعيش بس لانو يومنا لسسه

اكيد بعد الحصل دا بكونو خاتين كل الناس كذابين ومخادعين طالما زولهم الحبوه ووثقو فيه طلع كدا
اكيد البقيه ح يكونو #اززفت_منو

بس بعيد انك متآلم وعايش احاسيس ملخبطه وما مفهومه اسأل نفسك انت ح تعيش حياتك متين ؟؟

انور ادم

🌟

💕 فُضفُضۃ فُي ِِهـدًوء💕 @hdoo5

لما تشوف #زول_مكتئب زيي انور مثلا
وتبدا تلومني علي انو ليه عامل في نفسي كدا و كأنو انا اخترت اكون مكتئب وتتعجب انو انور دا مكتئب كدا ليه ؟؟ ما كدا وبس و تلقائيا تبدا تتكلم في الحاجات الحلوة اللي العندي واني ما بستاهل كل دا وتقولي الحياة والعمر واحد واستمتع باللحظات ودي حاجات حلوة انت ما مقدرها ودي مجرد فترة انت بتمر بيها والكلام المحفز داا

الفكرة انو #الزول_المكتئب غالبا ما زي الصوره العموما الخاتنها

خلونا نتفق انو الاكتئاب حاجه او (القريفة) أو المضايق شويه حاجه تانيه خالص

#الصوره_النمطية ل الزول المكتئب الخاتنها في راسنا انو هو زول ماشي وراسو في الارض واغلب الوقت قاعد براهو او منعزل عن الناس او المجتمع
بس الفكرة دي غلط

ممكن الزول المكتئب بتشوفه وبتتكلم معاو كل يوم يعني شخص عادي لكن مكتئب

مكتئب وبتكلم ،، مكتئب وبطلع ،، مكتئب ويمشي الشغل ،، مكتئب وبتونس ،، مكتئب وبجاملك في فرحك

إذن الزول المكتئب ما مشلول ولا حتي قاعد في جزيرة براهو بالعكس بعمل اي حاجه وكل حاجه بس ما لازم يكون باين

بس ح تلاقه شايف كل حاجه في حياتو عبارة عن مشكلة او ما مظبووطه
لا مبسوط ولا متفائل بحاجه
ممكن يبكي بدون سبب منطقي او يبكي بسبب بسيط زي موقف روتيني عادي او مشهد مؤثر في فيلم
ومرات بلقي صعوبه في انو ينوم بالليل وبلقي صعوبه في اتخاذ قرار بسيط

وحاجه تانيه مهمه ممكن يبدا يشك في حبو للطرف التاني او يشك في حب الطرف التاني ليو

#الزول_المكتئب بحس انو
في حيطه من قزاز بينو وبين العالم
بيستسهل الحلول البتضمن الانسحاب
يعني عادي بستغناء وعادي يبعد
المهم دايما بميل للحلول السلبيه لانو ما عايز يواجهه وما قادر

صراحه #الاكتئاب_ما_اختيار وبالتالي الشفاء منو ما #بقوة_الارادة ولا بي كبسولات دواء

الاكتئاب #مرض_نفسي زي اي مرض عضوي كلنا معرضين ليو ولو الاكتئاب علاجو انك تفكر في الحاجات الحلوة الفي حياتك ما كان الفنانين والمشهورين والرياضيين بتصابو بيو

#مجتمعنا_السوداني مجتمع ضاغط
مطلوب مننا نتكلم نتكلم نتكلم ونضحك طول الوقت ، لازم نعمل ماركتينج لنفسنا لازم نتكلم نقول اي حاجه ، لازم نوصل ل اهدافنا ولازم نحقق احلامنا واحلام غيرنا فينا و في النهايه بنتعب من دور السعيد الغير قابل للكسر

اتمني اكون كفيت ووفيت

#انور_المكتئب

🌟

💕 فُضفُضۃ فُي ِِهـدًوء💕 @hdoo5

اصعب مرحله في حياة كل زول فينا ممكن يمر بيها وتوجعو وتحسسو انو مدمن بحاول يتعالج من المخدر

هي انك تحول شخص في حياتك من #قاائمه_االمهمين والغالين لي قائمة اللا شئ والغربين في حياتك

مرحله ممكن تخليك تفقد الرغبه في كل شي في الحياة ممكن تغيرك انت نفسك

ومهما تحاول ترجع ذي ما كنت زمان ما بتقدر وتلقي نفسك تلقائيا اتغيرته وبقي عندك عداوه حتي مع اقرب الناس ليك

وتواصل وتحاول تقيف علي حيلك وتغير من نفسك وتتعالج من الصدمه وكانك بتتعالج بي صدمات كهربائيه عشان تفوق مرحله اصعب #من_ااالموت

كونك انك تطلع شخص من قلبك بي اقتناع منك انو لازم يطلع منك ولازم تتعالج منو مرحله ما ساهله والله

لكن بقول علي الاكيد لي كل داء دواء ومصيرك تتعالج وتبقي كويس وترجع لي #حيااتك_االطبيعيه

ما تحاول تخلي #االمرض_يهززمك ويرميك لالا كون اقوي منو لانو الدنيا لسه بي خيرا

واتذكر انو المرض كفارة ذنوب وواجر وعافي ليك يعني حتي المرض ليهو حكمه فهمتني صح ؟؟

ما فيها مشكله لمن ندمن ونمرض لكن المشكله انو ما نتعالج ونحنا عارفين كيف نصل #لي_الدوااء

#ليييك ❤️

انور ادم
🌟

💕 فُضفُضۃ فُي ِِهـدًوء💕 @hdoo5

اغلبيه الناس المتابعه فضفضه مجروحه ومكسورة وعايشين في ماضي علاقه ما قادرين يتجاوزها بسبب المشاعر السلبيه
ان شاء الله اتكلم عن الموضوع دا وانك كيف تحول مشاعرك السلبيه ل مشاعر ايجابيه بالتفصيل الملل ❤️

انور ادم

في مشاعر كتيره بتسيطر عليك علي مدار يومك وحياتك لكن من الافضل نوعية المشاعر الايجابيه لانو مهما تحزن بكون عندك #مخزون_مشاعر ايجابيه بتخليك تقاوم كل شي
بتخليك تقاوم علاقة حب فاشله
بتخليك تقاوم الخيانه من اقرب الناس ليك وبتخليك تقاوم اليآس والغضب والاكتئاب
ف عشان كدا ح اتكلم بصورة عمليه وجديدة ف ركز في كلامي يمكن يغير حياتك للاحسن

في #تجربة_عجبيه عملوها العلماء واستنتجو من التجربة انو المشاعر الايجابيه بتخليك ترغب في الحياة
العلماء ديل جابو فيران ختوهم في علب من قزاز قصاد بعض وكبو مويه في العلب دي عشان الفيران يغرقو في المويه
نقطه مهمه (خليك عارف انو الفيران بتسبح لكن ما بتقدر تكون في سطح المويه زي السفينه ) المهم بدت الفيران تسبح وتسبح وتسبح عشان ما تغرق وتموت
أول فار تعب بعد ساعات واستسلم ومات اما الفار التاني تعب بعد 6 ساعات واستسلم ومات اما الفار الاخير فضل يسبح ويسبح 18ساعه متواصله وبعدها قرر انو يستسلم للغرق لكن العلماء تطلعو من العلبة وانعشووة وبعد فترة ما طويله رجعو تاني للعلبه وزادو ليو المويه شويه
الغريبه انو الفار فضل يعوم ويعوم لمدة 82ساعه بشكل متواصل علي آمل ينقذو زي آول

هنا اكتشفو العلماء انو الفار دا اتولدت جواهو #مشاعر_ايجابيه
والمشاعر دي هي الخلتو يقاوم الموت لمده اكتر من 3 يوم متواصلة في حين انو في البداية استسلم بعد 18ساعه

بمعني انو #المشاعر_الايجابيه بتديك آمل وبتخليك تقاوم اي فشل او الموت او اي علاقه استنذفتك بصورة سلبيه جدا وقوية للانو التركيب العاطفي للانسان عموما متطور اكتر من الفاار

لاززم تفهم انو كل المشاعر السلبيه بتتولد من فكرة الخوف يعني انت لما تخاف الخوف بكون #المصدر_الرئيسي لأي شعور سلبي

لو رجعت وفتشت بتلقي سبب اكتئابك الحقيقي الخوف
الخوف من الوحدة
الخوف من الحياة
الخوف من الناس
الخوف من الجرح
الخوف من العقاب
الخوف من المسئولية
كل الحاجات دي سببها المشاعر السلبية
وكل حاجه قلتها ليك ناتجه من شعور سلبي
ف عشان كدا حول مشاعرك السلبيه ل مشاعر ايجابيه بالمواجهه
ح تقول لي كيف ؟؟؟
اقول ليك بآنك تواجه
واجه خوفك وادي نفسك فرصه وافشل واديها وافشل وما تخاف من نتائج الفشل
في النقطة دي ح تلقي #المشاعر_السلبيه الجواك اتحولت تدريجيا لي شجاعة وعدم خوف ويتخليك تخت رجلك في بدايه طريق المشاعر الايجابيه

#المشاعر_الايجابية مرتبطة ب كلام الناس
يعني احتكاكك وتعاملك مع الناس بآثر فيك غصبا عنك مهما قلت انك بتقدر تتحمل الضغوطات

عشان كدا ما تاخد #كلام_الناس بجديه سواء كان كلام سلبي او ايجابي
لكن حاول دايما انك تخلي مشاعرك الايجابية ما #مستوردة من الناس
بمعني بسيط ما تطلب راي الناس في الحاجات اللي انت بتعملا لانو ببساطه رايهم ما ليو علاقه ولا اهميه ويمكن يكون آسواء
يعني يمكن تلقي زول #ما_بحبك يقول ليك كلام سلبي يدخل ليك مشاعر سلبيه ف عشان كدا خلي رايك في اي شي انت بتعملو هو الاهم
بمعني قراراتك هي قرارك انت ما بالتشارو واخد راي الناس التانين في الحاجه البتخصك
#بالمختصر اتجنب كلام الناس وما تعير لي اي اعتبار سواء كان ايجابي او سلبي

(لحد هنا واكمل بكرا ان شاء الله ) ❤️

انور ادم

نرجع نتكلم عن موضوعنا

لازم تثق في نفسك لانو الثقه دي هي البتآهلك ما تتعامل مع الناس بطريقه المتلقي بالعكس بتخليك تتعامل معاهم بطريقتك الشخصية
#ثقتك دي ما بتخليك تهتز من كلام ااي زول عايز يقلل من قيمتك او يسرب ليك الشك والسلبيات عشان يحبط مستوي مشاعرك الايجابية وللآسف الشديد في ناس كتير بقعو في الفخ دا ف انت اتجنب النقطه دي عشان كدا انا شددت في #الثقه شديد بالاضافه ل انو بتخليك ثابت قدام اي فشل او خوف لانك علي قناعه انك ناضج وفاهم

وفي نقطة تانيه مهمه جدا وهي انو تتعامل مع آلالم او المك بصورة إيجابية
والحاجه دي مرتبطة بفكرتك الرئيسية عن كيف تحافظ وكيف تصنع جواك مشاعر ايجابيه #بصورة_ثابته

#الالم جزء كبير من الموضوع دا
#الالم ذي المووت حقيقة وواقع بعيشو الانسان مهما كان غنى او فقير ، كبير او صغير

#الآلم_النفسي والعضوى حقيقه بعاني منها اي زول وبحاول دايما انو يتخلص منها بكل الطريق السريعه والسالمه

#علاقة_الألم بالمشاعر الآيجابية هي انو وقت الألم انت ما بتفكر الا ب الالم والمشاعر الايجابية بتكون #سلاحك البخليك تتجاوز مرحلة الالم البتعاني منو اي كان نوعو

بس اتخيل معاي لو كانت #مشاعرك_سلبيه وقت المك ابسط حاجه ممكن تعملا انك تهرب من الالم دا حتي لو كان علي حساب انك تعيش حياتك مكسور وحزين او ع حساب انو تنهي حياتك عشان ترتاح منو نهائيا

في ناس كتير فقدو ايمانهم ومعتقداهم البتدعمهم يواجهو الالمهم بس كمان نتيجه المعتقدات براها ما بتفيد وقت الالم بالجد وبكتشفو الحاجه دي لما يلقو نفسهم قداام الالم بصورة مباشرة وواقعيه لانو الموضوع ما بنتهي ب المعتقدات

خت نفسك مكان الناس ديل لانو هنا بجي دور #قوة_الشخصيه وقوة المشاعر الايجابيه البتكون جوااك بصورة عميقة
البتخليك تحارب الألم بقوة التحمل من خلال المقاومة ما الهرب فهمتني ؟؟

#الحاجة_البتميز المشاعر الايجابية انها بتخليك دايما تحارب قدام اي الم او فشل وميزة المشاعر دي بعد كل تجربه آليمة بتخليك قوي اكتر وبتخليك تكسب مناعه نفسية وخبرة شعورية بتقدر من خلالها انك تشوف الحياة الواقعية بطريقة عميقه شديد

ما تضيع وقتك علي الندم والتفكير علي علاقتك بالعكس اتعلم منها
الندم والتفكير ما بخليك تتقدم غير انو برجعك ورا ويزكرك وبخليك تقيف في مكانك ، والتفكير بخليك #تفقد_الشعور بالناس الحوليك وتفقد الاحساس بالزمن والوقت ودا بخليك تندم اكتر واكتر

بس لما تلقي نفسك غلط اعترف لنفسك انك غلطان بصورة واقعيه وابدا اتحرك واتعلم من آغلاطك ما تقيف وتضيع زمنك في الندم علي #العلاقه_الانتهت بعكس كل ما تتعلم من اغلاطك دا بغير عاطفتك لي #مشاعر_ايجابيه فيها آمل وبتخليها #وقود_رئيسي لادارة مشاعرك وحياتك

#المشاعر_الايجابية هي قوتك السحرية
العندك ليها جوة جسمك وعقلك وهي البتحفزك وتدعمك وبتخليك تستعيد روحك القديمه وبتخليك مستقبليا كيف تتعامل مع نفسك والناس بصورة ايجابية

{دمتم بخير..كل الحب}...🥺❤️

انور ادم

🌟

💕 فُضفُضۃ فُي ِِهـدًوء💕 @hdoo5

مرات بكون بينك وبين زول او زولة #اتصال_روحي
بتحكي ليو عن كل الجواك وانت مطمن انو هو فاهمك وحاسي بيك

ممكن تقعد #ساعات_بتتكلم وتحكي والاحداث تجوط وتتلخبط منك وتدخل مع بعض وتلاقيو رابط معاك الكلام وفاهم انت عاوز تقول شنو

لما يغيب عنك بتحس انك ما لاقي زول يفهمك ف بتسكت وتكتم كلامك جواك وتستنى لحد ما تلاقيو #عشان_تحكي

اللحظة التقعد معاو كآنك قاعد مع نفسك
تهظر ، تضحك ، تبكي ، تغني
ماف اي حدود بيناتكم

#دردشتك_معاو كلها ضحك وفرفشه وطعرسه ونبذ واسكرين شوت

شخصيه بتتحملك في كل احوالك وبيحتوى #نوبات_إكتئابك وبعرف يتعامل مع تقلباتك المزاجية

#بفهم_سكوتك وبحس بضحكتك المكسورة
مهما اتشاكلتو عمرو ما فكر #يحكي_اسرارك ل زول

حافظ علي الشخص دا لانو بالجد لو خسرتو #مهما_تتعرف علي ناس من بعدو ومهما يكون في ناس كتير حوليك ح تحس #انك_وحيد 🥺✌️

انور ادم

🌟

💕 فُضفُضۃ فُي ِِهـدًوء💕 @hdoo5

بحصل كتير ﺍﻧﻚ ﺗﺼﻞ ﻟﻲ ﻣﺮﺣﻠﻪ ﺗﻜﻮﻥ ﻓﻴﻬﺎ ﻋﺎﺩﻱ ﺗﻐﻴﺐ ﺗﻤﺮﺽ ﺗﻤﻮﻭﻭﺕ ﺗﺤﺼﻞ ﻛﻞ ﻣﺼﺎاﺍﻳﺐ ﺍﻟﺪﻧﻴﺎ ﻓﻲ ﺭﺍﺳﻚ ﻭﻣﺎﻑ زول #يسأااال_ﻣﻨﻚ ﻭﻻ ﺣﺘﻰ ﻳﺠﻴﺐ ﺧﺒﺮﻙ

ﻋﺎﺩﻱ الموضوع ﻳﻜﻮﻥ ﺑﺎﻟﻨﺴﺒﻬﻪ ﻟﻴﻚ ﻭﻛﻮﻧﻮ ﺯﻭﻝ ﻡ ﺳﺄﻝ ﻋﻨﻚ ﻡ ﺣﻴﺄﺛﺮ ﻓﻴﻚ
ﻷﻧﻮ ﺍﻧﺖ ﺍﺳﺎﺳﺎ ﻣﺎاا ﻓﺎﺭﻕ ﻣﻌﺎﻙ ﻣﻴﻦ ﺩﺧﻞ ﺣﻴﺎﺗﻚ ﻭﻣﻴﻦ ﻃﻠﻊ ﻭﻣﻴﻦ ﺳﺄﻝ ﻣﻨﻚ ﻭﻣﻴﻦ ﻡ ﺳﺄﻝ

ﺩﻱ حاجات ﻫﺎﻣﺸﻴﻪ ﺑﺎﻟﻨﺴﺒﻬﻪ ﻟﻴﻚ ﻭﺍﻧﺖ ﺍﺳﺎﺳﺎ ﺑﺘﻜﻮﻥ ﻋﺎﺟﺒﺎﻙ #ﺣﻴﺎااﺗﻚ_ﺍﻟﻤﻬﻤﺸﺸﻪ ﻣﻦ ﺍﻟﺤﻮﻟﻴﻚ ﻭﻣﺒﺴﻮﻁ ﺑﺤﺎﻟﺘﻚ ﻛﺪﺓ

ﻻ ﻓﺎﺭﺽ ﻧﻔﺴﻚ ﻋﻠﻰ ﺯول ﻻ ﻓﻲ ﺯﻭﻝ ﻓﺎﺭﺽ ﻧﻔﺴﻮ ﻋﻠﻴﻚ ﻭﺍﺣﻠﻰ ﺷﻲ ﺍﻧﻮ ﻡ ﻋﻨﺪﻙ ﻏﺎﻟﻲ #ﻓﻲ_ﺣﻴﺎااﺗﻚ

ﻭﻻ ﺣﺘﻰ ﻋﻨﺪﻙ ﺯﻭﻝ ﻳﻌﻜﺮ ﻣﺰﺍﺟﻚ ﻛﻮﻧﻚ ﺗﻜﻮﻥ ﺍﻧﺴﺎﻥ ﻣﺸﺎﻋﺮﻙ ﺑﺎﺭﺩﺓ ﻭﻓﻲ ﺣﺎﻟﻚ ﺩﻱ ﻳﺎﻫﺎ ﺍﻟﺒﺴﻤﻮﻫﺎ ﻣﺮﺣﻠﻪ #ﺍﻻﻛﺘﻔﺎااﺀ_ااﺍﻟﺬﺍﺗﻲ

ﻭﻟﻤﺎ ﺗﻤﻮﺕ ﻳﻤﻜﻦ ﺍﻟﻨﺎﺱ ﺯﺍﺗﻬﺎ ﻟﻤﺎ ﺗﺴﻤﻊ ﺑﻲ ﺧﺒﺮ ﻣﻭﺗﻚ ﻳﺴﺄﻟﻮ ﺑﺈﺳﺘﻐﺮﺍﺏ ﻳﻌﻨﻲ ﻫﻮ ﺑﺎﻟﻠﻪ ﻓﻼﻥ ﺩﺓ ﻋﺎﺍﻳﺶ ﻭﺣﺘﻰ ﺍﻟﻨﺎﺱ ﻋﺎﺩﻱ ﺗﺪﻓﻨﻚ ﻭﻡ #ﺗﺠﺮررﻱ_ﺩﻣﻌﻪ ﻣﻨﻬﻢ ﻋﻠﺸﺎﻧﻚ

ﻻﻧﻚ ﺍﺻﻼ ﻡ فاﺭﻕ ﻣﻌﺎﻫﻢ ﻭﺩﺓ ﺍﺣﻠﻰ ﺷﻲ ﺍﻧﻚ ﻡ ﺑﺘﺨﻠﻲ #ﺯوﻝ_ﻳﺘﻮﺟﻊ ﺑﻌﺪ ﻓﺮﺍﻗﻚ ﻟﻴﻬﻮ 🙂💜

انور ادم

🌟

💕 فُضفُضۃ فُي ِِهـدًوء💕 @hdoo5

احساس مؤلم لما تقضي يومك كلو
ضحك ، هظار ، مرح ، ونسه
ولما ترجع البيت وتفتح الدردشه
اول شي بجي علي بالك ناسك القراب
تحاول انك ترسل ليهم تتفقد احوالهم
تتنوس تسألهم كيف كان يومهم
يحكو ليك وتحكي ليهم وقلبك يطمن

بس لما تجي لي اعز زول فيهم
الزول الاحساسك معاهو بكون مختلف عن البقيه ، ح تجي بكل اطمئنان وروقان عشان تبدا معاو #وونسه_دقاااقه عشان تختم بيها اليوم ومنها تنوم علي اخر رساله منو

بكون جواك كلام و حكاوووي كتيره عايز تقولها ليو او تنتظر منو يسألك كيف #قضيت_يووومك وانت تبتسم وتبدا تحكي كل الحصل ليك

بكون في احساس انت عاوز توصلو ليو ، احساس بجيك كلما تجي تدردش معاو وانت تكون ما عايز توصل لي الاحساس دا #بااالدردشه_ااالعاديه

بتكون عايزو يشوف الاحساس دا جوا عيونك من غير حتي ما تحكيهو

بس هو يفأجئك ويصر علي انك تقول لي احساسك او كلامك دا في #دردشه_كتااابيه

انت تصر ع انك ما ح #تقووول_ااالكلام الا لما تلقيو وهو يصر علي انك تقول #كلامك_بالدردشه لحدي ما تصلو لي انو يقول ليك ما #عايززز_يلاقيييك

في اللحظه دي الاحساس اللي انت حاسيهو كلو ح يتلاشي ، بتتألم من عنادو ورده فعلو ، بس عشان هو غالي عليك بتتحمل الالم #االسبب_ليييك

#ياااا_انت

قدر المكانه الخاتنك فيها
قدر احساسنا المختلف عشانك
قدر العلاقه دي يااخ 👀💜


انور ادم

🌟

💕 فُضفُضۃ فُي ِِهـدًوء💕 @hdoo5