احساس حسيتو ل زول وكنت منتظر منو مقابل ، بس للاسف ما بادلك #نفس_الاحساس واتجاهل النقطه دي

#حسسك انك ما بتستاهل
#حسيت ب نفسك مستصغره شديد
#حسيت انك اقل من انو يحس بيك

بعد فتره تقرر انك ما تواصل في حب شخص ما عندو اي احساس اتجاهك عشان ما تأذي قلبك ، تقرر ما تشغل بالك بيو في الوقت الممكن يكون ما منتبه #اساسا_لوجوديك ،

بتحاول تاني ما تلفت انتباهو بطريقه تخليك #تكره_نفسك في يوم من الايام

انا عايز اقول ليك حاجه
انت #شخص_جميل من جواك بس ما مناسب معاو بس ح تكون مناسب جدا مع زول تاني

اكيد مره جا سؤال علي بالك انو
ليه الناس البنادلهم مشاعر حب صادقه ما ببادلونا #نفس_الشعور ؟؟؟

الناس الما بتبادل #ما_كعبه والله
بس رغبتهم بتحكمهم شديد
الناس دي لا بتفكر تلعب ب مشاعر زول ولا تحب زول حب مزيف او تتجاهل مشاعر الناس الحولينها

الحاجه المهمه اللي انت فايته عليك وما عارفها ! الناس دي بتعمل كدا عشان تنسحب وتقفل اي باب ممكن يدي #الطرف_التاني الامل حتي من دون ما يجربو

لانها عارفه #جرح_القلوب صعب يداوى ودايره زمن طويل عشان الواحد يطيب جرحو ويرجع

عشان كدا ما تفكر انو الشخص الما بادلك الشعور انو شخص كعب او زول ما بحس وخليك عارف انو زولك دا اختار البعاد حفاظا علي #مشاعرك خوف من انها تتجرح

#المهم
الحب نصيب
زي الرزق
مكتوب علينا ولازم نعيشو مهما ح نتألم ومهما ح نقاسي وربنا #يجبر_بخواطرنا ويرزقنا الانسان البصون ويحافظ علي قلوبنا 🙇‍♀🙌

#انور_ادم

🌟

💕فُضفُضۃ فُي ِِهـدًوء💕 @hdoo5

الزمن دآ بقي عندنا #مشكلة_كبيره
#مجرد_أهتمام بنحسو حب يمكن من فقرنا للاحاسيس الجوانا اقرب واحد بدينا دفقة احساس بنفتكرو ريدة

مرات #بنعمل_العكس بنفتري علي البريدنا ونعفصو نجرح فيو وغرورنا بصورو لينا انو منهار تحت رجلينا

ومرات #مشاعرنا_بتحمينا من الشوف الحقيقي بمنظار القلب ومرات كده برضو التفاصيل الصغيرة بنفوتها لانو عارفين انو سلفاً هي #مفروض_تتعرف

مرات كمان عندنا ناس قدر ما نغيب عنهم اول ما نشوفهم ياهم زاتهم ما اتغيرو ياهم نفس الناس الحلوة
#نفس_القلوب الطيبة
#نفس الابتسامة البيضاء

ديل #مشاعرهم_خالية من التكلف
وديل البستحقو مننا اننا نكون معاهم وجنبهم ووراهم ☺️👌

#انور_ادم

🌟

💕فُضفُضۃ فُي ِِهـدًوء💕 @hdoo5

في #كل_علاقه بتحصل مشاكل واختلافات في وجهات النظر وانتقادات لحاجات ممكن نكون ما حابينها في #الطرف_التاني

بس كونو الحاجات دي حاصله وبتحصل عشان دا وضع طبيعي بس الما طبيعي هو #إسلوب_الحوار الفيهو نوع من عدم الإحترام وفرض الرأي اكتر من #وجود_المنطق

الإنفعالات والنقاشات الخاطئه ما بتوصل فكرتك حتى لو بذلت كل طاقتك فيها ولو قعدت سنه عشان تفهم #الطرف_التاني

كلامك ممكن ما يفهمو ليك ، مع انو ممكن بكل هداوه وروقان وفي كلمتين توصل للتاني #وجهة_نظرك ويقتنع بيها
وحتى لو ما كان #مقتنع بيها ممكن اسلوبك يقدر يقنعو ويعمل بيها احتراما ليك وتقديرا للطريقه الإنت وصلت ليهو بيها الفكره

لما #تحصل_مشاكل بين اي طرفين المفروض انو يلقو ليها حل جزري
عشان ما تتكرر #نفس_المشكله في نفس المشهد ونفس التفاصيل ونفس #عدم_الوصول لي نتيجه ، عشان ما تبقى جوطه وخلاص

#وجود_المشاكل ما بعني انو الناس ما بتنفع تكمل و عشان #المشكله ما في وجود الخلاف نفسو المشكله الحقيقيه بتبقى في #عدم_مقدرتنا على وجود طريقه مناسبه نقدر ننهى بيها الخلاف من دون اضرار واذى نفسي مع وجود حل #يرضى_الطرفين

لما #تكتر_الخلافات يجب علينا قطعها وليس قطع #علاقتنا كما يفعل البعض 😊👌

#انور_ادم

🌟

💕فُضفُضۃ فُي ِِهـدًوء💕 @hdoo5

ح تحس متين؟
ح تطلع متين الشارع؟
عايز اسباب اكتر من البحصل حاليا

بينك وبين نفسك العيشه اللي انت عايشها حاليا راضي بيها؟
اكيد عارف كل الحاصل في الوطن

#خايف_من_منو؟؟
من #القطط_السمان؟؟؟؟
ع فكره ديل معيشين اولادهم و اهلهم احسن عيشه

#انت_عارف
انو البتمتعو بيه دا حقك انت، و قروشك انت
#القروش
#العربات
#البيوت
عاملنها من حقك

ح تسكت لمتين؟؟
الناس الطلعت دي انت احسن منها في شنو؟
#عندك_قروش
#مرتاح
#وارث
انت م مسؤول من كلامك، بس ح تكون مسؤول من الكلام المفترض تقولو و ما قلتو، انت وقت تشوف #الناس_الطلعت ال اتعذبت وال الماتت و المعتقله
ما بتحرك فيك شي؟؟

اذا ما عايز تطلع وربنا فاتحه عليك ما تحاول تحبط الناس العايزه تطلع
وانو البتعملو فيو دا ضياع زمن
وانو النظام دا ما ح يسقط
قول حاجات تشجهم او اسكت
#ما_عايز تطلع ما تحبط ناس عشان هم ح يحبطو ناس غيرهم و الدوامه ح تدورو تدور
#ما_عايز تساعد ما تقول للناس التانيه ما تساعد خليك ساكت وعليك ب روحك

خايف من الموت ولا من الجلد و العذاب
خايف من شنو بالظبط؟؟
خايف ع روحك؟؟ ولا علي اولادك
عايز اولادك نفس الوضع اللي انت عشتو؟؟
يقرو و يتعلمو وفي النهايه ما يلقو شغل او وظيفه يكونو بيها نفسهم

#اطلع_الشارع
لازم انت تطلع وانا وانتي
نطلع من اي مكان ونقيف وقفه واحده حتي نخفف الضغط الامني علي بعض والاستعداد العسكري

اي زول فينا مسؤول عن #دم_الشهداء
لو قلنا نعتمد ع الجيش يقيف معانا
بكون كذبنا ع روحنا
ببساطه السودان عندو جيش بحمي السعوديين، يحمي السوريين، يحمي اي دول تانيه بس ما عندو جيش #بحمى_اولادنا

لو كان بالجد في جيش كان وقف معانا من البدايه قبل م يموت زول واحد مننا

عشان كدا ي نكون شهداء ي نكون احرار
الماتو ما احسن مننا في شي نحن زيهم وبنشبههم عندهم اهل و اخوان و اصحاب وكان عندم مستقبل وحياه كان بتمنو يعيشوها

#النظام_قرب_يسقط
بقو محتارين
بقي بيناتهم في عداوه وعدم اتفاق
وشكوك وجزو منهم ابتدي ينسحب عشان عارف النهايه علي وشك

#الثورة_دي_نحن_بديناها_ونحن_كمان_ح_نكملها_للنهايه

#اعتصامنا_قائم
#يا_نموت_زيهم
#يا_نجيب_حقهم

#مدن_السودان_تنتفض

#تسقط_بس

🌟

💕فُضفُضۃ فُي ِِهـدًوء💕 @hdoo5

تعالو #نسامح كل الغلطو علينا نطيب خاطرهم ونصفي النفوس ما نخلي #ايامنا_الجميله تتمسح بسبب غلط مهما كان حجمو ، ف النهاية هم بشر وطبيعي جدا يغلطو

تعالو نرسل ليهم ونلمح ليهم بالسماح ، حتي لو بعباره صغيره زي #انا_مسامحك

حروف بسيطه جدا ، بس صدقوني ح تجيب ليهم سعاده #بحجم_الكون

انا #متاكد_تماما انهم متاثرين وضميرهم ما مرتاح عايزين يعتذرو بس خجلانين !

شايفين نفسهم غلطو #غلط_كبير ، ولو هم متاكدين انو نحن #بنسامحهم ما حيتاخرو لحظه

#الدنيا_قصيره جدا وما بتستحق #الخصام والزعل ، وقبل دا #نحن_احباب
يلا #بالتسامح_نبدا 😍👌

#انور_ادم

🌟

💕فُضفُضۃ فُي ِِهـدًوء💕 @hdoo5

الإهتمام شي مهم جدا و بيفرق جوانا في حاجات كتير هو البيحافظ على أي إحساس جوانا و بيقوي علاقتنا ، و ممكن جدا يصنع جوانا #حب_كبير

مهما كنا واثقين من #إحساس_القدامنا
إهتمامو أهم و بنحتاج لأي تصرف ولو بأسط فعل يأكد لينا كل الأحاسيس أكتر وأكتر و يزيدنا ثقة و قوة و فرح

ف #محتاجين_نسمع كل مره وفي كل فرصه #كلمة_حب وكلام يورينا قدر شنو نحن مهمين عند #الطرف_القدامنا دا وقدر شنو وجودنا مهم في حياتو

العايزك بجد بيوصل ليك احساسو بكل الطرق وكل شي وبيكون في #كل_فرصه عايز يكون جنبك ومعاك وجواك وحواليك

وأقل تقصير أو قلة إهتمام ممكن جدا تهدم العلاقه تماما وأقل خلل في #توصيل_الإحساس والإهتمام بيكون سبب شك كبير وهدم كل شي #جميل_جوانا

العايزك بجد ما بيخلك تعيش في الشك ولا بيخليك عرضه للوسوسه ولا الحيره ابدا وبيوريك حبه في #كل_تصرف وفي #كل_نظرة وبتفضحو أفعالو وقربو قبل ما يقول شي 😍 👈👉


#انور_ادم

🌟

💕فُضفُضۃ فُي ِِهـدًوء💕 @hdoo5

بقينا ما بنحب نطلع من البيت كتير
بنكون في الغرفة بس ولو اضطرينا نطلع عشان #نقضي_شغل ولا حاجة نطلع نقضيه ونرجع دون ما نقابل اي زول

تقريبا و غالبا بقينا #نملك_صديق واحد او صديقين بس وما قاعدين نتصل بي اي زول والتلفون دايما قاعد في وضع الصامت وما راجين خدمة ولا اهتمام من اي زول

معظمنا داخلين الفيسبوك و الواتس اليوم كله بس ما بنكلم زول , حبينا الوحدة والانعزال والهدوء والموسيقى واي حاجة تبعدنا من اي زكريات وما تزكرنا بي #اي_زول

الناس بقت تطلق علينا لقب المتكبرين والمنعزلين والانطوائين والمعقدين والمجانين و غيرها من الحاجات دي

#ارحمووووونا 😴💔



#انور_ادم
27/1/2019

🌟

💕فُضفُضۃ فُي ِِهـدًوء💕 @hdoo5

ما بين الفراق والقرب في لحظة اهتمام صغيرة هي الفاصلة في كل علاقة ، الاهتمام ما ضروري يكون تواصل واتصال ، الاهتمام حتى في الغياب بالدعاء التواصل والاتصال كلمتين من #نفس_المصدر لكن يختلف في المشاعر

زي انك تتصل ب زول عادي تضرب نمرتو او تسلم عليه في الشارع لكن التواصل مختلف ما بس لانه معناها استدامة الاتصال لا بس لكن الاتصال اللي بيننا بيكون مداه ابعد من مجرد التقاء صوتين او يدين او حتى عينين

#ممكن_نتواصل في الغيبة بالافكار
#ممكن_نتواصل عند ربنا جل في علاه بالدعاء
#ممكن_نتواصل بدون ما نتصل ببعض وصدقوني لو مافي تواصل كل علاقة مهما كانت حتنتهي

لازم يكون هناك وقت
زي هي لما تكون #محتاجة اكون معاها بدون حضور لازم تكون #منتظرة_مكالمتي، لما هي تحتاجني تتصل عشان هي محتاجاني

#طيبة_الذكر كانت بتتصل عشان تسألني مالك وبضطر بكذب عشان ما اقلقها لكن اصرارها انه في شي بيخليني اتعلم #ما_أكذب لانه كل مرة كانت بتكون عارفة انا مالي هي عايشة معاي وانا كنت معاها

المهم الاهتمام بيغذي العلاقات لكن التواصل بيغذي القلوب كيف تكون اتصالنا ببعض اقوى من اتصالنا لبعض ، ف اغلبنا محتاج مدرس لغة عشان يقدر يفهم بعض لانه كتير مننا بفهم الكلمات #بدون_احساس 😄👈👉
‏
#انور_ادم

🌟

💕فُضفُضۃ فُي ِِهـدًوء💕 @hdoo5

#صبرت_عليك واستحملتك واستحملت مزاجياتك
دايما بلقي ليك عذر ل تصرفاتك المجنونه البتجي من فتره ل فتره ، بضحك علي التصرفات الما عندها مبرر والما بتليق بيك عشان فاهمك و حافظك وعارف انك في الحقيقه احسن من كدا

اتقبلت عشانك حاجات ما كانت علي بالي
حبيت #عشان_خاطرك حاجات طول عمري بكرهها
حبيتها الليله وبكرا لحد ما لقيت نفسي حبيتها حقيقه

بسمع ليك الاغاني الما كنت
متخيل روحي في يوم اسمعها
بعمل حاجات في البدايه بس #عشان_خاطرك ومع الايام بقت جواي و لقيت روحي بعملها ما عشان اي حاجه غير انها مفروض تتعمل وبقت ثواب بالنسبه لي

عشان خاطرك كمان احترمت كل الناس المن طرفك
فرضت علي روحي واجبات #اتجاه_ناسك واهلك
بحاول افرحهم بي عشان لما زول من ناسك يجي يحكي ليك بي #يحكي_عني بالخير واشرفك وارفع راسك

انا حقيقي معاك من البدايه
لا بتصنع لا بظهر ليك ب صوره ما حقتي
بخليك تحس بالراحه معاي
بكون ليك #كتاب_مفتوح
بس ح اخلي #صفحاات_منطويه
عشان يكون عندك فضول كل مره يجبرك تفتح فيني #صفحه_جديده

#صفحه عشان لما تغلط في حقي
اسامحك فيها و ابدي معاك من جديد
#صفحه فيها كلام جديد و احساس جديد

احساس ما بشبه اي احساس
#كلام غير كل الكلام
#كلام_حقيقي و تصرفات احق 😊💜


#انور_ادم

🌟

💕فُضفُضۃ فُي ِِهـدًوء💕 @hdoo5

بعد #طول_انتظار مسكت تلفوني وجيت علي اسمها
اختفت اختفاء مفاجئ كدا ، تقريبا خمس اسابيع
لا رساله لا سؤال ولا حتي اي حاجه

ف بقت التسأولات تجي في بالي
هل ممكن ل #زول_طبيعي يعمل كدا بدون ما يكون حصلت ليه #مصيبه او حاجه #كعبه

كنت خايف و مقلق من انو تكون حصل ليها مكروه
ما عرفت اضرب لي صحبتها ولا لي اختها ولا ل منو
كنت حاسي #بالعجز_الغريب البكون ممزوج بضيق و خوف عليها

فكرت في #كل_الاحتمالات الممكنه و الما ممكنه و قلبتها في راسي فوق تحت وفكرت في كل الايام الفاتت و حاولت اتذكر حاجه غلط انا عملتها

المهم كل اللي الكنت خاتي في بالي اني احسن النيه وبس
وقتها حسيت اني بدوس علي كرامتي بس برضو ختيت ليها #الف_عذر و فكرت انو ح يكون عندها سبب ف قلت يااخ كدي
#اخر_محاوله و اخر آمل

اتصلت جرس جرسين و الغريبه #جاني_رد بصوتها الاعتيادي
كنت بضحك و مستغرب ف نفس الوقت سلمت علي عادي وسآلتني عن احوالي و كآنو #ماف_شي

قلت ليها ب #هدوء_غريب
اتصلت داير أسألك
قالت لي من شنو ؟؟
قلت ليها انتي كويسه ؟؟
قالت ااااي
قلت ليها لا يعني كنتي كويسه وما عندك شي ؟؟
قالت لي ي انور دي شنو الاسئلة دي ؟؟
قلت ليها بس جاوبيني .. يعني م حصلت ليك حاجه كبيره منعتك من الرد علي اتصالاتي و رسايلي
قالت دا شنو الكلام دا ؟؟

و استمرت في خلق المبررات و الاعذار
كانت ظاهره انها كذبة ، اعذار حسستني ب #كميه_زعل ما بتوصف

#المهم خليتها تكمل كلامها وقلت ليها خلاص كملت كلامك ؟؟ قالت ااي قلت ليها نحن حدنا هنا و خلاث و قفلت

في كتير من المرات #بندي_اعذار اكتر من مرة
بس في الاخير بنحس ب #الغباء
وكآنو الشخص القدامنا بستهلك مشاعرنا و بستغبانا
وماف آسوأ من #الاستغفال 🤗👎

#انور_ادم

🌟

💕فُضفُضۃ فُي ِِهـدًوء💕 @hdoo5

مرات لما نرجع بعد الخصام و الزعل في حاجات ما #بترجع_معاي بلقاها ماف ، اختفت او مدى حماسي ليها و تلقائيتي اتجاها انتهت

احتمال عشان اتكسرت حاجات جواي و اصابتني خيبه أمل فيها ، حاجه كدا علي قدر ما بتوجع علي قدر ما كسبتني مناعه و مقاومه اتجاهك و #اتجاه_الوجع و اتجاه كل الناس البتخليني احس انو حتي لو اذوني عادي ما مهم

انا م كنت #متوقع منك كدا ولا حتي كان في الحسبان بس جيت و خيبت توقعي ، بقيت لي انت و الناس واحد ، حتي #الاستثناء العاملو ليك ما ح اقول ليك #انتهي بس قلا

#البرود_الحاصل لي دا ما جا من فراغ و ما معناها اني كرهتك ولا ح امشي و اخليك ولا انو مكانت بقت ما زي زمان وحتي لو اتعاملت معاك ح اكون شايل جواي منك وما ح انسي

كل الحكايه و مافيها اني باقي علي #سلامه_شعوري و احساسي اتجاهك وعايز احافظ علي الشي #الجميل_البينا 😊❤️

#انور_ادم

🌟

💕 فُضفُضۃ فُي ِِهـدًوء💕 @hdoo5

#عندنا_اشكاليه في علاقتتا مع الناس
يعني انت بتكون شايف الزول او الزوله دي كدا وتعجبك وممكن ترتبط بيها وتحبها او ترتبطي بيو و تحبيهو

#بعد_الارتباط بفتره بتبقي الحاجه دي ما عاجباك فجاءة ف بتبقي دي مشكله و جايز عند بعض الناس تدخل في يا انا يا الحاجه دي

يااخ مش انت لقيتو في البدايه بالنمط دا وعجبك و اترتبط ؟؟ يلا اتقبلو زي ما هو ما ضروري تكونو شايلين نفس الطباع عشان تقدرو تكملو وما مهم تتفقوا علي راي معين او حاجه معينه عشان #العلاقه_تستمر

#لما_تحس انو اهتماماتكم ما واحده او طبعكم ما واحد ما معناها ما زولك او ما بنفع معاك او انو فيو حاجه ما عاجباك وتبدا تختلف معاو تعمل مشكله

وقبل ما تختلف او تعمل مشكله خت في ذهنك انو #كل_زول في الدنيا دي عندو طبع معين ، طريقه تفكير معينه ، و أسلوب حياه معين بختلف عن اي زول و دا ما بمنع انك تبني علاقه و تكمل معاو

#المهم

اذا في حاجه انت متقبلها قبل الحب او الارتباط وبقت فعليا بتضايقك ساعدو يتخلص منها اديهو وقت طويل قدر الحب الشايلو ليو
وحتي لو ما قدر يتغير #ما_مشكله
انت حاول تتقبلو شوفو بروحك ح تلقي جواهو مليان حاجات حلوه ليييك
شوفو قدر كييف حاول يتغير عشانك وما قدر وانت اكتفي بالحاجه دي ك تقدير وحب ليك

ما ضروري تغير زول عشان ترضي روحك بس ممكن ترضى روحك بانك تكتفي وانت بتعاين للبتحبو #بتغير_عشانك واتأكد تماما مع الايام يبقي في بينكم انسجام واحاسيس حلوه كان اساسها #الرضى 😍❤️

#انور_ادم

🌟

💕 فُضفُضۃ فُي ِِهـدًوء💕 @hdoo5

احيانا بتلقي شخص بتكلم ب #طريقه_غريبه و تصرفات اغرب ف تلقائيا #بتحكم_عليو من راسك !

طيب #يا_عزيزي انا عايز اوضح ليك نقطه معينه اللهي انك ما تحكم على زول عشان انت ما بتعرف حاصل ليهو شنو في حياتو زي مافي زول عارف حاصل ليك شنو في حياتك و لو انت قصدك نية طيبة و انك تفيد الزول التاني دا انصحه بالهداوة و بالحسنى ما بأسلوب التغليط و الدونية بتاع انت اصلا كيف بتفكر كدة

لو كل زول عاين لي روحو و صلح منها بدل ما يحاول #يصلح_الناس التانين كان بقينا #احسن_ناس

عارف متين تقول على شخص راقي و مثقف لما ما يشوف روحو احسن من زول و مهما عملو الناس قدامو بيشوف انو ممكن يكون مكانهم في #اي_لحظة

و تعرف الزول بتاع شعارات و هتافات و كلام فاضي ساي لمن يكون شايف روحو احسن من زول تاني و يفتي و يهتف و يقول #كلام_كتييير

و لاحظ انت كم مرة علقت على زول و جيت عملت نفس الشي العلقت فيه و عايرته بيه ، كأنه #ربنا بقول ليك انت ما احسن منو

و الحاجة دي ماف زول معصوم منها كلنا مرات بننجرف في #القاء_الاحكام على الناس اول ما نشوفهم بس الواحد حتى لو جات الفكرة في راسو يراجع نفسو كم مرة قبل يكتب حاجة لي زول

انت ما بتعرف الكلام البتكتبه في قروب ممكن #يئلم_صاحبو كيف كان هو صح و لا غلط !

الزول القدامك خت ليه الف عذر قبل ما تحكم عليو وأعرف انو وراه #مية_قصة قبل ما تخت ليه #وصف_معين في راسك

#الجميل بشوف الجمال في كل زول و #القبيح بشوف الحاجة الكعبة في كل زول

#كن_جميل 😘❤️

#انور_ادم
🌟

💕 فُضفُضۃ فُي ِِهـدًوء💕 @hdoo5

كل يوم بتعرف بي #شخص_جديد
زول بلاقيوهو عن طريق الصدفه من غير تخطيط عشان اتعرف عليو و زول تاني بجي براهو و زول تالت بتعرف عليو كيف الله اعلم ..المهم بنتعرف و السلام

ببدا اتعرف و ادخلو حياتي
انا البسأل و البتفقد و البعرف الاخبار
بس لو غبت بس يومين بلقي ماف زول منهم سأل مني والغربيه الزول اللي انا ما بسأل عنو هو #الوحيد_المتذكرني

اما هم ولا حياه لمن تنادي و طوالي علي #سبيل_العاطفه بخت ل كل واحد فيهم عذر و اقوم تاني ارجع اسأل و تحصل لي نفس الدوامه وتتكرر الحكايه وانا اغيب و هو ما يسأل

بالجد الفئه دي #غريبه_شديد
كلما اقول اقعد مع نفسي احدد مكانه كل واحد فيهم بنسي .. و أول ما اشوف واحد فيهم بتزكر اني زعلان و مغيوظ

ف عشان ارتاح من الجوطه الحاصله لي #كل_مره دي ح اعمل تصفيه لي علاقاتي و تعاملي اعمل جرد ل اي شخص بارد و اي شخص بطنش

ح ابعد
ح امسح الارقام
امسح عشان ما يكون في مساحه اتذكر
عشان #انا_مقتنع انو العايزك بصلك

صح انو العلاقات والتعاملات الزي دي بتهلك المشاعر و العواطف ومن اللحظه دي ح اكون مسؤول من مشاعري ،، اي نعم ح اتألم يومين تلاته بس الألم ما دايم

البسأل عني .. ح اسأل عنو
الما بسأل الله معاو شديد
ما بفرض نفسي لي زول
ماف زول #مجبور علي زول

#المهم
اذا انت عندك ناس في حياتك نفس القلتهم فوق قبل شويه حاول انك تختصر كل شي عشان تحافظ علي احساسك الجميل وانك ما تضيع وقتك معاهم زي ما انا عملت.. عشان لا تهلك مشاعرك لا تهلك عواطفك 🙂👋

#انور_ادم

🌟

💕 فُضفُضۃ فُي ِِهـدًوء💕 @hdoo5

#القرب_الشديد على قدر ما هو سمح على قدر ما هو بوجع وكل ما قربت شديد كل ما كانت #فرصه_خسارتك للشي بتزيد !

#انور_ادم

من عاداتي بضحك كتير و بتكلم كتييير
لو قعدت معاي #بديك_احساس اني شخص ما جادي نهائي

ما #بركز وما بشتغل ب شي
لو زعلت ما بقيف ع #الزعله كتير

#كل_الناس اتعودت علي بالشكل دا
اتعودت ع الضحك و الونسه و الكلام الكتير !

بقيت بضحك كتيير بس عشان اغطي علي الزعل و بقيت بتكلم لكن بتجيني سكته في #نص_الكلام وبسرح بعيييد !

شويه شويه انعزلت بقيت اقعد براي وفضلت اكون براي ، عاينت من بعيييد اشوف الناس من جهه تانيه و كالعاده ماف ماف شخص لاحظ لي لاني بضحك مجرد ما الشخص يقول لي مالك الحاصل شنو !
وفي النهايه بعمل #الموضوع_هظار

بقيت انتظر بس اليوم يكمل عشان يمش
لا قادر اقول #المزعلني لا قادر اكمل براي ، بس كل العارفو انو ماف شخص ح يقيف معاي و يساعدني

نفسي بس شخص يفاجئني ويمسك يدي و يقول لي #انا_معاك بس عارف انو ماف والناس الكانت في بقت ماف ومشت بعيييد

لسه قاااعد بفكر في #الجوطه الفيني دي وفي الاحساس الغبي الممتلكني دا
بفكر كيف الملم #شتات_نفسي علي

المهم كان #عندي_امتحان
وقبل الامتحان م يبدا كان جنبي واحد مصري لا بعرفو لا بعرفني
المهم قعدنا نتناقش في اللاكشرات تبع الامتحان بعد م اتناقشنا ابتدينا نتونس وفي نص الونسه #صدمني قال لي ليش انت #حزين ؟؟ ملاحظ ليك من ونحن بنتونس بتضحك لكن عيونك بتقول غير كدا خالص

#قال_لي ماف شي بستاهل
قلت لي اي والله ماف شي بستاهل بس فتره و ح تعدي

#قال_لي كلو بعدي بس عايز #قناعه منك عشان #تقدر_تتخطي ! 😃✌️

#انور_ادم

🌟

💕 فُضفُضۃ فُي ِِهـدًوء💕 @hdoo5

بستغرب جدا من الزول البدخل حياتي من دون سابق انذار ، مش كدا و بس لا وكمان يقرر يشاركني #اعز_الحاجات و اعز الناس

ولما احاول آتأقلم عليو و علي الوضع وابدا اتعايش معاو يقوم هو ما يحافظ علي و يمارس معاي كل #انواع_الاهمال الممكنه و الما ممكنه

خليت #اسئله_كتيره حايمه في راسي من دون اجابات واضحه واقول يمكن لقي غيري ويمكن اصابو الملل مني او كان بتسلى او بلعب بي ، يمكن انا ما بالقدر الكافي والحب الكافي ، يمكن م حباني من الاساس وا وا .....الخ

نفسي اقيف #قريب_منك شديد
اخت عيني جوه عينك واسألك لما انت ما قادر تحافظ علي من الاساس بتشاركني وتهتم ليه ؟؟ وليه بضيع علي لحظات حلوه من حقي اعيشها ؟؟

عارف في ناس بتحب #تدخل_حياة ناس و تسرقها منهم بدون اي اسباب واضحه المهم هم ما عايزينهم يكونو مبسوطين و خلاث بشاركوهم سعادتهم و حاجاتهم و يتقاسمو معاهم الايام بس لما يحسو خلاث الناس دي اتعلقت بيهم ببعدو و يسبوهم كدا ح يكونو مرتاحين لما يشوفوهم #ما_مبسوطين من غيرهم
بس ليه كل دا ؟
بتستفيدو شنو ؟

المهم انا طلعت الكلام الجواي
وانا م قلت كدا عشان قلبك يوجعك او ضميرك يأنبك او تندم او تتحسر

#رسالتي_ليك
طالما انت كل مره بتسرق حياة شخص
شويه شويه ح تلقي نفسك وحيد لا اصحاب لا اقرباء ولا حتي احباب ح تفقد اي شي جميل واتمني اكون انا #اخر_شخص سرقت حياتو

فكر مره واتنين و تلاته بانك تغير من نفسك تكون صادق بدل ما تسرق تجبر الخواطر ، حاول #اجبر_خاطر اي زول بتلقاهو وكلما انت بتحس بالناس وتجبر خاطرهم ح تلقي ناس #تجبر_خاطرك و يقدرو ألمك و يبادرو ب مساعدتك 😊❤️

#كن_صادق
#كن_جميل

#انور_ادم

🌟

💕 فُضفُضۃ فُي ِِهـدًوء💕 @hdoo5

لما تنوى و تقرر نكون مع بعض
ح نكون مع بعض في كل شي
بس في #تفاصيل_صغيره لازم تكون موجوده و شويه حاجات لابد تكون #مفهومه

مثلا أذا انت مضايق انا بحس بي ضيقك
ولازم #تشاركني الحاجه المضايقاك عشان #نتجنب_النقاش الحاد والشكل وعشان ما تخليني انا مضايق للحاجه المضايقاك وانا م عارف اعمل شنو لاني ما عارف #سبب_الضيق

خليني المس روحك
عشان اعرف اتصرف و اقيف معاك و احسسك اني #قريب_منك حتي لو ما ساعدك بس ح #اكون_جنبك

لما انا #افرح عايزك تحس ب فرحي
وتخليني احسو في #نبره_صوتك وفي طريقه كلامك حتي اذا ما كنت شايف بصلني احساسك دا

ولما يكون عندك حبه #عدم_ثقة فيني بحسها وبحس لو انت ما عاجباك وظيفتي او شكلي او اسلوبي او مظهري او مستواى او اي شي فيني

بحس انو ما عاجباك الحاجه دي فيني ودا بسبب لي #احباط_شديد وبحسسني بالنقص ، و احساس النقص ح يخليني اعبر عنو ف شكل سيطرة او اي رده فعل مني #ما_حلووه

ف عشان كدا خليك واثق فيني وخليك فخور بي وبي اي تفصيله فيني
#احساس_الفخر دا انا بحسو
وخليك متقبل عيوبي
اي نعم بضايقك بس انا عارف انها بالنسبه ليك حاجه بتقدر تتعايش معاها

حتي لو جاك احساس انك ما ح تكمل انا بحس الاحساس دا فيك لانو انت مرايتي وانعكاس لي صورتي

#انا_عايز
انا و انت نبقي حاجه واحده
ونفس اللي انا بحسو انت تحسو
ف خليك سعيد و فخور بي وبي البينا عشان انا كمان اكون كدااا 😊🌸

#انور_ادم

🌟

💕 فُضفُضۃ فُي ِِهـدًوء💕 @hdoo5

المكابرة في الحب مجرد ضياع وتبذير احساس في #عمرك_المحسوب و زمنك المحدود
وانت لو حاولت تسيب الحماقه واجتهدت شويه في التصالح مع رغباتك في انك تدي روحك و زولك براح التصالح و شويه مساحه ل مسامحه نفسك

#صدقني كان ممكن تكون في حاجات كتيره اتغيرت و حاجات اكتر ممكن تكون نتآئجها مختلفه ، مختلفه بما يرضى قلبك و يجبر خاطرك وخاطر الزول المعاك

اسمح لي اقول ليك #حاجه_مهمه !
لما انت تكون عايز شخص في حياتك
ما تكابر و تقول لا !
ما تقفل #باب_ريد في وشه
ولو يوم جاك لحد عندك ما تعاند و تكسر قلبو و خاطرو و ما تحاول تجرد #حساب_وجعك معاو
هو احتاج من عزه نفسو كتير لحدي ما قدر يجي #يقيف_قدامك !

الحياة عموما ما فيها راحه مطلقه
و كل تفاصيلها ما بتجي #علي_مزاجك عشان تعيش ب أفضل طريقه ممكنه
ف عشان كدا مفروض #تكون_مستعد تتخلى عن شنو مقابل انك تحافظ وتحتفظ ب شنو
وتقدر تحدد ياتو شي هو #بالنسبه_ليك الأولى و الاهم عشان م تتعب وتتعب ل قدام 😁❤️

#انور_ادم

🌟

💕 فُضفُضۃ فُي ِِهـدًوء💕 @hdoo5

لما كل #موقف_صعب يمر بيك
وتوقف #حياتك عشان خاطرو
ح تكون انسان تعيس في حياتك
ح تكون ضعيف وما ح #تكمل_حياتك

زي صفقه شجرة تعصف بيها الريح زي ما عايزا
دايما خليك قوي واتعلم من المواقف ما تيأس وتمل خلي حياتك #عنوان_الامل

مهما عصفت بيك الحياه اكيد ح تهدا ما تزعل وتندم على كل زول عرفتو في حياتك عشان انصدمتا في #زول_واحد بس

ما #تفقد_الثقه عشان فقدتها في واحد بس
ياما الدنيا في #معادن_مختلفه الرخبيص والغالي البقيف معاك والببعيك باقل شي

استمر في حياتك وابدع واثبت وجودك بطموحك واملك ووصولك #لي_هدفك وخليك ربيع وانشر عبيرك 😍🌹

#انور_ادم

🌟

💕 فُضفُضۃ فُي ِِهـدًوء💕 @hdoo5