بكل بساطه كنت لما اتوجع بحكي وبفضفض وبتكلم مع مرور الوقت لقيت في عدم مبالاه وانو لو حكيت بالجواي لاقرب زول لي ما ح يقدر #يمسك_ربع الوجع الفيني

تبعت وبقيت اعرف ادس اوجاعي واثبت لي الناس اني في سعاده لدرجه انك #تحسدني فيها ، لكن من جواي حساباتي مع نفسي وبس

هي فعلا #صعبه لكن بتخليني اتجاوز اي حاجه براي بدون ما يسندني زول ، وحتي لو في زول معاي كل الح يعملو لي انو يستمع لي وبس

في نفس الوقت بكون #محتاج_زول بالجد يقيف معاي ويقول لي اعمل كدا وما تعمل كدا ما بس زول يسمعني ويمشي يعيش حياتو عادي

اكتفيت من #قسوه_الناس ووصلت مرحله اني اكون منزوي مع حالي وبحاول بقدر الامكان اني ما اشارك الناس همومي ومشاكلي واني احل مشاكلي مع نفسي ودا برجع لكثره الصدمات العانيت منها #في_حياتي 😴👎


#انور_ادم

🌟

💕فُضفُضۃ فُي ِِهـدًوء💕 @hdoo5

لما تريد ﻟﻴﻚ ﺯﻭﻝ وتريدو ﻣﻦ ﺟﻮﺍﻙ #تلقائيا_بتريد أﺩﻕ أدق ﺗﻔﺎﺻﻴﻠﻮ ﺑﺘﺤﻔﻈﻬﺎ وﺗﺪﻣﻨﻬﺎ ﻭ ﺗﻘﻌﺪ ﺗﻘﻠﺪﻭ

لأﻧﻚ #ﺑﻲ_بساﻃﺔ ﺑﻲ ﺗﻌﺘﺒﺮﻭ ﺟﺰﺀ ﻣﻨﻚ وﻛﺄﻧﻜﻢ ﺣﺎﺟﺔ ﻭﺍﺣﺪﺓ ﻭ #إﺗﻘﺴﻤﺖ ﻧﺼﻴﻦ

إﺗﺨﻴﻞ لما الزول البتريدو ﺩا ﻳﻘﻮﻝ ﻟﻴﻚ أﻧﺎ انا بريدك ﻋﺸﺎﻥ #ﺑﺘﺨﻠﻴﻨﻲ_أﺑﺘﺴﻢ وﺑﻀﺤﻚ ﻋﺸﺎﻥ #انت_بتضحك واشوف ابتسامتك وﺑﻀﺤﻚ ﻣﻦ ﺟﻮﺍﻫﻮ ﺑﺲ #ﻋﺸﺎﻧﻚ_إﻧﺖ

لانو ﺍﻟﺮﻳﺪﺓ بتحلى ﻓﻲ #ﺍﻟﺘﻔﺎﺻﻴﻞ_ﺍﻟﺼﻐﻴﺮﺓ ﺍﻟﺘﻔﺎﺻﻴﻞ ﺍﻟﺒﻨﺘﻤﻨﺎﻫﺎ #ﻓﻲ_ﺳﺮﻧﺎ ﺍﻟﻤﺎ ﺑﻨﻘﻮﻟﻬﺎ ﻟﻲ
ﺯﻭﻝ

ﺑﻨﺸﻮﻑ ﺭﻭﺣﻨﺎ ﻋﻮﻳﺮين ﻟﻮ ﻗﻠﻨﺎﻫﺎ ﻟﻜﻦ ﻟﻤﻦ ﺍﻟﻨﺎﺱ ﺍﻟﺒﺤﺒﻮﻧﺎ ﻳﻌﻤﻠﻮﻫﺎ ﻟﻴﻨﺎ ﺑﻨﺤﺲ ﺍﻧﻮ #ﻣﻠﻜﻨﺎ_ﺍﻟﺪﻧﻴﺎ

ﺑﻨﺤﺲ ﺑﺄﻧﻨﺎ ﻃﺎﻳﺮﻳﻦ ﻭﻣﺎ ﺑﻨﺸﻮﻑ ﺍﻟﻨﺎﺱ زاتو ﺑﺲ إﻧﺖ ﻭﺍﻟﺒﺘﺤﺒﻮ #ﻛﺄﻧﻜﻢ_ﺑﺮﺍﻛﻢ في الدنيا دي

أﺟﻤﻞ ﺣﺎﺟﺔ ﻓﻲ ﺍﻟﺪﻧﻴﺎ #إﺑﺘﺴﺎﻣﺔ_زولك ﻣﻊ ﻛﻠﻤﺔ ﺭﻳﺪ ﻓﻲ ﻟﺤﻈﺔ ﺷﻮﻕ #ﻣﻠﻴﺎﻧﺔ_حنيه 😍❤️
🌟

💕فُضفُضۃ فُي ِِهـدًوء💕 @hdoo5

طول عمري وانا بسمع #كلام_قلبي وقلبي في كل مره بيقول لي اتقاسم حزنك مع الناس المستعدة #تقاسمك
ووقت #الفرح امشي للحابي تفرح معاهم

نحنا في زاتنا متناقضين وظالمين وانانيين في ناس بتقيف معانا في كل شي ومستعدة تعمل معانا #كل_شي

اما وقت فرحنا بنمشي للناس الما بهمهم امرنا لمجرد اننا حابين نفرح معاهم ولو على #حساب_غيرنا

من الاول نحنا عارفين منو البقيف ومنو البستحق نفرح ومعاهو ومنو البخزلنا
بس #ما_قادرين نواجة حقيقتنا ما قادرين نقول لي ناس انتو نعمة في حياتنا ونحنا #ظالمنك


#ما_قادرين 😢


#انور_ادم


🌟

💕فُضفُضۃ فُي ِِهـدًوء💕 @hdoo5

كونك تئتمن شخص على نفسك وروحك و بالأخص #قلبك دي حاجه كبيره كبيره جدا

انت كده ائتمنته على فرحك على زعلك
وعلى الحاجات الهشه الجواك الما بيشوفها #زول_غيرك

انت كده عبرت عن اختيارك في الحياه في #شكل_شخص وكونو في نص تمسكك بي اختيارك دا وثقتك الكبيييره فيه #ينهي البينكم

دي ما حاجه سهله ، بتحس كأنه في شي اتقلع من جوواك زمن جووه حنايا روحك كأنه في فراغ كبير في صدرك ، موجع وبتحس كأنك خيبت #ظنك في روحك قبل اي شي لأنك انت الاخترته و بقيت عليه

بتحس بضيق عجيب منو
والسؤال الاول و الاخير البتعيشو هو كيف يحصل كده؟؟؟؟ ولما تقرر انك ما حتكره وحتعفي وحتطلق سراح الكره الجواك ليه وحتكون #احسن منه دي ما حاجه هينه وكبيييره

بس #انت الاحسن
#انت الاتمسكت و هو الفلت يدك
#انت الوثقت و هو الخيب ظنك
احسن ليك الف مره تكون مغلوط في حقك مما تكون غلطان في حق زول
#احسن_ليك ميه مره تكون عملت العليك في حاجه للنهايه مما تكون مستسلم

كلها فتره وترتب روحك وتجيّيها وترجع الفرحه لي مكانها في يدك انت
ما فرحك في يدك وزعلك في يدك انت بس وما في يد #زول_غيرك

كلها فتره ويبقا هو و غيره واحد بالنسبه ليك و يكون في اللحظه النسيته فيها بس #حس_بقيمتك

#كلها_فتره وتعرف انه كل شي لي خيير وخير كتير #كلها_فتره وربنا يعوضك بي الاحسن منه ميه مره و يستاهلك
وخليك عارف انو الدنيا عمرها ما بتقيف على زول 😌👌


#انور_ادم


🌟

💕فُضفُضۃ فُي ِِهـدًوء💕 @hdoo5

في شخص اول ما يجي في بالي بحس بي #احساس_غريب ، بحس اني مشتاق ليو ، مع اني اكون اتكلمت معاو قبل يومين والأغرب لما هو وفي اللحظة دي ذاتها يرسل لي ولا يضرب لي بحس انو سبحان الله قرا افكاري ولا شنو؟؟


الشخص دا ونستي معاو ما بقدر اخلصها لكن جد ما ممكن اوقف الونسة معاو ابدا ، حتى لو #انا_نعسان وما قادر اشوف قدامي النوم بروح لي بي ونستو

نفس الشخص البكون سبب الابتسامة البتقبض بيها #قبضة زول عامل عملة واكون مستغرب ، مالي ما بتونس عادي وصحبي يضحك ويقول لي ياخ انت شفت شكلك وانت بتتكلم دا كان عليك حتت منظر

شخص لما احس اني مضايق ولا مخنوق بلجأ ليه وما بكون داير احكي بس بلقا نفسي #فجأة_اتدردقت وحكيت ليه اي حاجة بدون ما احس ، واحس بي احساس راحة لا توصف شخص في حياتي في #شكل_سعادة

#لييييك ❤️

#انور_ادم


🌟

💕فُضفُضۃ فُي ِِهـدًوء💕 @hdoo5

بيحصل عادي انك تكون خاتي لستة بكل الصفات الانت دايرها في شريك حياتك المستقبلي وبكل الحاجات الصغيرة والكبيرة البتكون بتهمك انت وما بتهم اي #شخص_غيرك

وتحس انك لو لقيتو تاني ما داير حاجة وكدة حياتك #حتبقى_عسل
وفعلا دا يحصل وتلقاهو وكل الصفات الكنت دايرها لقيتها فيو

بس لسة في #حاجة ناقصة
حاجة كدة ربنا بختها فقلبك انت ما عارفها شنو؟؟ كل شي كان نفسك فيهو لقيتو بس بعد دا انت ما حاسيهو هو #الزول_داك

عااادي جدا تلقى نفسك اتعلقت بي مخلوق ما اتخيلت و لا يوم في حياتك انك #ممكن_تتعلق بيهو ولا اتخيلت صفاته و لا شكله وتلقى نفسك رايده بكل تفصيلة فيهو براها ومع بعضها كمان
ومستعد تكمل #باقي_حياتك معاهو
وتكتشف انو ربنا كان خاتي ليك احسن من الكنت خاتيهو #في_بالك بي كتير

ممكن الاحلى يجيك من مكان ما كنت تتخيله فيوم في حياتك فشنو #كل_مستحيل_ممكن 😍💐


#انور_ادم


🌟

💕فُضفُضۃ فُي ِِهـدًوء💕 @hdoo5

في كثير من المرات بستغفل روحي
بعيشها في وهمة مسميات ما حاصلة من أساسه #مسميات لا تبت للواقع بصلة
ما نحن أصحاب وبس

#أصحاب
#الصحوبية البتخليني اكون داير اعرف اي كبيرة و صغيرة عنهم
#الصحوبية البتخليني احكي ليهم ادق التفاصيل عني وعن حاجات ما بحكيها لباقي الناس
#الصحوبية البتخليني اقلق عليهم و افكر فيهم اول شي في الفرح و في الحزن و في كل شي
#الصحوبية البتخليني ازعل لي زعلهم و افرح لي فرحهم و مرات كتيرة الصحوبية البتخليني #اغير_عليهم

دايرها تكون تحت #اطار_صحوبية عشان لو واجهت نفسي ح اتعب و يمكن عشان نفسي اكون جنبهم سواء كنا اصحاب او غيره..المهم اطمن عليهم
و يمكن برضو مستعد ابقي صحابهم حتى لو ما بقينا شي تاني بس عشان يكونو جنبي

في ناس بتقدر على الحاجة دي و في ناس ما بتقدر و بتنسحب
بس كتير ما الريد بختني في مواقف ما كنت متخيل نفسي في يوم اتختا فيها

مساء الخير على #اصحابنا_جد
و مساء الخير على النحن بنستهبل على روحنا و نقول اصحابنا
#مساء_الريد 😉💐


#انور_ادم

🌟

💕فُضفُضۃ فُي ِِهـدًوء💕 @hdoo5

اي شخص فينا اكييد حصل ليهو موقف اتعلم منه كتيير و اتألم منه اكتر ، ممكن يكون موقف من #اقرب_الناس ليهو خلا ثقته في الباقين تتهز أو بالأصح تنعدم

اي #شخص فينا عنده شخص هو شايل منه كتير و ما بي يده ما بيقدر ينسى ليهو العملو ، وكيف #يدوس على جرحه و ينسى ، وكيف يتعامل عادي كدة و كأن شيئٱ لم يكن و كأنه هو طرطور لا كرامة له

بس ليه كل دا ؟و عشان شنو ؟
ليه #ترهق_جسمك و عقلك بمشاعر سلبية تستنزف طاقته بالشكل دا و ترهقه و تتعبه و ممكن عادي تجيب ليه مرض بسبب #المشاعر دي

ليييه تعمل كل دا فروحك و انت المتضرر الوحيد و امكن الزول التاني دا اصلا ما #حاسي_بيك

انسى و اعفي
العفو عمره ما كان ضعف بالعكس دا القوة ذاااتها

(اعفي)

ما عشان زول بس عشان روحك
و اتعلم من البحصل ليك بس ما تخليه يعلم عليك بالعكس استفيد من الناس الضرتك دي انك #ترفع_نفسك ، ما عشان تثبت ليهم حاجة
بس عشان تثبت لي نفسك قوتها
و في النهاية ربنا عااادل و عمره ماا بينسى عباده و حقك بجيييك لحدي عندك عشان كدة
#انسى
#سامح
#اعفي
عشان لو فارقت الدنيا تفارق و انت قلبك نضيف لي ربك لا فيهو كره و لا حسد هي صعبه و عشان كدة رب العالمين قال في كتابه : ( فَمَنْ عَفَا وَأَصْلَحَ فَأَجْرُهُ عَلَى اللَّهِ ) يعني اجرك كبيييير عنده وهو وحده البيعلمه

اها الليله يوم العفو ويوم جمعه
عشان ربنا يستجيب دعوتك و يعفو عنك اعفي عن خلقه
#الصلاة_سهلة
#الصوم_ساهل
حتى الذكر مقدووور عليه
بس انك تخيط جرحك بموية نار و تعفى و تنسي دي الصعبة و يا بخته البيقدر يعملها

#قوي_قلبك ابدا بأكتر زول ضراك في الدنيا دي و رسل ليه انا عفيت ليك
رسل لي الناس كلها العفو و العااافية
و شوف حياتك من هنا حتتغير كيف ، يمكن حاجة كانت صعبة و نفسك فيها ربنا #يحققها_ليييك
مش اجرك عند رب العالمين وحده?
نضف قلبك و قشه تمام و افرشه فرحة
و اعفو عشان رب العباااد #يعفو_عنك ❤️💐


#جمعه_مباركه

#انور_ادم


🌟

💕فُضفُضۃ فُي ِِهـدًوء💕 @hdoo5

مرات بصل مرحلة كدة من الضيق بكون مكتفي فيها و ما قادر اعمل حاجة و بجيني احساس #حرقة_غريب كدة جواي احساس اني غريب و موجع

احكي لدا و استشير داك و افضفض لي دا بس لسة #نفس_الاحساس ما بيروح و مافي زول بيكون عنده الحل لي الواجعني

اقبل يمين شمال فوق تحت و ياهو نفس ذات الاحساس ، اشغل روحي بحاجات تانية و امسك زمن بي اي شي المهم في محاولة من #روحي_المتعبة انها تعمل رايحة

بلف و الف و ارجع لي شي واااحد
انو اتوكل على الواحد الاحد الخلقني و خلق همومي من صغيرها لي كبيرها و اؤمن من #جوه_روحي انه الحصل دا اكيد #لي_حكمة وحده يعلمها و ما عندي غير دعوة مستغيث

#يا_رب اغثني و اصلح حالي و فرج همي و فرح قلبي و قويني و كن معاي و ثبتني يا رب وارزقني فرحة من حيث لا احتسب

و رغم الغم الجواي بكون متيقن انه
اكيد بكرة ح تجي #حاجة_حلوة
اكيد #كل_شي ح يتحلا
اكيد الفرحة لي #نصيب فيها
اكيد كل البحصل دا لي خير
يا رب تفرجها #يا_كريم

#ثقة_في_الخالق_رغم_الوجع 😍💐


#انور_ادم


🌟

💕فُضفُضۃ فُي ِِهـدًوء💕 @hdoo5

#لو_ركزت بتلقي انه #النص_الاول من حياتك دا ما عندك حرية اختيار تعيشه مع منو ؟ بتتولد تلقا نفسك بين ناس و حياه و اهل بس #النص_التاني دا حقك

حقك انت دا عشان تختار تعيشه مع منو
فما تستعجل و نصك دا عيشه مع #زول_شاريك

اختار #الزول_الحنين الما بيهون عليهو زعلك حنين عليك المهما اتشاكلتو و اتناقرتو و بقيتو ما طايقين بعض بتتصالحوو ما مهم الاتنازل منو

اختار #الزول_البيشيل معاك همك و بيتقاسمو معاك كأنه همه
الزول البيسمع ليك وقت تحتاج
زول تكون حاسي بي #برااااح كدة معاهو

عارف يعني شنو #برااح ؟
يعني زول تكون مرتاح لي الكلام معاه
#الفضفضة
#الونسة
#الضحك
#الخستكة
#الجنون
حتى الزعل و الضيق مريح لما تعبر بيه ليه

#مرتاح لي ملامح وشه
#مرتاح حتى لما تتشاكلو
#مرتاح انك تعبر ليه انت وجهة نظرك شنو ، بيسمعك و تسمعه و بيستحملك و تستحمله

زول ما بتمل من ونسته
ممكن تتونس معاه للابد
حتى السكوت معاه #مريح
تصااحبه و يكون فردتك عديل
اختار زول بيخاف #رب_العالمين فيك

دا #نصك_التاني
فاختاره صح
و ما تقول لي مافي
الخلقك خلق زول ترتاح ليه
و مساء البراااااح علي روحك 😍💐


#ارتياح_في_اختيار


#انور_ادم

🌟

💕فُضفُضۃ فُي ِِهـدًوء💕 @hdoo5

ما بتتصور قدر شنو نفسي #امسك_التلفون و اضرب ليك في اللحظة دي و اقعد ابكي من #جوة_قلبي و اطلع كل الجواي حتتخلع اكيييد ما انت ما حصل شفتني ضعيف و لا ببكي

دايما بتشوفني و انا قوي و بتعامل معاك بكل برود الدنيا ، بس في اللحظة دي انا اضعف ما يمكن ، محتاج بس اقعد ابكي واحكي ليك

محتاجك تعرف #مكانتك عندي قدر شنو ، قدر شنو انت عندي #غالي و قدر شنو بخاف عليك و بكون #ملهوف عليك وقدر شنو #انت_مختلف عندي عن كل الباقين و قدر شنو انا #بغير_عليك ، قدر شنو حشتاق ليك ، قدر شنو روحي بتوجعني بسيرتك

نفسي امسك تلفوني و اضرب ليك و اقول ليك نتلاقى و متأكد انك حتجي ما عارفك ما ح تحرجني نفسي القيك و بس

ما ظنيت في شي #غير_البكا ح يعبر عن الجواي عارفك ما حتعرف تتصرف و حتتصدم

بتذكر لما قلت لي انك ما ظنيت تقدر تستحمل لو شفت منظري و انا ابكي

#تتذكر لما يوم كنت متضايق و موجوع و انت سالتني ، اعمل ليك شنو عشان ما تتضايق؟؟ و انا قلت ليك ما عارف

#تتذكر قعدت تتكلم معاي الليل كله عشان مزاجي يتعدل تتذكر الاغنية اللي رسلتها لي الوقت داك عشان تعدل مزاجي تتذكر؟؟

انا متضايق نفسي امرق كل الجواي دا و اقولو ليك نفسي اشوفك
بس شوفة و دا كلو و انا ما داير منك حاجة و لا مستني منك شي
انا بس دايرك تعرف انك بتهمني شديد
بتهمني حد #توهان_الروح من عقلانيتها
و بدعي ربنا يكتب ليك الخير محل ما تقبل 😻💐

#مجرد_زكريااااات

#انور_ادم


🌟

💕فُضفُضۃ فُي ِِهـدًوء💕 @hdoo5

كنت لما اقرا قول الله تعالى (و نحن اقرب اليه من حبل الوريد) بتجيني خوفة كدة و بفكر طوالي انه ربنا قريب جدا لي و ممكن في اي لحظة اموت لانه حبل الوريد دا #حبل_العنق متى ما قطع الواحد بموت

بس مع مرور الزمن قررت ان اغير علاقتي مع ربي و بدل ما تكون علاقة كلها شعور بالخوف و الرهبة ، تكون #علاقة_حب

و بدل ما احس بالخوف من قراءة الاية بقيت بحس احساس جميييل لما اقراها ،
احساس نحن اقرب اليه
#من_اهله
#من_اصدقائه
#من_محيطه
نحن اقرب اليه حتى من نفسه ، يعني حتى نفسي دي #رب_العالمين اقرب لي منها

يعني لما اتضايق و لا اشيل هم شي طوالي بلجأ للاقرب لي من نفسي لانه اعلم بالجواي و ماف زول ح يفهمني قدره

و لما افرح بي حاجة شديييد بحمده و بشكره هو اووول شي لانه هو اقرب لي من اي حاجة

ياخ في اكتر من قوله تعالى( #فإني_قريب)
في اجمل من كدة هل في اجمل من قرب ربنا ليك؟؟

يا رب انا متوكل عليك و مسلم امووري كلها ليك وواثق انه الخير حيزورني قريب ، ما انت القرييييب!!
مسائك قرب لي ربنا
مسائك فرح و خير و حاجات محققة و ثقة فيه

#مسائك_سعيد 😻💐


#انور_ادم


🌟

💕فُضفُضۃ فُي ِِهـدًوء💕 @hdoo5

مرات #البعد احسن على قدر ما هو صعب و بيوجع ، على قدر ما بيكون الحل الانسب #عشانك

عشان #اريح_ليك تكون بعيد و ما عارف حاصل ليه شنو و لا بعمل في شنو و لا معجب بي منو !

عشان تريح قلبك من الوجع و تخلي الزمن يقوم بالباقي كدة احسن مما يكون قدامك و انت قاعد بتصارع في #مشاعر_مجهداك

تعمل فيها عادي و ما فارق معاك و انت من جوة موجوع و ليه تصارع روحك
لازم تقوى على روحك و تبعد منه
عشان تقرب #من_نفسك

و دا كله ما عشان بتكرهه
و ما ظنيت فيوم اصلا حتكرهه ما عشان ما بتقدر بس رغم الحصل ليه جواك #ذكريات لما تتذكرها بتبتسم

ما خلاص انت قررت تتخطاه ح تتخطاه و تبعد لانك محتاج #مسافة منه
#مسافة تقدر تلملم فيها شتات روحك
#مسافة يمكن بعدها تقدر تتعامل معاه عادي و يمكن لا

صح البعد صعب جدا
بس مرات بكون انسب حل
ح بعد عشان القى نفسي #بعيد_منك 🙂✋

#انتهي

#انور_ادم


🌟

💕فُضفُضۃ فُي ِِهـدًوء💕 @hdoo5

لمن تنوي #تمشي_مشوار مع زول و تقررو انكم مع بعض ، انتو بالجد بتبقو مع بعض بكل شي

لو اتضايقت هو بحس بي ضيقك و حيظهر بينكم في شكل نقاش حاد و شكله عشان كدة هو محتاج منك تشاركه بضيقك لانه هو حيكون متضايق لي ضيقك و ما عارف يعمل شنو لانه ما عارف #سبب_ضيقك

خليه يلمس روحك و يعرف عشان يقيف معاك و يحس انه #قريب_منك حتى لو ما بساعد بس يكون جنبك

لو فرحت حيحس بي فرحك و ح يحسه فنبرة #صوتك و طريقة كلامك حتى لو ما شايفك بيصله احساسك دا

لو عندك حبة عدم ثقة فيهو عارف انه بيحسها ؟ بيحس لو انت ما عاجبك وظيفته و لا شكله و لا اسلوبه و لا مستواهو و لا اي شي فيهو بيحس انك ما عاجبك الحاجة دي فيهو و دا بيحبطه و #بيحسسه_بالنقص و احساس النقص دا حيعبر عنه فشكل سيطرة او اي رد فعل ما حلوه

فلما تقرر انك ترتبط بي زول خليك واثق فيهو و خليك فخور بيهو و بي اي تفصيلة فيهو

و احساس الفخر دا بيحسه هو
و خليك #متقبل_عيوبه اي بتضايقك بس بالنسبة ليك حاجة بتقدر تعيش معاها

لما ترتبط بي شخص انتو بتبقو واحد و بتحسو باي شي حتى لو جاك احساس في انكم #ما_حتكملو الاحساس دا بيصلو

زولك دا مرايتك و انعكاس لي صورتك
خليك سعيد و فخور و مبسوط بي البينكم عشان هو يكون كدة برضو 😍👍


#انور_ادم

🌟

💕فُضفُضۃ فُي ِِهـدًوء💕 @hdoo5

لو سآلتني عن أول مره شفتك فيها
بتجيني #حيره_شديده ف أنا ك العاده عندي زهايمر و أسوء ذاكره

#ما_بتذكر عملت شنو في يومي فما بالك ب حاجه مرت عليها زمن ؟؟؟

لكن الغريب اليوم داك بالذات
بتذكر احساسي كان كيف بالظبط و بتذكر كمان
#حركتك
#سلامك
#شكلك
#ابتسامتك
#لبسك
#ملامحك
#ريحتك

و الأغرب من دا كلو اني في نفس الوقت ما #اعجبت_بيك وما اتخيلت في ابعد احلامي انو قلبي #مكتوب_ليك عشان تمتلك كل اراضيه

كنت بشوفك مجرد #شخص_عادي ف كيف اتذكر كل التفاصيل الممله دي ؟؟
بس من الوقت داك بقيت أؤمن بوجود الحب من #اول_لقاء

صح انو موجود و حي بس كمان نحن ما بنعير ليو #اي_انتباه يمكن ارواحنا هي البتقع بالاول في الحب لما تتلاقي التي وفي نفس الوقت عقولنا بتكون مرهقه ب التفكير في #مشاغل_الحياه

ويمكن نعبر عنو في بدايه في شكل شمه للشخص دا او كره ليو او غيرو
#لكن_الحب قاعد

قاعد في حركه الزول و كلماتو و ابتسامتو و كل شي فيو بيكون #مميز عن الباقين بالنسبه ليك ايا كان #شكل_التميز دا شنو ! ☺️❤️


#حب_من_آول_لقاء

#انور_ادم

🌟

💕فُضفُضۃ فُي ِِهـدًوء💕 @hdoo5

احلى طريقة ممكن نعبر بيها عن اهتمامنا بشخص #هدية_صغيرة عبارة عن حاجة قالها و لا عبر عنها و لا عرفناها عنه فيوم عابر كدة

#مثلا

#اللبان البيحبه يقوم يلقاه قدامه
#فريم النضارة الشبه مكسور و ليها مدة بتقول عايزة تغيره بس ما لقت فرصة تلقى #فريم_جديد

سي دي لي اكتر فنان بيحبه يلقاه شغال في عربيته و الشوكولاتة البتحبها #صندوق_كامل تلقاه في مكتبها

تيشيرت الكورة لي اكتر لاعب مفضل عنده و الكتاب الكان نفسها تقراهو بس ما لقته خالص

صورة قديمة اخدتها ليهم و هو خشمه مدفوس اكل معمول ليها فريم ظريف
اي حاجة صغيرة بس #كبيرة_فنظرك

#الخلاصه

انو الاهتمام بتفاصيل غيرنا الصغييرة
احلى طريقة للتعبير عن مكانتهم 😍👍


#انور_ادم

🌟

💕فُضفُضۃ فُي ِِهـدًوء💕 @hdoo5

#الغياب و ما ادراك ما الغياب و كلما #الغياب بزيد ف حاجات فينا بتموت واحاسيس بتجمد ويبقي صعب انو يكون زي زمان #حتي_التعامل بكون فيهو حزر

الغياب بكسر حاجات حلوه فينا وبياخد من عمرنا ومشاعرنا وفرحتنا ولهفتنا بياخد #من_روحنا

#الغياب_انواع

في غياب #عن_حب ودا بكون زي سفر الحبيب او بعدو عننا لاسباب خارجه عن الاراضه ودا #الغياب_المضمون في نظري وهو دا البصنع الشوق وبدي الريده طعم وبخليها تسمو زي ما حصل مع قيس وليلي وعنتر وعبله ودا الخلي ذكراهم لليوم قاعده

اما الغياب التاني هو الغياب عن جفا وخلاف ودا هو البهدم علاقنا و بقودا نحو #الموت_البطيئ

والغياب بكون احلى لما نعرف السبب #الحقيقي_للغياب والناس الصادقه ف مشاعرها م بغيرها الزمن

ومرات الرجوع #بعد_الغياب ببقي صعب وبحتاج فتره لحدي ما المشاعر والاحااسيس تدوب

وزي ما قال عمار ( من اجمل اللحظات رجوع زول #كان_غايب ' وكلما طالت الغيبه كل ما كان #الرجوع_اجمل ) رجوع ممزوج ب زكريات كتيره ولحظات كانت هي آنيسنا في الغيبه

#يا_انت ظهورك علي رتبتني من اول جديد #هلا_هلا بعد غياب 😍


#انور_ادم


🌟

💕فُضفُضۃ فُي ِِهـدًوء💕 @hdoo5

قمه الاحساس زول #يتمني_ليك_الخير حاجه كبيره شديد تلقي زول بتمني ليك زي م #بتمني لي روحو وممكن اي شخص يعرفك يتمني ليك الخير بس كمان في #ناس_معينين محتاجين منهم اكتر من #التمنى

نحنا ف #زمن_صعب وظروف اصعب الواحد لو لقي زول زي ده يمسك قوي وم يخلي..واي احساس حلو ماشي يبقي #شي_نادر

يا ريت كل الناس يقدرو يصلو القمه دي لانو فعلا #قمه_الاحساس وقمه الزوق وقمه الاحسان بس انو تتمنى الخير لي غيرك والله ما بتكلف شي لو الناس قررت تصل القمه ودي #اسهل_قمه

وخليك عارف انو في حاجات عطاء قبل ما تكون امتلاك والحياه دي والله مليانه ناس طيبين وبتمنو الخير ليك ولي غيرك ولي البعرفو والما بعرفو عشان #معدنهم_كدا

وحاجه جميله شديد انك تكون واحد من الطيبين ديل..وعلي قدر م بتدي بتاخد سوي كان #دعاء اتمنيت ليه الخير او قدمت شي #ملموس وحتي لو م ردها يكفي انو في ملك بقولك ولك بمثله

و‏ربنا يوعدنا بالشخص ال مهما شاف ما يشوف #أحسن_مننا ولا يكون فـ بالو غيرنا و راضي بأي حاجة معانا ودايمآ بدعي لينا و خاتينا جوا عيونو ☺️💐

( #الجمال_الروحي_انك_تتمني_الخير_للناس)


#انور_ادم


🌟

💕فُضفُضۃ فُي ِِهـدًوء💕 @hdoo5

كوني اكون انسان مرن حاجه سمحه و اوزن بين عقلي وقلبي دي حاجه سمحه جدا جدا
بس فكره اني امشي مرات وراء احساسي برضو حاجه ظريفه بس اني اختار نتيجه لي احساسي دي حاجه #كعبه_شديد

في نقطه غائبه علينا كلنا انو الاختيار ما بكون بالإحساس لانو الإحساس دا ما ثابت وبتغير في الدقيقه #الف_مره وبنتهي وبتجدد غير انو بنتهي وبتغير

يعني انا حبيت الحاجه دي أو الزول دا ممكن بي موقف أو نتيجه لحاجه ما أنا اكرهو واقرر اني #ما_دايرو اي نعم هو عندو دور بس كمان ما ممكن اعتمد عليهو في #الاختيار

#إلاراده دي الحاجه الوحيده الممكن اعتمد عليها في اي شي يعني اختارك بي ارادتي ح أحافظ عليك قدر ما اقدر وح ابذل مجهود والله في البينا دا وبي الاراده ممكن انت تضمن لي استمراريتنا لفتره أطول

ما ح اقول للابد لأنو ماف ضمان والقدر ما معروف بس كمان لفتره أطول من اختياري ليك بي احساسي وحتى لو احساسي #اتبدل_ناحيتك في لحظه ح اقعد اروضو وافهمو بالمنطق انو ما ينفع #نوصل_لكدا

وطالما انا #مقتنع_بيك صدقني ماف شي ح يخليني اسيبك إلا أنت تتغير وتغير قناعتي

#الإحساس حاجه مؤقته بتروح وتتغير بس #الآراده هي البتقعد معانا فتره أطول 😍💐

#ريدني_بآراده


#انور_ادم


🌟

💕فُضفُضۃ فُي ِِهـدًوء💕 @hdoo5

انت محتاج #فرصه
فرصه من كل حاجه بتخاف منها
بعدها كل الأمور ح تكون كويسه
وتتحرر من خوفك

#فرصه_واحده كافيه لي انك تكون ما خايف لأنو في حاجات مجرد فكره بتخليك تخاف ، تخاف من أنها لو حصلت ما ح تقدر تستحملها ولا حتي تجاوزها أو تكون بعدها زي #ما_انت

بتكون خايف أنها تأثر #عليك_سلبي
زي لمن تقول انا ما ممكن اخلي فلان دا لالا ما ممكن ياخ وتجي تخلي

زي لمن تكون منتظر حاجه من زول قريب ليك جدا وما تلقاها #ح_تبطل تاني تنتظر والموقف الحصل واتاكدت انو بعدو ماف #اي_تبرير ممكن يصلح الاتكسر مع انو الاتكسر بتصلح بس عمرو ما برجع زي الأول

يا بقى أحسن من الأول ودي #قله يا انتهى والكلام الاتقال ليك وعرفت انو اي كلمه تتقال بعدو ما #عندها_معنى

والكنت خاتي مصدر حياتك وأنك عايش عشانو اكتشفت انو هو #ما_أكسجينك وعشت عادي

والأحلام ديك الما وصلت ليها ولما بدلتها حسيت بيها #كيف_كيف

يلا دا كلو ما مشكله لأنو قدر ما روحك تذبل وقوتك تضعف وروحك تضيق ونفسك يضيق وتجوط عليك الحاجات ويتنكر ليك الرفيق وتخسر القريب ويبقى بعيد دا كلو ما مشكله عشان قدر ما شي ينتهي ربنا بجددو ليك في #الوقت_المناسب وبعوضك عوض برضو في الوقت المناسب

بكون غالبا اسمح من الخسرتو
يعني حتى شغفك الفقدتو صدقني بعد فتره ح يكون شغفك اكتر من زمان
والكسره الاتكسرتها ح تقويك وتخليك متزن والأمل الخلص ح يجيك أضعاف اضعافو لي درجه انك ممكن تكون مصدر أمل #لي_غيرك

حتى الخذله الاتخذلتها اضافت لي قاموسك فهم انو الدوام #الحال_محال
ف شنو أي شي ينتهي ح يبدا في الوقت الصاح وبي كميه اكبر وفي اللحظه الانت #محتاج_فيها

انا عندي قناعه انو اي مشكله ليها حل و في النهايه اي شي بتغير لكن ماف زول بتقيف حياتو عشان واجهتو مشكله إلا هو يوقفها براهو وهنا ذا يبقى قرارو
ف شنو من اي حاجه محتاجين #فرصه_بس

فرصه عشان
#نتزن
#نقوي
#نتعلم
#نهذب مشاعرنا ونحكم خطواتنا
والأهم من دا كلو انو ربنا دا لو ما دبر ما ودر
شفت #الفرصه_الواحده دي بتغير كيف ؟؟؟؟ 😍💐


#انور_ادم

🌟

💕فُضفُضۃ فُي ِِهـدًوء💕 @hdoo5