Message From: 133516

لو في زول علاقته بيه بقت سطحية وهو اسي عايز يرجع علاقتكم حلوة ، ح تقدر ترجع ليه ؟!

أهلا🌸
على حسب علاقتكم كانت كيف أول!
وعلى حسب السبب الخلاها بقت سطحية
وبرضو على حسب الطرف التاني عاوز شنو بالضبط هل بالجد عاوز يرجع ولا خلاص انكسر خاطرو منك!
لأن الإنسان ما بيمشي على حسب مزاج الأشخاص الآخرين ويرجع وقت هم عاوزين يرجعوا ويتركوه براه وقت هم زهجوا!

ما عارفة أنا شايفة كدا وكل واحد وأسلوب حياتو✨🌸

Message From: 133514

سلام عليكم ورحمه الله يا شباب وشابات اسمي رحمة بس دلعلي بالوله اطبعا اجازات كورونا جيت علي جراح بنسبه لي بت خالتي عايزة ضع والمهم انا الموضعها وفي نفس الوقت شغاله جامعه وخاشه علي امتحانات في نفس الايوم الي ح تضع فيهو المهم جات الااجازة طبعا كتير منكم بسال لي انا اوضعه امها متوفيه وم عندها اخت يعني زي كدة المهم جات اجازة كورونا وضعت الحمدالله بعديها مشيت الكلاكله كل يوم طالعين ماشين البحر وجاين يعني م حسيت بالجازة قاعدة هناك حوالي شهر وحاجه بعدها رجعتا بيت خالتي في نزهه وبعداك م ظلت متواصله في حوامه جيت جبرة لي خالتي وقاعدة معاعه فترة يوم الوقفه جيت لا ازهري وعيتا هنا المهم الجازة كورونا استفتا منها لفيه علي اهل كلهم من غير فرز

وعليكم السلام🌸

ربنا يكتب أجرك و الله في عون العبد مادام العبد في عون أخيه

وبالتوفيق يا رب في امتحاناتك✨🌸

Message From: 133525

سطرتا حروف الحب وياك واتعهد قلبي ماليهو سواك💜
شال قلبي الغيم لي لقياك جذبني اسيرك واتحداك❤
ده انا يوم لقياك بتوتر جد وبدق نبضات❤
ولحظة وجودي معاك بسرق نظرات ريد واشواق😊
ده الكاتل قلبي ومسبب لي هلاك شوفتك بذات😁
الحب اوطان والحب امان والحب افعال م بس كلام
والحب ده حقيقة م اوهام❤
ومشوار الريد وخطواتي معاك😞 مسكة يدين احضان عشاق نظرة مشتاق❤
والحب ثقات بين الاحباب🥰
وياساكن قلبي وسارق نومي من اجفاني ومعذبني معاك🙁
ويالكاسر قلبي وماهماك حتضوق الكاس. الليهو قليبي اتجرع وبيهو نساك😁
ح يفارق ليلك الصبح خلاص م انت اخترتا البعد اساس☺
وسحاب الغيث كانت راجاك اخرتا هطولا من غير اسباب😊
والذكرى الكانت لحظات لحظات حتكون في الماضي ويمكن تنساك😇
م انت الكنت للعهد ثبات😞
اطياف الريد بتمر ساعات والبعد الحاصل اخترتوا براك😊
والليل الكان بجمع عشاق اصبح في الخاطر للحزن بلاك😭
اخترتا قرار الفرقة عتاب ولا راعيت للعشرة حساب😔
فاكر يوم داك يوم شالني الغيم واتحداك🙂
ترجع مكسور للرجعة وحات وحات العهد ترجع مشتاق❤
ترجع موجوع والريد جياب😁
واعذارك صبحت م بتجني رحاب
طالب للرجعة بكل بساط🙄
وقواعد الحب بتقول الكاس المنو اتجرع قلبي ح تضوقوا وحات😌💜
كا بداية لي كتابة الشعر تقييمكم

شكرًا لمشاركتك اللطيفة واستمر/ي وطور/ي نفسك 👏🏼✨🌸

Message From: 133490

كيفن اعشق زول سواك وانا قلبي في ريدك غرق اصلو القليب وكتين يحب زولا شبيهك ي فريد محال يرجع وينحرف ياما بقول باكر بطيب وانسي الغرام الكان زمان لكن محال ي سيد هواي انك تغيب يوم عن دناي انا بعترف انك عنيد في كل شي بس يا فريد انا بحترق من دا العناد زيدني من ريدك مدد واسيقني من كاسات هواك شهدا عسل خليني افرح ي فريد مش قلت ضحكاتي في قربك بجن وانك شعاع لغيم دناي
وانك مناى ومحل سكوني وهناي
فاقداك كتير انا يا فريد وكل حاكاوينا الزمان تسألني عنك وين مشيت لكني ايه اقدر اقول ولساني كيف ينطق بالحرف انو الحصل يوما كئيب فيو الفراق كان انكتب خلا القليب فيهو الفريد وبابو من بعدو انقفل وخلاني من طول الغياب الا بالحس اتعرف !
شخبطة ساعة شوق شديد

شكرًا لمشاركتك اللطيفة وللشوق الخلانا نقرأ الجمال دا 🌸

وربنا يطوي الشوق باللقاء الجميل✨

طيب نقيف هنا وشكرًا جزيلًا سخيًّا للناس اللي شاركوا وللناس المتابعين🌸

Message From: 133648

قبل اليوم كنت بحب زول من انا صغيرة ولحدي م كبرت وبقيت في الثانوي كنت خايفة من حاجة اسمها امتحان شهادة وحاسة روحي م بنجح قمت طلبت منو يجي يتقدم لي وعمل كدا انا كنت في تانية ثانوي وهو ود خالتي قام ابوي قال ليهو انو البت دي صغيرة ولو دخلت ليها موضوع عرس في راسها م ح تقرا خليها تخلص الثانوي وفي الاجازة بخطبها ليك وبعد تخلصو الجامعة تتزوجو ابوهو اخد الموضوع شخصي ورفض تاني نرجع لي بعد ويوم 1/4/2012 كان اخر يوم لي علاقتنا وبعدها اتزوج وعايش حياتو وقال انو كانت غلطة وغصب عنو بس م اديت نفسي فرصة اني افكر ارجع ليهو او اتعامل معاهو لفت السنين وقبل 6 شهور ارتبط بي زول تاني وعلاقتنا حلوة قبل رمضان اختفى فجاة كنت مستعدة ادفع عمري كلو عشان بس اعرف هو لي عمل كدا يوم 10 في الشهر دا ب الظبط رجعنا نتكلم وم وراني الحاصل لحدي اليوم القبل الوقفة قال انو اهلو ضاغطين عليهو انو يتزوج وحدة امو شايفة انها مناسبة ليهو وعقدو الجمعة الجاية دي وانا موجوعة وم قادرة اتجاوز وحاسة انو الماضي بعيد نفسو ياربي هل تاني ح اقدر اكمل حياتي انا محتاجة دعم بالجد

أولًا ربنا يجبر بخاطرك واتأكدي كل حاجة لخير مرات احنا بنشوف الحاجة دي شر بس في باطنها خير وخير عظيم كمان بس علينا بالصبر ونكون متأكدين انو ربنا ما يكتب لينا الا الخير

بالنسبة لولد خالتك خلاص إنتِ اتجاوزتيه والحمدلله وهو اتزوج وانتهينا وخليك زي ما إنتِ مهما قال ليك وفعل ما تديه فرصة والبيغلط يتحمل نتايج غلطوا انتِ ما استيكه تمسحي ليه أغلاطو ويختارك كبديل بعد عاش حياتو بدونك إنتِ عزيزة وغالية وحيجي البيعرف قيمتك في الوقت الربنا كاتبو ليك

أما بالنسبة للشخص اللي اختفى فجأة وأهلو ضاغطين عليه وما بعرف فمعليش أنا شخصيًا ما بصدق العبارة دي لأنو العاوز يصل لحاجة بيسعى ليها بكل ما أوتي من قوة وبيحارب وبيتعب عشان يقنع الناس باختيارو وقراراتو ويثبتها ليهم مسألة الأهل ضاغطين عليه وانتوا بس كنتوا مع بعض 6 شهور ما مقنعة معليش بالمختصر كدا هو ما تعب عشانك ولا حاول يتعب أصلا لأنو المدة قصيرة والحمدلله ما سرق من عمرك كتير🌸

نجي ليك إنتِ✨🌸

قلبك دا غالي عليك، ودمعتك غالية ما تستاهل تنزل عشان زول وتنكسري عشان شخص ما قدّر قيمتك بينما هو عايش مرتاح وسعيد ولا جايب خبرك
ما تسمحي لزول يدق باب قلبك مالم يدق باب أهلك قبل كل حاجة✋🏼إن شاء الله لو جلسة تعارف مع أهل، دي نقطة المفروض كلنا احنا البنات نمشي على أساسها عشان ما نتعب ونندم
حتقدري تكملي حياتك ما تخافي هي فترة حارة بس حتتجاوزيها إن شاء الله وأملي وقتك بكل حاجة تبسطك وتفيدك وما تفتشي على الحُب، الحُب بيجيك براه في الوقت الصح ومع الشخص الصح🌸

بتمنى أكون خففت عليك ولو بسيط🌧🌿

طيب دي كانت آخر مشاركة وصلتني بعد وقفنا فنواصل إن شاء الله في فرصة تانية لو ربنا كتب✨

منصة أكاديمية YAFA

مختصة بتقديم خدمات تدريبية متميزة وإحداث نقلة نوعية في التنمية الذاتية والذكاء الأنثوي وفقاً لأعلى المعايير

مؤسس الأكاديمية/ كوتش تنزيل السنوسي

فيسبوك
https://www.facebook.com/Yafaacademic
انستغرام
https://instagram.com/yafa_academy

تلغرام
T.me/yafa_academy

ترقبوا مقال اليوم الساعة 9 مساءاً بتوقيت السودان ❤️

🦋 كيف إختفت أنوثتي 😱

🔴 ما صحة أن معظم النساء يعانون من وجود فجوة في حياتهن
وهذه الفجوة نفسها تجعلهم محبطين من الواقع الذي يعيشون فيه..!!


ما هى تلك الفجوة ..؟
وما هو حجم المعاناة التي تجدها الأنثى بسببها؟

◾ تعالوا معاي نتعرف أكتر على الجانب الآخر من معاناة الأنثى


🔻🔻🔻🔻🔻🔻🔻🔻🔻🔻🔻🔻


ربما... تشعرين بالقلق والتوتر على الرغم من أنك واعية وإتعلمتِ الكثير من المعلومات والنظريات عن مشاعرك وكيفية التعامل معها.

◾قد تجدين نفسك في مرحلة من مراحل تشبه الإكتئاب حيث الدنيا من حولك أضحت سوداوية وتنقصها الكثير من الأضواء!

أو ربما قد تكونين في حالة شوق وتتوق إلى شريك حميم يشبع شغفك بالحياة.

أتذكرين تلك المرة التي شعرتي فيها بالوحدة القاتلة وأن لا أحد يقف معك أو بقربك !!؟

⁉️ هل سألتي ذاتك في أحد الأيام لماذا أنا؟ ولما حياتي هكذا؟


تعتقد معظم النساء أنهن ضعيفات لا يملكن أي قوة..

وأن مشاعرهن هي نقطة ضعف في حياتهن الشخصية..

وأن الحياة لا تزهر إلا مرة واحدة فقط وأنهن أضعن تلك المرة!؟


🔹 كانت تقول لي وهي تبكي انا صرخت في وجهها..
(وكتيرات من صرخن صرختها في يوم من الايام)...

أنا لست أنثى.. وأرفض الأنوثة التي بداخلي..

كرهت كوني مرهفة المشاعر...

شعرت بالإرهاق من كل فجوات حياتي...


إلى أن لجأت إلى ذاتها واستمعت صوتها.. إلى الصوت الذي يقول لها إن القوة بداخلك.. وإكتشفت أنها تبنيت فكرة مغلوطة عن الأنوثة كغيرها..


🔸كل بنت جاءت إلى هذه الدنيا كأنثى

ولكن نتيجة للمفاهيم المغلوطة فقدت أو ابتعدت عن تلك الأنوثة،

كما أن المجتمعات لا تساعد البنت على الإحتفاظ بأنثوتها

فهناك الكثير من المجتمعات التي تجعل البنت تبتعد عن أنوثتها وذلك بسبب قلة الوعي تجاه الأنوثة

أو بسبب برمجات إجتماعية تجعل البنت تكره الأنوثة وتتجه نحو الجانب الذكوري؟!!!


👈🏾 هذه المفاهيم المغلوطة هي من صنعت الفجوة..

📌 وهى سبب تلك المعاناة التي مرت بيها الكثيرات منا..


❇️ اعلمي لكي تجعلي الأنوثة تزهر من جديد في حياتك،

كوني واعية بيها وسوف تمرين بطريق سلس وسهل

وليس كما نظن أننا سوف نعاني كثيراً في هذه الرحلة

أو أن هنالك الكثير من العوائق تمنعنا من أن نعيش بوعي الانوثة

لأن الحياة الصعبة للمرأة هي نتيجة العيش من غير أنوثة.


📌 تبدأ رحلة الأنوثة برفع الوعي تجاه الأنوثة والذكورة كنوع من الحالات الشعورية الداخلية وليس كمظهر جسدي خارجي كما هو شائع ⛔

(وسأفرد مساحة خاصة للحديث عنها لاحقاً..) 👆🏾

فالأنوثة هي حالة من التوازن الداخلي

وهذا الإتزان يعمل على جعل الحياة أسهل

كما يجعل التنظيف الداخلي يحدث دون أي عراقيل.

◾فالأنوثة ليست الضعف والإستسلام إن روح الأنوثة الحقيقية تتمثل في الإحتواء والسلام، اللطف والدفء والتسليم،

وكلما إرتفع وعيك تجاهها كنت قادرة على الوصول إلى روحك الداخلية وأنوثتك والجمال والفضيلة وغيرها من القيم التي سوف تسمو بك.

فهل أنتِ مستعدة للعودة إلى فطرتك الأنثوية ⁉️



#كوتش_تنزيل_السنوسي
#مختصة_في_الذكاء_الأنثوي_والعلاقات


#يافا #وعي #جمال #أنوثة #ذكاء_أنثوي

من الخذلان إلى النجاح 🎯

خلونا نفكر مع بعض شنو أكبر سبب #للخذلان!

أكبر سبب هو:
رفع سقف التوقعات عن البشر..

لما أتوقع انو الشخص دا حيسعدني وحيقدّر تضحياتي و و و... دا كلو حيخلينا نقع في فخ الشعور بالخذلان من الشخص دا
في حين انو ممكن انت ذاتك بتتخذل من نفسك لكن ما بتتألم بقدر ألمك لو خذلوك الناس التانيين!

- طيب ليه؟!

- لأن بطبيعة الحال أي إنسان بيحب نفسو وإحساس الـ "أنا" متقدم على أي شخص مهما كان ونفسك عندك لها القيمة الأولى بغض النظر عن مستواك وشخصيتك..
عشان كدا علاقاتنا بالحوالينا بتشبه الحبل والخذلان زي السكين البيقطعها وما بتكون عارف السبب
طبعا ردات الفعل تجاه الخذلان بين الناس مختلفة ..
-في ناس بترجع علاقتهم بعد الموقف دا أقوى مع بعض
-وفي ناس صعب أو مستحيل يرجعوا تاني

بنتكلم عن الموضوع دا ليه!
عشان ما ندي أي شخص الصلاحية أو القدرة انو ممكن يكسر قلبك في حين انت مستبعد الفكرة دي وبتقول في نفسك ما حيعملها!
وفي النهاية تتألم
بس ما مشكلة "من لا يتألم لا يتعلم"✨

أحسنوا الظن في بعض وعيشوا باطمئنان واستمتعوا بــــس ما نرفع سقف توقعاتنا في إنسان لأنو هو في النهاية بشر ممكن يقسى ممكن ينسى ممكن ما ينتبه انو الحاجة دي ممكن تكسرك واحتمالات كتيرة واردة...

فضروري ما نوقف كتير عند احساس #الخذلان دا ونحاول نستعيد قوتنا ونواجه الحياة 🎈

#cloudy🌧

🌟

💕 فُضفُضۃ فُي ِِهـدًوء💕 @hdoo5

💌

رسالة اليوم و بكرا و بعدو و كل يوم...

لما تزرع خير في مهمة أو لشخص أو لعمل خيري، أو تبدأ بأول خطوة في طموحاتك...
"ما تستعجل النتائج"

ما تخلي حماس البدايات وتوهجه يحرق عليك الآثار الجميلة وتخليها رماد باستعجالك! 🔥🍂

احنا ما مسؤولين من النتائج بحجم مسؤوليتنا في سعينا للوصول احنا بنعمل اللي علينا "عمل+أمل" نخطط ونسعى ونتوكل على الله ونصبر ✨🌸

" والله لا يضيع أجر المحسنين "

#cloudy


🌟

💕 فُضفُضۃ فُي ِِهـدًوء💕 @hdoo5

تتخطاني عشان شايفني علي عجل .. وترجع تدرك انك اتخطيت شيئآ جميلا 💜