زول بفتش ليك في عز انشغالو عشان يغير ليك مودك ومزاجك ودي بتحسسك انك من اول اولوياتو واهتمامتو وزول يبعد عنك بحجه الظروف او المشغوليات ويجيك وقت ماهو حابي ويختفي وقت ماهو حابي عشان عارف ومتأكد أنك ح تفضل منتظر رجوعو ليك ويحسسك #إنك_مجبور علي الحاجه دي

النوع البتفتش عليك أمسك ب اصابعينك العشره لانو من الصعب تلقى وكونو تلقى #زول_يتحمل عصبيتك ومزاجك المتغلب ويحاول يعدل ويغير مزاجك

ف انت ركز وشوف منو ال ح يقف معاك #وانت_عيان
#وانت_فاشل
#وانت_متلخبط
#وانت_وتايه
#وانت_مكتئب
#وانت_مبهدل
#وانت_بتغلط

منو هيكون جنبك؟
منو هيؤمن بيك ؟
منو ال ح يساعدك لحدي ما تقوم وهيفضل يحبك ، ركز وشوف منو ال هيحبك
#لشخصك
#لذاتك
#لكيانك
عشان #كل_الناس هتحبك وانت ناجح وقوي وغني وكل الناس هتحبك وانت شعرك وجسمك مظبوطين وكل الناس هتحبك وانت بتضحك و منور

بس #قليل_جدا و نادر جدا ال هيكون جنبك ويحبك وانت متكسر وباهت و ما مبهر وما متشاف وديل بس البستاهلوك

#ركز 👀👌

#انور_ادم


#ليك


🌟

💕فُضفُضۃ فُي ِِهـدًوء💕 @hdoo5

الزول البحبك ما تكون بارد معاهو وتجرحو بحجه انك ضامنو #في_حياتك

في النهايه ح تبرد مشاعرو
وما تزعل لما تحاول ترجعو وتلقاهو اتغير وبقي بشوفك زي اي زول عابر #في_الشارع

اغبى حاجه في حياتك انك تزعل زول بحبك كل مره عشان فاكر انو انت مهما عملت فيهو ح تلقاهو #موجود_جنبك

انا بستغرب جدا من الناس البحبو يختبرو مكانتكم وحابين يشوفو بس #رد_فعلك

تكرار الغلط بفقدو #طعم_العلاقه وبفوت
وصدقني ح تندم لما تعرف انو زولك #فوتو_واحده حتي لو رجع ما حيبقي نفس #الزول_الزمان ، هو ما عندو ذنب في انك وعييت متأخر

الناس البتغلط وبقولو ماحاسين
اعتقد لو بتحب بجد بتكون منتبه جدا من #اي_شعور

#الحب_واضح بس للأسف
#الناس_ما_واضحين

بس انت #حافظ_ع_زولك ☺️💐


#انور_ادم

🌟

💕فُضفُضۃ فُي ِِهـدًوء💕 @hdoo5

يمكن انا الفتره الاخيره دي بقيت ما بكتب كل يوم ، نسبه لأسباب غير مألوفه حاصله لي ، ممكن اقول سبب او سببين منها

#السبب_الاول المزاج
#السبب_التاني مصدوم

كل البحصل لي دا من زول قريب مني ولما مريت بظروف اكشتفت انو ابعد مما اتصور

حيست انو كل العملتو عشانو كان ضياع زمن مني وندمت لاني صنفتو واخترتو غلط

ما بقول انا ما احتجت
انا احتجت لي حاجات كتيره كان نفسي القاها ع الاقل منك

كنت عايزو #يحسسني انو جنبي
#يحسسني انو عايز يجيبو لي هديه تعبيريه يعبر بيها عن مكانتي جواهو
#يحسسني عايزني ومتمسك بي

#حسسني انك واقف معاي وانك سند لي ، واني حاجه مهمه في حياتك ، وانو يومك ما حلو بدوني

محاولاتك في انك تحافظ علي وتفهمني بتعني لي #حاجات_كتيره 😊💐

( #الزول_العايزنا_جنبو_ما_مفروض_نحس_بيهو_بعيد )


#ليك☝️


#انور_ادم

🌟

💕فُضفُضۃ فُي ِِهـدًوء💕 @hdoo5

لمن نكون قربين من ناس بتعطي السعادة حندفع عمرا #مقابل_سعادتنا
كلو يهون بس عشان #نكون_جنبهم

بس لما ربنا #يرزقك_بشخص
بيجعل السعادة م تفارقك اتمسك بي كويس و حافظ عليو

لانو القليل جدا عايز #يشوفك_سعيد اكتر منو 😍❤️


#انور_ادم

🌟

💕فُضفُضۃ فُي ِِهـدًوء💕 @hdoo5

ما دايما الضغوط بتكون #حاجه_سلبيه
بالعكس بتصنع من #البني_ادم شخص قوي ويقدر يواجه او علي الاقل يتحمل

لو نظرنا ليها #بعين_مختلفة حنلقاها حاجه كويسه جدا اذا حاولنا نتأقلم معاها

واي حمل او صعوبات في الحياة ربنا بيقدرنا عليها وبتعدي
#اهم_حاجه الرضا والتسليم 😊💐

#انور_ادم

🌟

💕فُضفُضۃ فُي ِِهـدًوء💕 @hdoo5

لما زول بتريدو يقول ليك #كلام_قاسي تأكد تماما انو خايف عليك وانو من جواهو شايل ليك #حن_الدنيا كلو


لأنو #الكلام_القاسي والتصرفات الأقسى البنستخدمها في بعض الأحيان او معظم الأوقات بنكون مجبورين عليها

فياريت اننا ما نحكم على الزول من قبل ما نعاين في دواخلو #بنظره_ثاقبه احتمال نقدر احساسو ونعزرو 😉👌


#انور_ادم


🌟

💕فُضفُضۃ فُي ِِهـدًوء💕 @hdoo5

عشان خاطر عين بنكرم الف عين وكمان عشان نفس العين بنتقبل فكرة حاجات ما كانت #على_بالنا

بنحب عشان خاطرو الحاجات الطول عمرنا #كرهناها وبنحبها عشانو الليله وبكره بنلقى نفسنا حبيناها حقيقه

بنسمع ليهو الأغاني الما كنا متخيلين روحنا في يوم نسمعها ، بنعمل عشانو حاجات في البدايه بتكون بس عشان خاطرو ومع الأيام بتبقى جوانا وبنلقى روحنا بنعملها ما عشان اي حاجه غير انها مفروض تتعمل وبقت ثوابت #بالنسبه_لينا

وعشان خاطرو كمان #بنحترم يكل الناس المن طرفو وبنفرض على روحنا واجبات تجاه اهلو وناسو

بنحاول نفرحو بينا عشان لما زول من معارفو يجي يحكي ليهو بينا #يحكي_عننا بالخير ونشرفو ونرفع راسو

بنكون معاهو حقيقين للنهايه لا بنتصنع ولا بنظهر ليهو بصوره ما حقتنا بنخليهو يحس بالراحه معانا بنكون ليهو #كتاب_مفتوح بس بنخلي بعض #االصفحات_منطووية عشان يكون عندو فضول كل مره انو يفتح فينا صفحه جديده ، صفحه فيها كلام جديد #واحساس_جديد

احساس ما بشبه #اي_احساس وكلام غير كل الكلام ،، كلام حقيقي وتصرفات احق ☺️👌

#انور_ادم


🌟

💕فُضفُضۃ فُي ِِهـدًوء💕 @hdoo5

#طاقة_تحمل 💔


وكتيييير بيحصل اننا بنفقد #كل_القوة والطاقة العندنا وننفجر مهما كانوا الأشخاص ومهما كانت الأسباب..

بيحصل انهم #يجو_علينا عشان نحن من اول غلط ما وقفناهم عند حدهم وسامحناهم عشان بنحبهم

ونحن بقينا نسامح وهم مستمرين في الغلط
لأنهم #ضامنين اننا حنرجع #وحنتحمل..

اديناهم احساس #الضمان_والابدية وبي كدا جنينا على روحنا جناية قتل #مشاعر_وأحاسيس 💔

#وجعنا_روحنا_بي_روحنا ..

زي الكباية المتينة البتقع منك مرة ويحصل فيها شق وما تتكسر وتكب فيها حاجة سخنة و برضوا ما تتكسر وتبقى خاتي في بالك انها خلاص حتبقى كدا وما حتتكسر لحدي ما حيجي يوم وحتلقاها طقت فيك لو ما عملت حسابك لأنك جيت عليها كتير 💔

نفس الاحساس نحن مشاعرنا مهما كانت #ليها_حدود


ونحن والله اتحملناكم اكتر من اللزوم ..
وجاء الوقت الحنشوف فيهو #حياتنا_خلاص
لأنكم لا بتحسو ولا عمركم حتفكرو تحسوا بينا
واتاكدوا انكم #خسرتوا_كتير..

#في_النهاية ..

العلاقات البنتهي #بي_بطء عمرها ما حترجع تاني ولو رجع ما بيرجع زي اول

ابقو عافية وخلو بالكم من احبابكم...

#إيثار_أبوبكر

💕فضفضة في هدوء💕 @hdoo5

داخلين علي #سنه_جديده واحساس جديد ، سنه بنتمني يحصل فيها كل خير
تحقق فيها #كل_احلامنا
نصل فيها لاعلي الاماكن ونتعداها
#سنه_جديده بروح مختلفه
روح ما بتشبهه احزانا
روح مليانه حيويه وعندها امل فينا
سنه قررنا فيها نبقي ناس تانين
قررنا نكون زي ما بنتمني
قررنا نسك احلامنا وطموحاتنا
ومهما سبقنتا نكبر خطواتنا

#سنه_جديده وفهم جديد
سنه نتصالح فيها مع روحنا قبل ما نصالح غيرنا

#بغض_النظر عن احساسنا بالسنه الفاتت
#بغض_النظر عن كانت بتعني لينا شنو
#بغض_النظر عن الحصل لينا فيها
بس بنتمني انو السنه دي ما تكون بتشبهها

اذا كانت سنه مليانه حزن
ان شاء الله #نلقي_السعاده
واذا كانت #سنه_سعيده
ان شاء الله نبقي اسعد ونبقي احسن
والاهم من دا كلو نبقي بخير ونبقي طيبيه

#سنه_سعيده 😍💐


#انور_ادم


🌟

💕فُضفُضۃ فُي ِِهـدًوء💕 @hdoo5

محاولتك للحفاظ علي علاقة انت قدمت فيها تنازلات عشان #الطرف_التاني

البحاول بكل السبل انو يخضعك لسلطتو
في الغالب #انت_الخسران

مشاعرك مستهلكها في الحتة الغلط
ولما يجي الصح بلقاك استنفدت كل العندك

زمنك اللي اتحرق علي اللي ما يستاهل
وثقتك في اللي حواليك وانت عارف تمام انو شخص واحد قدر يغير نظرتك #لمجتمع_كامل

فرجاء العندو محبة يشوف المصب الصح وما تظلم #غيرك_معاك 🙂✋


#انتهي

#انور_ادم

🌟

💕فُضفُضۃ فُي ِِهـدًوء💕 @hdoo5

ما اظن في سبب يخلي زول يضايقك بس ممكن زول يهملك او يتعبك ، والضيق فعل بجي من الشخص او يمكن زول اذاك من غير سبب صعب تلقى #ليه_عذر

وكونك تلقى عذر لي #زول_مضايقك
ف ده شي نابع من قلبك وعشمك

وكونو هو براهو يوريك عذرو
ف دا موضوع #بيلمس_عقلك

ولما عقلك وقلبك يتفقوا على حال ف دا اللي بيقولوا عليهو #راحة_البال

والعذر مع التسامح شي جمييل
معني اعذرك معناها #اني_متمسك بيك وكده لازم تجيب عذر منطقي ومقبول عشان تحافظ علي مكانتك وربنا #يريح_البال 😍👌



#انور_ادم


🌟

💕فُضفُضۃ فُي ِِهـدًوء💕 @hdoo5

ما عندك #مساحه_لزول جواك ما تخش حياتو ، عندك مشاعر قديمه ما اتخلصت منها ما تخش #حيات_زول

#عايز_تنسى زول بزول دا شي مستحيل
#عايز نفس الصفات والتعامل بتاع زول في زول تاني #كمان_مستحيل

لانو دا كيان مختلف وشخصيه غير
ف شنو ما تتعب وتتعب معاك الناس ساي

#اتخلص من الجواك اول حتى تفتش للانت عايزو او متمنيهو ، وتاني بقولها الناس تتاكد مره واتنين وتلاته ولو لقيت زول زي دا ما تديه فرصه #يدخل_حياتك 😒👎

#انور_ادم

🌟

💕فُضفُضۃ فُي ِِهـدًوء💕 @hdoo5

في شخص في عز ما انا معاهو بكون عايز اكون معاهو اكتر ، بشتاق ليهو وانا جمبو ، بريدو #كل_يوم اكتر

#هو الحاجه الحلوه في حياتي
#هو الحاجه الصاح في كل تصرفاتي
#هو ضحكتي وفرحتي وكلامي وهو سكتتي

قربو مني بفرحني ووجودو معاي بكملني ، شخص من دونو بكون ضايع وما بكون عايزو في يوم يفارقني عشان هو بالنسبه لي #نقطه_الضوء البتنور طريقي

هو #خيط_الأمل الرفيع البوصلني لغايتي هو شعاع النور البضوي في احلامي ومهما الدنيا تضيق والحاله تصعب علي ومهما خيط الأمل الرفيع يضعف والشعاع نورو يخفت بتفضل #نقطة_الضوء جواي تكبر وتضوي المكان طول ما هو معاي


الشخص دا طول ما هو معاي كل حاجه بتتسهل #بإذن_الله 😍💐

#انور_ادم


🌟

💕فُضفُضۃ فُي ِِهـدًوء💕 @hdoo5

في شخص مرتب وكلامو منمق وافكارو عميقه ورايق ومنظم وعاقل وعارف روحو بقول في شنو وعارف كمان عايز شنو #جذاب_بطبعو

بنلقى روحنا مشدودين ليهو غصبا عننا بنكون عايزين نقرب منو ، بنحس انو لازم يكون في حياتنا عشان معرفتو كنز #بالنسبه_لينا

عشان متأكدين اننا لو عرفناهو حنستفيد منو #إستفاده_فكريه بنصر اننا نكون ضمن معارفو ويا حبذا لو بقينا اكتر من معارف

بنلقى اننا مع الأيام ومع تعمق معرفتنا بيهو حصل لينا تغيير لا ارادي ، اتوسعت افكارنا واتفتحت مداركنا ، وبقى عندنا #خطط_ماشين بيها وحياتنا اترتبت وبقت احسن ، وحتى نحنا ذاتنا بقينا احسن

بنحس اننا مبسوطين بيهو عشان خلانا نكتشف في روحنا حاجات حلوه مكبوته جوانا وكانت محتاجه #تصحى_فينا

الشخص دا بنكون عايزين نقول ليهو شكرا على كل حاجه وعايزين نضحك معاهم من #دون_سبب 😍💐

#انور_ادم


🌟

💕فُضفُضۃ فُي ِِهـدًوء💕 @hdoo5

عندي حاجه سيئه دايما بتحصل لي كلما اتعرف علي زول ومشاعري اتجاهو تبدا تتحرك بتتحول من مشاعر عفويه لمشاعر بتتحسب بمعني اني اتناسيت مشاعري او #مشاعري_اتجمدت

بس بحسبها من نواحي تانيه
واقول دي حاجه جميله شديد
واني قدرت او ماشي اتعود اتخلص من الانسان الباقي لي #نقطه_ضعف ومن احساس اني اتحملت واتعلقت بيو

لما قلت في #مكالمه_هاتفيه نحن مستحيل نفترق او اليوم البجي ونبعد من بعض ما حيجي ابدا ، بس من خلال الرد حسيت بي اني ح اتخذل لي قدام
اهو كل شي ماشي للأسواء ويدمر

كل الجوطه والبعثره الحاصله لي الايام دي ناتجه من #اخر_شخص دخل حياتي
دخل في الوقت المناسب ،في الوقت الفعلا انا كنت محتاج فيو لشخص قريب مني

ما بنكر انو كان بالجد #اضافه_جميله نستني المعاناه البعيشها وانها كانت في سبب كتير من ضحكاتي

بقيت #اسأل_نفسي
هل انا سيئ ؟ ولا هو
هل انا فيني عيوب لدرجه بتخلي الشخص ما يكمل معاي؟ وكميه من التسألات والتسألات الحايمه في راسي

بس لو بتقرى كلامي دا
عايزك تعرف وتأكد اني بتمني انو ما نفترق وانو الفتره البنمر بيها دي ماهي الا اختبار لي العلاقه ونحاول بدل ما تكون في مسافه بينا نقرب اكتر ونتمسك

#بس_يا_فلان_ما_تتغير 😊


#انور_ادم

🌟

💕فُضفُضۃ فُي ِِهـدًوء💕 @hdoo5

في حاجات كتير في حياتي صعب ما اشيل ليها #هم مع إنو انا بكون متأكد من جواي إنها كده بس بحاول اتحايل عليها أو بتحايل على روحي واسميها بأسماء اكذب بيها #على_روحي

حاجاتي كتيرة وأغلبها مبهمة وحتى كتاباتي م ليها إسم غير حاجات ، لأنو اﻷسماء أبواب بكون حابي #أبوابي دي تفضل كده #مقفولة وقفلها مقفول ده كلو عشان م تفتح علي وتطلع الجواها وإنا قفلت عليها من بدري بدموعي وحاليا يمكن اكون نسيتها أو بالاحر إتناسيتها ويمكن لا

أكيد لو اتفتحت علي حتتعبني شديد لأني أهملتها شديد وحبستها #جوة_قلبي مدة م ساهلة

ولا حتى إهتميت عشان اجي فترة لفترة اجي انفض عنها #غبار_الهموم المكبوتة أو افتح ليها شباك من نور يفك الضلمة المخليها فيها

أكيد لو كل حاجة بتضايقني بفضيها على طول كان من الاساس م اضطريت اعملها وكان حتكون عندي مساحات أكتر وأكبر ﻷبواب #إيجابية دايما مفتوحة للنور وبكون دايما بسببها #متفائل وراضي عن نغسي أكتر وأكتر 😇👍


#انور_ادم


🌟

💕فُضفُضۃ فُي ِِهـدًوء💕 @hdoo5

في كتير من العلاقات التخلص منها واجب واقامه الحد ليها ، يجيك ناطي كل دقيقه ويتدخل في #ابسط_خصوصياتك مايديك الحريه حتى #في_بيتك

النوع دا بالذات توقفو في حدو وتتحلص من التعامل معاهو تكون معاهو في حدود

#اتخلص من الحبيب البيتجاهلك البصب عليك كل غضبو الانت ماعندك فيهو زنب ويربطك جنبو وهو يكون #مستهتر بي الارتباط دا

اناني جدا وعايزك تقطع كل علاقاتك وما عندك مساحه لا مع صاحب ولا صحبه حتى علاقتك بي اخوانك #في_البيت عايز يتحكم فيها اهلك ، يتعامل معاك بي مبدا انه انت مابتقدر تبعد منو ، انت اثبت ليهو العكس #اتخلص_منو

والصديق الما بيقدر ظروفك ، البفهمك بي طريقتو والاصعب يكون هو البادي بي الغلط معاك ولما ترد ليهو جزء من العملو يزعل ، ما بيحترم علاقتو بيك ومستعد في اي لحظه يخسرك #اتخلص_منو

وشوف الناس الممكن تستفيد منهم البيكون قعدتهم فرح والغياب عنهم فقد 😌👌

#انتهي


#انور_ادم



🌟

💕فُضفُضۃ فُي ِِهـدًوء💕 @hdoo5

ما كل #العلاقات بتتصنف ، وما كل العلاقات بنقدر نطلق عليها #مسميات
عشان في علاقه ممكن تكون عباره عن خليط غير متجانس مقتبس من علاقات تانيه ، علاقه شامله لكل انواع العلاقات البتمر علينا #في_حياتنا

في ناس ما بنقدر نحدد #طبيعة_علاقتنا بيهم عشان ممكن تكون #اكبر_من صحبه واعمق من خوه بس الحاجه البتخلي العلاقه دي تبقى #احلى اننا نخليها ذي ما هي وما نحاول نلقى ليها #عنوان عشان نغلفها وننمقها ونخنقها بيهو

الأحلى اننا نخليها حره ونستمتع بيها ذي ما هي ونعيش كل تفاصيلها وتقلباتها وتغمسها لكل #ادوار_شخصيات

علاقاتنا ذي شقاوة الصحبه البتخلينا مرات نتصرف تصرفات مجنونه وخوف وقلق الخوه المرات بخنقنا وبضايقنا بس #من_جوانا بنكون مبسوطين بيها

#حنية_الأم البتخليها تجي تتفقدنا نص الليل وسؤال الأب عايزين حاجه اجيبها معاي ؟ وذي التلفون البجيك لما تتأخر في الرجعه ، ووين انت مالك اتأخرت قلقنا عليك ومستنينك بالغداء

كل الحاجات دي ممكن تتجمع لينا في علاقه وحده وبتكون من #دون_عنوان 😍👌


#انور_ادم


🌟

💕فُضفُضۃ فُي ِِهـدًوء💕 @hdoo5

لما تفهم #شخصية_زولك وطبعو وكيف تتعامل معاهو وتعرف متين تتناقش معاهو ومتين مفروض تسكت ومتين مفروض تبدي برأيك ومتين مفروض انك تحترم كلامو ووجهة نظرو من دون م تعترض عليو ولو حتى #اعتراض_بسيط

لما تعرف انو في حاجات بتكون غير قابله للنقاش ولما تعرفو بحب شنو وتحاول بقدر الإمكان انك ترضيهو بيهو ولما تعرف الحاجات البكرها وتحاول انك تتحاشاها وتبعد منها عشان م تزعلو
ولما ترجع ليهو في كل خطوه بتخطوها وم تتصرف #اي_تصرف من دون علمو ورضاهو ولما تديهو مكانتو الصح وتحترمو قبل كل حاجه وتحاول بقدر الإمكان انك م #ترفع_صوتك عليهو مهما حصل

لما تسمع منو #كلام انت عارفو سلفا وتعمل فيها اناك #اول مره تعرفو منو
ولما تحسسو بضعفك وانك منو دونو بتكون خايف ومعاهو بتكون مطمئن

#كل_الحاجات دي لو قدرت تعرفا وتعمل بيها حتلقى انو حياتك بقت احسن وح تحس بالراحه وحتلقى الرضا من زولك وم حيشوف غيرك تاني وح يصحى وينوم وهو #مبسوط_منك 😍💐

#المهم

#الجمال_الخارجي عمرو م كان سبب كافي يخلي الشخص يتمسك بيك وم يشوف غيرك

#انور_ادم


🌟

💕فُضفُضۃ فُي ِِهـدًوء💕 @hdoo5

في شخص تشوفو ظاهريا تقول دا اطيب زول بتحس انو ربنا جابو ليك عشان يفرحك بيهو وهو من جواهو بكون ناوي ليك على شر وبتخابث عليك في عز م انت بتحكي عنو للناس بالخير وانك قدر شنو مبسوط بوجودو #في_حياتك

وانت عشان م تخسرو بتحاول #توريهو_الحاجات البتزعلك وتضايقك عشان يتحاشي ويحافظ عليك وانت كمان تحتفظ بيو جوه حياتك

بس هو بستغلك وبستغل طيبتك ووضوحك معاو لأنو بكون عرف نقطة ضعفك وبجي بكل بساطه يعمل كل الحاجات اللي انت م عايزيو يعملها وكلمتو بيها ذي كأنو بعاندك وبقول ليك #اكرهني

واول م تبدأ تكرهو وتفتح #صفحه_جديده في حياتك عشان تنساهو فيها هو بكون عايزك تبدأ معاو #صفحه_جديده من نوع تاني اول كلمه مكتوبه فيها #السماح

مع العلم انو بكون من النوع اللما تسامحو وتتجاوز عن اخطائو معاك #بفتكر انك م بتقدر تعيش من غيرو وبيطلع ليك في راسك ويزعجك كمان

#أألمهم

ياريت نحاول نسامح وندي فرصه لغيرنا مره واتنين وتلاته عشان لما حاجاتو تكتر علينا ونقرر نمشي ، نمشي ونحن متصافين مع ضميرنا وم حاسين اننا قصرنا #مع_زول 😊👌

#انور_ادم

🌟

💕فُضفُضۃ فُي ِِهـدًوء💕 @hdoo5