✍🏻 Mansur Jumayev
🎤 Mahliyo Karimova

НИМАДИР БОР...
(Оғам Алишер Сабрийга)

Дийдалари тош шаҳарда
нимадир бор, нимадир йўқ,
Бу муваққат кулгиларда
нимадир бор, нимадир йўқ.

Санам Айюб эмасдирсан,
бирда маҳзун, бирда хурсанд
Ва кун сайин англаюрсан —
нимадир бор, нимадир йўқ.

Қуллар қачон шоҳга дўнмиш,
маним роҳим оҳга дўнмиш,
Ажаб, руҳим чоҳга кўнмиш,
нимадир бор, нимадир йўқ.

Ой дардини тингларим бор,
шеърга ўгай тунларим бор,
Осмон, мени тўкиб юбор —
нимадир бор, нимадир йўқ.

Тақдир шоми етиб зумда
умримизни элар қумдай,
Тазаррую қўрқувимда
нимадир бор, нимадир йўқ.

Ҳаё кўзга никоҳланди,
аёл сўзга никоҳланди,
Бу бегуноҳ нигоҳларда
нимадир бор, нимадир йўқ.

✍️Рашид ХЎЖАМОВ

⚡️ "Jadid" gazetasini elektron holda yangi formatda o‘qib zavq oling:

👉 1-sonni o‘qish uchun bosing.
👉 2-sonni o‘qish uchun bosing.
👉 3-sonni o‘qish uchun bosing.

✅ Gazetaning telegram kanali: @Jadid_media

🚀 🔵 🎬 📷 🐤
🔗Ijtimoiy tarmoq sahifalarimiz

Куз хазонлар сочган ўриндиқ
Иккимизни кўтариб мулзам,
Бахтли қилмоқликка уринди...
Ўртамиздан ўтмасди қил ҳам.

Ўша куни ёниб, ўртаниб,
Чиқолмасдан бир ҳомуш кўйдан,
Ўтирардик ишққа ўраниб
Ва бошингни елкамга қўйдинг...

Зулфларингни ўпганча кўзим,
Кўчирганда юзимга тонгни.
Э воҳ, бирдан сочларинг тўзиб,
Билагимга кўз ёшинг томди...

Сочларингга бормади қўлим,
Кўзёшингни артолмадим ман.
Узилди-ку бир ришта бўлиб
Бармоқларинг бармоқларимдан.

Шундан бери қаддим дол, худди
Бошгинангни соғинар елкам,
Наҳот, сенинг қўлларинг тутди,
Елкаси йўқ, бир хасис одам?

Мен-чи, сўлдим гўзал жононлар
Юракларин тутар - олмайман.
Ўшал кунни эслаган онлар,
Ғамлардан бош кўтаролмайман.

Кўзларимдан дарёлар тошиб,
Емирилар, чертилар юрак.
Оғирлашиб боради бошим,
Қаергадир қўймоғим керак.

Икки кўзим қараган пастга,
Ҳар қадамда ерга тизлайман.
Кимдир елка тутар, мен эса
Бош қўйишга кунда излайман.

©Нурмуҳаммад Абдузоиров

@hayolann

​​​​#🫀🎈
Amalga oshira oldimmi-yo'qmi bimadimu, ammo ilgarilari meni yiqitishi mumkin bo'lgan voqealar, insonlar endilikda hatto qimirlata olmayapti.
"Bo'lmaydi" degan hodisalarim bo'ldi.
"Ketmaydi" degan insonlarimni oxirgi marta qachon ko'rganimni eslay olmayman….
"Qo'limdan kelmaydi" degan ishlarimni bajara olayapman, hatto keragidan ortiq…
"Ishonaman" degan insonlarim bir tiyinga qimmat bo'lib chiqishdi…
“Ko’zlarimga qarab xech kim yolg’on gapira olmaydi vijdon degan narsa borku” derdim adashibman u ham bo’ldi…

Hayot oldin ham shundaymidi yoki ulg’ayganimizdan keyin yaxshiroq anglay boshladikmi….?
@hayolann

Ўта қаттиқ нафрат ҳам менга чала муҳаббатчалик озор беролмайди.

Айман Ёғий

@hayolann

Mensizlik.

Aslida so'zlarim, she'rlarim yolg'on.
Bilaman mensiz ham baxtli bo'lasan.
Kim uchun baxtmanu- kimgadir armon.
Men uchun yig'laysan, men deb kulasan.

Har tuning uyqusiz bedor o'tadi.
Har so'ngi habaring kelmaydi yetib.
Bir qiyo boqishing kimlar kutadi.
Men esa ketaman jimgina o'tib.

Ko'rishmoq umidi bilan yashaysan.
Sajdalar aylaysan, duo qilasan.
Pokiza soddadil qizga o'xshaysan.
Senga talpinishim dushvor bilaman

Fikru hayolingni o'g'irladimmi.
Ko'zingni yumsang ham ko'rinmoqdaman.
Kechir. Sen sevgandek sevolmadimmi.
Men sensiz, yashashga urinmoqdaman.

Shoir Fayzullo G'ofurov✍
@hayolann

19.05.2023

Iqrornoma.

Muallif Fayzullo G'ofurov✍
Ijroda Gulinur🎤

Yana bir ijod namunamizni juda chiroyli ijro qilibti sizga ham ilindim.

@hayolann

Iqror noma.

U har gal men sizni chumchuqni ko'z yoshicha yaxshi ko'raman derdi.
Negaligini so'raganimda chumchuq ko'z yosh to'ksa u o'ladi, derdi.
Biz ayrildik, siz o'ylarsiz u o'ldimi? deb so'rarsiz, yo'q u o'lmadi, o'ldirdi.
Hotiralarda qoldirdi.
Undan kiyin hayotimga bir qancha qizlar kirdi.
Uni o'rnini bosa olmadi.
Ilk muhabbat bir umr qalbda qolib ketarkan.
Har gal uni o'ylasam u baribir boshqacha edi deyman beixtiyor.
Uni unutolmadim, aslida unutishni istamayman ham, u mendan ketdi.
U sizlikda yolg'iz qoldim.
Meni sevgan qizlar sizlardan uzur so'rayman. Sizni seva olmayman.
U bilan qalban birgaman.
Tushlarda.
Hayollarda,
Ruyolarda...

Muallif Fayzullo G'ofurov✍
@hayolann

28.04.2023

* * *
1
“Бир ёқларга кетмаймизми?” - деди аёл.
“Қаёққа?”
“Би-и-ир ёқларга...”
“Бир ёқ қайси тарафда? – деди эркак. – номи борми бир ёқнинг?
Унга қандай борса бўлади?”
“Билмайман, - деди аёл. – фақат бир ёқларга кетгим келгани келган.
Сиз билмайсизми ўша ёқларни?”
“Бир ёқларни мен қайдан билай? Сен ўзинг биласанми бир ёқларни?”

Хўрсинди аёл.
Жавоб бермади.
Фақат
узоқларга тикилди ғамгин.

Сўнг кетди.
Қайтиб келгани йўқ.
Эҳтимол
бир ёқларга кетиб қолгандир.

2
Эркакнинг эса
энди
тунлари бедор -
“уҳ” тортгани тортган;
боғларда
ёлғизгина кезгани кезган;
кўнгли билан
суҳбат қургани қурган;
ҳўнграб йиғлагиси келгани келган...

Хуллас,
би-и-ир ёқларга
кетгиси келгани келгандир
эркакнинг.

Бир ёқлар эса
соғинчга айланган:
худди ўша аёлдай
соғинчга айлангандир.

Усмон Азим

​​DOR

Sen – bo’g’zimga atalgan dorsan,
Peshonamga bitilgan qismat.
Men -- Xudodan maxfiy yo’llangan,
Qiyomatda ochilguvchi xat.
O’limiga tashna mahbusday,
O’limga zor ko’rdek zanjirband.
Intilaman, men senga, ammo
Sen balandsan,
Judayam baland!
Tiklanaman senga uzalib,
Suyalaman – yetmaydi qurbim.
O, boshimda tikilgan sirtmoq,
Talpinadi senga bor umrim!
Yo’q,
Lahzalik jazo yetmaydi,
Senga kerak ming yillik javob.
Sening qadar yuksalgunimcha –
Umrim mening buyuk iztirob!
Qurbonlikka atalgan baxtday
So’ramayman: “Nechun?”, “Nega man?”
Intilaman senga najotday,
Seni o’lim kabi sevaman!
Axir menga, bir menga zorsan,
Borlig’ing-da borlig’imga band.
Sen bo’g’zimga tortilgan dorsan,
Juda baland,
Judayam baland!

✍ Zebo Mirzo

Avval.

Loydan qurilgandi hatto devorlar.
Yuzdamas, qalbida aks etar chiroy.
Bugunchi hashamat ulkan binolar.
Qalbidan huzurni his qilmas birov.

Shoir G'ofurov Fayzullo✍

@hayolann

15.06.2023maskva

СЕВГИ

Шу осмонда
яралди барча парвозим – ўйлайди эркак, -
умр бўйи учдим;
бу осмоннинг - ўйлайди эркак, -
етолмадим сўнгига;
бу осмон шу қадар чиройли – ўйлайди эркак, -
қарасам, йиғлагим келар...

Ёнида эса
жилмайиб туради аёл.

- У осмонлигини билмайди, - ўйлайди эркак, -
айтсам,
устимдан кулади-да...

Ёнида эса
осмон ташвишланар:
- Ўзига қарашни билмайди.
Дори ичдимикан?..

Аёл
янада
осмонлашар ...

Эркак эса (ўзининг айтганидай)
учгани-учгандир.

Усмон Азим

Bugun ish yuzasidan kirgandim.
Yosh bolajonlarni bayram tadbiri o'tayotgan ekan.
Bir oz kuzatib, so'ng sizga ham ilindim.

Ona haqida ajoyib qushiq kuylashdi.

#Рамазон_илҳоми
ТАВБА ВА ҚУВОНЧ

Саҳро ўртасида туясин излаб,
Кетиб бораётир ёлғиз, ғариб жон.
Бошида ғажирдай айланар ажал,
На сув бор, на емак ва на бир ошён.

Туя топилмаса, тугар ҳаёти,
Шоқолу калхатга бир кунлик байрам.
Қизиган саҳрода чумоли каби,
Инграб бораётир омадсиз одам.

Лаби танглайига қолар ёпишиб,
Ҳолсиз йиқилади, кетиб мадори.
“Оллоҳ-Оллоҳ” дея сўнар товуши,
Узила бошлайди умрнинг тори...

...Бир замон ғойибдан мўъжиза бўлиб,
Пайдо бўлар бирдан беғам туяси.
Шу дамда банданинг қувончин кўринг,
Шукру мадҳиясин йўқ ниҳояси.

Унинг шодлигининг адоғи йўқдир,
Бепарво туясин йиғлаб ўпади.
Бозорда боласин йўқотиб, топган
Онаизор қалби шундай тепади.

Самовотда, Аршда қойимдир Эгам!
Ул зотнинг ҳам улуғ қувончлари бор.
Туясини топган қулдай севингай,
Агар тавба қилса, бирор гуноҳкор!

Шодмонқул СAЛОМ