Qo'llarimda uzildi tasbeh.
Donalari sochildi har yon.
Yig'moq uchun kirishdim tez-tez.
Qaydan izlay, lekin bilolmam.

Garchi tasbeh mening umrimdek.
Topilgani qolgan imkonim.
Yo'qotilgan vaqt esa essiz.
Topilmagan tasbeh misoli.

Shoir Fazullo G'ofurov✍

@hayolann
23.07.2023. Maskva

"Boshlig'ing quldek ishlashingni xohlaydi,
Oilang ular istaganidek bo'lishingni,
Sevganing esa doim o'zgacha ko'rinishingni.
Hech kim boringcha qabul qilmas seni,
Hamma senga boqqanda o'z ijod mahsulini ko'rishni xohlaydi.
Oxir-oqibat boshqa inson bo'lasan-qo'yasan".


Seni sendan ayirishlariga yo'l qo'yma.
Xato bo'lsa ham o'z yo'ling bo'lsin, inson xatolar bilan ulg'ayadi. Muhimi sen ularni xato ekanligini tog'ri anglay olishing kerak. Boshqalarning yo'lidan yurma...
Sen bu sensan, ular esa ular...🎈

@hayolann

Ishq .

Fayzullo G'ofurov ft Azoda Sattorova

Muhammad ali G'offorov muallif va ijroda.

Aka shunchaki tarifga so'z ojiz.
So'zi ham ijro ham ajoyib , bu yuksalish tomon tashlangan ilk qadamlardan biri, ijodizga omat.

@hayolann

Yigirma ikki yosh muborak.

Ertalab uyg'onsam yoqqan oppoq qor.
Derazani ochsam urdi maydalab.
Mabelim qarasam yangi habar bor.
Onam yozibtilar farzandin yoqlab.

Tug'ilgan kunimga bildirib tilak.
Duolar aylabdi mushtifarginam.
Hatto Sevganimdan bo'lmadi darak.
Musofir o'g'lidan umidvor onam.

Ikki yil oldin mana shu kuni yozgan ekanman.
Shu sherni bugun esa 24 yoshdaman.

Muallif Fayzullo G'ofurov ✍
@hayolann

Fayzullo G'ofurov✍
Fayzullo G'ofurov🎤

@hayolann

Eski sherlarimizdan

​​ҚИШ. ДАШТ. ЎТОВ. ЁШ ЧЎПОН КЕЛИНЧАГИ БИЛАН ЁЛҒИЗ

«Кулранг тусда бўзарди уфқ,
Кеча совуқ бўлади Ҳилол...
Ўтовнинг бир буржидан жой қил,
Қўзичоқлар кетмасин увол».

Куёвининг кўнглини сезиб,
Келин ўтга кўмар ўчоқни...
Боласидай бағрига босиб,
Келтиради беш қўзичоқни.

«Ҳилол, совуқ бошланди кеча,
Аёз момо ғазабга минди.
Болаларни қандай иситар,
Болалаган итимиз энди?..»

Қўзғолишар ўчоқбошидан
Гина қилиб совуқ кечага
Ва ўчоқнинг бир ёнбошидан
Жой топилар тўрт кучукчага.

«Ҳилол, қишнинг кечаси узун,
Тундан кўра совуқ келар тонг.
Болалаган уч эчки бугун,
Олти гўдак сақлармикан жон?..»

Аста-аста кенгаяр ўтов,
Ташқарида увиллар кеча.
– Қиш неъмати – бир ўчоқ олов,
Кириб келар олти улоқча.

Ва оловни кўради баҳам
Бир ўтовда ўн еттита жон.
Гўдакларнинг ўн еттисин ҳам
Чапак чалиб қаршилайди тонг.

Куёв бўса олайин деса,
Келин нари кетади бирдан.
Нима қилсин, шунча кўз турса...
Ийманади улоқчалардан.

2003 йил 5 январь

© Эшқобил ШУКУР

@Eshqobil_Shukur_ijodi

Bir qiz yig'lar edi baxtli yo baxtsiz

Telba qor uchquni, qoplar zaminni.
Chiroqlar hilma -hil tovus singari.
Muzlagan shahar, shovqunidanmi?
Bir qiz yig'lar edi, hech kim sezmadi.

Egnida paltosi, sariq mo'ynalik.
Uzun sochlari ham o'par tovonin.
Afto bekatida soatlab turdik.
Lekin so'rolmadim, undan axvolin.

U esa chiqmadi biron avtoga.
Balki rat etilgan, balki aldangan.
Men esa turardim shunday asnoda.
Ne qilarim bilmay, boshi aylangan.

Sovqatgani aniq, titrardi dir-dir.
Quchgim kelar edi, asray deb chindan.
Bir mashina tuxtab, dedi va, o'tir.
Uni olib ketdi, ko'z-u o'ngimdan


Muallif Fayzullo G'ofurov ✍

13.12.2023 02:11

***
Гаплашгиси келади гоҳо,
Қўнғироқ қилгиси келади.
Гоҳида кўзимга тик қараб,
Барисин билгиси келади.

Гоҳида бўлади шундай ҳол –
Юлдуздай тўлгиси келади.
Биламан, неажаб биламан –
У бахтли бўлгиси келади.

Гоҳида оловдай тармашиб,
Човутлар солгиси келади.
Сўнг эса бурчакда, увуллаб,
Юзларин тилгиси келади.

Гоҳида дунёнинг юзидан
Ҳижобин юлгиси келади.
Кетишга ҳозирлик кўриб, сўнг,
Ёнимда қолгиси келади.

Гулларга кўмилган оқшомлар
Негадир ўлгиси келади.
Ўлгиси келади – бир марта,
Қўлимда ўлгиси келади.

Бу аёл... кўзлари – жуфт қадаҳ,
Мен билан тўлгиси келади.
Кўнглимни – Худонинг торини
Бир ўзи чалгиси келади.

Баъзида саҳрода тош каби,
Бир ўзи қолгиси келади.
Гоҳида қўлида телефон...
Қўнғироқ қилгиси келади.

Шодмонқул САЛОМ

Sher aytmay tuyg'ularni bayon qilsa bo'lar ekanda.

@hayolann

✍🏻 Mansur Jumayev
🎤 Mahliyo Karimova

НИМАДИР БОР...
(Оғам Алишер Сабрийга)

Дийдалари тош шаҳарда
нимадир бор, нимадир йўқ,
Бу муваққат кулгиларда
нимадир бор, нимадир йўқ.

Санам Айюб эмасдирсан,
бирда маҳзун, бирда хурсанд
Ва кун сайин англаюрсан —
нимадир бор, нимадир йўқ.

Қуллар қачон шоҳга дўнмиш,
маним роҳим оҳга дўнмиш,
Ажаб, руҳим чоҳга кўнмиш,
нимадир бор, нимадир йўқ.

Ой дардини тингларим бор,
шеърга ўгай тунларим бор,
Осмон, мени тўкиб юбор —
нимадир бор, нимадир йўқ.

Тақдир шоми етиб зумда
умримизни элар қумдай,
Тазаррую қўрқувимда
нимадир бор, нимадир йўқ.

Ҳаё кўзга никоҳланди,
аёл сўзга никоҳланди,
Бу бегуноҳ нигоҳларда
нимадир бор, нимадир йўқ.

✍️Рашид ХЎЖАМОВ

⚡️ "Jadid" gazetasini elektron holda yangi formatda o‘qib zavq oling:

👉 1-sonni o‘qish uchun bosing.
👉 2-sonni o‘qish uchun bosing.
👉 3-sonni o‘qish uchun bosing.

✅ Gazetaning telegram kanali: @Jadid_media

🚀 🔵 🎬 📷 🐤
🔗Ijtimoiy tarmoq sahifalarimiz