ፉዓድ ፈረጃ ከአስር ወራት በኋላ ወደ ሜዳ ይመለሳል

እግር ኳስን በአሰልጣኝ ዳዊት ታደለ ይሰለጥን በነበረው የትውልድ ሀገሩ አዳማ ከተማ ከ17 አመት በታች ቡድን ውስጥ በመጫወት ነበር ብቅ ማለት የቻለው በመቀጠል በፕሪምየር ሊጉ ወደሚሳተፈው ዋናው የአዳማ ከተማ ቡድን በማደግ ከብዙሃኑ የእግር ኳስ ቤተሰብ ጋር መተዋወቅ የቻለ ሲሆን ሰበታ ከተማ ፣ ባህርዳር ከተማ እያለ የእግር ኳስ ህይወቱን ቀጥሎ 2016 መስከረም ወር ላይ ወደ ኢትዮጵያ ንግድ ባንክን ማምራት ቻለ። በሚያሳየው የሜዳ ላይ ልዩ ክህሎት እና የሚያስቆጥራቸውም ጎሎች መለያዎቹ የሆኑለት ወጣቱ የመሐል ሜዳ ሞተር ንግድ ባንክን በተቀላቀለበት የመጀመሪያው ዓመት ክለቡ የፕሪምየር ሊጉን ዋንጫ ማንሳት ሲችል የላቀውን ድርሻ ከቡድን አጋሮቹ ጋር መውሰድ የቻለው እርሱ ነበር። ባለፈው የውድድር ዘመን ውሉን በሚቋጭበት ዓመቱ ማለትም ከአስር ወራት በፊት ያስተናገደው ጉዳት ግን ከሜዳ አርቆት አቆይቶታል።

በ2017 ህዳር ወር ላይ በኢትዮጵያ ፕሪምየር ሊግ 9ኛ ሳምንት መርሀግብር ንግድ ባንክ ከኢትዮጵያ መድን ጋር በድሬዳዋ ስታዲየም እያደረገ በነበረው ጨዋታ መሐል 33ኛው ደቂቃ ላይ ጉዳት አስተናግዶ ከሜዳ ለመውጣት ተገዶ የነበረው አማካዩ በገጠመው የACl (መጠነኛ ቲር) ጉዳት የተነሳ ሰርጀሪን በማድረጉ ለአስር ወራት ያህል ከሜዳ ርቆ ቆይቶ አሁን ላይ ግን በሙሉ ጤንነት ወደ ሜዳ ይመለሳል።

"ማገገሚያ በደንብ ወስጃለሁ አሁን አስረኛ ወር ላይ ደርሻለሁ የሜዳ ልምምዶችን መስራት ከጀመርኩ አንድ ወር ሊሆነኝ ነው የጂም ልምምዶችንም እየሰራሁ እገኛለሁ አሁን በጣም በሙሉ ጤንነት ላይ ነኝ ፈጣሪ ካለ በአንዱ ክለብ እገኛለሁ ብዬ አስባለሁ"። ሲል ከተጫዋቹ ጋር በነበረኝ ቆይቶ አረጋግጦልኛል።

ቴዎድሮስ ታከለ

7:00

ነገሌ አርሲ ከ ወልዋሎ አዲግራት ዩ.

#የ2018_ሲቢኢ_የኢትዮጵያ_ፕሪሚየር_ሊግ

23' | ነገሌ አርሲ 1-0 ወልዋሎ አዲግራት ዩ.

6' አሸብር ዉሮ (ፍ)

#የ2018_ሲቢኢ_የኢትዮጵያ_ፕሪሚየር_ሊግ