ابْتَسمت فَأمْطرَت

وعن ذكرياتي :
فلست أريدتذكر شيء .

220 views23:10

(وعسى أن تكرهوا شيئا وهو خير لكم ) من سورة البقرة 💛
(فعسى أن تكرهوا شيئا ويجعل الله فيه خيرا كثيرا ) من سورة النساء 💛
_________________________________________________
عمرك ما تندم على شيء درته او سعيت له وما حصلتش مراده ممكن يكون في حكمة للموضوع وزي ما انقول ديما كل شيء يصير لحكمة (كل شيء يحدث بسبب ولسبب)
واليوم صار موقف بيش نتذكر أن ديما الخيرة فيما أختارها الله وأن ما نندمش علي أي خطوة نخطيها مهما كانت النتيجة لربما هناك شيء يبعث البهجة 😍💛
_________________________________________________
خلي نحكيلكم شن صار 😊
اليوم قررت انا وصاحبتي بعد المحاضرة نمشوا لمكتبة النور على أساس في الجو السخون هذا والنو ووين وصلنا ما لقيناش الغرض اللي مشينا ع خاطره فتشائمنا وقلنا يا عليك تشحويرة تشحورناها
ويحدث أن نلقو في السيارة اللي فتنا بجنبها الأبلة صباح الأبلة البشوشة الأبلة الفاضلة 😍💛 لدرجة رجعنا وسلمنا عليها وهدرزنا عليها تي الله ع الشعور اليوم بجديات ربي راضي عليا أنا ونعمات اللي خلانا نتلاقوا مع أبلتنا الفاضلة اي اي كانت كالأم لطالبات في الثانوية انسانه خلوقة و أفضل مثال لأي معلمة أي أي في الأول زعلت تحسابنا ما تذكرناهاش , الله ردتنا لأيام الثانوي 😍💛💛💛💛
الله كيف قعدت تبكي وين شافتنا و وين هدرزنا عليها قالت مستاحشة هذيك الأيام على أيامنا تقصدي
تي شن تحكوا تي دعتلنا أحلى دعاء ممكن نحصله في هاليوم
قالتلنا " ربي يوفقكن يا بنياتي ويبعثلكم ناس كويسة زيكم لأنكم كويسات وأكوس منكم كمان ربي يسعدكن ويفرحكن ويوفقكن "😍😭😭😍 الله الله محلاه الشعور تي ياناس لين عيوني دمعن .. سألت على كل بنات دفعتنا في الثانوي وقالتلي وصلي سلامي لكل واحدة تشوفيها قوليلها أبلة صباح تسلم عليك وتدعيلكم 💛💛😍😍😍
ربي يبارك فيها بجد كانت مثال للمعلمة الناصحة والواعظة 💛 كان أسلوبها بلسم 💛
أنا فرحانة هلبا هلبا أن ربي كتب لي أنا ونعمات هاللقاء اي واحنا محظوظات هلبا هلبا أن تلاقينا مع أبلة زي البلسم 💛💛💛 هكي كمية طاقة إيجابية وحب وصدق وطيبة وإخلاص تمشي ع الأرض اللي تقعدت في أخر سنة لينا وأنحب أنقول لثانويتي ثانوية المجد بجد خسرتي أبلة فاضلة وعسل زيها ومن المؤسف أن الأجيال الجديدة مش حيقابلوها 💛😍
أبلة وين ينذكر اسمها الكل يبتسم 💛💛 من اسمها صباح تشرق أرواحنا بالسعادة برؤيتها 💛💛 ربي يكثر من أمثالها يارب
وربي يحفظها ويبارك فيها يارب😍😍💛💛
🙃 العبرة أن عمرك ماتضايق من شيء ممكن في شيء يبهجك في النهاية 💛

210 viewsedited 13:56