وبعدين ما تصير كاتب لمجرد إنك قارئ أو صاحب مكتبة أو مشروع ثقافي أو ناشر؛ لحين صايرة أزمة اللي بيبي يكون (بتاع كلو). ينجح هالشي لما تعمل ضمن مجموعات وتوزيع مهام. بس كشخص لا يمكن أن تكون كل شيء مرة واحدة ولا بتصير (خارق) لكن منهك وغير مركز وهالشي راح يؤثر على نتاجك الأدبي. شو المشكلة إنك تصير (كاتب) وبس.
مو لازم أصير كل شي عشان العالم يبي مني أكون مزدحم. بصراحة عن نفسي أحس أسوأ شي إني أعمل في مكتبة، لأن هذا التقارب اليومي مع الكتب صعب نفسيًا علي، ويصير مع الزمن روتين ممل. أنا القارئة أحب أوصل للكتاب اللي أحبه بمشقة، أحب اكتشفه بنفسي، وأروح المكتبة آخذه. وما أكون مسؤولة عن الكتب ويصير شغلي بس أبيعها للناس بأي طريقة عشان ما أخسر.. هاي عملية مخيفة في التعامل مع الكتب.. بعدين في (قراء) رائعين قاعدين نخسرهم لمجرد أنهم صاروا (كتاب) أو (ناشرين) وصارت دائرتهم محصورة حول الكتب اللي ينشرونها أو ضمن دائرة المنفعة المتبادلة (امدحني أمدحك)!

سويت اليوم ملوخية. أطبخها بطريقتي وهي في الحقيقة دمج بين المصرية والسورية.. لكن الحقيقة الأهم أن دخول المطبخ صار مرتبط عندي تلقائياً ببرنامج اليوتيوب: وحسب مزاجي يومها ممكن أسمع أغنية وأعيد أسمعها مراراً إذا كلماتها أعجبتني. أو أسمع كتاب صوتي لرواية أو قصة. وعادة أسمع الكتب اللي قرأتها ورقياً وأعيد معايشتها صوتياً. أو أشغل بودكاست وصار لي فترة أسمع بودكاست لبنت سودانية حبيت سوالفها (ونسة مع أوسا).. 🎀

شعر وكأنّه غريبٌ في غرفةٍ تعجّ بالأشخاص الّذين كان أغلبهم في حالة راحةٍ ومنشغلين بالمحادثات، إلّا أنّه وفي الوقت ذاته بدت له استحالة الخروج، وكأنَّ ألف بابٍ قد سُدّ بإحكامٍ بينه وبين الطّريق في الخارج.

• فرجينيا وولف | ليل ونهار (بتصرف)

موسم الأدب الفرنسي 2026: 461 رواية وتراجع الترجمة https://share.google/UmjYFw2xs0Auy7hhd

أيلول🎀

آخر مشاهداتي فيلم "صراط" اللي شدني له هو ثيمة المكان "الصحراء" وكل شي يطلع من الصحراء يبهرني شخصياً مثل ما وضحت في أكثر من مناسبة 😍 وهالمرة صحراء شمال المغرب.
فيلم صادم بشكل مذهل..
وراح أضع لكم رابط استوفي المراجعة عنه. بس نصيحة اقروها بعد مشاهدة الفيلم عشان ما تحرق لكم الأحداث..

واخترت موسيقا ضمن المشاهد، لأن الفيلم أصلاً عبارة عن موسيقا وطرق شديدة الوعورة في قلب الصحراء..