#رسالة:
ليش تصير عصبي وتحرگ اعصابك؟؟ متسوة!!!
اكثر سؤال اليوم توجه الي من شافو ايدي بيهه مفصوخ مفصلهه
اني حريص ومن كل گلبي اشرح وما احب اشوف طالب مهمل او مجموعة ممهتمة!!
اني ضميري ميسمحلي افوت محاضرة وما اهتم للطالب او اكول شعليه هو ادره بمصلحته
ماعرف هيج اصير ولا عندي هيج منطق بعملي
احب طلابي وحريص عليهم واريدهم احسن الطلاب
عصبتي ورزالتي الهم مو كره
حب واهتمام بيهم
غير هذا ماعندي
هذا كل الي اكوله ياكروب المنصور 💔💔

الحرب تشتد من كل صوب
لا بئس من خسارة بعض المعارك
المهم كسب #الحرب اخيراً
من يحيط بنا يترجم طيبة قلبنا ضعف
ليست ضعف ولكن مبدئ ان نترك من يحاربنا ربما يتراجع
واذكرهم ان الضرب الذي يأتي بالمبادئ شديد ونحن نعد العدة للرد بالوقت المناسب.
#رسالة_شديدة_اللهجة

#رسالة_مفتوحة_للمعني__بها_حق_الرد
احذر من الغرور الذي يصيبك بمجرد انك مشهور وان بعض التعليقات هنا وهناك تجعلك ترفع انفك الى السماء وكأن الرب ارسلك لتكون الاوحد في تدريس اختصاصك!!
فالطالب الذي تعاملهُ بتعالي الان ربما سيصبح افضل منك بعد مرور 4 سنوات
وستتراجع خلال هذه الفترة وسيعاملك بطريقة الاحتقار لو انك مررت بهِ صدفة وهو في مركز ما ! 💪🏻

#رسالة_ذات_شقين
للجميع حق الرد
الشق الاول للطالب:
فسلاماً للطلاب الذين يناضلون بين محاضرات الخصوصي والحرب النفسية داخل المدارس!
المدارس التي اصبح الطالب لايطيق الجلوس فيها بسبب البعض الذين هدفه فقط تسقيط المدرس الخصوصي
تارة بإسئلة غير منهجية تعجيزية وتارة اخرى بالكلام المباشر
اصبح الطالب عاجز متخلخل لا يستطيع الاتزان
يتكالبون عليهم داخل المدارس بالكلام السلبي والتشهيير ببعض الاسماء
ولا اعلم ما السبب؟!
الطالب الان ضحية بين مطرقة المدرسة وسندان الوقت الذي ينهدر
عامل الوقت مهم للطالب
وشقها الثاني هو رجاء لبعض المدارس اعادة النظر بالمبادئ التي يتبنوها فقط لأجل الطالب لا لأجل المدرس الخصوصي فالطالب امانة و وكل ماسيصيبه من احباط وسلبيات ستكون في مطب شرعي واخلاقي يقع فيها استاذ المدرسة لا غيره.

#رسالة
نكدر نأجل محاضرة وما نروج بالقناة ضد الي اخذو محاضرة
ونكدر ناخذ محاضرة وما نأجج الوضع ضد الي أجلو
مثل ما اني اجلت محاضرة اليوم بزيونة سكتت ومانشرت شي ولا انتقدت الي ماخذين ولا نشرت شي يخلي الطالب ينتقد الاستاذ الي اخذ محاضرة
فالمقابل الي اخذ محاضرة اليوم
ممضطر ينشر بالقناة منشورات تخلي الطالب يتحمل ويوجه انتقادات للاستاذ الي مأجل وتوصله كم الرسائل السلبية بسبب التأجيل مع العلم التأجيل اجه حفاظاً على الطالب
#للمعني_حق_الرد

#رسالة:
في هذا الاسبوع سمعت من الطلاب والطالبات وشاهدت دفاتر وصور لسبورات بعض المدارس
تمت في محاضرتين شرح مدخل الاعداد المركبة والعمليات والتحليل وقيم x , y وحل المعادلة بالدستور!
اين الخلل؟
نعم ، نضع اللوم على عامل الوقت الذي جعل المدرس يطرح المادة بهذا الشكل ،
لذلك المشكلة كبيرة جدًا يجب على وزارة التربية تدارك المشكلة
بعض المدارس الدوام فيها يوم واحد فقط
وبعضها يومان وبعضها اكثر وبعضها في جميع ايام الاسبوع!
هناك مشكلة وخلل واضطراب في الدوام، يجب ان يجلس على طاولة مستديرة كبار المستشارين والاخوة المدرسين يتم تبادل وجهات النظر والاستعانة بخبرات بعض الدول المجاورة او غيرها
و الوصول الى حلول يمكن تطبيقها بناءًا على معطيات الواقع هذا رأيي والله اعلم..

#رسالة:
من قناتي اقدم الشكر الجزيل
لمدرسيّ ومدرسات بعض المدارس
الي وصلني من الكروبات الالكترونية لبعض المدارس (الثالث والسادس)
يتم نشر روابط محاضراتي كمصدر اساسي للدراسة والطالب يشاهد محاضرتي وبعدهه الاستاذ يناقشهم
شكرًا لكم ولثقتكم اخواني المدرسين واخواتي المدرسات وشكراً لعبارات المديح الي شفتهه بكروبات المدارس من بعض الاخوة المدرسين

وسأقدم خلال العام الدراسي المزيد للطلاب
ان شاء الله

#رسالة
طلاب وطالبات السادس (خصوصي ، الكتروني) الجميع بدون استثناء بهاي الفترة
معليكم بالاخبار المتداولة والترجيحات والاحتمالات!
تزايد الاصابات ، تحويل العام الدراسي الى الالكتروني فقط ، فرض حظر وغيرها من الاخبار الي نسمع عنها كل يوم و اي مصدر او اثبات ماكو عليهه
بكل الاحوال خلي بوصلتك نحو الوزاري
انت طالب سادس بكل الاحوال عندك امتحان ونهاية سنة ومابيهه ذرة احتمال ثاني
على شنو رايح تدوخ نفسك بالاخبار وتارك الشي المؤكد
الشي المؤكد هو وجود امتحان
امشي اترك كلشي وروح سوي جدول مراجعة لنص السنة وراجع المادة واضبط الي عندك بي خلل من الفصول الاولى
وشيصير خل يصير!
حظر او الكتروني او غيرها
انت السنة مالتك ماشية وممتحن بكل احوالك
شعندك بعد اتدور يمنة ويسرة؟
#احبكم ❤️

#رسالة
الطالب الي يسرب محاضراتي مال الخصوصي الالكتروني
احب اكلك اولاً اني ممقصر تجاه طلاب اليوتيوب واخدمهم بعيوني الاثنين وهذا يشهدله الكل والحمدلله ❤️
ومحاضرات اليوتيوب هي ملك عام لكل الطلاب ومصورهه يشهد رب العالمين بكل امانة واخلاص

بس محاضرات الخصوصي هاي مو محاضراتي هاي محاضرات الطلاب الي دافعين حقها
فأنت من تنشرهه لا تتصور انت متعدي على حقوقي
انت متعدي على حقوق اخوانك الطلاب وراح تكون مديون لكل هذوله الطلاب
تعال اكلك شغلة
انت غايتك من التسريب محصورة بإحتمالين لا ثالث لهما
الاول : فائدة الطلاب وهذا امر مفروغ منه
لان الطلاب عدهم اليوتيوب اني ممقصر وياهم فماكو داعي انت تجي تفيدهم
الثاني : هو اذيتي علمود الطالب ما يسجل يمي
وهذا الامر عندي ما يحرك ساكن واعتبره هواءٌ في شبك لان طلابي خير من رب العالمين والرزق مكتوب ما يغيره تسريب محاضرة وكل شخص يعتقد خلاف هذا الشي فهو يطعن بالقانون الالهي الي نص بشكل صريح بتقسيم الارزاق بشكل مطلق بعيد عن ارادة البشر..