صرفت لغه عربية الليله كافيه تخليني شهور التزم الصمت😭😂😭

شَخص كُل مَشاعِرهُ فِي عيونِه ، تَخيَّل كَم يُعانِي وهوَ يُكتُب لَك!❤️🚶‍♀

اُحبُّ لطف الله الذي يتجسد على هيئة شخص طيب أو موقف مبهج في اليوم أو إبتسامة عابرة او كلمة تسعدُ القلب أو رسالة تُنير الدرب أو فكرة تشعل الطموح أو طمآنينة تسكن الروح أو سلام يغمر الاعماق
أُحبُّ كرم الله المختبئ في تفاصيل الايام♥♥♥♥🍀

"قُل للّذي نامَ والأحزانُ تَخنقهُ
وهمّهُ في ظَلام الليّل يُشقيهُ
هَون على قلبكَ المحزونُ إنّ لهُ
ربًا سَيملؤهُ نُورًا و يَرويهُ"❤️🙌

‏في قاموس الإيجابيين، كلمة "تحديات" تعني "فُرَص".

♥.

هذا المنحدر الذي حطمك وكسر فيك كل شيء ، ستشكره في يوم ما صدقني💜✨

‏في نهاية الحقل؛ تتأكد الريح أن السنابل لم تكن
جادة في المضي معها.

كم سيكون بائسا أن تعلم بعد فوات الأوان أنك اجتهدت كل الاجتهاد لكن في الطريق الخطأ✨

‏ممتنه لكل الأبواب التي أختبئت خلفها أثناء خوفي ولم تخذلني...💜

كنت دائما أصل إلى ما أريد و لكنني كنت أصل منهكا.. منهكا بالشكل الذي لا يعطيني القدرة لأفرح ، كمن يريد أن يستريح و يستريح فقط...

هل تعتبر جريمة عندما تقول لشخص سيكون كل شيء على مايرام وأنت تعلم أن كل شيء على حافة الهاوية؟!🙂

كنت أدافع عنك كما أدافع عن أخطائي،
بنفس العناد واللامنطق !!

‏رأيتك تسقط من أعماق قلبي ولم أفعل شيئاً شعرت لأول مرة بأني قد سئمت من إنقاذك...✨

"انا اكافح في معركة لا تعلم عنها شيئا، كُن لطيفاً"🚶‍♀

كن لطيفا عشان م أعوقك بطوبة في نص راسك ✔️

‏أنا دائما أحبك بغض
النظر عما يحدث بيننا
#حفصه

#مودة_ورحمَة•• {1}🌼
لاحظت مؤخرَاً في العِيد دا إنو ما شاء الله الأعراس كانَت كتيرَة لمن الواحِد ما عارف يمشي لمنو ويخلِّي منو! .. بغضّ النظر عن إنو معظم الزيجَات المشيت ليهَا كانوا بنَات صغار وتحت سِن العشرين ، فأنا بالجد نفسِي الناس تكون واعية أكتَر بخصوص موضوع الزواج دا ؛ الزواج مسؤولية أكبر مما نتخيّل
● عشان كدَا جاتني فكرة سلسلة (#مودة_ورحمة)🌼
تحت الهاشتاق دا حـ أجمع ليكم كل المواضِيع والبوستات والكتابات اللاقتني البتتعلَّق بالوعِي حول الموضوع دا..
حـ نبدأ بداية غريبَة شويَّة..
● حنبدأ بمقَال من كتاب #لأ_بطعم_الفلامنكو للإستشارِي وأستاذ الطب النفسي بجامعة المنيا (مصر) ، #الدكتور_محمد_طَه💛
قد يكُون طويل حبتين ، بس أحرص إنك تقراه ، أو تحتفِظ بيهو وتقراه لاحقاً سواء كنتَ مُقبل على الزواج ، أو كنتَ ما بتفكّر فيهو أصلاً
-حوَّلت المقال باللهجَة السُودانية عشان يكون أسهَل وألطَف-

●●●

د. محمد طهَ بيقول :
● #ما_تتجوزوش••!!!!!!!
بناءً على ما سبَق
ومن قلب حُجرة العِلاج النفسي
ومن وسَط جبال الحكايات
ومن على شُطآن الآلام..
داير أقول لِيك..
ما تعرِّس..
- ما تتزوّج لمُجرد إنك خلصت جامعة وجيش وإشتغلتَا ، ويلا آن أوان العرس ، لأنك كده بتعتبِر الزواج مجرد قطعة دومينوز (ضُمَنا) بتكمّل بيها اللعبة ، وحتجي في يوم تزهج وتمل ، وتحِب تغيّر الدُور

- ما تتزوّج لمجرَّد إنو سنَّك كبِر ، ومعظم زمايلك وأصحابك عرّسوا ، الحكاية ما كمالَة عدد ، الزواج علاقة إنسانِية ما ليها أي دعوة بالسِّن

- ما تتزوّج لمُجرد إنك عايز تطفِي وهَج غريزتَك أو تلاقِي مخرَج لشهوتك ، إنتَ كدا بتشترِي -فقَط- وعاء بشرِي أنثوي ترمي فيه بعض سوائِل جسّمك

- ما تتزوّج عشان أبوك وأمك قالوا ليك عرّس ، أو المُجتمع قاليك عرّس ؛ إنت كدا بتتزوّج لحساب أمك وأبوك ، ولحساب المُجتمع .. مُش لحساب نفسَك ، والفرق هِنا كبير جِداً

بالمُناسبَة..
مافي حاجة اسمهَا تتزوّج عشان تكمِّل نُص دينَك ؛ كمالَة دينك (كله) بتجي بعَد الزواج كنتيجَة لحُسن الإختيار وحُسن المعاملَة وطِيب العُشرة ، لكنها أبداً ما مُبرِّر للتسرُّع والإندفا ويلا نعرِّس وبتاع..

- ما تتزوّج وإنت عندك تحفُّظات أو مُلاحظات على اللي حتتزوّجها وتقُول : أنا حـ أغيرها بعد الزواج .. وتبدأ بعد كدا تتأمّر عليها وتضغَط أعصابها ، يا تقبلهَا زي ما هِيَ بكل تفاصِيلها ، يلا بلاش تفصِّل الناس على مقاسَك

- ما تتزوَّج واحدة صغيرة وتقول إنَّك حتربيهَا على إيديك ، الزواج مش تبنِّي ولا تربِية ولا وضع نهاية آمِنة للصياعة واللف والدورَان

- ما تتزوّج وإنت ناوِي تقعِّد مرتَك من الشغُل وتحبسها في البيت ، وتخبيهَا وتداريها عن الحياة ، دا ما بيفرِق أي شئ عن وأد البنَات في الجاهلِية .. ظُلم وجُور ودفن بعده دفن!

- ما تتزوّج وإنت شايف إنو المرأة أقلّ منك وأنقص منّك وأقل حكمة وحُسن تصرُّف منك ، وإنها المفرُوض تركع ليك وتؤدي ليك فروض الولاء ليل نهار ، وإنك لازم تكون بالنسبة ليها نِصف إله ، دا ما بجيب غير التسلُّط والإفتراء وسوء المُعاملة ، كتير جِداً من النساء أحكم وأحسن تصرُّفاً من رجالُم..

- ما تتزوج لمجرّد إنك عايز تجيب عِيَال قبل ما تكبّر ، إنت كدا بتستأجر رحم مُش بتعاشِر بني آدمة

- ما تتزوّج وفي مخيلتك صورة -شهريار- القاعِد على ريش النِّعام بيتفرَّج على التلفزيون ومرتُو مهرُودة في المطبخ والمواعِين والغسيل والنضافَة والعَيال طول النهار ، ودايرها آخر الليل تتحوّل إلى غانِية مُحترِفة توفّر ليك كل وسائل المُتعة!!

- ما تتزوّج لمجرد إنو فلانة عجبَك جسمها ، وفلانة عجبَك شكلها ، وفلانة تقاسيمها حلوَة وخسارَة تضيع منّك ؛ ما تبقى عامل زي الصيّاد النرجسي الأناني البيصطاد الفريسَة اللي تعجبه ، وبعد ما يمتلكهَا .. يموِّتها ويدوّر على غيرها!

- ما تتزوج وبعدين تحس إنك إتخطفتَ بدري ، وإنك لسه ما عشت شبَابك ، وإنو مرتَك مش كفاية .. فتفتح الإشارة الخضراء لكل المُعجبات وبنات عائلات محترمات وتقول :
"أنا راجِل ومن حقي أعمل الأنا عايزو!"

#وإنتِ_كمان•••🌼
- ما تتزوّجي لمجرّد إنك عاوزة تلبسي فستان العرِس بغض النظر عن الشخص الواقف جمبِك ، إنتِ كدا بتتزوجي هيكل بشرِي خارجي ، ممكن تتفاجئي باللي جُواه بعد كدا

- ما تتزوجي لمجرّد إنِّك عايزة تطلعي من بيت أهلِك ، وتحسّي بحريتِك وتشمِي هواء ، إختاري إنتِ ماشة وين ومع منُو أول!

- ما تتزوٌجي لمجرّد إنو معظم صاحباتَك عرّسن وشكلك قدامهم بقى بيش ونظراتهُم ليك بقت عاملة كيف وشنو ما بعرِف!! ، بعد عشرَة سنين نُصهم غالباً حيكُون إتطلّق أو إتزوجوا عليهم

- ما تتزوّجي لمجرّد إنو سنِّك كبِر ، وأهلِك بدوا يقلقوا وقطر الزواج الحيفُوت والمجتمَع الضاغَط ، ماف زول من ديل حينفعِك وإنتِ دمعتِك على خدّك جارية كل ليلة نتيجة لسوء الإختيار!

- ما تتزوّجي وإنتِ متصوّرة إنو راجلك هو المُخلِص وا

لمُنقِذ ومحقق الأحلام! ، أحلامِك إنتِ البتصنعيهَا .. وإنتِ البتجري وراها .. وإنتِ البتحققيها ، هُوَ بس رفيق في الرِّحلة

- ما تتزوّجي وإنتِ ناوية تتنازَلي عن أي حاجَة أو تضحِّي بأي حاجة أو تدفعي أي تمن ، ما تصدِّقي البقُول ليك الحباة الزوجِية تنازُل وتضحيَة (اللي بترسى على المرا في النّهاية) ، الحياة الزوجية مشاركَة ومسؤولية ، والفرِق بين التنازُل والمشاركة كبِير ، وبين التضحية والمسؤولية أكبَر

- ما تتزوّجي واحد ناوي يفصِّلِك على مقاسه ، حيطبقِّك ويطفيك ويدفنِك وإنتِ حيّه ، المتقبِّلِك زي ما إنتِ أهلاً وسهلاً ، العاوِز مواصفات تانية يدوّر عليها في واحدة تانية
وفي نفس الوقت ، ما تتزوجي واحد فيهو حاجات ما عاجباكِ وتقولِي حـ أغيره بعد الزواج ، نحنا ما بنتزوّج عشان نغيِّر بعَض أو نعالِج بعَض أو نربِّي بعَض!!

- ما تتزوجِي واحد تفتشي فيه على (أب) ، دا أكبر ظُلم بتظلميه لنفسِك ولزوجِك ، إنتِ كدا حتمّليهو فوق طاقتو وحتطلبِي منو حاجات مش بتاعتو وحتلبسيهو دور ما دورو ، ولما ما يقدّر يلعب الدور دا حتطلّعي عينو وعين اللي خلّفوه!
وطبعاً ما تتزوّجي على واحد بيفتش على (أُم) تتبنّاه مش زوجة تعيش معاه ، العايز خدّامة يفتش على خدامة ، العاوز مربِية يفتش على مربية ، والعاوِز شريكة حياة أهلاً وسهلاً

وبالمناسبَة..
أقل من (شرِيكة حياة) ما ينفَع ، شريكَة في القرارات ، في المسؤوليات ، بأعمال البيت ، بتربية الأطفَال ؛ شراكَة تامّة ، ندِّية مُطلقَة ، تكافؤ ومساواة لأقصَى درجَة
لكل المتزوجِين ، واللي عايزين يتزوجوا..
الزواج علاقَة إنسانية بين اتنين قرّروا يحيوا (ما بَس يعيشُوا) مع بعَض ، يكبرُوا مع بعض ، يفرحوا مع بعض ، يتألموا مع بعض
الزّواج مُحتاج وعِي ومحتاج مسؤولية ، ما شِراء وبِيع ونكتشِف بعض بعد ما يتقفِل علينا الباب!
إتزوجُوا وقت ما تحسُّوا إنو دا الوقت المُناسِب بغض النظر عن السِن والعُمر والرقم..
إتزوجوا وقت ما تلاقُوا الشخص المُناسب ، المناااسب .. المناااااااااسب
إتزوجوا وإنتوا ناويين تحترموا بعَض ، وتساعدوا بعَض ، وتسمحوا لبعَض بالحياة .. مُش بالمُوت
إتزوجُوا وإنتوا قابلين إحتمالات الطلاق عشان تتحرّروا من العبُودية لبعَض ، والذل لبعَض وتحمُّل الإساءة والمهانة خوفاً من الإنفصال أو الوحدة
غير كِدا .. ما تتزوجوا
#يـــتبع•••💛

{وقولوا للناس حسناً}
هنتحاسب على أذية النفوس و كسر الخواطر و هنؤجر علي حسن الكلام❤️🙌

و نعوذ بكلمات الله التامات من الفقد و الاحتياج ، و الضيق و الحزن، و اليأس و الحسد 🌗