لي 💜💜

..لَبيك إنّا عائدون ، تائبون ، نادمون لبيك اللهم لبيك لبيك لااا شريك لك لبيك ان الحمد والنعمة لك والملك لاا شريك لك .."

322 viewsAfoor💜🔥, 13:37

#الحسنَات_يُذهِبنَّ_السيئات•••
زمَان لما كنتَ صغيرة ويجيبوا لينَا كراسات جديدَة للمدرسَة ، أول حاجَة بعملهَا هي إنو أقرأ الحكمَة المكتوبَة في الغِلاف ؛ بس فِي حكمَة لسَّه بقت راسخة في بالِي لليُوم ، وما فهمتهَا فعلاً إلا بعد ما كِبرت ، الحكمة بتقُول :
”إذا لَم تستطِع تركَ المعصِية ، فلا تحرِم نفسكَ مِن فِعل الطَّاعة“
نحنَ بالجد مُحتاجِين نتذكّر الحاجة دِي ، كتيِر مننا ناس في جُواهم بذرَة يأس من رحمة ربنَا ، يعنِي الواحِد يشُوف التُقاة والصَّوامِين والملتزمِين والمصلييِن ويعايِن لنفسو بإستصغَار شديد ، ويتسأءل :
- وين أنا مِن دِيل؟
- بذنوبِي الكتيرة دي حاسِي ربنَا ما حيسامحنِي أبداً!
- ليي أصُوم عاشُوراء ، أو عرفَة ، أو الأيام البِيض.....إلخ ، أنا أصلاً ما زول ملتزِم للدرجة دِي!
أسئلة كتييير من النُوع دا..

لاقوني ناس فِي الحياة دِي ما عايزِين مثلاً يلتزموا بعبادَة معينة أو مظهر معيّن من مظاهر الدِين خوفاً من تشغيلات أصحابهُم (شنو يعنِي داير تعمل لينَا فيها شيخ فجأة ، عاين لنفسَك أول قبل ما تنصَحنا ، أووو مولانا وصَل....إلخ) ، ونَاس تانية حتى بيخجلُوا إنهم يرفعوا حديِث أو أي نصيحة دينية عالإستيتس بتاعتهُم وبرضو عشان نفس السّبب ، خايفين يطلعُوا من دائرة معيّنة ، إطار رسموه لشخصيتهم قدام نَّاس معينين (إنهم ناس cool وfree وكاسرِين حنك كل حاجة وما معقدِّين ، أو زي ما بيقولوا المصريين : بتوع ربِنَا..) ، خايفِين يخسروا حاجة معينَة : إنتماء ، صُحبة شُلة ،....إلخ
وكأنو الدِين دا إتخلق لفئة محدودة ، وكأنو ما لكل النَّاس!!!
عُمرو الدِين ما كان كِدا ، كلنَا بنخطئ ، وكلنا بتمُر علينا أوقات بنحسّ فيها بالتراخِي والتذبذُب ، بَس الفكرة كلها هِي في مجاهدة النفس دِي ، في الإستمرارية رغم كل شئ ، ما هُو الشيطان والهوَى ما وجدوا عبثَاً .. حربَك الحقيقية ما مع النَّاس ، حربَك الحقيقية مع نفسَك دي وبس

في كتَاب رحلة حياة #لمحمّد_العريفي بيقول كلام مهم جداً وهو :
”الدِّين يحتاج المُومن الكامل ، ويحتاج المُؤمن الناقِص الإيمان ، ويحتاج المُؤمن العاصِي ويحتاج المؤمن الفاسِق ؛ ماذا يمنَع واحداً وقعَ في كبيرة من الكبائر ، ومع ذلك يبني مسجِداً ، صحيح هو آثِم بكبيرتهِ ، لكنّ بناءه للمسجد فيه قُربى لله ، وهو ببنائه لهذا المسجد قد يتوب عن كبيرتهُ التي هوَ عليها ؛ ما يمنعُ أنَّ إنساناً رُبما تاركاً للصلاة ، ومع ذلك يقُول يا فُلان لا تشرب الخَمر اتقِ الله .. يلا فلان صلِّ اتقِ الله ، فما يمنعُ أن يأمُر بالمعرُوف وإن كان هو مُقصِّراً ، من ذَا الذي ما أساء قط ، ومن ذا الذي له الحُسن فقط“
وبالتالِي الواحد أبداً يقدِّم الخير اللي يقدَر عليه مهما كانت حالتو ، ما معرُوف قد تهدِي إنساناً وتدخُل بسببه الجَّنة ، ولكن دا ما بيعنِي أنك تنكبَّ على المعاصِي وتركَن إلى مثل هذه الأسبَاب ، فالله واسِع المغفِرة ولكنهُ شديد العِقاب ؛ وإنما جاهِد ، الذنوب ستستمِر ، والتوبَة يجب أن تكون مستمرّةٌ كذلك..

أحسِن الظن بالله دائماً ، وأغتنِم الفُرص للتقرُّب إليه حتى ولو كنتَ مثقل بأفظع أنواع الذنُوب
يحكى إنو أقبل رجُلٌ يوماً على #الحسن_البصرِي فقال له الحسَن : يا رجُل أتأمرُ بالمعرُوف وتنهَى عنِ المُنكر؟
- قال : لا
- قال : فلِمَ؟
- قال : أخشى أن آمرَ بالمعرُوفِ ولا أفعله ، وأنهَى عن المنكرِ وأفعله ، وأنا عندِي أخطاء وعندِي معاصٍ
فقال لهُ الحسن البصرِي : سبحانَ الله ودَّ الشيطانُ لو يظفَر مِن أحدكُم بهذَا ؛ يا رجُل من مِنا سليمٌ من المعصِية والمُخالفَة ، لكن نَعِظ ونذكِّر لعلَّه ينجُو بها ناجٍ
يعقِّب الشيخ #العريفِي على هذا الموقِف بتعليِق جميل جداً يقول :
”وكذلكَ نحنُ ، فيجبُ ألا يلعب عليك الشيطان ، حتى ولو خرجَ إنسانٌ من بيتِ معاصٍ وفجُور ، ووجدَ فقيراً يتصدَّق عليه بصدَقةٍ ، فأنت قد تؤجر بهذَا ، قد تقول يا شِيخ وأنا شربت الخَمر قبل لحظات أو في جنابَة فاحشةٍ ، ولكن هذا أمرٌ وذلكَ أمرٌ آخر ، فكونكَ عاصِياً هذا أمرٌ يحاسبُك الله عليه ، وكونكَ تفعلُ الطاعَة فهذا أمرٌ آخر“

فالناس أبداً ما تنظُر للإسلام على إنو شديِد وصارِم ، بَل الدِّين الإسلامي دين وسطِية ورحمَة ، والعِيب دايماً ما في الدِين بل في الناس البيستخدمُوه لمصالحهم الشخصِية ، نحنَ جهلنَا بالدّين حيوصِّلنا لمراحل أسوأ مِن كدَا ، الدين ما حكُومة ولا شيخ ولا داعيَة ، ما تشخصنُو الدين وإنما شِيلُو المفيد من أي شئ وأتركوا ما هو خلاف ذلك
أنا واحدة من النَّاس كلُّ مرة بقرأ حاجة داخل الإطار الدينِي بندهِش .. معقُولة في حاجة زي دي ، يا الله وين الكلام دا من زمان...إلخ ؛ هو قاعِد بس أنت ما كنت عارفُو!
اللهُم الناس ما توقِف أبداً عن النُصح وعن التعلُّم وعن نَشر الجماليَات الكامنَة في دين الإسلام
- وما تفوت الفُرص الزي دي مهما كنت شايف نفسك عاصي وميئوس منك ، زي يُوم عرفة دا ؛ كفايَة إنو #النبي ﷺ قال :
"صيام يوم عرفَة أحتسِب عل

435 viewsEnas Tagaldeen, 17:19