بقولو :
لا يتغير الرجل إلا إذا دخلت أمرأه جديدة في حياته
مؤيد👌
معارض💔

بقولو:
دايما الخالات احن من العمات بمراحل
مؤيد💜
معارض💔

بقولو :
الصداقة احلى بكتييررر من الحب
مؤيد 💜
معارض💔

بقولو :
صحبة الاولاد لي بعض افضل من صحبة البنات في بعض
مؤيد💜
معارض💔

" اتخذ القرار الذي تعلم في قرارة نفسك أنه الصواب ونفذه .. مهما كان مؤلماً .. ومهما بلغت قسوته ..

أعلمُ أنك قبيل خلودك إلى النوم في تلك الليلة ستبكي كثيراً .. وتندم كثيراً .. ستتمنى أنك لم تفعل ما فعلت ..

لكن لا تحزن .. ف غداً .. أو بعد غد .. أو ربما مابعدهما .. ستتنهد .. وتبتسم .. ستفتخر بصلابتك .. بقدرتك على فعل الصواب رغم صعوبته على قلبك .. ستصفق لنفسك .. وأنت ترى نتائج قرارك الصحيح أمام عينيك .. "❤️🙌

#رؤى_الماوردي

‏قبيل بتكلم مع صحبتي عنوو ..
قلت ليها ، انا ما عارفة كيف ، وليه ، ومتين حبيتوو !!

لقيت روحي فالنُص ، مع الخائضين ،زي أول 4 ثواني بعد نومة عميقة
مرتاحة ،وما مجمعّة ،وقلبي رآقد ..♥️🔥

نقاش تايم 🌞🔥🔥🔥🔥
حابة اسمعكم واعرف رايكم في الموضوع اذا مؤيد او معارض والاسباب ✨🔥
@ForMe78bot

الحب حلو احساس في زول بخصك انت واسمو مرتبط بي اسمك💜✨
الحب مليان اوجاع 💔
الصداقة هي الشفاء للاوجاع دي
#مشاركه_من_التعليقات

الحب بزول مع الأيام والمواقف والتراكمات وسبحان مقلب القلوب فيهو💔
#مشاركه_من_التعليقات

صاحبو صاحبو 💛💛
الحب دا كلام فارغ ساااااي ✋
#مشاركه_من_التعليقات

اظن الصداقة ممكن تنتهي مع انه بتكون مستعد تبذل الغالي والنفيس والحب بنتهي اذا كان في الحرام بس الحلال م بنتهي
#مشاركه_من_التعليقات

أنا شخشيا بعتبر الحب دا كذبة كبيرة نهائي م زي بنشوفو في الروايات
مشاعر مؤقتة بتختفي بعد فترة
طيب حتسألوا مثلا الناس الاتزوجت عن حب استمروا كيف
بقولك ي عزيزي بينقسموا لقسمين
أ/م بكملو لأنه خلاص ماف جديد
ب/بستمروا لكن مبسبب الحب بسبب المودة و الرحمة البتخلي أي علاقة زواج صحية تستمر

الصداقة بعتبرها علاقة أسمى و أجمل و أنقى بكثير و خصوصا لو كانت صحبة صالحة ♥️♥️
ربنا يرزقنا إياها جميعا

#كسرة:
صالحة و لا الشقلة هههخخخخ 😂😂😂
معليش م مسكت نفسي
#مشاركه_من_التعليقات

" الحب يسلبنا إرادتنا ، يخترق تلك القشرة السميكة التي نغلف بها أنفسنا ، لنواجه قسوة الحياة ، أما الصداقة فإنها تجعل تلك القشرة أصلب".❤️✨
من كتاب ليطمئن قلبي.
#مشاركه_من_التعليقات

بعض الأصدقاء نعمه تغنيك عن مهالك الحب...❤️
#مشاركه_من_التعليقات

يا جماعه الحب شعور واحساس بنحس بيه لما نرتاح لشخص معين وبختلف في قصه الاصحاب أكيد اي صحبة بين اي ولد وبنت واحد منهم بكون بحب التاني بس عاصر ع قلبو عشان من البدايه فهموو انو ما لازم زول فيهم اتخطا الحدود الرسموها ..
وفي الحب بنعيش شعور حللو شديد خاصه لو كانت الثقة والتفاهم هم اساس الحب ..
في كتيرر مشوهين صورة الحب .. الحب حاجه نقيه جدا وبرئية من كل المفاهيم الموصلنها ليكم الناس المشوهين صورتو ...
في النهايه جربو حبو واختارو الشخص الصالح البقدر يحافظ معاكم ع علاقه الحب دي 💜💜
#مشاركه_من_التعليقات

بردت بطني😂😂❤️

عشان الواحد يكون منصف كل علاقة وليها مميزاتها البتميزها ❤️ وتجربة من تجربة بتختلف والناس زاتها بتختلف 🔥

فما تقدر تحكم حكم مطلق انو والله ده احسن من ده ✨
فاذا كان الاحترام متبادل وفي حاجات حلوة بيناتكم فما بفرق كتير اسم العلاقة 😂❤️✨
والاهم انها تكون مع الزول الصح 🔥
فالواحد بدعي انو ربنا يرزقو الصحبة الصالحة والحب الحلال ❤️
#مشاركه_من_التعليقات

و الله المشاعر و الأحاسيس البشرية دي موضوع كبيررر شديد و ما بيخضع لأي قواعد و قوانين و ثوابت..
أما الحب دا حاجة كبيرة و مقدسة شديد،و زي ما قال/ت واحد/ة في التعليقات "بيختلف من علاقة للتانية و من زول للتاني و و و..."
الصداقة برضو حاجة عظيمة جداً
بس نسبة لأنه في تعاليم ديننا لازم الحب يكون في الحلال و الصداقات "ولد و بت" بتكون في حد معين شديد فدا بيخليهم ما في أوجه للمقارنة بيناتهم أصلاً..ول أنا فهمت الموضوع غلط ما عارفة😂❤️
#مشاركه_من_التعليقات

واحد بحكي قال اختلفنا انا وزوجتي ومشت ناس امها وكل ماامشي اصالحها تقعد تكورك بس اديني ورقتي ومابتتفاهم معاي المهم اتصالحنا ورجعتها البيت قال المشكلة ماهنا المشكلة عندي بتي الصغيرة كل مايشاكلا زول تكورك فيو بس اديني ورقتي بس اديني ورقتي😂😂😂😂😂😂😂😂

لأن النّفس تَمِیل لِمَن یُدلِلها ،، دلِلي نفسِك کَي لَا تَمِیل لِأحد ..
💕..