لي 💜💜

عشان أنتِ بت !!
العبارة دي مننا سمعناها و كانت ردة الفعل بعدها أيام من البكاء و إحساس قهر عظيم بشكل خاص في مجتمعنا و أول ما نتكلم عن الموضوع يقولو لينا مساواة بين الرجل و المرأة و كلام كتير لكن في الحقيقة نحن بنادي بأتفه الحاجات.
عشان أنا بت فما ضروري أبداً أكون مثالية و لا أكون بوزن مثالي و لون مثالي ، أكون جميلة زي ما أنا لأنه تقييمي في يوم ما كان سطحي و شكلي .
دايماً بقول عظيمة المرأة العقلها يوزن بلد لأنه نحن في الأخر ما بنتعامل مع أشكال مع أرواح و عقليات فالجهد الممكن تبذلو الواحدة فينا عشان تحصل الوزن المثالي و لون مثالي أقرا كتب ، أسمع حكاوي زمان ، أسمع لناس تفكيرهم مختلف و متنوع ، أعرف عن حاجات جديدة و أهم حاجة أعرف تفاصيلي و جوهري كويس و أسعى أني أتطور عشان أثبت أن عشان أنتِ بت عبارة بتتقال في لحظة فخر بس أبداً ما حاجة يعيبوني بيها 💙💙💙.
البنات رزق ، لطافة ، معجونات بالحنية ، مليانات بالريدة ، رقي ، روقة ، قلوبهن من سكر ، سلام ، قوة و كمّيات كبيرة البساطة 💙💙.
عمري ما حسيت عشان أنا بت أنه أخجل أو أخاف بالعكس كنت دايماً بحس بيها ورقتي الرابحة البحمد عليها ربي كل لحظة ، أمي دايماً بتقول لي أتألقي لأنو دا واجبك كإمرأة 💙 ، عشان أنتِ حسي دايماً أنك نعمة و حاجة غالية ما يكون كل طموحك راجل يقول ليك كلام حلو خليك إمراة تجذب العقول ما العيون 💙💙.
..
الواحدة فينا محتاجة وقت لنفسها وقت يكون ما فيهو اي انسان وقت نكون نحن الأهم فيهو نقعد بالورقة والقلم نشوف اللينا و العلينا ، محتاجين نترتب عشان نحن كبنات من ناحية سايكولوجية معروفين بانه جانبنا العاطفي بيضطرب من اقل كلمتين حلوين لازم نحاول نعمل كنترول من الناحية دي الكلام ما كفاية و مرات حتى الافعال ما كفاية لازم الواحدة فينا تكون قادرة تميز الصالح من الطالح حواليها و تدعي ربها في لحظة يكشف عنها اي شخص سئ في حياتها و لو كنت الشخص السئ اهديني يا رب 💙.
كبت الضغط ما هين ، البيت ، الدراسة او الشغل او مرات الاتنين سواا ، الصحبات ، اذا مرتبط الحبيب ضغط نوعا ما و عدمه مرات بكون ضغط ، لسا ما جاك عريس و الحقي رقبتك قطرك ما يفوت و ضغوطات كتيرة في حياتنا دي بتخلينا نكون منفسنات ، لكن دا ما عذر عشان انتِ بت تتعلمي كيف تعملي كنترول و تبدي بقاعدة مهمة " ما تربطي مزاجك بإنسان عشان وجوده او عدمه يأثر عليك " 💙.
عشان انتِ بت عيشي ملكة لأنه دا حقك أنت جميلة بكل حالاتك ضعيفة ، سمينة ، سمراء ، قمحية ، بيضاء ، بعيون سوداء ، بنية ، طويلة ، قصيرة و بكل أشكالنا حبي نفسك زي ما أنتِ و أتألقي قدر ما الله ختا فيك قدرة عشان أناِ بت 💙.
#حب_نفسك_ياخ
#شمس_الصافي

240 viewsAfoor💜🔥, 14:51