‏كانت تُنجينا صلواتنا و دعواتنا في كل الفترات التي ظننّا أنها لن تمُرّ...✨

ماذا عن صديقٍ قائم
يغفِر الله لصديقه النائم
كيف ذلك !

قالَ كعبُ الأحبار: "رُبَّ قائِمٍ مَشكورٌ لَهُ، وَنائِمٍ مَغفورٌ لَهُ،
وذلكَ أنَّ الرَّجُلَين يَتَحَابَّانِ فِي الله، فَقَامَ أحَدُهُما يُصَلِّي فَرَضِيَ اللهُ صَلاتَهُ وَدُعاءَه، فَلَم يَرُدَّ عليهِ من دُعائِهِ شيئًا، فَذَكَرَ أخاهُ في دُعائِه مِنَ الليل، فَقَال:

يا ربُّ، أخِي فُلان اغفِر لَه؛ فَغَفَرَ اللهُ لَهُ وَهُوَ نائِم!.

تنام باكياً يائساً منقبض القلب ، فتستيقظ منشرح الصدر قرير العين لا تدري ما السبب !
إنها دعوةٌ بظهر الغيب صعدت باسمك
في قيامِ عبدٍ صالح
‏
‏الحُبُّ في اللهِ احتواء !

اللهم اجعل لنا صُحبةً نعلو بها ، وتشد أزرنا بدعوات قبلتها.،،.
*ادعوا لبعضكم البعض فلا تدرون من ايكم يتقبل*

اسأل الله أن يوفقك لدعوة صالحة في *ساعة استجابة* ، تُحقق أحلامك ، ويبلغك الكريم بها طموحاتك ، *ويسعدك بها في دنياك وأخراك*

#بدون_هدف••

● بقَدر ما إنو البلَد دي ملانة ناس طمُوحين وعندهم أهداف ومخططات كتِير ، بقدر ما إنها ملانة بنفس القَدر بناس ما عندهُم هدف بعينَو .. وإنما ماشين مع تيَار الحياة يوديهم محل ما يودِيهم!
هل سألت نفسك في يوم من الأيام..
- أنا شنو هدفِي في الحياة .. (هدف واضِح كدا زي الشمِس)!؟
- شايِف نفسك وين بعد 5 سنة ، 10 سنة لقِدَام؟
- شغّال علي هدفَك وكل يوم بتقرّب منو سنتمرين تلاتة ولا قاعِد تتمنّى وبَس؟
- وقتك مقضيهو في شنو؟

للأسَف الشديد مرات تدخُل أي تجمُّع شبابِي -طلابي خلينا نقول- وتمسك واحِد منهم كدا وتسألو -هدفك شنو في الحياة دِي ، عايش لشنو؟-
يقول ليك :
(والله يعني ما عندي هدف معين كدا) ويقوم يلطشك بإجابة كدا سطحية تنسيك سؤالك زاتو
وفي ناس عديل ما عارفين يعني شنو يكون عندك هدف!
ولما تلقى ناس تجاوبك صاح الواحد يقول مثلاً :
هدفي حالياً أكون متفوق دراسياً
طيب يا سيدي وبعد تتفوق دراسياً ؟
هدفي إني أكون إنسان ناجح!
(هدف مفتُوح كدا ما محدّد ) ..
لو سألتو تاني يعني شنو إنسان ناجِح ؟ وياتو نجاح الفي بالك بالتحدِيد! ، النجاح بالنسبة ليك شنو؟
ممكن لو سألتو كدا يسكُت والله!
ما طلبة الجامعات بس .. القائِمة طويلَة شديد..
كل الناس تقريباً عندها أهداف بس في نفس الوقت ما عندهَا (بإختصار الهدف برّاق والمحتوى فارغ!)
وفي ناس والله ماشين ساي بس ياكلوا ويشربوا وينوموا ويفعلوا خدمة نت وينتهي يومهم بين هنا وهنا وهنا..
سيدنَا عُمر بن الخطّاب قال مقُولة بتشبه واقعنَا الحالي لدرجة بعيدة :
(إنِّي لأكرهُ أن أرى أحدكُم سبهللاً - أي فارِغاً لاهياً لا في عملِ الدُنيا ولا فِي عمل الآخِرة-)
يعني الواحد يكون ماشِي ساي في الدنيا دي لا شغال في حاجة تنفعو في الدنيا ولا حتى في الآخرة
كلو محسُوب من عُمرنا .. وكل يوم ساعتنَا تنقُص

•••

●أجمل تعريف للأهداف لاقاني كان للدكتور إبراهيم الودعان :
(هي النتائج المطلُوب تحقيقها في المُستقبَل ، وهي الطُموحات التي تنتشلُ الإنسان البسِيط لأن يكونَ شيئاً يُذكَر)
الهدف دا ممكن يكُون دنيوي أو أخروي وممكن يكون الإتنين وعلى كل حال إذا كان ينفع البشرية والناس فأكيد حينفعك دنيا وآخرة
تقرِيباً معظم حياة النّاس عبارَة حياة عادية وروتِين ثابت..
يصحى الصبَاح ، يمش الشُغل/الجامعَة ، يرجَع ، ينُوم ، يتغدى ، يطلع لأصحابو ، يجي يتمهَا تلفون ، بلايستيشن ، قهوة وونسات و.... بح اليوم إنتهَى ، وبكرة نفس الإسطوانة!
ولا حتى رياضة مفيدة للجسم ماف ولا حتى كتاب يفتح بيهو عقلو شوية ماف!!!
رحم الله الحسن البصرِي حين قال :
"إنما أنتَ أيامٌ مجمُوعة ، كُلّما ذهب يوم ذهبَ بعضُك"
وين طاعاتك الحتقابل بيها ربنَا؟ ، وين بصمتَك في الحياة؟ ، وين صلتك لأرحامك؟ ، حتعمل شنو بعد تتخرج من الجامعة؟ ، حتتصرف كيف لو ما لقيت شغل في مجالك؟ ، حتقدم شنو للبشرية؟ ، أسئلة كتيرة مفروض نبدأ نسألها لروحنا من هسي..

•••

● في دراسَة إتعملت قبل فترَة -على أساس إنو متوسّط أعمار البشرية بقى بين الـ60 والـ70 سنة) ، الدراسة دي عاملة إحصائية ممتازة للوقت لمن تخليك تستغرَب زاتو
مفادها إنو لو أخدنا 5 دقائق من كل يوم في عمرَك (اللي هو مفترض إنو في حدود ال70 مثلاً) فهي بتساوي 3 شهُور من إجمالي عمرك الكلي!
ولو أخدنا ساعة من كل يوم فهي بتساوِي 3 سنوات من إجمالي عمرك .. وهكذا
إتخيل كمية الوقت المُهدَر من حياتَك ، كل دقيقة بتفرق ، كل ثانية!
جدول معظم النَاس -العادية- كالآتي :
7 ساعات نوم
ساعتين مواصلات
3 ساعات ما بين تلفزيون - جوال - بلايستيش - فيديو قيم - ونسات - طلعات...إلخ
ساعة ونص وجبات (شاي - فطور - غداء - عشاء)
8 ساعات في مكان العمل
ساعتين راحة
إجمالي الوقت المُستهلك = 22 ساعة
فضلو ساعتين بس ديل ياهم الباقيات لربنَا (صلاة ، وذكر وغيرو)
وإجمالي الساعتين ديل من عمرك -الـ70- دا كلو هم 4سنوات بس ، 4 سنوات لربنا!!!!
دي كارثة أوقسم بالله ، كارثة!
ما قلنا الواحد يعتكف ويقعد يتعبّد بس وإنما نحن محتاجين نحاسب نفسنا وننتبه لوقتنا ونجدد النية لكل عمل بنعملو عشان نخلي كل عادة في حياتنا عبادَة
عشان تتوسَّع دائِرة العبادة الضيقة دي في حياتنَا

•••

وفي معظم كتب إدارة الوقت المرت عليّ كانت فكرة معينة بتتكرر وهي إنو في موقفين حيندم عليهم كلّ إنسان
- الموقف الأول :
"ساعة الإختضار "
(الواحد يتمنى يرجع الدنيا ولو لحظَة يذكر فيها ربنا أو يعمل فيها خير ولكن .. هيهَات)
- والموقف التانِي :
"عندما تُوفَّى كل نفسٍ ما كسبَت "
(الواحد بعد ما يشوف ناس ربما أدنى منه مرتبةً في الدنيا ولكن أعلى منه مراتب في الجنّة يقول يا ليتني قدمت لآخرتِي ، يا ليتنِي ذكرت الله أكثر وصليت أكثر وعملت وفعلت ، أما وطبعاً اللي في النار فهُو حيكون ندمان على حياتو كلها أصلاً )
حرفياً مافي شئ

بيضع هباءً وماف دقيقة بتمُر غير ما تكون لينَا أو علينَا! وكفاية النبي عليه الصّلاة والسّلام بيقول :
(لا تزولُ قدَمَا عبدٍ يوم القيامةِ حتى يُسأل عن أربع خِصال : عن عمرهُ فيما أفنَاه؟ ، وعن شبابه فِيما أبلاه؟ ، وعن ماله من أينَ اكتسبَه وفيمَ أنفقهُ ؟ وعن عِلمه ماذا عمِل فيه؟)

- البوست دا لي وليكُم وعشان أذكر نفسي وأذكركم ..
ما تخلوا الوقت يضيع ساي إن شاء الله تستغفروا ولا تقروا كتب ولا تعملوا أي حاجة تصب في صالح دنياكم وأخراكُم
كتير الكُتب الإتكتبت عن فن إدارة الوقت وعن كيف نستثمر الوقت بس لسه كل واحد فينا بضيعو ..
ولسه الـ24 ساعة حقتنا ملانة رغم إنها فاضية!
(بمناسبة الوقت فالأيامات دي مهمة شديد ، ما تنسونا من الدعوات عسى الله يبلِّغنا وإياكم ليلة القدر🌼)
#مريم_الشيخ⌛💛

اقروهو بكل حواسكم ❤️✨

‏عمرك ماتعتذر عن التغير الحصل في شخصيتك بعد ماتكسرك الدنيا أو بعد خسارات كبيرة من حقك تعيد تشكيل نفسك بالطريقة البتناسبك وتغير قناعاتك وتعيد ترتيب أماكن ناس في حياتك من حقك تنقذ نفسك بالطريقة البتناسبك طالما مابتضر زول بدون ماتبرر لزول سبب تغيرك✨

إنك أنا رغم المسافة ورغما عني ورغم كل شيء ..💜✨

كان الله معي حيّن لم أكن أستحق ذلك..💜✨

‏"لكنك لا تفهم معنى أن يختارك أحدهم، وهو يقاوم خوفه من تكرار الخيبات...

يُجازيك الله على صدقك ، وسلامة قلبك، وصفاء نيّتك، وتمنّيك الخير لغيرك ، فتجدهُ يُسخِّر لك الأحداث، والمواقف ، والأشخاص من حيث لا تحتسب ، وتجد الخير يسعى إليك من حيث لم تطلبه ، ذلك أن الله صدَق وعدهُ إذ قال: "إن يعلم الله في قلوبكم خيرًا يؤتكم خيرًا ⁦💜

‏إفرحوا لأنكُم بخير ، ولأنكُم كنتم جيّدون ، ولأنكُم تندمون على بعض سوء تصرفاتكُم ، وأنكُم تحاسبون أنفسكُم وتتجددون ، أنتم تغسلون قلبكُم دومًا وهذا جيّد ، لكن إياكُم أن تندموا على فعل خير ، أو حديث خير ، أو نظرة خير ، الخير دائمًا يُغذي روحكُم ويعود إليكُم❤️.

اللهم إن لم أكن أهلًا أن أبلغ رحمتك، فإنّ رحمتك أهلٌ أن تبلّغني.
رحمتك وسعت كل شيء وأنا شيء؛ فلتسعني رحمتك يا أرحم الأرحمين! ") ❤

- عُمَر بن عبدالعزيز.

‏سُئِلَ الإمامُ أحمد بن حنبل :
كيف السبيلُ الى السَّلامةِ من النَّاسِ ؟
فأجاب :
تعطيهم ولا تأخذ منهم
ويؤذونك ولا تُؤذِهم
وتقضِي مصالحهم ولا تكلفهم بقضاءِ مصالحك

قيل له : انها صعبة يا إمام ؟
قال : وليتك تسلم !❤️🚶‍♀

إن بكى صاحبي أبكاني، و إن ضحك
‏أصبح لي من العمر عمر ثاني..💜✨

-
أحد المهتمين بالفيزياء كتبَ مرةً:
"الضوء ينتقلُ أسرعَ من الصوت لذلكَ ترى العديد من الناس لامعين، قبلَ أن يتكلموا " ❤️

‏اطمئن ؛ ليس من بعد العسر إلا اليسر ، ولا يغلق الله بابًا إلا و يفتح خيرًا منه ، وإن ضاق بك الحال فتذكر أن غيرك يحلم ببعضه فالحمدلله على كل شيء❤️

اقم الدعاء لي كلما فقدتني💜✨

‏انا بحب راحه نفسي جداً ، وكلمة "ما ارتحت" بالنسبه لي رد مقنع وكافي على سؤال عملت كدا ليه ؟

بسمِ الله أستعيدُ بِها شَغفي ؛ بسمِ اللهِ نهوضًا لا تعثُّرَ بعده 💜🔥

‏ابتعد قليلًا..
و اطلب من الله ترتيبك و اشدُدْ على قلبك فالأيام عجاف
ولا تخف و اتكئ بكُلِّك على ربِّ الفلق
فإنَّ الله لا يخذُل من صدق 💜✨