هل ضر هذا الكون نبض لقائنا ؟!
أم أن هذا الحزن أدمن أضلعي

قل للمسافات البعيدة بيننا
أرجو بحق الله أن تتواضعي✨

"يا صديقي إن كانوا معك فأنا معك، وإن ذهبوا فأنا معك، وإن ذهَبت سأظل انتظر لأكون معك."✨

الله يرضى عنك،ما تنشري صورك على السوشيل ميديا،حتى لو في قروبات بنات،عشان انتِ أكيد عارفة اللي ح أقولو ليك دا، لكن؛"ذكِّر فإنَّ الذِكرى تنفعُ المُؤمنين" ..
أولاً؛ البنات ديل بتعرفيهم انتي؟ حتى لو بتعرفيهم بتثقي فيهم؟
( ما تثقي في زول) .
انتِ عارفة موضوع إنو في بنات بستغلوا صور غيرهم،عشان (يربِّطوا) مع أولاد،ومعليش على اللفظ دا -يربِّطوا-، بس دي حقيقة يعني!
الواحدة بتكون غاشَّة المخلوق بصور أصلاً ما حقَّتها،ودا طبعاً بيدُل على دمار أخلاقي ونِفاق ما عادي! ،وأكيد وبلا شك علاقات زي دي عابرة،وبس عشان قلة أدب ويملوا فراغهم ما أكتر ("
وانتِ ح تكوني الضَحِيَّة طبعاً، وإذا افترضنا الولد عرِف إنو البت دي ما عايزاه،وعايزة تستغنى عنو،لما عمل فيها جادي وجاي باب بيتهم ( دا لو هو ذاتو كان جادي يعني) أو لأي سبب من الأسباب؛ح تنسحب منو تكتيكياً،و ح تبلكو في أي مكان،و لحد هنا نحن حلوين ! ،بس الما ح نكون فيو حلوين،إنو ممكن يكون إنسان ما عندو ذمة زيها كدا،ويشيل الصور الرسلتها ليو،بي فهم يفضحها وبتاع،وينزلها على السوشيل ميديا أو أي مكان،وفي الحقيقة الصُّوَر حقَّتِك انتِ المسكينة الما جايبة خبر!
وهناية ديك بتكون مستكينة وما شايلة هَم! ،وانتِ هنا تتدردقي والأرض ما توسعِك!
وأرجي الراجيك. "الله يكفيكن الشر"

ثانياً : ما تجي تقولي:"أنا حُرَّة"،أنزِّل صوري وين ما عايزة،وماف زول ليو حق يشيلها ويستخدمها في أي شئ بدون إذني!
دقيقة دقيقة،النخُت التلفون ..
وهاك الصفقة دي! 👏🔥

شوفي يا جميلة!
انتِ مسؤولة عن أي تصرُّف بتتصرَّفيه،ما تقولي لي ماف زول من حقو يعمل،ولا في زول من حقو يفعل!
وما ح أقول ليك من حقو يعمل ويفعل،بس انتِ اللي أديتيه مجال،وفتحتي ليو الطريق للممكن يحصل،او فتحتي ليها الطريق لو كانت بِت !

فلو عايزة تنشري صورك بملابس البيت،شعرك فاكي،أو حتى بي حجابك يعني،في القروبات اللي بحجة إنها كلها بنات دي؛ أنشريها طيب ،على كيفك !
بس أي شئ يحصل بعد داك بسبب الصور البتنزليها دي؛ انتِ اللي تتحملي نتيجتو،انتِ وبس..!
كلامي دا ممكن يكون حار،وما واقع ليك،بس كدي اتخيَّلي معاي لو حصل ونزلتي صورك،وحصل القلناه فوق دا كلو، واتخيَّلي لو ما نزلتي صورك!
شايفة الفرق!
شايفة إنك ح تكوني اتَّقيتي شَر قدر شنو عليك الله؟

المهم تيك كير والله..
انتِ ما عايشة حول أسرتك،دا مجتمع كامل،و الخطر فيهو أكتر من الأمان..

من الآخر كدا :
"غيري على نفسك شديد وحبيها شديد،لأنها بتستاهل"❤

من فترة اقتنعت انو في مرحلهه ما بتصلها انت بتلقى انك مرُهق ومكبوت ومضغوط نفسياً وبتصل لقناعه انو الحاجه الهي سبب في حالتك دي قدامك خيارين علشان تتجاوزها :

تبعد من سكات وانت على نفس الحاله وشايل في قلبك و...الخ✅✖

تبين الحاجه الفي نفسك دي للزول المعني بيها حتى لو م صارحتو بشكل مباشر بتلجأ لطريقه تكون اقرب من انها مباشرة سواء كانت تلميح او غيرو وبعدها بتعتمد على ردة فعلو ومدى تجاوبو معاك في اتخاذ قرارك ودة اسلم حل ممكن تعملو في حق نفسك لييهه؟✅

علشان على الاقل هتكون راضي ومافي ادنى شك من الهتعملو بعدها،حتكون مقتنع تماماً بالانت هتعملو سواء كان انسحاب او تمسك،الصراحه والتعبير واحدة من الحجات الممكن نعتبرها متطلبات مرحله ومنقذهه لعلاقه كامله او منقذهه ليك انت زاتك من حاله ممكن تتفاقم لو فضلته متقوقع جواها كدة بدون مواجهه ...💅💔

ادي نفسك حقها في التعبير وتقبل ردة الفعل بإيجابيه ،اتحررو من انصاف العلاقات المهُلكه للروح،في الاخير كونك بقيت واضح علشان عايز تكون على نور دي م حاجه تتعاب بيها وتتحسب عليك ابداً لأنو في كل الاحوال كل زول بياخد نصيبو من المكتوب ليهو وماف زول بياخد رزق زول ابداً ودي حاجه ممكن يستصعب فهمها على بعض الفئات اللي دايماً شايفه انو دي حاجه ممكن تقلل منك ،عارف هي ممكن تتحسب انها حتقلل منك متين؟لما الطرف التاني يكون فكرو عقيم واندر إيج الحته دي بترجعنا لنقطه "إختيارراتك"*💅💛

وبس يعني❤

ترو ❤️🔥
بعد تصارح بالفي نفسك والشايلو على زول بتحس براحة م طبيعية بغض النظر عن ردة فعلو ❤️✨ اللي هو الموضوع طلع من دائرة كلام في نفسك ومتقل عليك لي دائرة تصرفاتو وافعالو وحجم قيمتك عندو ❤️🙌

كان أكثر مشهدا حزينا وأنا أراك تغادر دفعة واحده تاركا كل شيء...حتى أنا

‏أعرف جيداً ماذا يعني أن أحبك
في حين أن كل ماحولي وحولك يدفعني إلى طي هذا الحب🚶‍♀

يخيفني أن يبقى هذا الاشتياق للأبد..

خليك دايما عارف قيمتك جداً...وابقى ب المكان البستحقك وبس...وبلاش تدخل في علاقات بتستنزف طاقتك وجهدك وتشيل منك ابتسامتك...و إنسحب من كل نقاش يقلل من إحترامك وجهدك حتى لو كنت انت الصح...م تخلي زول يتلاعب بمشاعرك ولا يديك أقل من حقك... وفوق البحصل دا كلو أنت بتستحق الاحسن في حياتك... بتستاهل تضحك وكتير كمان ... لانك جازفت بكل شي في يدك عشان راحتك م عشان زول... خليك زي ما بتحب انت...اعمل اي شي نفسك فيه...عيش حياتك مبتسم وراضي علي روحك...م تعيشها كلها نقاشات وشكل وزعل وياريت... لانو أنت براك بتقدر تصنع سعادتك ونجاحك تحت كل الظروف
🌸🖤 *لانك اقوى ولانك بتستاهل اكتر*🌸🖤

"الآباء لا يموتون، هم فقط يختبؤون ثم ينظرون من بعيد ليروا كيف سنعتمد على أنفسنا بدونهم" ،

قالتها فتاة صغيرة لتواسي أخيها الأصغر!

اللهم إننا نعوذ بك من فواجع الأقدار ومن فقد الأهل والأحبه ومن حزن القلب وحرقة الشعور نستودعك أنفسنا وأهلينا ومن نحب أحفظ بحفظك إنك قريب مجيب..💜✨

رايكم شنو ننزل كل يوم حلقة من برنامج "قلبي اطمأن!؟؟

الحلقة 2💜✨

إذا حسيت بأنها خلاص ضاقت عليك اتذكّر كلام الشَّيخ الشَّعراوِي لمّا قال :
"إِذا رَأيتُم الكَرب يَشتَد، فَـ اعلَموا أنَّ فرَج اللّٰه قَريب .. هانَت هانَت 💙.."

‏"نحن الذين لا نملكُ
من الأمر شيئاً إلا الدُّعاء
فيا الله :
لا ترُدَّنا خائبين !" ❤️🙌✨

‏محتاجين نواظب علي الدعاء ده "اللهم إني أعوذ بك من فواجع الأقدار، ومن فقد الأهل، ومن حزن القلب، وحرقة الشعور، اللهم إني استودعتك نفسي، وأهلي ومن أحب."❤️

‏قال الشعراوي إذا أحببت شيئاً فاسجد و قل
" ربي إني أحببت شئ فأرني عجائب قدرتك فيما أحببت "💜✨

عايزه اقول كلام كتير بس ركزو معاي حبه..

يسعدني اقول ليكم انه الحياه المثاليه دي في مكانين بس، وهم في راسكم ده وفي السوشيال ميديا..

مافي زول بيصحى كل يوم من الصباح بيقول مرحبا ايتها الحياه الجميله، وبيشرب شاي على البلكونه وبيسمع فيروز، خصوصا في السودان..
لأنك غالبا حتلقى الكهربا قاطعه، والمويه كمان وحتصحى وانت سابي ومسخن والضبان عامل حفله في وشك..

شكلنا في صور الانستقرام وشكل الناس ما بيمثلهم، ف ما تتفسنو ساي
.. الصور دي بتزبط بعد كميه فلاتر ما طبيعيه وبعد الف صوره شينه بنمسحها..
كلنا في البيت مبشتنين، وبنلبس هدوم كل قطعه من بلد وايام كتيره ما بنسرح شعرنا..
لمن يجي عرس ولا مناسبه مرات كتيره ما بنلقى هدوم ف بنشد من اصحابنا
بنتعب لمن نطلع ونتصور في مكان غالي علشان غالبا بنقعد فتره طويله مفلسين.. دي الحقيقه، ده الجزء من الصوره الما ظاهر

العلاقات المثاليه دي موجوده في الأفلام والسوشيال ميديا برضو،
كلنا عندنا مشاكل بدايه من الأهل، الاصحاب، المعارف..
مشاكل مننا نحن ، من عيوبنا وعقدنا واغلاطنا قبل ما تكون منهم.
كلنا مليانين عيوب وعاهات، وكل الناس في جوانب كتيره مفقوده في حياتها، بس اهو كل زول بيحاول يظهر السمح الفي حياته
نتصور كم صوره زابطه وقلوب موزعه وهاشتاق بكلام جميل
..علشان انت تفتح التايملاين وتقعد تتحسر على حياتك البائسه الفاضيه والناس قاعده بتتبسط وتنجز وتفرح الا انت ده ..

قلت الكلام الفوق ده علشان حاجه واحده..
في فيلم اسمه wounder اتقال فيه مقطع..
"be kind for everyone is fighting a hard battle"
بمعنى خليك طيب وعطوف مع الكل لانه كل انسان بيحارب في معركه في الدنيا دي..

بس انه بقول انه الأهم من انك تخليك عطوف مع الناس، انك تعطف على نفسك لانك حقيقي fighting a hard battle..
معركه بتخوضها مع نفسك قبل ما تكون مع الناس..
معركه مع المجتمع اللي خاتي ليك مقاييس لحياتك، وللصح ولو شذيت عنها يبقى تعيش وانت كاره نفسك.
معركه مضطر تكون فيها دايما fake دايمآ تقليد، نسخه عن نفسك ما بتشبهك، وبعد تصل عمر معين تبدا تسال نفسك سؤال وجيه "انا منو؟"

لي زمن طويل شديد
كان عندي مشكله تقبل..
تقبل لي روحي انها ممكن تغلط، وانه الحياه ممكن ما تجي زي ما انا عايزه
دايما كنت عايزه اكون مثاليه، او " اظهر" اني مثاليه..
كنت عايزه اي شي في حياتي يمشي بصوره ممتازه ورهيبه، بدون ااي غلطه
ولو حصلت غلطه تكون من الناس ما مني !

لحدي ما في فتره روحي بدت تتمرد، بدت تغلط
كأنها بتديني مثاليتي دي في فتيل وبتقول لي عيشي الواقع حبه، عيشي نقصك حبه انتي ما ملاك، وحقيقه الفتره ديك بقدر ما اتاذيت فيها بسبب تصرفاتي اللي انا ما فاهمه انا بعمل كده ليه علمتني حاجات كتيره شديد..

اتعلمت انه ربنا خلقنا ناقصين لي حكم كتيره شديد، وحرام اننا ندعي الكمال او عايزين نقرب منه..
اننا بناذي وبنغش وبنكذب وبنغلط وبنضعف وبنبكي وبنتجرس..
اننا الخاينين والكذابين والبياعين في قصص ناس كتار ، وممكن جدا يكون كلامهم صح..
لكن علشان مافي زول بيتقبلنا، ف نحن زاتنا ما اتقبلنا روحنا وسترنا وغطينا على نقصها.
ونلف نلف بعد كم سنه تاني نسال سؤال " انا منو؟"
هل انا كويس ولا كعب؟

انا ما عارفه نحن عايزين نصل لي شنو، بس عارفه انه الكون اتحول لي دايره من اللوم والمطاعنه وال كثير من ال fake
بنطلع عيوب الناس شديد ونعيش في دور المجروح علشان بيننا وبين نفسنا نبرر لي نقصنا واننا ما برانا.. بتبسط لمن الناس تغلط علينا اكتر من لمن يبسطونا.. علشان بيحسسونا اننا كويسين..

الحياه ما مثاليه ولا حتكون ، ولا انت
ما ضروري تكون صح دايمآ، خليك حقيقي بس، حتى لو على الاقل قدام نفسك بس..
الحياه عباره عن لحظات تعب وارهاق وزعل ومعاناه علشان تعيش، ده الواقع.
علشان كده لمن تجيك اوقات الفرح، عيشها بتفاصيلها وافرح..
ادي الفرح حقو زي ما بتدي الزعل..
اتقبل تناقض الحياه ده، واعرف انه الصعب حيجي بعديه حلو والعكس،
واستمتع في كل الأحوال، حتى لو بالتعب.. اتقبلو وعيشو ده جزء من حياتك مفروض يتعاش ... كل الناس عايشه كده ما انت براك

وبعد كل النقه دي عايزه اقول ليك
هون على نفسك، ما لازم تكون صح دايما، ما لازم تعجب دايما والناس تصفق ليك وتختك مثال للصح..
خليك انت بس، حقيقي وواضح مع نفسك
وقتها يادوب حتقدر تغير فيها لو عايز ❤️
#منقول

‏انا حاسه انو تاني مافي جامعة ابدا والله يكضب الشينه🐸🚶‍♀

ابوس دماغك م تحسي تاني 🐸💦
ربنا يرفع عننا البلاء ويحفظنا 🙌❤️

م قدرش يخ😂😂😂
+ امين امين