فأصحله وأصلحني فنلتقي صالحين💜✨

المريود كان بقول في التخلي محبه..💜✨

قالت لي كيف نستقبل الحاجات البتجي متاخره...!؟
كيف نتقبلاا اساسا...؟! اصلاا فقدنا شعورنا ليهاا
ولهفتنا عليهاا.....م محتاحين ليها....انتظرنها لمن اكتفينا منها ...بقي في عدم احتياج ليهاا
وليه نقبل تبرير جاء متأخر
جاء بعد م خلصنا زعل
ونقبل اعتذار متأخر بعد ما هلكنا من التفكير
واعتراف متأخر بعد ما يأسنا
واهتمام متأخر بعد ما خلصو اي شي و لقو ماف غيرنا 💔🚶🏻‍♀

"لأنكِ كُل الإنتباه، أنا لا أُجيد الإلتفات إلا لكِ." ♥️

‏"إنكِ السبب الأول الذي يدفعني للإستمرار حتى الآن، أنتِ لستِ خطة ثانوية أو ممر جانبي .. أنتِ الطريق." ♥️

" و الإنسان في حاجة في بعض الأحيان لأن يخلو إلى نفسه و يجلس معها على انفراد. قد يكون لقاء مصالحة أو جلسة محاكمة أو بعضا من عتاب. المهم أن يجلس مع نفسه، و ينتزعها من بين الناس، و يستخلصها من أوحال الحياة و مستنقعات الزمن. يزيل عنها تراكمات الأتربة التي تعلق بها كل يوم، يحاول أن يفتش فيها عن ذلك الضوء القديم الذي يختفي شيئا فشيئاً و يتضاءل يوماً بعد يوم ”💜

– فاروق جويدة.

الدعاء طمأنينة يا حمزة ، طمأنينة لا تتعلق بالإجابة بقدر ما تتعلق بالشعور الآمن بمعية الله حين تشاركه مخاوفك، وتطلعه على ضعفك الذي تخشى أن يتكشف للناس ، ثمة شيء في الدعاء يجعلنا نتعافى من متاعبنا بمجرد أن نرفعه إلى السماء .💜✨

نطفة /أدهم شرقاوي

احتاج أن أهرب إليك..
واجدك...💔✨

حرفيا انا م عارفه العملتو اصلا شان توصلني الدعوه الجميله دي في الزمن دا بذات ،يمكن الرساله دي خلتني اؤمن اكتر بي انو السعاده في تفاصيل صغيره ودعوات بتجينا من ناس حولنا في عز حوجتنا ليها ✨
السعاده وطيب الخاطر ممكن تكون بي حاجات بسيطه جدا ظاهريا بس جوانا بتخلي اثر طيب شديد💜✨

رسالة_بلغة_الشباب




~ ياخ انت مش قبيييل كنت (بتشاغل) ؛ وهسي (بتصلي) ؟؟ وعامل فيها (شيخ) 😏!
~ انتي مش (ما بتصافحي) ؟؟ طيب مش مفترض (تتنقبي) 😒😒!
يا تآخديو كلو يا #تخليو_كلو ! 😌😌

~ قلت لي (صايم) ؟؟ بعد عمايلك دي كلها و صايم ؟؟ 😕😕💔💔

#دقيقة_يا_اخوانا ✋😊

في مفهوم غلط ماشين بيو كمعتقد وكـ حاجة مسلّم بيها اللي هي "مدام انك عملت غلط فالمانع شنو انك تعمل #غلط تاني وتالت ورابع !!!" #الإتبلبل_يعوم 😃😃

اسمع #القصة_دي : 👇🏼❤

كان سهيل بن عمرو على سفر هو و زوجته.. وفي الطريق اعترضوهم قطاع الطرق واخدوا كل اللي معاهم من الأكل والقروش ؛ فاللصوص قعدوا يأكلوا الأكل المسروق ده فانتبه سهيل إنه قائد اللصوص قاعد بعيييد وما بياكل معاهم ؛ 😕 فاستغرب وسأله ليه ما شاركتهم الاكل؟ 😕 فاللص قال ليو إني #صائم 😌 !
استغرب #سهيل وقال ليو : تسرق و تصوم 😓؟؟؟

تتوقعو إجابتو كانت شنو ؟؟؟ 😊😊
قال ليو : إني أترك باباً بيني وبين الله لعلي #أدخل منه يوماً ☺!
متخيلين معاي ؟؟ وهو قائد اللصوص ؟
المهم بعدها بفترة ، #سهيل شاف اللص وهو في الحرم متعلق باستار الكعبة ، وبقى عابد زاهد ، ولمن شاف #سهيل وعرفه قال ليو :
"أورأيت من ترك بينه وبين الله باباً دخل منه يوماً "❤ 😍

#فـ_يا_اخوي_الحبيب_و_اختي_الغاليه ❤

~ حتى لو كنتو أصحاب #معصية معينة.. دا ما معناتو إنكم تطرقوا كل أبواب #المعاصي بحجة إنكم مذنبين أصلاً 😔

» اتخيل معاي إنك #بتمشي في عز النهار وفردة 👞 جزمتك اتقطعت ، #حترمي التانية برضو 👞 ؟ بحجة انو بدل #تتحرق رجل وحدة احسن يتحرقو الاتنين 😏 ؟؟؟

بل بالعكس 😊😊 ، #حتحاول بأقصى ما يمكن إنك #تصلح الفردة اللي اتقطعت ، وقاية #لرجلك من الشمس ! فضلا عن انه ترمي #السليمة ! 😉❤

#الخلاصــه ( الزيت) 😉
~ دايماً خلي في خط للرجعة ودايما خلي في خطة بديلة .. 🌸🌸
و خلونا #نبطل (نكسر مجاديف بعض).. ولو شفت صاحبك على طاعة شجعو وما #تحبطو ياخ 😍✌حتى لو كان مليان معاصي 😊 ..

#لا_تقطع_كل_الحبال_مع_الله 😍
#أورأيت_من_ترك_بينه_وبين_الله_بابا_مفتوحا_دخل_منه_يوما
منقول

" اللهم لا تأخذني عصيًا وخذني توابًا نقيًا آينما مت وكيفما مُت "❤️

سأخبرك شيئا يجعلك سعيدا دائما: لا تتوقف عن التحدث مع الله أبداً؛ أخبره عما ترغب به كل لحظه وليكن صوت يقينك أعلى من صوت لسانك .❤️⠀
صباح الخير جدا❤️

‏" بين مجموعة الأصدقاء هناك فردًا ينظر إلى داخلك، ليس كما يفعلون البقية." ♥️✨

كنت أشعر أن مهمتي الوحيدة هي النجاة مهما كلفني الأمر💜✨

تعالو يابنات اطلعكم شوية من جو الروايات واوريكم حاجات تانية ح تنفعكم اكتر،💙ممكن معظمكم عارفنها، بس حابه اشارككم بيها،💙(لو كانت رواية حب هسي كنتو اتلميتو،😂بس الجاي دة لمصلحتك والله💙)

#يلا تاقو صحباتكم عشان يستفيدو وتعالو لي جاي،وبصراحه البوست طويل بس حتحبوه رواية عديل😂😂💙

**دي حاجات خفيفه،ح تغير منك ومن شخصيتك ومن تعاملك وعلاقاتك مع الناس..
نبدا،💙
1/نبدا بعلاقتك بربك لانو دي الاهم، ما ح اوصيكم على صلواتكم وصيامكم وكده،لا دي حاجات مفروضه عليك ولازم تعمليها من تلقاء نفسك،💙،،في حاجات تاني،،مثلا:جربتي انك تصلي نوافل؟جربتي انك تظبطي منبهك على 2ص،وتقومي تصلي ركعتين؟طيب جربتي انك تقري كل يوم صفحه،او بعد كل صلاه تقري صفحه من القرآن؟جربتي انك كل ماتحصل ليك مشكله تبطلي تمشي للناس وتبكي ليهم،وتكتفي بالبكا والشكوى في مصلايتك لربك؟
=اقول ليك اذا ماجربتي الحاجات دي انتي فاااايتك كتير والله،الحاجات البسيطه دي ح تغير حياتك360درجه والله،وعن تجربه،جربي تعملي الحاجات دي، ماصعبه ولا كتيره عليك وعلى ربك،💙واصلي فيها اسبوع،اسبوع بس وانا اتحداك حياتك حتتصلح وح تبدي تشوفي تغير فيها،،وحتقولي هبة قالت،جربوها ،واحكمو،💙💙

2/نجي لعلاقتك بناس بيتكم،يلا دي انا بالنسبه لي قمه الصعوبه،😂وللان بحاول اصلح تعاملي معاهم بس ربنا يقدرني،،،نبدا بالام والاب...(ربنا يرحم كل ام واب ويصبر كل زول اتحرم منهم،💙)ديل تعاملهم خااااص وبحذر طبعا مامحتاجه اوريكم انو برضاهم حياتك حتكون جنة،وانو هم حيكونو سبب في دخولك الجنة بطاعتك ليهم،ف شنو الناس تحاول بقدر الاماكن تنتبه للتعامل معاهم،وتتذكر انو ذي مابتعاملهم حيجو اولادك ويعاملوك،💙😊بعد ده اي زول حر هو عايز اولادو يكونو 💙،،،الناس البترد على امهاتها البتزعلهم، ،البقولو امهاتهم م بحبوهم، ،وووووو(طبعا ماف شي اسمو ماف ناس كده لا في ناس بحسو بالحاجات دي وللاسف انا منهم)ايواا امك بتشاكلك بتزعلك بتجوط فيك ياخ بتضربك عديل،،،بس اسألي نفسك ،،امك الشالتك9شهور الربتك، كبرتك،حيكون عندها كره او عداوة معاك؟؟؟لا الاتحملتك لحدي م وصلتي السن ده حتجي تكون عايزه ليك شر؟؟كدي ختو الكلام ده في راسكم واحسبوها حتلقو انو ماف زول عايز ليكم الخير زيهم،ماف زول بهتم بيك زيهم،،اي نحن عندنا معظم الامهات السودانيات والاباء برضو م بظهرو حنيتهم،بكونو بطبعهم شديدين في التعامل والكلام،بس ده م يدل على انهم بكرهوكم او م بحسو،☺بس لو عاينتو في التفاصيل حتعرفو وتشوفو حبهم وحنيتهم،،اكبر مثال،،ابوك ده بتعب وبشقى عشان يأكلكم ويقريكم ومايحوجكم شي،ده م حب؟ده م اهتمام؟في زول حيعمل كده عشانكم غيرو؟؟طبعا لا،،،امك دي مهما كانت صعبه،،لو اتعودتي انك تتونسي او تجي تقعدي معاها كل مرة والتانيه حتلقيها حننننينه شديد،💙،،الحكايه ف الاول بتكون صعبه بس بالتكرعر بتكون ساهله وحتصلي لنتيجه حلو(وبرضو عن تجربه،💙😂) جربو وحتقولو هبة قالت،😊💙،،،كان نفسي انصحكم كيف تبطلو تتعصبو وكده بس للآن ده اكبر عيب فيني وم بقدر اتحكم في كلامي مع اي زول اذا عصبت،،بس بتتحلى ان شاء الله،💙
تعاملكم مع اخواتكم،،دي هنا الحاجه المعقده،😂😂ممكن يكون في بنات حلويين هم واخواتهم ،بس في كتار وانا منهم بالنسبه لي شي صعب،وعلاقتي معاهم كانت كككككعبه بصوره ماتتخيلوها،(حتستغربو اذا قلت انو انا واختي الاكبر مني م كان بينا ضحك ولا ونسه ولا حتى كلام ساي لمده4سنوات،☺💔اي جاده حياتنا كلها شكل بس وماف صلح بيناتنا حتى محاولات امي عشان تصلحنا مانفعت وماعارفه سبب الجفا كان شنو بس انا راسي قوي وهي اكتر)..يلا تعالو شوفو هسي،😂😂علاقتي بيها حلوة شديد والتعامل اتغير حتى بقينا نتعامل مع بعض بصوره حلوة،،اوريكم عملت شنو؟حاجه بسيطه، بقيت م بتناقش معاها م برد عليها بالشين ،والاهم اني بقيت بسألها من حاجات تخصني وتديني رأيها،،بتعامل معاها ببساطه وفجأه لقيت اننا بقينا نتكلم ونتعامل عادي مع بعض،☺💙شوفتوها ساهله وبسيطه كيف؟😂جربوها وحتقققولو هبه قالت،💙

#نجي لأهم نقطه واكبرها وهي تعاملك مع الناس عموما وعلاقاتك معاهم،انا بقول انها مهمه ليه؟لانو كل ماتكبري بتكوني محتاجه تطلعي وتتعاملي مع المجتمع،،اذا ف الجامعه او الشغل او حتى المناسبات والاهل.
المهم ابقو قراب وتابعوني وانا شويه و ح اجي اعدل ليكم النقطه دي لانها مهمه شديييد،💙
#تعديل
يلا نجي لعلاقتك بالناس:
علاقتك بالبنات،صحباتك او حتى زميلاتك، (شايفة بنات كتار بقولو صحباتهم طلعو خاينات وعملو وفعلو وتركو وم كانو محل ثقهو،و،و،)*ح اقول ليك بإختصار كل اللوم والعتب عليك اي عليك ماعليهم،😊انتي البتدي ثقتك بسهولة للناس فاانتي المتضرره،ما ح اقول ليك م تثقي لا،خلي في ثقه بس في حد المعقول اعرفي انو الناس ماكلها واحد في ناس بتتغير مع الزمت وبتتغير حسب حالتها النفسيه،في ناس بتكون قريبه منك شديد وفجأه بتبعد، ببعدو ليه؟؟نحن كعبين؟ لا م كعبين، ،الناس الببعدو فجأه ديل ي اصلا هم كان عندهم

مصلحه معينة ونالو وخلاص،ي انتو حسستوهم انهم م من اولوياتكم، انهم مهمشين،مرة تقيفو معاهم ومرة لا،😊مرة تجوهم وتشاركوهم الفرح والترح ومره لا،😊حسستوهم بعدم القيمة لما تعاملكم بقى مسيخ وختيتو ناس في محلهم،دة رأيي في الناس البحبو يبعدو اما في نوع(وده بمثلني شديد)لو حسو انهم تقال على الناس ببعدو طوالي مهما كانت مكانتك عندنا بمجرد مانحس اننا بقينا حمل تقيل حتى لو انت م بتشكي مننا نحن حنبعد،ماتعاتبونا على الشي ده،دة شي فينا. عشان كده طمنو بعض طمنو اصحابكم انكم سندهم دااايما طمنوهم انهم م حمل تقبل،عشان م تصحو وتلقوهم مشو، وفي ناس لو مشت مابترجع،ومابتتعوض😊💙،،
ماتخلي حياتك في متناول الجميع،يعني مااي من هب ودب يعرف تفاصيل حياتك،😒عبيطه انتي؟😒،،ياخ عندك صحبه قريبه واي شي بس برضو خلي ولو10%شي خاص بيك،😊شي مايعرفو غير،ماتخلي حياتك كتاب مفتوح كل الناس تقراه،حتكوني عرضه للخذلان والانكسار والله،خلي عندك شخصيه وحبه خصوصيه وقعت،😂💙

علاقتك بالاولاد،م ح اتفلسف فيها بس ح اقول ليك لو زميلك ده او صاحبك مااتعامل معاك ذي اختو وبدا يفلت في الكلام وبتاع، اخير تبعديه من حياتك،زي مابقولو ابعد من الشر وغنيلو (غني ليهو،😂💙)ماشفتنه منك لمن تصاحبي كميه من الاولاد ولا لمن تدرعي وبتاع دي قلت ادب مااكتر وذي مابقولو(هي البتوري الناس كيفنو شكل البيت الطلعت منو،😊💙)انتي بتعكسي بيتكم وتربيه امك وابوك،ياريت م تنزلي راسهم وتجيبي ليهم الشين هم مايستاهلو يطعن في عرضك وعرضهم بسبب اعمالك انتي ياواعيه ياكبيرة يامثقفة،😒💙
ونقطه مهمه وانتي طالعه من البيت ومتظبطه اتذكري انو ممكن ربنا ياخد امانتو في اي وقت،ف ياريت تطلعي في حال يرضي ربنا،حال ممكن تلاقي بيه ربنا وانتي مرتاحه،😊💙
*نجي للعلاقه الاخيرة،😂😂😂ناس الارتباطات والحب انا مااااح اقول ليكم شي غير:
انو انا اقتنعت انو:
البحبك بحبك في النور قدام الناس م من ورا الشاشه ح يسعى عشان يصلك بالحلال ،مايقعدو يوعدوكم بالكلام ساي.العمل ليه دور،
م ح اقول ليك حرام وبتاع ده شي برجع ليك بس:
بس في علاقتك دي خليك حريصه على نفسك،وما تعملي شي غلط تندمي عليه وتندمي اهلك معاك💙
اياااك تكتمي الجواك ابكي قدرتك بس م تضعفي قدام زول،💙
-الكلمه الطيبه م صعبه خليكم دايما حلوين مع الناس،شجعوهم وادعموهم،ماتسمعوهم الشي الكعب في ناس م بتنسى وبتتوجع بسبب الشي ده،وبأثر على شخصياتهم بطريقه سلبيه.ماتنسو انو حنموت وم حيفضل غير اثرنا وكلامنا والحاجات الخليناها في قلوب الناس،ف خلدو اثر جميل فيهم،💙
ماتنسو (الناس للناس)،ساندو بعض يخوانا، وماتنسو انتو بتاخدو من طباع اصحابكم ف اختارو صح،😊
وزي مابقول بجملتي الشهيره(م شهيرة ولاشي،
😂)كونو الملاذ لبعضكم فالعالم سيء بما يكفي.✨💙

اي حياتي مامثالية والله وفيها تعقيدات كتيرة،بس حبيت اشارككم بالحاجات الغيرت حياتي ونفعتني،💙وياريت تجربوها وح تنفعكم،ان شاء الله💙💙.
-الما استفادت من البوست تعفي لي ،☺ والاستفادت ياريت دعوة حلوة مااكتر،💙
في النهاية(شاكرون لمن علمونا بأن الفقد يجعلنا اقوى،💙)

#Hiba Elrasheed

ملاحظة كل البنات الفترة دي بقولو زهجانين وم عندهم شي يعملو ومنفسنات وم بعرف 😂❤
عايني حبيبتي م في شي بخليك تنفسني والله اوريك جدول كدة ظابط تملي بيهو وقت فراغك💛:
أول شي وأهم شي تقومي من الصباح وتصلي الصبح حااضر💜 وتقعدي في مصلايتك دي تستغفري وتصلي على النبي وتقري قرآن لحدي م الشمس تشرق .. بعدين امشي اعملي شوية تمارين رياضية وح تبقي نشيطة 💙 .. بعدين نضفي البيت وكان عندك شوية غسيل غسلي 💛... كان زهجتي ارتاحي شوية وشيلي تلفونك اقري رواية او اي شي❤ .. واقول ليك شي اي زول بسفهك اسفهيهو أضعاف واي زول بعاملك بي مزاجو افصليها طوالي💜✋ اي شي ولا نفسك انتي عظيمة 💛وانتي قوية وما تخلي شوية مشاكل تضعفي انتي اقوى من كدة💜 ... وبعدين تعالي اوريك انتي زي أختي اووعك ثم اووعك ثم اووعك تثقي في الاولاد ديل صدقيني غير النكد والبكاء والنفسنة م ح تلقي شي💛 واوريك م تقولي لي محترم وبتاع ومافي ولد محترم بطلب صورتك ولا رقمك خليك عارفة والشاريك بالجد وعاوزك بجيك بالباب عديلل💛💛 خليك صريحة دايما وما تخافي من اي زول وحافظي على صلواتك واوعك تثقي في زول سريع وتتعاملي معاهو براحتك 💛خليك مبسوطة دايما صدقيني في ناس عايشين على ضحكتك ومرة تانية انتي قوية وقوية وقوية جدا ❤❤❤🐾

" ما أضمر أحدٌ شيئًا، إلا ظهر في فلتات لسانه وصفحات وجهه. "
❤️
- الإمام علي بن أبي طالب

إحترموا عزلة البعض المؤقتة ورغبتهم بالإبتعاد عن للآخرين، ولا تكثروا الظنون أو تصدروا الشكوك، فجميعنا نحتاج إلى خلوة صادقة مع النفس..

اللهم يا مسهّل الشديد، ومليّن الحديد، ويا منجز الوعيد ويا من توكل كل يوم في أمر جديد، أخرج مرضانا ومرضى المسلمين من حلق الضيق إلى أوسع الطريق. اللهمّ ألبسه ثوب الصحّة والعافية عاجلًا غير آجلٍ يا أرحم الرّاحمين. أسأل الله العظيم رب العرش العظيم أن يشفيكِ وسائر مرضى المسلمين.


اللهمّ اشفه شفاءً ليس بعده سقمًا أبدًا، اللهمّ خذ بيده، اللهمّ احرسه بعينيك التّي لا تنام، واكفه بركنك الّذي لا يرام، واحفظه بعزّك الّذي لا يُضام، واكلأه في الّليل وفي النّهار، وارحمه بقدرتك عليه، أنت ثقته ورجاؤه، يا كاشف الهم، يا مُفرج الكرب، يا مُجيب دعوة المُضطرين.


اللهمّ ألبسه ثوب الصحّة والعافية عاجلًا غير آجل يا أرحم الراحمين، اللهمّ اشفه، اللهمّ اشفه، اللهمّ اشفه، اللهمّ آمين. اللهم اشفه شفاءً ليس بعده سقما أبدًا، اللهمّ خذ بيده، اللهمّ احرسه بعينيك الّتي لا تنام، واكفه بركنك الّذي لا يرام، واحفظه بعزّك الّذي لا يضام، واكلأه في الليل وفي النّهار، وارحمه بقدرتك عليه، أنت ثقته ورجاءه يا كاشف الهم، يا مفرج الكرب، يا مجيب دعوة المضطرّين.