‏أتمنى أن لا تنجو مني ومن أشيائي التي تبقيني مألوفا لديك وأن تتعثر بي دائما✨

بين كل فترة وفترة حااول اخد ليك قعدة مع نفسك .. اتفاهمو واتحااسبو ع الحصل ف الفترة دي .. ما تخلي الدنيا تشغلك عنك ولا الناس تشغلك عن نفسك .. نفسك كمان محتااجة إنك تديها جزء من زمنك..

اتذكرتك! ❤️

كل تَفاصيلنا الزمان، لما اكون زهجان زي هسي انتي كنتي الخيار الاول ..
طوالي باخد الاجراءات : كرت mtn ، انشط الخدمة و اضرب ليك " اريبا ربحانه مننا كتير خلاص ههههه " ~
اتذكرتك و انتي بتحكي لي تفاصيل يومك ، اتذكرتك و انتي بتستشيرني في كل شي ..
اتذكرتك و انا بتجدع فيك " ما تسوي ، ما تعملي "، و اتذكرتك و انتي بتسمعي كلامي ..
اتذكرت زعلتك لما قلت لك نحنا مفروض نبطل، لانو ده غلط و ربنا ما راضي عننا
كان فيني حماس كبير و يقين صادق انو ربنا ما ح يخذلنا، عاينت ل تلفوني و قارنت بين زمان و هسي التلفون الكان ما بسكت من رسايلك، هسي بقى ما بتجيهو غير رسالة " اوشك رصيد على الانتهاء " و رسالة " للحصول على انترنـت سريع " ..
ما بكذب عليك، نفسي اتصل، نفسي احكي
بس الوعد الوعدتو لربنا مانعني ..
انا ما ح اعصي ربنا عشانك، ولا انتي يرضيك كده صح ! ..
انا و انتي مصيرنا بيد ربنا سبحانه و تعالى ولو رضيناهو ح يرضينا ..
انا ما مشترط على ربنا يزوجك لي، انا لا اشترط على ربي ..
بس انا بدعي انو يجعل لي الخير، " و في نفسي كده بقول يجعل لي الخير فيك ^^ "
انا كويس الحمدالله، اموري ماشة
اوعا ترسلي لي، ح نرجع للصفر
انا اتغيرت كتير، بدل احكي في تلفون، بقيت احكي في مصلاية، بقيت ارتاح بي صوت القرآن ..
و ما تقولي علي متشدد، بالعكس
ياهو انا بتاع الضحك و الهظار داك زاتو، بس ربنا غالي، و السؤال صعب، و القبر ضيق، و الحساب عسير، و الجنة تستاهل
فالمبدأ الما ح اجامل فيهو !!
يا بالحلال ، يا بلاش
انا كتبت الكلام ده عشان اتذكرتك، و قربت اتصل، بس المنعني !
اني لما اتذكرتك، اتذكرت معاك :
" و بشر الصابرين " فَصبرت
و اتذكرت " و نهى النفس عن الهوى " فنهيت
و كل ما نفسي تقول لي ارجع، و عصفور في اليد ولا عشره في الشجرة، و تقول لي عيش اللحظة !
ح افتح سورة الاسراء و ح القى البثبتني في الايتين " 18 & 19 "
ابقي عشرة على نفسك
انا باقي عشرة على نفسي
و البقدمو ربنا خير
و انا صاح اتذكرتك !
بس ما معناها نسيت الله
انا كده مبسوط و الحمدالله ❤️

#محمد_عبدالرحمن
#حياتي_غير

إننا ننجو بالدُّعاء يا رِفاق ..
فمن كان لي عنده نصيبٌ من الحُب فليضُم اسمي في دعواتِه ..💜

" احذر عند قراءة الكتب الطبية فخطأ مطبعي
قد يسبب موتك!".

- مارك توين

‏"ياعبدي أنا معك ، إن جافوك فأنا حبيبك وإن آلموك فأنا طبيبك".❤️

وما الحب إلا لمن اتوا البيوت من أبوابها فاعزو مقامنا فاعززنا مقامهم
بقبول ولين...❤️🔥🙌

قبل كم يوم كانت عيانه هي ومر يوم كامل م سألت مني لمن رجعت رسلت لي وسألتني من حالي قلت ليها ي صحبتي انا المره دي فشلت اطلع من اكتئابي دا والله وبعدها م قدرت اتماسك وبكيت شدديد بحرقة 💔✨ "هي دايما كان بتحس بي لمن ابكي حتى لو م قلت ليها وأول جملة بتقولا بطلي بكى اول شان نتفاهم"✨
بعد قلت ليها الماره بي في اللحظه ديك اتوقعت ح تكتب لي جمل مواساة وتحاول تهديني كالعاده💜✨
بس كتبت لي جملة للان هي عالقة في راسي "ح نطلع منو الاكتئاب دا وح نتجاوز الفتره دي وح نكون احسن"

لحظتها وقفت بكاء وبقيت اعيد في قراية الجملة وافكر في اسلوب الجمع الكتبت بي الكلام💜💜✨
احساس عندك صاحب وسند يحس بالانت ماري بي وشايف حياتك هي حياتو ومشاكلك هي مشاكلو وماف فرق بينك وبينو وبين حياتو وحياتك ويكون معاك خطوه بخطوه ماسك يدك وعايش معاك كل لحظاتك الكعبه قبل السمحه ويفضل يحاول ينتشلك من حزنك بالغصب ولو م قدر يغرق معاك في حزنك ويقسمو معاك بالنص احساس م بتوصف💜💜✨
ونرجع نقول بتتجازف بالاصحاب💜✨
#ننوس

ونتكئ علي بعضنا ، حزنا وفرحا ، كرها وحبا ، شوقا ومقاطعه ونتكئ علي بعضنا ﻷننا بعضنا .❤️✨

بتذكر كنت ماره بي مشكله في يوم وهي منتظره الصباح يجي شان نتلاقى في الجامعة وتطمن علي انا حاولت اجمع قوه من ماف واكون قدامه عاديه شان م اقلقها علي وجيت وسلمت عليها وكنت عاديه قدامه بس لاحظت محاولتها لكم مره انها تراقب ملامحي شان تطمن وانا حسيت بانها بتراقبني وبعدها بكيت واتحججت بالامتحان والقرايه اللحظه ديك بس انا بكيت لأنها رغم اني قلت اني تمام بس هي لساها عايزه تتأكد💜💜💜💜✨✨
هي نعمتي واعوذ بالله من زوال النعم🚶‍♀

الواحد لمن يكون عندو اعاقة في التعبير عن المشاعر مشكلة والله 😂💔💔💔💔💔💔💔

انا م كنت واعيه وانا بكتب عنك🐸😂
واسي وعيت وبسحب كلامي فشنو امشياقرييلا😂🙌✨

انا زاتي قلت كده 🐸😂
كهرباء از قاطع 🐸💔💔💔💔

‏أرغب أن أكون كل ما لديك، أن أمنع عن قلبُك بؤس الحياة، و أن أحتضنك في كل مرة تعجز بها عن شرح ما بِك، أريد أن أكون معك كالظل، لا يفصلِنا عن بعضنا شيء ❤️

‏تخاف أن تجلب لنفسك ندماً آخر ، لذا يبدو لك الصمت أكثر صوابا✨

كان كل شئ حولي يغادر لم لا اغادر انا ايضا؟

كانَ الأمرُ نقلَةً ضخمه بالنِسبةِ لي
حرفُ الدَال الذي يسبقُ إسمِي يُشعرنِي بالمجد والفخَامة .. بالأفضليةِ أحياناً
إجابتِي التي أحفظها عن ظهرِ قلب كلّما يسألني أحدهُم عن تخصصّي
إجابَة يتمنى الكثيرينَ لو أنها تخصهُم
(أدرسُ في كلية الطِب..)
ردائِي الأبيض الذي أتجولُ به في الشارِع أو أحمله معي إلى المقهَى وكأنهُ سترَة سبايدرمان..
لا أخفيكُم سراً
يعجبني هذَا الأمر
أن أكون مصدر إنتباه الجميِع..
رؤية تلكَ الوجوه المنذهلة عندما أعالج الحالات الطارِئة في الأرصِفه .. تشعرني بالقُوة..
أما المسؤولية فطوال فترة الجامعة لم أكن أعرِف ماهيتها أبداً
لكنني إبتلعتُها بالتدرِيج
معَ مراجِع الطب الضخمَة ، بينَ الجثث ، وفي معامل التشرَيح وروائِح المستشفيات
كانَ الطِب بالنسبةِ لي لافته أختبئ أمامها بفَخر .. مجَالاً دخلته كَواجِهة إجتماعية وإرضاءً لغرورِ والدَيّ
لكننِي الآن وبعدَ 7 سنوات
فإن أيامي لا تمضي بإعتيادية قبلَ أن أمرَّ على طبيبي النفسَي في (نهاية الدوام)..
هل تعرِف ماهِية ذلكَ الشعور .. عندمَا تكون الأمل الآخير لأحدٍ ما ، عندمَا يعطَبُ قلبَ أحدهم ثم لا تستطيعُ إصلاحه -رغم أنكَ تعرف الطرِيقة- ، أن يموتُ شخصاً قد تشاركتَ معه لحظاته الآخيرَة من الحياة ، أن تحمِل الأخبارَ السيئة عدّةَ مراتٍ في اليوم...
ربما تأقلمتُ مع الوَضع
لكنني لم أنسى أبداً وجوه الأشخاص الذِين لم تعطني الحياةُ فرصةً لإنقاذهُم!
إن الشعُور بالذّنب مؤذٍ حقاً .. ينخرُ عقلكَ ثم يترككَ تحت رحمةِ الإحتمالات
لو أنني فعلتُ كذا .. لكان كذا.....
لو أنني لم أقم بذلك .. لما كان....
حسناً
أنا سأعيش ، وسأتعامل مع الأمر
لكنني كتبتُ هذا فقط لأنوّه على الآتي..
لا تدرسُوا الطِب لأجلِ المظاهِر
لا تدرسُوه إلا عن رغبةٍ عميقَة
إنه المهنة الإنسانية الوحيدة التي عندما ترتبِطُ بالأهواء تتحوّل إلى كارِثة حقيقية ، هاوية ستبتلعكَ أنت أولاً.
#مذكرات_طبيبه🌸
#مريم_الشيخ💛






●

التحية لناس الكهرباء الادونا حجه نقولها لأهلنا يوم النتيجة🙈😂🙌✨