معليش لي اي زول الظروف حالت بينو وبين حلمو وم قدر يحققو ولا يصل لي رغم كل المعافرات✨✨
معليش لكل شاب بطلع من الصباح وبرجع اخر اليوم وهو م حاسي بنفسو شان يوفر مصاريف جامعتو ✨✨
معليش لي اي زول قرأ وتعب وفي الاخر طبق شهادتو وجدعها في الدولاب وشغال شغل اي كلام بسبب ظروف البلد دي وفساد البلد وناس البلد زاتهم ✨✨✨
معليش لي اي ام ايتام م لاقيه اليسندها وبتضطر تطلع من الصباح وترجع المساء شان تسد حوجة اطفاله ✨✨✨
معليش لي اي اب ما قادر يسد نقص اولادو وبتوجع من جوه بسبب احساس العجز دا✨✨✨
معليش لي اي اتنين بحبو بعض بجد ووضع البلد م مساعدهم يتلمو بحلال ربنا✨✨✨
معليش لي اي زول اتخزل من ناس قريبه منو وخلوهو يفقد الثقه حتى في نفسو✨✨✨
معليش لي اي زول بعافر في الدنيا دي براه من غير سند ✨✨✨
معليش لي اي طالب م موفره لي بيئه تعليميه يقدر يبدع من خلاله وتوصلو لحلمو✨✨✨
معليش لي كل طالب طب بعاني وبتمرمط في المستشفيات الحكوميه القذره دي وم عندو بديل غيرها ✨✨✨
معليش لي كل طالب طب بعاني من البي دي اف لانو م قادر يشتري مرجع ✨✨
معليش لي كل زول بتشره في المواصلات تلات واربع ساعات كل يوم ✨✨✨
معليش لي كل زول بقيف صف" بنزين -عيش-بنك-كاشير" لمن حيلو يموت✨✨
معليش لي كل عبقري في الف فكرة في راسو وامكانيات البلد م مساعداه✨✨
معليش لي كل بت بتلاقي تنمر من المجتمع الحولها بسبب شكلها -شعرها-لونها-كلامه او اي شي فيها ✨✨✨
معليش لي كل زول متمرمط وحاسي الفيهو كملت وواقف في نص الطريق لا قادر يكمل لا قادر يرجع ✨✨✨
معليش لي اي زول كان جميل من جوا والدنيا شوهتو وحولتو لانسان مختلف تماما ✨✨✨
معليش لي اي زول ببتسم وجواهو الف وجعه ووجعه ✨✨✨
معليش للبباصي اليوم بالعافيه وم بصدق الليل يجي شان يبكي براحتو ✨✨✨
معليش لغباءنا الاصلا بخلينا نفتكر للحظه انو في راحه في الدنيا دي...✨✨💔
#عفور

عيناك خارطتي وبعد ملامحي والدرب دونك لو علمت عسير💔✨

سرنا معا حلو الحياة ومرها فاذا فقدت هواك كيف اسير!💔✨

أوتعلمين؛ أظن أنني سأكون أباً رائعاً تتباهى بي صغيرتي وسط الصديقات، ومع بداية حياة طفلتي الأولى؛ ستنبتُ الورود مكان شاربي من فرط القُبلات.
الوعد الأوحد الذي سأقدمه للعالم؛ أنه موعودُ بفتاة ستزيدُ نجمات الليل واحدة، وبسمات الجميع اتساعاً، ومواسم الخير طولاً، وستكون الربيع الأوحد الذي لا يزهد في عطائه.
سر أمنيتي العمقية بأن أرزق من الذرية بنتاً، يكمنُ في أني أعلمُ أني على أعتاب الوهن، موشكٌ على الانكفاء، وأقرب ما أكونُ من موسم التساقط ... وعزائي للبقاء بنبضٍ في هذه الحياة؛ أن أسكن قلب حبيبتي بيتاً دائم، وفتاتي نافذةٌ تجذبني دوماً لأطلٌ على باقي الأيام.
مشاركتي الأغلى في عمري؛ أن ألقي في صندوق العالم فتاةٌ تعيدُ الطعم الحُلوَ إلى الأشياء ... واثقة لا تخشى مستجد الطرق بل تزينها بالخطى، حالمة لا ترى للعصافير أفضليةً عليها، باسمة رغم أنف الأزمات، تغار منها الورود وتهابها القيود، تشعر الشعراء بعجزهم، يهمها الأصدق وتخبر الله بكل شيء
.. تضحك وتضحك وتضحك 💙.
#محمد_عبدالرحمن

أنا أحب كثيراً ، لكن لن أشدد عليك إن رأيتك تفلت مني✨

الله يكفيكم شر الخسائر والانكسارات✨

المرأة عظيمة ، أي مرأة في المجتمع عظيمة سواء كانت بت أو أم أو زوجة أو حتي حبيبة ، البنات رائعات ، سقوف لا تيبس ، كتف لا يميل ، رقة لا تختفي ، حب ، أمان ، ملجأ ، طمانينة ..
الباهرة ، الرائعة ، الشفيفة، الجميلة ، الدهباية الثمينة ،،
كم كتمت ، كم بكت ، كم ربت وعافرت وجاهدت عشان تسمح اولادها وتأكلهم و تحضر جديدهم ونجاحهم ..
المرأة كل المجتمع ، فلو كانت نصفه لما كان هناك نجاح لما كان هناك عطف وأمان في كل بيت✨

المرأة أمان💜✨

ماذا لو كُنت مِن أولويّات أحدِهم ؟
يناجي اللّه مِن أجلِك ..
يسألُه أن يُطيّب خاطِرك ، و يُزيل عنكَ كُل أذى ، و يُبعد عنكَ الشر ..
تخيّل أن يدعو لكَ أحدهم لأنّك فقَط تركتَ أثراً لطيفاً بداخِله ..
تخيّل حَجم الكلِمات العابِرة التي ألقيتَها على الآخرين ، و عبَرت إلى دواخِلهم ، لتجبُر قَلباً ، لِتُسعِد روحاً ، لِتُطيّب خاطِراً ..
لكَ أن تَتصوّر بعد هَذا حجم الذين يدعون لكَ في الخفاء ..
و الرّاحة المَزروعة في قلبِك الآن بسبب الدعواتِ فقط ..♥️

#عَـبير_بابِكر

لي دايما الحاجات الكعبه م بتحصل الا مع الناس البنحبهم وم بنستحمل فيهم💔✨

احساس انك شايف صحبك بعاني وتكون حااااسي بالماري بي هو شدديد وم قادر تساعدو💔💔💔✨🚶‍♀

تبا لإحساس العجز البنحسو تجاه البنحبهم تبا🚶‍♀💔

- ‏ما يُصيبك يأتنِي أولاً .❤️

‏”وَإذَا القُلُوبُ تَوَكّلَتْ مَا ضَرّهَا
‏عُسْرُ الحَيَاةِ وَرَبُّهَا يَكْفِيهَا” ❤️🙌

‏ما تمارسه يوميًا سوف تتقنه بكفاءة عالية،فعندما تمارس القلق ستقلق لأتفه الأمور، وعندما تمارس الغضب ستغضب بدون سبب.
‏لذا مارس الطمأنية لتتقن السكينة،ومارس التفاؤل والأمل لتتقن راحة البال، ومارس الثقة وحسن الظن بالله في حياتك تنعم بالسعادة والأمان والخير ❤️🔥

اكتر شيء بوجع اليومين دي انو م قادرين نفتح خشمنا ونشكي لأهلنا عن المواصلات والمعاناة اليوميه البنعيشها🙂شان اول جملة ح نسمعها موش دي المدنيه العايزنها🙂🙌✨

وينطبق علينا المثل "التسوي بي ايدك يغلب اجاويدك"😂🙌🚶‍♀✨

‏أتمنى أن لا تنجو مني ومن أشيائي التي تبقيني مألوفا لديك وأن تتعثر بي دائما✨

بين كل فترة وفترة حااول اخد ليك قعدة مع نفسك .. اتفاهمو واتحااسبو ع الحصل ف الفترة دي .. ما تخلي الدنيا تشغلك عنك ولا الناس تشغلك عن نفسك .. نفسك كمان محتااجة إنك تديها جزء من زمنك..

اتذكرتك! ❤️

كل تَفاصيلنا الزمان، لما اكون زهجان زي هسي انتي كنتي الخيار الاول ..
طوالي باخد الاجراءات : كرت mtn ، انشط الخدمة و اضرب ليك " اريبا ربحانه مننا كتير خلاص ههههه " ~
اتذكرتك و انتي بتحكي لي تفاصيل يومك ، اتذكرتك و انتي بتستشيرني في كل شي ..
اتذكرتك و انا بتجدع فيك " ما تسوي ، ما تعملي "، و اتذكرتك و انتي بتسمعي كلامي ..
اتذكرت زعلتك لما قلت لك نحنا مفروض نبطل، لانو ده غلط و ربنا ما راضي عننا
كان فيني حماس كبير و يقين صادق انو ربنا ما ح يخذلنا، عاينت ل تلفوني و قارنت بين زمان و هسي التلفون الكان ما بسكت من رسايلك، هسي بقى ما بتجيهو غير رسالة " اوشك رصيد على الانتهاء " و رسالة " للحصول على انترنـت سريع " ..
ما بكذب عليك، نفسي اتصل، نفسي احكي
بس الوعد الوعدتو لربنا مانعني ..
انا ما ح اعصي ربنا عشانك، ولا انتي يرضيك كده صح ! ..
انا و انتي مصيرنا بيد ربنا سبحانه و تعالى ولو رضيناهو ح يرضينا ..
انا ما مشترط على ربنا يزوجك لي، انا لا اشترط على ربي ..
بس انا بدعي انو يجعل لي الخير، " و في نفسي كده بقول يجعل لي الخير فيك ^^ "
انا كويس الحمدالله، اموري ماشة
اوعا ترسلي لي، ح نرجع للصفر
انا اتغيرت كتير، بدل احكي في تلفون، بقيت احكي في مصلاية، بقيت ارتاح بي صوت القرآن ..
و ما تقولي علي متشدد، بالعكس
ياهو انا بتاع الضحك و الهظار داك زاتو، بس ربنا غالي، و السؤال صعب، و القبر ضيق، و الحساب عسير، و الجنة تستاهل
فالمبدأ الما ح اجامل فيهو !!
يا بالحلال ، يا بلاش
انا كتبت الكلام ده عشان اتذكرتك، و قربت اتصل، بس المنعني !
اني لما اتذكرتك، اتذكرت معاك :
" و بشر الصابرين " فَصبرت
و اتذكرت " و نهى النفس عن الهوى " فنهيت
و كل ما نفسي تقول لي ارجع، و عصفور في اليد ولا عشره في الشجرة، و تقول لي عيش اللحظة !
ح افتح سورة الاسراء و ح القى البثبتني في الايتين " 18 & 19 "
ابقي عشرة على نفسك
انا باقي عشرة على نفسي
و البقدمو ربنا خير
و انا صاح اتذكرتك !
بس ما معناها نسيت الله
انا كده مبسوط و الحمدالله ❤️

#محمد_عبدالرحمن
#حياتي_غير