نحن في السودان مجتمع صعب كده وكلو سؤء ظن وقلة ادب وعدم تقدير لي النسوان وفعليا دا الحاصل ودا الاتفق عليهو.
و حرفياً مجتمع بربي أمراض نفسيه جوا اولادو و بقيدهم بي تنمرهم وتعترض انت قليل ادب ما نافع دا الحاصل يا جماعة. بس دا كان نقطه من خوفي اتجاه عدم الاحترام البعملو الراجل السوداني لي مرتو حرفياً كل مناسبه سواء غريبه او قريبه لينا بظهر لي نموذج من قلة الاحترام بين الأزواج و صوتهم العالي وسط الناس وكمان بتصل لي درجة الضرب وكمان كتير شدييييييييييييد سمعته مطعناتهم لي نسوانهم لي بالكلام 💔الحاجه دي مقززة شدييييييييييييد 💔 💔 💔 قمة البجاحه وفعليا بتبقي لي هاجس انا حاتعامل كيف لو لقيت زول ما بحترمني؟ الاحترام دا اهم من الحب والله اهم شيء والثقه والسند ❤️الحب بنتهي بس التقدير والاحترام بكبر وبكبر ❤️.
حرفياً ما محتاج حب محتاج راجل لمن تقفل في وشي الدنيا اجري ليهو واتكل رأسي في كتفو ويحل معاي مشكلتي ويتفاهم معاي حبه حبه ويوعيني ويبقي سندي ويكون فخور بي وبي انجازاتي ويقيف داعم لي معنويا وبكل كل الطرق راجل بالجد لمن اشوفو كل مزاجي السيء يختفي 💁‍♀❤️❤️❤️❤️❤️.
راجل يتقبل تقلباتي النفسية وإني زولة حساسة واي طيبانه والله ما بشيل في قلبي بس انت اتعامل صح مع حساسيتي المفرطة.
نحن كشعب سوداني كلنا ولدنا جوه كل بت فينا خوف خوف من حاجه هي ما عارفها اي حتى انا جواي خوف بس من شنو م عارفه والله بس اكيد بخاف من الفشل من إني اضيع من إني اهون علي زول بحبني.
بس حرفياً انا بدعي ربنا دائماً يديني الزوج الصالح والذرية الصالحة والراجل الحنين الامو واهلو ربو علي الحنيه ❤️لانو دا بنعكس علي تعاملو معاك.
في الأول والأخير دي مشكلة دولة بي حالها عدم التقدير والاحترام. بس حرفياً ما حابه يحصل لي كده ولا حاستحمل كده لانو الغلط بفضل غلط حتى لو كل الناس عملتو.
وإني ابحث عنك يا وطني ويا عمري 🖤 لأتكي علي كتفك ضاحكه مبتسمة مستبشرة❤️💁‍♀فاللهم الفؤاد وما حوى ❤️❤️❤️.
🚶‍♀️ لو ما لقيت الراجل البحترمك اقعدي في بيت ابوك انت ما مطلوب منك تستحملي الهم والغم و لو عرستي واحد كده اطلقي لأنك ما مجبورة تجيبي شفع بي عقد نفسية لأنهم حيقومو ويشوفو ابوهم قليل ادب ما بحترم امهم.
وارجع واكرر انو نحن ما اخترنا أهلنا بس نحن بنقدر نختار أصحابنا والناس البنحبهم إذا اذونا نحن في يدنا نسيبهم ونمشي بنعيش مره واحده نعيشها مكرمين معززين ❤️بكل حب وأمان وانتصار ❤️❤️❤️❤️❤️❤️.
اللهم قلبي ❤️ ❤️ ❤️ ❤️.
كفاك مهازل يا زمن كفاك صعاليك طاغيه
#سماح_عبد_الباقي 🌸 💙

احساس يوم نتيجة تالت الزفت داك يعاود مره اخرى😭😂😭😂😭😂

بتفائل بيك🚶‍♀💜✨

يمكن دا أكتر يوم احس اني محتاجاك جد وما ألقاك💔✨

الجاي يحكي ليك عن مشكلة تقريباً هو ما بيحكي ليك عشان تقول ليو الحل، في الحقيقة هو بكون عارف الحل اصلا. بس جاييك عشان تحتويه ما اكتر...✨

إنَّ الله مطلعٌ على وجعٍ بصدرك تخفيه عن العالمين، يراك وأنت تمضي مُثقل به 💛.

وفى النهاية قال أحد أصدقائه : "لقد غرق وأنتهى الأمر، كنا قادرين على مساعدته لكن الذي جعلنا نتهاون، أنه يبدو دائمًا بشكل الذي سينجو” .

انت لا تعرف معنى أن تمسك قلما وتوثق أحزانك💔✨

انت بتحبها صح ؟! طيب اتمسك بيها اقلعها قلع ما تخليها حتى لو هي خلتك حتى لو فرطت فيك موش انت بتحبها و مقتنع بيها اوووعك تخليها شفت البت لمن تتمسك بيها تكون مُصِر عليها حتى لو هي ما عايزاك ياخ الح تتمسك بيك هي الما ح تخليك بس الأنثى كدا بكون عندها تصرفات ما مفهومه فجأه كدا تخليك و تنفسن فيك و بيك تنفصل عنك و تكون زعلانة انك انفصلت عنها لاحظت هي الانفصلت بس زعلانه منك ممكن تزعل منك إذا انت زعلان منها و الله جد ليه انت تزعل منها عاين ما تشتغل بيها كتير خليك في ظهرها خليك وراها خليك متمسك بيها ، عارف حبيبتك دي متمنين كم نفر انها تتسنجل و يحنكو معاها شكلك ما عارف لو عارف اصلا ما بتخليها ولا عارف فرحة انك تتزوج حبيبك ما عارفها صاح ياخ فرحه لا توصف انها خلاص بقت حقتك و من قسمتك انك ح تكمل حياتك مع زول بشبهك و بفهمك و برفع ليك ضغطك ..
قصص الحب كلها بتتفق بانو بكون في صعاب و مشاكل و هي ممكن تتعب و تستسلم بس انت المفروض تكون قوي انت المفروض تكون لسا بتحارب عشانها لأنها بتستاهل و الله تستاهل يتحارب عشانها عشان كدا و نصيحه مني ليك شفت حبيبتك دي اقلعها قلع من ابوها اقلعها موش هي حقتك و انت مخطط لي مستقبلك معاها من ابوها اقلعها عليك الله اتمسك بيها لانك ح تتعب عشان تتأقلم مع وحدة غيرها اتمسك بيها عشان ما تندم بعدين ياخ اي هي غلطانه انت اعتذر ما قلنا الأنثى لها تصرفات غير مفهومه هي تغلط و انت اعتذر مالو موش انت عايزها اسمع نصيحتي ما تخليها لي غيرك لانو مافي أرجل منك و كدا انت ح تثبت ليها رجولتك ح تثبت ليها نفسك ما تخليها لي غيرك لانو غيرك ما ارجل منك هي حقتك و منك و ليك ما تخلي حقك لي زول 💜🌸✨

‏ينعكس تأثير الليالي السعيدة على وجه المرء صباحا...💜✨

طمأنينة العالم تختصر في :
"ما أرادهُ الله لن يوقفه شيء". ✨

لا يغرك هذا الزحام من حولي ..فأنا فارغ من الداخل ✨

لآ تخجل من أشياء تخصك ، وظيفتك ، لهجتك ، عمرك ، ٱختياراتك ، تباهىٰ بِنفسك وإن كُنت مُختلف تباهىٰ مِن الداخل " لآ أحد سَيصنع لكَ الحُب كما تصنعه لنفسك "

❤️

‏لقد أُوذيت بشكل ما، بطريقة مباشرة أو بغيرها لا أعلم.. كل م ادركه انه قد تأذى جزءٌ من روحي🙂✨

ثم تضع يدها على قلبها ، كمحاولة أخيرة بائسة لإنتزاع ما تشعر به 🚶‍♀✨

أحب صديقتي البعيدة جدًا في المسافة القريبة جدًا بالشعور،‏ أحبها في كل مرة أدخل محادثتها‏ دون أن أهتم للتوقيت ، أحبها عندما أتحدّث كما أريد دون أن أرتّب كلامي ، و أحبها كثيرًا عندما أتلفّظ بما أشاء دون أن أقلق من سوء فهمها♥️✨

اعااااقة ايفري وير😂😂😂😂💜✨

الأسبوع الفات
عرفت إنو واحد من أولاد دُفعتنا من تخصص تاني
اتوفى .. - ربنا يرحمو ويغفر ليه ويصبر أهلو-
بقيت بسأل أروى إنو إبراهيم اتوفى كيف؟ كان عيان؟ حادث حركة؟
قالت لي يا صفية لأ!
جا الجامعة عادي وصادفتو آخر الدوام .. وبعد ساعة سمعت إنو اتوفى!

بقيت فِعلًا مصدومة .. ماف شي ممكن يزرع في قلبك الخوف زي فكرة الموت
الموت الفجأة
وزول قدرك تمامًا .. خريج وعندو قروب مشروع وليهو أحلام
عندو ستيتس في الواتسب قبل ما تتم 24 ساعة هو اختفى للأبد وخلّاها وراهو
عندو صفحة على فيسبوك بكتب فيها العايز يكتبو!
وهكذا .. وهكذا

فكرة إننا ح نموت خالِّين ورانا كل شي .. كل شي حرفيًا
بخلّينا نفكر ولو للحظة
شنو في الدنيا دي ممكن يستاهل نتعب عشانو .. نزعل عشانو .. نكتئب وننتحر نخلِّي الدُنيا عشانو!

ماف شي في بالي غير حديث النبيّ ﷺ
"ألا إنّ الدُّنيا ملعُونةٌ ملعونٌ ما فِيها،، إلا ذِكرُ اللهِ وما والاه، وعالِمٌ أو مُتعلِّم"
خلاف ذلك
كل الدنيا دي مذمومة!
ربنا عز وجل قال :
"المالُ والبنونَ زينةُ الحياةِ الدُّنيا والباقِياتُ الصّالِحاتُ خيرٌ عند ربِّك ثوابًا وخيرٌ أملا"
الباقيات الصالحات ديل شنو؟
ذكر الله عز وجل" سُبحان اللهِ وبحمده .. سبحان الله العظيم"

ح نلِف ونرجع ..
ونقتنع في الأخير
"وأنَّ مردّنا إلى اللّه"
بعد ده يبقى الفيصَل الحقيقي
قدر شنو نحن مفرِّطين ومقصّرين .. وكأننا ضامنين ح نعيش لمتين وحنموت كيف

ربنا يحسِن خاتمتنا ويحسن أعمالنا ويتجاوز عن سيئاتنا

ما تنسوا إبراهيم صلاح من دعواتكم
واللهُ المُستعان!