الحمدلله على كل قرار اتخذناهو و كنا فاكرين انو غلط و طلع صح ،الحمدلله ع العجلة البتخلينا نحسم الفارغه من اولها ،و ما يكون في ندامة ل قدام ،الحمدلله ع القلب المرهون بالعقل 💜✨
" لا تقُل إنتظرته ليهدأ ، لا يُطفئ الإنتظار النار يا عزيزي إنه ببساطة يتركها تأكل نفسها حتى تنتهي ، تنتهي تماماً و بشكل مُطلق ولا يتبقى منها سوى خراب أسود .
ولكننا نعتاد في النهاية، لا أعرف إذا كان هذا أسوأ ما يحدث أو أفضله!✨.
هل تُدرك معنى أن تحب أحدهم لدرجة أنك تشعر به يحيا داخل أوردتك ، تشعر به يفتح جروحًا داخل قلبك ويخيطها مرةه أخرى بكلمة واحدة منه، تشعر بعجزك الشاسع معه ، لطالما كنت تظنُّ أن بوسعك تحريك العالم بقوتك تُضعفك كلمة واحدة منه ✨
كل الذي أعرفه الآن أنَّك الجميع في شخص واحد، وأنَّك تحمل بداخلك ما يكفيني عنهم جميعًا💜✨
في علم النفس في حاجه إسمها "الخوف من الخيار الأفضل"، "Fear of better option".
اللي هي بمعنى تكون خاايف من إنك تختار خيار ويطلع في أفضل مِنّو.
إحنا كائنات مُتطلِّعة، بنحب دائماً الأحسن لي نفسنا، وفي ذات اللحظة ضعيفين وبنخاف من المجهول وحاجة بسيطة ممكن تشتّتِنا.
"أقدِّم الجامعة دي ولا يمكن تكون التانية أحسن منها؟"
"أقبل الشغل دا ولا انتظر يمكن يجيني أحسن منو؟"
الخوف والأسئلة دي وغيرا حلّها "الإستخارة"
بي بساطة إنتا بتنقل قدرتك وعلمك المحدود والبسيط لي علم اللَّه وقدرتو.
لما سيدنا جابر بن عبد اللَّه رضي اللَّه عنهما قال: "كان يعلِّمنا الإستخارة في الأمور كلها" ما قالا من فراغ. "الأمور كُلّها" دي حقّو نخُت تِحتا مية خط .
يعني الإستخارة ما لمّا يجيكِ عريس بس!
أو لما يختاروكَ لي شغل!
الإستخارة مفترض نمَشّي بيها تفاصيل حِيرتنا الصغيرة البتلاقينا في حياتنا
تخيلو كيف ربّنا بحبنا وعايز يريحنا من التفكير الكتير.
من يوم عرفتا الكلام دا وأنا بستخير في كُل صغيرة وكبيرة،
لو جيت وقفتا ساي لي مواصلات الكلاكلة جمب جامعة السودان ومحتارة أقيف في ياتو حتة لأنو المواصلات حرفياً بتخليك محتار تقيف ليها وين، ناس الكلاكلة بكون فاهمين المعاناة دي 😂 بقوم بقول الدعاء على الحتة النويت أقيف فيها وبمشي عليها.
ما تتخيلو راحة إنك تنقل العصف الذهني والخوف من عقلك الصغير الضعيف لي رحاب اللَّه العظيم العليم.
في الدُنيا إحنا لمّا نلقى زول يشيل مننا الهم والحيرة بنفرح فما بالكم لما ربنا عز وجل بقول لينا أرمو حيرتكم لي.
تنبية بسيط لأنو في ناس قد يكون ما واقع ليها الموضوع : دعاء الإستخارة بكل بساطة ممكن يتقال بعد أي نافلة يعني لو صليت ركعتين المغرب ممكن تقولا بعدهم لأنو كما قيل في الحديث "ركعتين من غير الفريضة"
تاني شي ممكن تستخير بدون صلاة ودا بس في حالة إنو الأمر مستعجل ومافي وقت أو طريقة تصلّي.
حأخت ليكم في التعليقات روابط عن الإستخارة لأنو من تجربتي في كثيرين ما واضحة ليهم فكرة الإستخارة هي شنو أو كيف تتعمِل وفي الفاهمين إنك بجيك حلم أو كده.
بعيداً عن الإستخارة شوية بس ما بعيد شديد💙
في الحديث:( ليسأل أحدكم ربه حاجته كلها حتى شسع نعله إذا انقطع)
عارفين شسع نعلو يعني شنو؟
يعني بي بساطة سفنجتو لو اتقطعت بسأل اللَّه يصلّحا ليهو.
فيا جماعة إحنا بنزيد الهم على قلبنا برانا لما نتّكل على أنفسنا وقُدراتنا ومعرفتا وننسى قدرة اللَّه.
وجهجهتنا وحيرتنا في الدُنيا لما نبعد عن طريقو ونتّكل على الناس.
وأخيراً البيتين المُحَبَّبين إلى قلبي جدّا❤️
اسبِق سوادي برحمتك،،، خبيني في القُرآن
إنتا اللي عالِم بيّا،،، رجّعني ليك إنسان
#إيلاف_بدرالدين
اللي هي بمعنى تكون خاايف من إنك تختار خيار ويطلع في أفضل مِنّو.
إحنا كائنات مُتطلِّعة، بنحب دائماً الأحسن لي نفسنا، وفي ذات اللحظة ضعيفين وبنخاف من المجهول وحاجة بسيطة ممكن تشتّتِنا.
"أقدِّم الجامعة دي ولا يمكن تكون التانية أحسن منها؟"
"أقبل الشغل دا ولا انتظر يمكن يجيني أحسن منو؟"
الخوف والأسئلة دي وغيرا حلّها "الإستخارة"
بي بساطة إنتا بتنقل قدرتك وعلمك المحدود والبسيط لي علم اللَّه وقدرتو.
لما سيدنا جابر بن عبد اللَّه رضي اللَّه عنهما قال: "كان يعلِّمنا الإستخارة في الأمور كلها" ما قالا من فراغ. "الأمور كُلّها" دي حقّو نخُت تِحتا مية خط .
يعني الإستخارة ما لمّا يجيكِ عريس بس!
أو لما يختاروكَ لي شغل!
الإستخارة مفترض نمَشّي بيها تفاصيل حِيرتنا الصغيرة البتلاقينا في حياتنا
تخيلو كيف ربّنا بحبنا وعايز يريحنا من التفكير الكتير.
من يوم عرفتا الكلام دا وأنا بستخير في كُل صغيرة وكبيرة،
لو جيت وقفتا ساي لي مواصلات الكلاكلة جمب جامعة السودان ومحتارة أقيف في ياتو حتة لأنو المواصلات حرفياً بتخليك محتار تقيف ليها وين، ناس الكلاكلة بكون فاهمين المعاناة دي 😂 بقوم بقول الدعاء على الحتة النويت أقيف فيها وبمشي عليها.
ما تتخيلو راحة إنك تنقل العصف الذهني والخوف من عقلك الصغير الضعيف لي رحاب اللَّه العظيم العليم.
في الدُنيا إحنا لمّا نلقى زول يشيل مننا الهم والحيرة بنفرح فما بالكم لما ربنا عز وجل بقول لينا أرمو حيرتكم لي.
تنبية بسيط لأنو في ناس قد يكون ما واقع ليها الموضوع : دعاء الإستخارة بكل بساطة ممكن يتقال بعد أي نافلة يعني لو صليت ركعتين المغرب ممكن تقولا بعدهم لأنو كما قيل في الحديث "ركعتين من غير الفريضة"
تاني شي ممكن تستخير بدون صلاة ودا بس في حالة إنو الأمر مستعجل ومافي وقت أو طريقة تصلّي.
حأخت ليكم في التعليقات روابط عن الإستخارة لأنو من تجربتي في كثيرين ما واضحة ليهم فكرة الإستخارة هي شنو أو كيف تتعمِل وفي الفاهمين إنك بجيك حلم أو كده.
بعيداً عن الإستخارة شوية بس ما بعيد شديد💙
في الحديث:( ليسأل أحدكم ربه حاجته كلها حتى شسع نعله إذا انقطع)
عارفين شسع نعلو يعني شنو؟
يعني بي بساطة سفنجتو لو اتقطعت بسأل اللَّه يصلّحا ليهو.
فيا جماعة إحنا بنزيد الهم على قلبنا برانا لما نتّكل على أنفسنا وقُدراتنا ومعرفتا وننسى قدرة اللَّه.
وجهجهتنا وحيرتنا في الدُنيا لما نبعد عن طريقو ونتّكل على الناس.
وأخيراً البيتين المُحَبَّبين إلى قلبي جدّا❤️
اسبِق سوادي برحمتك،،، خبيني في القُرآن
إنتا اللي عالِم بيّا،،، رجّعني ليك إنسان
#إيلاف_بدرالدين