الناس عملت فكرة انا عايز اركب #تكسي_اصفر حاليا الفكرة اتبنتها شركة ليمون وتاني حيضيفو التاكسي تبع الشركة...
يلا عندي فكرة صغيرونة كدا سموها انا عايز اشتري تسالي ولا ايي مسمى حتى ولو انت مابتأكل تسالي خالاتنا وامهاتنا ديل عندهم فول وحاجات #بسيطة كدا سمحة ببيعوها وانت طالع خت10ج كدا بالجنبة ع اساس انو تشتري بيها منهم
عشان نقدر #نساعدهم❤ حبة.. الواحدة بتفرش من 6 صباحا ومرات لحدي ماترجع مابتكون لمت #حق_المصاريف😞 وكلنا عارفين انو الوضع بقى صعب شديد والله
تعالو #نساعد_امهاتنا الفارشات ونشتري منهم...😍

#شير_البوست_عشان_يصل_غيرك

- عن كمية البهدلة والإهانة البنلقاها في مشوارنا التعليمي دا، يا اخوانا نحنا طالبين العلم ما طالبين الطلاق🙂💔

أهم شي تعرسيهو طويل ،أسمر قلبه معلق بالمساجد وعندو دقن🌚

الاخلاق بتجي بالمفراكة🌚😂😂😂🐸

بحب الصحبات اللي ما بيرضو الزعل لي صحباتهم حتى لو كان شي بسيط .. و العكس 💭✨

🔏 #ربا_عبد_العزيز

"فَأَنْتَ القَريبْ بِكُلْ مَا أوتِيتَ مِنْ بُعْد".🤍 🚶‍♀❤️🔥

مرّات بنكون آونلاين عشان زول واحد
و مرّات بنكون آونلاين و مادايرين كلام مع زول
ومرّات آونلاين عشان بنزّل وبنشوف مواعيد محاضرات
و مرّات آونلاين عشان نرسل حاحة
و مرّات آونلاين و عندنا مزاج نتونس مع الناس
فالناس تحاول تفرّق بين آونلايناتنا،
لأنو ما أي آونلاين لينا معناها عايزين نتكلم مع زول ..!!

لا تدع الأمر يصل بك إلى حد التكيف مع الخراب دون أدنى محاولة لإصلاحه.✨

كلانا يعلم ٲنه لايوجد في روحك وروحي شخصٌ أعزّ علينا منا .. ✨

ما بحب إحذف رسائل الناس الانا بحبهم بحسها الملجأ وقت إشتاق ليهم✨

‏صورتكَ في ذهنِ أحدٍ ما ، هي دافعهُ الأول لقيامه من على السّرير ومواجهةِ اليوم، أنت مُهمّ ! ✨

‏وصفها قائلا : "لقد كانت علاقةً شديدة العمق، يمكنني الاختباء تحتها، الاختفاء، الاحتماء من العالم بأسرِه".
❤
#سيرانو

_بتعرفي البت دي؟
_لا
_طيب ليه بتكرهيها؟
=بس عشان صحبتي بتكرهها
🐸

الاستاذة قالت ليهو:
بكرة جيب لي ابوك عايزه اتكلم معاهو
قال ليها :ابوي بحب امي وما بتكلم مع
بناااات
عن ابني المستقبلي اتحدث 😂🚶‍♀

إنني متعبٌ للحد الذي يجعلني أرضى بكل أفكارك الخاطئة عني، للحد الذي لا أطيق فيه تصحيحها أو شرح حقيقة مشاعري أو حتى تبرير هذا الإنهيار .🙂

ح تتعود ع انك تقول "انا كويس الحمدلله م فيني شي " وانت جواك كل حاجة ..✨ ح تتعود ع انو الحياة تحرمك من حاجة انت اتعلقت بيها وم ادتك فرصة فيها ..✨ ح تتعود انو تعيش شعور الوجع مرتين وتلاتة ..✨ ح تتعود انك تكون نفسك تحكي الجواك وتفضفض بس عارف انو م ح تلقي ردة الفعل ألح تكون مُرضية بالنسبة ليك ف بتسكت عشان م تتعب نفسك ..✨
ح تتعود تتجاوز الحاجات البتحبها..?✨.نفسك بنفسك ❤

شِن داسّيلنا يا باكِر ؟
أريتَك تبقى دسّاس خير! ♥️✨.

"نحنُ نعلم.. لكنّا أحياناً نريد أن "نسمع" ما نعلم، لنطمئن."✨

والعترة لو ما مشتك صح .. اصلها ما بتوقفك !💜✨

كل الامتنان لاي زول اتقبلني وانا في اسوأ حالااتي💜✨

"و يُرعِبُنا بِأنْ نبقَى بِلا رفِيق"!

قصة الارتباط... و اننا ليه ما مرتبطين و كل الحنك ده
بتتلاشى مع اول فرصة تجينا!

نحن ما قادرين نرتبط!
و ما قادرين نحدد خياراتنا.. و منو فيهم افضل!

عارفة؟!

كل السمات المُبهرة البتكون في الطرف التاني
"بروف الدفعة/موظف براتب عالي/فاهم/حافظ قرآن/دراسات عليا"

كل الوجاهات دي بتسقط لما ما نلقى كلمة الأمان النحن عايزنها
الاطمئنان الممكن تحس بيه تجاهو

كل الألقاب و الشُهرة بتسقط...!

نحن ما عايزين زول منبهر بينا
عايزين زول يكون عارف اننا عولاق
لما نكون قاعدين معاه نبكي عادي و من دون خجل او استحياء،،
زول عارف قصة فشلنا و كل تناقضاتنا و بشاعة دواخلنا و قادر إنو يطيّب خاطرنا !
و هو يحكي عن مشاكل الشغل و مشاكلو الشخصية من غير اقنعة او خوف من انو ينزل من البرج العالي!

ما عاوزين زول رهيب!
عايزين زول عادي يخلّي حياتنا رهيبة!

عاوزين علاقة ما فيها زيف او تصنع او كماليات
نحن ناقصين
فيها شنو لو اعترفنا بي عيوبنا و حكينا مخاوفنا و بعدها حسينا بالأمان؟!

و شُكرًا
و عفوًا

#صفيّة_مُصطفى