إنها خيرة الله وحاشى الله أن يضرّنا 💜

🥀.

إذا الرفاق على الحياة تفرقوا
فمن يا تُرى ف القبر يُوهبناا الدعاء! 💔

صباح الـخيير

"ستغلبكَ
الأيامُ إنْ كنتَ واهنًا
وإن كنتَ صبّارًا فذو الصبرِ أغلبُ."🖤

اللهُمَ الثبات وانّ كثرت تعثُراتنا...💜

إلى الصَديق الذي لم يُفلت يَدي أبداً أحُبك...
#بلبله

" لا يُكَلِّفُ اللَّهُ نَفْسًا إِلَّا مَا آتَاهَا ۚ سَيَجْعَلُ اللَّهُ بَعْدَ عُسْرٍ يُسْرًا " ♥️🔥

‏عن كل هذا الحِمل الذي حملتهُ وحدك في هذا الطريق، عن كل هذا التعب الذي قاومته دون أن تتكلم، سيعوضك الله♥️

بنتجاوز أي شي قلنا في يوم هو صعب ! نتجاوز مواقف ،امتحانات،حتي بشر في يوم حسبناهم اوكسجين ! عادي جدا والله كل الموضوع قناعة ورغبة بس♥️وكمان عاطفة وقرارات كانت في لحظات حب إما خوف او حتي فرح والله ، يعني الطلع من نفسك مستحيل يرجع😊 والقال كلمة شينة واعتذر برضو مستحيل تنسي لحظة قالها وشعورك وقتها ! يعني كدا كدا ح تحصل ليك أسباب مقنعة جدا انك تبعد وتشيل حالك♥️🙂 وأصلو ما صعب والله ، الاصعب انو تتمادي وتتقل لانسان ماعايزك وتنزل نفسك لابعد درجة، حتي لو ما صرح مفترض تفهم بالمواقف ! مفترض تفهم من أول ردة فعل شفتها تنقصك أو تسئ ليك ! يعني بالمختصر اللي طلع من حياتك ما تجبرو يكون معاك، واللي اختار طريق غيرك ما تلزمو يكون معاك ، اكتفي بنفسك واسند حالك ولو احبابك الف🤦‍♀♥️.
بس اعرف موقفك في كل مرة ، متين تدي فرصة ومتين تغيب ومتين تنسحب وللأبد كمان♥️ما تقيف على انسان ولا تزعل على أي شي بدر منو ، الاهم أجمع الذكري والايام الحلوة اللي بينكم وأطرح منها الزعل وابقي طالع بروحك زي ماهي وبحلاوة كمان ، وربنا بعوضك بالأحسن والأبرك باذن الله خليك متيقن مش واثق♥️!

#كسرة🖤
أي بشر يدخل حياتك ويخرق قوانينك هو لخير وحكمة إلهية♥️! ولو طلع منها حتي لو بعد سنين وايام حلوة بينكم برضو لخير كاتبو ليك ربنا ولوقت معين ف احتسب♥️! كل حاجة لخير ودروس نتعلم منها ونبقي أقوي وافضل بكتير♥️ وربنا يعوض كل زول فقد أخ،صاحب،حبيب، الله يبدلكم ناس تشيلكم في عيونها وما تهونو عليهم أبداً😊♥️.
#منقول

المواقف الصغيرة الممكن تجرح..
التفاصيل البسيطة البتزعل..
سوء التفاهم..
الحاجات دي ما تخلوها تكبر
ناقشوها وعالجوها في لحظتها
لو غلطت اعتذر وما تكابر
ولو زعلت راضي وما تغتر
والأسوأ انك تتعامل مع الزول وكأنه عادي
بس انت من جوة ما عادي
ياربي على قول صديق
المفروض نبطل نخت توقعات ولا شنو؟!
لا قلوبنا بتشبه الوجع
ولا ارواحنا بتستحمل الأذى
وكلها يومين وماشين
نحياهم بطيبة ونخلي ورانا ذكرى سعيدة

وايه الدنيا غير لمة ناس في خير أو ساعة حزن

‏أنا خسرت الكثير يا صديقي ، وكنت أخاف أن تستمر مسيرة الخسارات لتصل إليك أخيرًا ، وكنت أستصعب أن يحدث ذلك لكنه حدث 💔

‏ستنجو، لكنك لن تعود كما كنت.

‏"وأن الإنسان يموت في نهاية المطاف من تراكم الأيام التي ابتلعها🚶‍♀

جئتك هارباً من كل منافي الأرض،
أحملُ تعبي من شدةِ تعبي!

- يا الله ، يا الله.💜

كان الأمر يبدو كأنّي أنا الذي مشيت الطريق كله وغيري الذي وصل.🚶‍♀

والغريب أن كل ما تقوله أمي صحيح، في كل مرة تتكلم فيها تصيب، حتى وإن كنت أرى أنها ليست على صواب، أكتشف بعد حين أنها كانت على صواب، لست أدري أأُمي ذات خبرة في الحياة أم أن الله ينصر الأمهات💜

- انتي مش فاكراني؟
= افتكر مين؟ انا بقيت اقف في نص السلم افتكر انا طالعة ولا نازلة .🙂🚶‍♀

واحدة من الحاجات البيتجلى فيها الألم في أبشع صورو، إحساس الرفض .. لحظة إدراكك لي حقيقة إنو ما مرغوب فيك، في مكان معين أو وسط ناس معينين، رفضك من مجتمع كاامل، أو رفضك من شخص بساوي المجتمع في نظرك.
ما ح أكذب أنو مهما كان ثباتك وثقتك في نفسك عالية لحظة إدراكك للحاجة دي ح تعصف بيك .. و تهز نظرتك لنفسك، و ح تطلّع كم سؤال كده في راسك إنو أنا مالي يعني ؟! .. فيني شنو ؟! .. و صدقني اذا ما قطعت حبل أفكارك في اللحظة دي، و سمحت للأسئلة دي تطول معاك وعاينت للموضوع من الناحية دي وبس ! .. دي أول خطوات خسارتك لي نفسك، والخسر نفسو عمرو ما ح يحس بالمكسب.
ما تسمح لي قرارات الناس إتجاهك تحدد قراراتك اتجاه نفسك، ولا تقيّم روحك بنظرة الناس ليك، و ثبت في بالك إنو رفضي في مكان معيّن هو عدم مناسبتي للمكان ده، مش عدم مناسبتي بالمرة، عامل نفسك بالعارفو عنها، ما بالبسييط العرفوهو الناس عنك.
قد تمر بيك لحظة الرفض دي من مجموعة نفسك تكون معاهم، أو من شخص إنت قبلانو بكل ما أُتيت من خيار، و هو رافضك بكل ما أُتي من إصرار، أو في مكان شغلك أو وظيفة مقدم ليها، وتعالو نتفق إنو مهما كانت طريقة الرفض ظريفة واتغلفت بتكون وااضحة و مؤلمة، بس أوعا تزعل وتعكّر مزاجك، وخليك على يقين إنو في وقت معين ومكان معين ووسط ناس معينين، وبالنسبة لشخص معين؛ ح تكون إنت الرغبة والطلب والاحتياج، وجودك ح يتقدّر، وغيابك ح يتحس، وح يتقال عليك يا أنت يا بلاش💙.

#محمد_عبدالرحمن

رحم الله عظيم في عليائه...♥️

في حياتنا دايماً بتتمرجح علاقتنا مع ربنا ، أحياناً بنقرب لدرجة الاطمئنان من فكرة الموت ، واحياناً بنبعد لدرجة الخوف حتى من نفسنا..

بتذكر قبل فترة ، كنت بقرأ سورة البقرة يومياً ، وأذكاري مابتفارق يدّي ، بقيم الليل ، وبغتنم لحظات الأدعية وببتهل لربنا بقلب ما طامع الا في جنّتو
احياناً بوقف القرآن فترة ، وبنسى ادعي كتير ، بعمل حاجات غلط أكيد ، وبنشغل عن الأذكار ، بس ما حصل وقّفت الصلاة أبداً ، دايماً بحِس انها الطريق الهيرجعني لربنا لو تهت من كل الطرق ، دايماً بحِس إنو الصلاة قادرة على هدايتنا من جوّة ، من اصلاحنا ، وانها العهد البيني وبين ربنا ، وطريقتي في الاعتذار ليه عن كل تقصير وكل غلط..

قالت:
أوّل مرة أصلي كانت قبل شهر ، أول وقفة لي قدام ربنا ، تخيلي ضاع من عمري كم وانا فاقدة الامان دا ؟ بكيت شديد يومها ، بكيت السنين الفاتت ، الأيام القطعتها فيها عشان أواصل دنيا مالقيت منها غير المواجِع
صليت ، زي الكان ضايع منو حلم ولقاه ، لقيت في الصلاة كل اليقين الفقدتو 20 سنة ، وكل ما اقول " الله اكبر " بتصغر في عيوني الدنيا ، وبقى حلمي ، اعيش عشان بس اصلي ، عشان اعوض الفات ، وأشيل عن روحي حِمل البعد عن ربنا ..

عايزة أقول حاجة وحدة..
خلونا نصلي
لو اتقطعت كل حبال الوصل مع ربنا خلونا نمسك في الصلاة ، خلونا نصلي خايفين ، مامشكلة لو مستعجلين ، اكبر خشوع ماحياخد مننا اكتر من عشرة دقايق ، خلونا نصلي لو عيانين ، لو تعبانين لو منكسرين..
لو ما بنعرف نعمل اااي حاجة غير الصلاة! هي كفيلة بفتح الف طريق تاني لربنا
يمكن تبقى يوم هي شفيعنا الأوحد ، وطوق نجاتنا ، يمكن بسجدة وحدة تتحقق احلام فضلنا راجنّها عمُر ، وبدعاء واحد يتفتح لينا الف باب رزِق..
الصلاة ما عماد الدين وبس ، هي في الحقيقة عمود لروحنا ، حيسندنا ، لو تعبنا ، حتشيلنا ، لو اتخنقنا حتريّحنا ، ولو متنا حتنجّينا..
لو حالياً غرقان بالذنوب ، لو محاصراك المعاصي ، حاصِرها بالصلاة.. صلّي! ، وصدّقني حتسوقك يوم للبر بدون ما تشعُر

" الله أكبَر ، عندها الأحزان في الأعماق تصغُر ، اللهُ أكبرَر ، كل قلب بعد كسرٍ سوف يُجبر "

#رغد_عبدالرحمن

‏صباح الخير لمن يشعر انه ضائع ولم يجد من يحتويه،ولكل شخص لم يجد من يخبره ان ابتسامته هي الحياة💜✨