{ و اصبر نفسكَ مع الذينَ يَدعُون رَبَّهُم بالغَدَاةِ و العَشِىّ يُرِيدُون وجهَهُ }

سورة الكهف 💌

{ يُرِيدُون وَجهَهُ } ❤

ضعها نصب عينيك ما تحرك مِنكَ عضوًا أو سكن!

#ترتيل_الخزين

وأنتَ تضع خطة لرمضان أو جدولًا أو سميه ما تشآء مما شابه ؛ ضع في أعلى قائمة الانجازات ، في أولى المهام .. أن تقيم الصلوات في أوقاتها بإتقانها! 💛

فلا خير كخيرها! ولا أثر أوضح على الروح كأثرها! ولا هنآءَ كهناءِ المحافظين عليها! 💛

#ترتيل_الخزين

وان اجبروك على السقوط ،

كن بِركاناً.. ودمرهم !💙

أيام معدودة🌸
ننتظرها طوال العام .. ها قد وصلت إلينا .. فاللهم اعنا على قضائها في أحسن حال وعلى أكمل وجه💜

رمضان برئ ♥️🙊

في أول يوم من رمضان اسأل الله لي ولكم الصحة والعافية ♥✨

ربّي اجعل هذا الشهر فاتحة خير لنا ، وبداية اجمل الأقدار ، وحقق لنا مانتمنى ياكريم ♥💫

اليوم الاول 🌸💜:
ضَع يمين قلبك ما شئت ، و يساره ما شئت
و لكن أمامه لا تضع إلا مرضاة الله
، الا مراقبة الله ، إلا حب الله 🌸💜..

#لأنك_الله ..

وصية استوداع! 🌸

كما هو معروف عند البعض و كما جرت العادة على مر السنين على منصة الأزرق عندي هُنا أنَّ الغد هو أخر أيامي على صفحتي هنا

إن شاءالله و مد في الأعمار أنا صباح العيد هُنا! 🎀

هذا للعلم لمن يفتقد و لم يجد الرد .. هذا الجواب إليك مُسبقاً 💌

ثُمَّ أمَّا بعد ..

نسبًة لكَثرةِ الأسئلة عن الاستعداد لرمضان واستغلاله أحب أن أجمل أشياء مهمة بالنسبة لنا عموماً و خاصة في رمضان و أجاوب على تساؤلات سُئلتها كثيراً و ما زالت تتكرر .. لتعم الفائدة

• أول حاجة مفروض نبدأ بها رمضان هى عبادة مفروض تتكرر كل يوم و ليلة بل في اليوم و الليلة أكتر مِن مرة .. ألا و هى التوبة ❤

فلازم نفهم شروط التوبة :

الإقلاع عن الذنب

الندم على ما مضى

العزم على عدم العودة إليه

في حق العباد رد الحقوق إلى أصحابها

يعني أتوب و أنا ناوى بكرة أكرر نفس ذنبي دي ما توبة ، أتوب لأنو ما قادر أعمل الذنب دا دي ما توبة لازم أندم على ما فات واستشعر الندم دا واتضايق كل ما تذكرت حالي وأنا أعصي الله!

فكلنا يحفظ حديث حلاوة الإيمان : [ و أن يكره أن يعود في الكفر كما يكره أن يُقذفَ في النَّار ] ❤

الحلو في التوبة غير الراحة البتحسها بعدها و إنّك بقيت خفيف نوعاً ما من الذنوب .. التوبة حتسهل لك كل طريقك الجاي .. ما هو زول ربنا ما ذي أي زول .. زمان في أقدار بتحصل لك مِن باب كفارة لذنوبك الكتيرة فكل ما تقلل ذنوبك الأقدار دي حتأخد منحى تاني!

• رمضان شهر القرءان ❤

لأي درجة العبارة دي عارفينها و بنكررها كتير إنتو متخيلين إنو في علماء حديث كانوا بوقفو الحديث في رمضان و يتفرغوا فيه للقرءان لعِظم شأن القرءان في رمضان ❤

مع إنو الحديث دا علم شرعي و علم ينفع الأمة كلها و الحديث أصدق الأقوال و أنفعها بعد القرءان!

فالجدير بنا نحن أن نترك متاع الدنيا و نتفرغ للقرءان لأنو رمضان شهر القرءان

الكلام دا ما معناه إني أقعد في بيتنا و مِن الصباح للمساء أنا ماسك المصحف .. لا .. يا جماعة دينا الحلو فيه إنّك بتلقط الحسنات مِن كل أبواب الحياة .. يعني غسيل العدة أنا ممكن أؤجر عليه!

فالفكرة إنك قدر ما تلقى وقت تنشغل بالقرءان غير الوقت الأصلا مخصصه للقرءان .. حفظ و تدبر و تفسير و تجويد و تطبيق و دا الأهم

• رمضان شهر قصير و شهر انجاز و فرصو لأبواب الجنة واسعه و كتيره بس نتفق على حاجة 👈 الجودة أهم مِن الكم!

يعنى ما مِن أول يوم حأضع خطة أقرأ ١٠ أجزاء أختم في ٣ يوم و أنتظم في النوافل كلها و أصلي قيام أقل شىء ساعتين و أفعل و أفعل!

و أنا قبل رمضان يالله يا الله الصلاة دي في وقتها فكونو ألتزم بالحاجات دي كلها طوالي مِن أول يوم و أكون فاكر نفسي حأواصل عليها لحدي أخر يوم دا وهم!

• و دا أهم أسباب الفتور 👆

طيب في سبب تاني للفتور و هو تأدية الفرائض و النوافل مِن مُنطلق الجنَّة والنَّار و لنيل الأوطار مِن الدنيا!

يعني واحدة عاجبها واحد و سمعت بفضل الاستغفار و معجزاته ففضلت تستغفر كتير في اليوم و تقيم الليل واكثرت مِن كثير مِن الطاعات عشان ربّنا يرزقها الشاب دا و هي واهمة روحها إنو العبادة دي عشان ربّنا!!

و لما تحس المدة طولت و ما في أي شىء حصل بل بالعكس تحس إنو الموضوع ماشي عكس توقف و لو ما وقفت تحس بضيق تجاه الله!!

أي ضيق عديل كدا و ما بعيد نفسها توسوس لها ربّنا ما بحبك و ربّنا ما كريم و ووو تعالى الله عن كل وساوس النفس الشيطان علواً كبيراً لا إله إلا هو ولا رب سواه❤

الفكرة شنو يا جماعة ؟

أي عبادة في الدنيا دي عندها لذة إذا أديناها كما يستوجب 👈 يعني أنا لما أصلي بخشوع مكملة لكل شروط و واجبات الصلاة حأحس بالراحة اللي قالها النبي في أرحنا بها يا بلال و حأحس بالطمأنينة لقدر الله و القوة في التعامل مع خيبات الحياة مِن منطلق قول الله : { و ٱستعينوا بالصبر و الصلاة و إنّها لكبيرة إلا على الخاشعين } لكن لما أقوم و أقع و أنا قلبي غافل طبيعي جداً ما أحس بأي شىء!

و دا ما حيخليني أواصل في النوافل لو بصليها و لا أتشجع أبدأ فيها لو أصلاً ما بصليها حتى صلاة الفرض حتكون تأدية واجب ما أكتر أسأل الله السلامة!

طيب و الحل شنو ؟

لو لاحظتو أنا بديت ترتيب البوست بالتوبة و بعدها القرءان حتى جيت للفتور تفتكرو ليييه ؟

أيوه بالضبط كدا قدمت الحل على المشكلة و اللبيب بالإشارة يفهم ✋

• نجي للدعآء 💙

طيب أول حاجة و أهم حاجة في الدعاء هي اليقين بالإجابة و إنو الدعوة دي يا إما تتحقق أو تدخر لك في الأخرة أو يدفع بها عنك بلاء و في كل الحالات هي ما لها ؟

هي ..

أُستجيبت ❤

طيب دعيت مفروض أعمل شنو ؟

الصبر الجميل!

طول فترة انتظار أو ترقب تحقيق الدعوة دي أكون راضي تماماً بقدر الله فيني مهما حصل و واثق في كرمه مهما حصل و محسن الظن به فيما هو آتي مهما كان!

يعني مثلاً زواج أو نجاح أو غيره ما تقول دعيت و ربّنا ما استجاب لي أو تقنط مِن رحمة الله لو شفت الامور ما ماشة نفس مسار تحقيق الدعوة دي .. لا

المفروض يكون عندك ايمان تام بإنو خيار ربَّنا هو الأحسن و الدعوة استجيبت

يلا في موانع للدعآء منها ما ورد في حديث النبي صل الله عليه و سلم إنو يدعو بدعوة فيها اثم أو قطيعة رحم

طيب بالنسبة للأوقات ؛ قال الله في سورة البقرة :

{ وإذا سألك عبادى عنى فإنى قريب أجيب دعوة الداع إذا دعان فليستجيبوا لي و ليؤمنوا بى لعلهم يرشدون }

و قال عز وجل في سورة غافر : { و قال ربكم ٱدعونى أستجب لكم إنَّ الذين يستكبرون عن عبادتى سيدخلون جهنم داخرين }

يبقى الدعآء في أي وقت مسموع مجاب بس في أفضيلة لأوقات ذكرت في السنة منها أقرب ما يكون العبد مِن ربِّه و هو ساجد فيستحب الدعآء في السجود ، و منها وقت الافطار ، و منها ساعة الجمعة ، و منها عند نزول المطر ، و منها أناء الليل ، و يوم عرفة ، و غيرها كثير بس الدعآء مسموع مُجاب في أي وقت صوتك بصل لربنا دي أهم نقطة لازم نختها في بالنا!

سبحانه قال : { أمن يجيب المضطر إذا دعاه و يكشف السوٓء و يجعلكم خلفآء الأرض ءاله مع الله قليلا ما تذكرون }

هذا حسب علمي و العلم التام عند الله

• كُتب نصحبها في رمضان ؟

أغلب الأسئلة البتجيني كانت عن كتب التفسير أو سؤال أنا عايزة أتعلم علم شرعي أبدأ مِن وين ؟

و لأنو نحن قبيل قلنا رمضان شهر القرءان فما تتوقعوا مني أقول لكم كتب غير لها علاقة بالقرءان

بالنسبة لابن كثير في التفسير كويس بس كبداية ممكن تلقى صعوبة فيهو ليييه ؟ لأنو بفسر بإسهاب بذكر كل أقوال التابعين و الصحابة الوردت في تفسير الأية دي فإنت كبداية حتحس بملل إنو يادوب أنا في تفسير أية واحدة لي صفحتين !!

ففى كتب تانية ذي ..

* الجامع لأحكام القرءان للقرطبي و دا حلو هو كتير شوية ما كتير شديد بس أبسط مِن ابن كثير و برضو فيه أثار و أحاديث ما ثبتت صحتها ( من الاسرائليات ) بس بذكر أغلب أقوال التابعين و الصحابة فى تفسير الأيات

* الطبري و دا كويس شديد مبسط و ساهل و مختصر و مفيد و واضح

* تسير الكريم المنان في فهم كلام الرحمن للسعدي و دا حلو برضو مليان و بسيط في نفس الوقت بس ما بستدل بأحاديث و مناسبات كتيرة للأيات بتلقى أغلب كلامه عام مقارنة بالقرطبي و ابن كثير بس الحلو فيه بعلق على الأحاديث في ياتو كتاب مِن كتب الأحاديث وردت و بعلق كمان إنو الحديث دا العلماء المحديث قالوا شنو عنو ذي الألباني مثلاً

* السراج في بيان غريب القرءان و أضواء البيان ديل بادية فيهم لي فترة بسيطة ما بقدر أفصل عنهم لكن ما وجدت فيهم إلا خير علم

* في كتاب اسمه الأداب الشرعية لابن مفلح ناوية برضو استصحبه إن شاءالله رمضان دا

في كتب تانية بس خليني احتفظ بها لنفسي الفترة دي لحدي ما اطلع عليها بتمعن أشمل و نتكلم عنها إن شاءالله بعد رمضان

أخر حاجة للناس المستوى قرأتهم في القرءان ضعيف مِن ناحية نطق و أحكام انصحكم بأيمن رشدي سويد عندو فيديوهات كويسة شديد بتعلم + في كتاب اسمه أحكام قرءاة القرءان للقارىء الحصري هو شيخ المقارىء المصرية فكتاب دا جميل و ساهل ممكن نطلع عليه و بنصحكم تسمعوا كتير و لما تتلوا أقروا بصوت مسموع لكم على الأقل ما بس تحريك شفاه رددوا وراء أيمن رشدي سويد و ركزوا في قرايته إن شاءالله ستتقن ما كنت تتلعثم فيه مرارا ❤

طيب في حاجة أخيرة عايزة أقولها لفتتني لها صديقة سألتني عنها قبل فترة بالنسبة لنا نحن البنات الله ابتلانا بأيامٍ معدودات لانقرب فيها الصيام ولا الصلوات طيب هل الصيام و الصلاة هم كل شئ مفروض نجتهد فيه في رمضان؟!

لا ..

فالصديقة دي مقلقة مِن إنو أيامها دي احتمال كبير تكون في العشر الأواخر و كلنا عارفين فضلها فالشيطان بقول لها إنو مهما اجتهدي في البداية الأيام السمحة حتفوتك فهي بتشتكي إنّها حاسة بفتور في العبادة مِن الآن!

عشان نكون واضحين يا جميلات ربّنا عدل ولايظلم ربّك أحدا طيب أنا لما ربّنا قدر لي الحاجة دي في الفترة دي يبقى لحكمة يعلمها هو وأنا لا فنرضى و نطمئن إنو النية واصلة لو لصيام أو قيام فنطلع مِن بالنا إنو ليلة القدر حتفوتني!

مين اللي غشاك و قال حتفوتك؟!

والله تفوتك بإرادتك لكن لاتفوتك مادمت تضعينها نصب عينيك حتى ولو كنت حائض!

أنا ممكن أصحي ثلث الليل أو لا أنام الليل قط ؛ أقرأ قرءان ؛ أدعي وابتهل أذكر الله وأستغفره وأثني عليه أبوح بالحب وأفضض تضرعًا .. أغسل بالدمع ثِقل أوزاري .. وأصلي وأصلي على الرسول حتى تطيب نفسي!

مَن قال إنَّ الليل إمَّا صلاة وإلا فلا!

اقيمي الليل يا جميلة بكل طاعة جآءت على بالك غير ألَّا تقربي الصلاة وأنتِ لستِ على طهر { و أنَّ اللهَ لايُضِيعُ أجرَ المؤمنين } ❤

و يعلم الله إنّي مثلك أخاف وكثيرات أمثالنا لكنّي قط لا ألتفت لأحاديث الشيطان حتى لايضيع مِني رمضان! غير إنّي أسأل الله أن يبلغنا ليلة القدر على طهر تام نصلي نصلي حتى ترتوي قلوبنا وتشبع مِن السجود وتطمئن به وماذلك على الله بعزيز❤

أقول قولي هذا و استغفر الله إن أخطأت مِن نفسي و الشيطان و إن أصبت فما توفيقي إلّا بال

له

ما تنسوا احتسبوا النية في أي عمل صغير و لا كبير دا ربّنا ما في أكرم مِنو ❤

عشان غسيل العدة ما يروح مغسة ساي!

و العفو منكم لو ما رديت على رسالة منكم أو سؤال في تعليق بس الضغط كتير شديد والله و بذلت كل جهد استطيع لأن لا تنام إحداكن حزينة ، على ضيق أو في حيرة مِن أمر فيه سألت!

{ إنَّما نُطعمكم لوجه الله لا نريد منكم جزآء و لا شكورا "9" إنَّا نخاف من رَّبنا يوما عَبُوسا قمطريرا } ❤

و إن لم نلتقي وأذاقنا الله مِن كأس المنون شرابه .. فعفواً جميلاً صِحاب 🌸

والسلام!

#ترتيل_الخزين

طويل لكن ضروري تقروهو ♥️

حب كبييير للزعل🖤 وللناس البنزعل منها🖤 وللناس البيزعلو مننا🖤 لانو لو ماكنت بتحب الزول دا وتقدرو ما كنت زعلت منو🖤 ولانو هو ما زي كل الناس بتعتبرو زول مميز في حياتك 🖤 عشان كدا بتزعل منو 🖤 يعني عادي جداً لو زول تاني غلط معاك نغس غلطتو دي ولا بيهمك اصلا وعادي جداً بتتجاوزو ولا بتدي الموضوع اهمية لانو ما كل زول بيستاهل نزعل منو 🖤 يعنى لما تلقى زول زعلان منك اعرف انو خاتي ليك مكانة كبيرة فـ حاول اعرف بكل الطرق سبب زعلو شنو وراضيهو 🖤 لانو لو بيعتبرك زيك وزي غيرك ما كان جا وقال ليك انا زعلان منك كان عادي جدا بيتخلى عنك ويقول هو الغلطان 🖤

‏"وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ"

‏تُؤذيه الكلمة الجارحة
‏ويضيقُ صدره بالقول السيء
‏وهو نبيٌّ
‏فما بالك بمن هم دونه
‏فسلاماً ثم سلاماً ثم سلاماً
‏على الذين يختارون كلماتهم
‏كما يختارون ملابسهم
‏لأنهم يعرفون أن الكلام أناقة أيضاً ! ❤️

شكلي لمن يصحوني واقعد انتظر السحور 🌚🐣🐣

‏واللهِ لو قِيلَ لأهلِ القُبُورِ: تَمَنَّوا ‏لَتَمَنَّوا يوماً من رمضان ♥️🍃
~
ابن الجوزي